1樓冰室 (谷亭街)

营业中

休息中

之前兩場金塊對木狼，幾乎要剪波衫嘅級數，突然第3場醒番，大快人心佢份量以早餐來講唔算太大，雖然餐牌寫到龍飛鳳舞咁，但其實蛋放咗喺碗麵入邊，碗麵都係普通份量嘅米線，牛肉都不怎麼多米線份量就唔多，亦都不大彈牙感覺，軟綿綿的一大碗米線，沙嗲牛肉的份量亦不太多，偏向鞋身，你可以話佢冇乜用梳打粉去醃嘅；沙嗲味道都充足，因為內裏有一點沙嗲醬，以及混入了少許花生，味道尚算香，不過還是普普通通，不見得特別出色。所謂的炒滑蛋亦都只係大大塊四方形嘅炒滑蛋放埋喺湯入邊，那邊會比較熟，熟得滯就梗係冇咁滑其實個餐包本身都算係質素唔錯，烘熱了軟綿，如果將呢個炒蛋放喺餐包隔離，又應該會更上一層樓啦。奶茶味道都是普通，茶味不算特別出眾。老細都算係正面，幾好禮貌嗰種。睇餐牌吸引，內進試早餐都是麻麻，叫做唔使$40 有個早餐還可接受

出錯餐，叫意粉比飯客人，有單有據職員不認錯，為免即場衝突，唯有忍，食物味簡直垃圾，價錢貴，份量少，假日中午客人少但上餐時間亦很慢，似乎唔合理，原來客人少有原因。幸好我第一次來，不會再幫襯，今次當我時運低，附近多嘢食，還有好多選擇，希望不再有人中伏。

中午喺元朗搵食，行去谷亭街，就見到一樓冰室！見佢啲午餐都幾平，咁你入去食啦，好有趣午餐係可以選擇糖水或者係熱飲！咁當然就選擇糖水啦，咁簡單地選擇咗一個豬扒煎蛋米線加雪耳木瓜糖水；嚟都個豬扒冇分開上，就一個敗筆，雞蛋都仲有少少燶邊，都仲可以！米線就算林滑；反而雪耳木瓜糖水就有個驚喜，唔算太甜，食落都幾潤喉！簡簡單單咁就食咗一餐呀！呢度都坐得都幾舒服，招呼都算可以，以普通茶餐廳來講，一個簡單嘅午餐食堂尚算合格！

剛去了影青龍灣限定青苔日落，但天清只有太陽有點失望，回來元朗是因為要再入八鄉影月出，本來想食勝利牛丸，但收左，咁去返呢間常店，因為都乾淨企理食物ok.朋友叫這個，我忘了是不是霸王雞，海蜇估唔到好食，雞入味，就連菜都好好食，好清甜.由於我肚餓但又沒什麼胃口，所以叫了這個，雞扒煎得很香，好食嘅，但羅宋湯就有點稀，所以食通粉時就唔夠入味.推介大家食佢個雞套餐.

這間常常去，因為近搭車點，又多數有位不用等，很餓，所以要找間茶餐廳快吃再去影相.看到隔離吃著鐵板公仔麵覺得好正，看了下午茶menu就直接叫了.我食鐵板牛柳絲公仔麵，朋友食豬扒.雖然減肥但實在太餓又太香，我一口氣清了😝😝😝是日減肥失敗……

有時收工唔知食乜，最近試咗屋企附近嘅1號冰室，其實都幾多選擇，但因為本身好鍾意食米線，所以比佢個麻辣醉雞米線吸引咗，佢個麻辣湯底好正好入味，唔會好辣，但對於鍾意食辣嘅我嚟講如果辣啲會更加好，但最貼心嘅係佢嘅醉雞同米線係分開嘅，個醉雞都好入味，雞都好滑。另外咖哩鴛鴦扒，（仲有個羅宋湯），味道都唔錯，不過如果咖哩執多啲會更加好，整體來講都唔錯，下次一定會再encore個米線😋其實佢哋菜式都好多選擇，下次會試埋其他茶餐小食或小菜

我從來未想過用錢來買垃圾，之前堂食都冇乜問題除咗上餐超慢，今次下午茶外賣焗豬飯，那不是豬扒，是豬的頭頭尾尾，”豬扒”仲要紙咁薄！啲飯都唔係原兜焗出嚟，博人哋食唔出咩，又太多汁，個汁仲喊到食完分分鐘要去洗腎，食咗少少已經頂唔順要成兜掉咗佢。我都覺得點解咁快可以取餐，原來都不是”焗飯”! 佢係將隔夜飯同頭頭尾尾的豬肉片再加超勁鹹的蕃茄醬擺落個兜度焗一焗，搞掂！成件事好失望！叫正價焗豬扒飯應該係真正嘅焗豬扒飯掛，但係咁樣做生意叫人點樣再幫襯你？$47換來永久black list值得嗎？

做完身體檢查 好餓但係又只想食早餐 眼見11點已經冇乜餐廳有提供早餐眼前見到依間1樓冰室 仲有供應早餐就嗱嗱聲入咗去坐😌其實佢早餐嘅選擇都好多吓我都揀咗一陣先落到決定雖然多 但係如果佢可以有更多款嘅追加優惠會更開心🥳因為好多時 每樣嘢都好想食 但係又唔想叫兩個餐😹最後選擇咗經典早餐嘅D餐榨菜肉絲湯米粉配日式煎餃子加鮮油餐包煎餃子我嫌佢略為過燶 同太乾不過好彩唔算太油餐包就不作評論 反正唔係自家製奶茶味道都唔錯 值得一試最令我驚喜嘅大概係呢碗榨菜肉絲米粉本來以為只會係好普通 但係真係煮得唔錯米粉唔會煮過龍 👍🏼榨菜肉絲眼見好少 但係其實碗底仲有好多 配菜有一條菜心 仲竟然有一舊白蘿蔔！白蘿蔔仲要無根同埋好林🙀不過最值得改進嘅地方其實係防疫措施雖然而家確診個案唔多 但係都唔會想係一張細細的二人枱同陌生人搭枱仲一啲隔版都冇😵好擔心對面食麵嘅時候 會噴到我

今日有事一早起身外出，差唔多下午1點幾先返到入元朗。由於尾站仲要先去馬田路嗰邊，所以決定順便於大馬路附近買埋外賣返屋企同家人一齊食。平時都有留意1樓冰室呢間餐廳，不過見到評價好似麻麻，所以過往都無幫襯過。今日見諗唔到食咩好，所以就決定試下。叫咗個越式葱油豬扒套餐及沙嗲牛肉公仔麵餐。2款食品的味道都唔錯，不過係鹹咗小小，但唔算嚴重，如果可以淡番啲會更加好。個豬扒套餐份量都幾大，同埋葱油好香好易送飯。公仔麵餐可以多番小小牛肉，火腿炒蛋唔錯。

1. 冇認真檯與檯之間嘅防疫2. 食物質素差，不新鮮。3. 食物味道唔得。海南雞，雞肉一啲都唔滑，而且淋左一堆蔥和好似蠔油咁嘅嘢，真係好難食。湯又好似不斷加水和鹽嘅湯最重要係，好多烏蠅周圍飛，我點解會用61蚊食左個咁難食嘅餐😭😭😭😭😭

我唔係住呢邊，咁啱今朝有事要入元朗，係附近搵早餐食。係門口睇到覺得好似幾光猛幾乾淨，就入去試下。叫左個餐之後，同侍應講想要多張紙巾，我想用黎包住塊口罩，最後都係俾得一張，同無問過係無分別。個餐黎到，賣相超差，我要炒蛋，我覺得呢塊係煎蛋，同佢餐牌上寫嘅炒滑蛋真係差好遠。個餐包已經細個，仲要壓扁左。塊雞扒又細塊，仲要淨係睇都知入面好老。雞扒唔juicy，好實，唔香。另外加左塊魚柳，係賣相最正常嘅。口感一般，當街邊小食都還可接受，無魚味，勁重油炸味，好彩啲炸粉唔太多，唔硬唔拮口。但失望在於佢餐牌係寫住招牌吉列魚柳餐，我先至追加一份吉列魚柳。杯奶茶沖得唔錯。咁就51蚊服務2星食物2星 價錢1星

同朋友去完南生圍 出返嚟都七點晚飯時間，搵餐廳食嘢，但行到太攰唔知食咩好，所以我哋是旦搵間茶餐廳食飯算了見依間樣子幾靚咁所以入左嚟值得一讚嘅，係餐廳啲侍應呀姐非常之有禮貌，服務好周到態度亦好好我同朋友諗左陣， 決定食常餐～因為個餐牌實在太多選擇乜都想試，乜都想食我叫咗個沙爹牛肉公仔麵碗凍檸茶朋友就叫咗個榨菜肉絲米粉真係超大碗， 比我想像中更加大碗 ！幾驚自己食唔曬，好彩實在太肚餓所以好快清曬成碗麵啲麵嘅沙嗲味好香， 恰到好處幾惹味吓，好中意食沙嗲味嘅野 牛肉亦都好腍，腍到唔洗點咬直接吞咁濟 唔會話太韌咬唔到，得一片肉咬到有d渣 只係略嫌有少少醃得唔夠味，淡左dd同埋如果再多幾塊牛肉就好我覺得份量少咗dd咁，不過勝在夠大塊可能係因為 依間茶餐廳係標榜少鹽少糖餐廳， 所以佢啲滑蛋味道好淡冇乜味，我要落啲鹽先食到不過炒得真係好滑吓，唔錯嘅都～值得一讚嘅係佢嘅火腿，好鬼大塊都幾厚下，而且好好味，好入味呀！食完一片會好想食第二片嘅果種好味唔夠喉哈哈，食埋個麵包剛好夠飽了個包就麻麻，有d硬，難咬凍檸茶 一樣都係少糖，所以唔算話太甜 不過對於減緊肚腩嘅我嚟講，都好嘅飲少d咁甜嘅嘢本身我哋想食埋個糖水

是日晚餐，50蚊包例湯熱飲，好抵食香茅豬扒肉燥大碗飯+台式叉燒炒肉燥飯肉燥份量多，碎肉以瘦肉為主，加埋少量冬菇，更加香口醬料略為濃味，有小小咸豬扒同雞翼尖煎得夠香，但叉燒就有少少燶左不過個例湯好飲，係夠火候既老火湯--P.S. 呢間餐廳選擇好多，除左台式、越式野食，仲有鐵板餐，價錢都幾抵

1樓冰室有別於一般冰廳，菜式充滿東南亞風味，除炒粉麵飯之外，仲有喇沙、越南PHO、泰菜。午餐-星州風味喇沙豬軟骨米線，肉身入味，份量上乘，配有蘿蔔、豆卜芽菜。令人食唔停口，而且飲品可加錢轉糖水解暑，選擇繁多。特別一提，店員會為客人提供口罩紙袋，衛生又細心！

餐廳裝修竹蔟新，有做足1.5米防疫措施，點菜後為食客提供紙袋裝口罩。豬軟骨魚餅冬蔭公米線-配飲品午餐 $46豬軟骨有5塊夠份量，魚餅亦十分可口，冬陰公湯底香濃又有辣味，配菜更附上蘿白豆腐，份量十足之餘又夠惹味！期待下次光臨