101台式休閒餐廳 (千色匯) (已結業)

話時話，我未去過台灣 101 架喎⋯⋯我係指果棟摩天大樓呀，當然，如果呢間餐廳係台灣有分店，我都未去過。講返呢間餐廳，開正係千色匯II 地下。超旺場，唔知係唔係最近新開既呢？太耐無落荃灣啦，以前係「味1k 拉麵」個位。但地方好似細咗。望入去好似「大 carol」格式既快餐，但枱面有電磁爐喎，睇下啲食客，有啲就一鍋鍋，有啲就一碗碗。再望望個餐牌，係有滷肉飯既，台式餐廳又點會冇滷肉飯呀⋯⋯叫個火鍋試試先，佢個鍋平底既，開頭睇佢冇乜水，啲餸係面鋪滿晒，但煲到咁上下，彈湯喎⋯⋯啲餸係豐富既，而且唔貴，我最欣賞係佢個手工拉麵，索咗啲湯，少少辣又帶少少甜。佢個肉燥飯都唔簡單，大大碗都只是係$47。飯多，餸又多，仲鋪咗好多紫菜絲，正。不過揸車既就有利有弊啦，皆因要等位，都去咗十幾分鐘，$200 先有 free 1 hr。兩個人食飽都唔過 $200。但好在星期五晚都有車位既。

Happy Friday 又想食好啲，可惜糧尾又唔想吃得太貴，路過荃灣看見這間新開的台式食店，從玻璃櫥窗看進去，原來有小火鍋，再看看餐牌，價錢實惠，就試試新店吧地點就在千色店對面，非常便利，未夠七時已全店滿坐我們取票後等了十分鐘左右便可入座，原來有網上取票系統，挺方便呢門面的餐牌圖文並茂，連價錢也清楚例明，小火鍋也只是七十多元，很超值跟餐加＄13，可以點這杯台灣特飲，香芋雪香！香芋味濃濃的，好喝！選了麻辣䐁肉小火鍋，值得一提，上菜速度非常快，點過餐後數分鐘，已經上菜！可以開始烚烚吓了！目測火鍋很足料！全鍋滿滿的！有豚肉，包心菜，豆卜，紫洋蔥，金菇，魚腐，黑木耳，粟米和蕃茄片跟火鍋的台灣手工拉麵，用很大的碗盛著！湯底鮮甜，湯一滾起，麻辣香味撲鼻，我選了小辣！如果嗜辣者可挑戰大辣！魚腐鮮甜彈牙！豚肉，久煮亦不會鞋，吸了湯的精華，豚肉既香且甜！非常好吃！黑木耳口感爽囗滑順！而且能降血脂和膽固醇極推介此台灣手工拉麵，口質順滑彈牙！寛度剛好，與麻辣湯底融和度非常高，果然沒選錯麵底！最後吃擺其他食物的湯底甜度爆燈！結果全鍋吃得一乾二淨，滴湯不留

9:30pm後想搵間企理乾淨又唔趕客走而有d特色嘅餐廳並不多! 行出地鐵站想近近地搵間快食，就比我搵到呢間101! 最正係9:30pm後佢地有宵夜供應，(佢地下午茶同宵夜同一餐牌)，由於都夜及又唔想食得太飽(但唔食嘢又唔得)，所以我地點了粉麵為主! 亞仔點了清雞湯鮮蝦雲吞米線，我點了三杯雞麻醬麻辣涼拌麵。 碗米線個湯底好正，有啲藥材味又有紅棗杞子! 至於我嗰碗麻辣涼拌麵，好重麻醬味 ，d雞都好入味，我略嫌麻辣不夠麻辣 ，可能我一向都食得好辣連埋熱飲，兩人埋單先$75，抵👍👍

今晚2個人叫咗兩個火窩，食到一半 ，隔離枱入了三個小童兩個大人， 而我 側邊有一張櫈， 因為身上有好多嘢剛好用來 放手袋背包， 想安好咁食一餐睌餐，侍應已經幫佢哋兩張枱拍埋一齊佢哋都話唔夠坐 ，還要攞我放袋嗰張凳坐， 等佢一家安安樂樂食飯 ，而令到我要好狼狽咁夾住背囊同埋手袋食一餐晚飯 !而佢哋張枱已經係全店最大張 ，有一個小童喺我身邊 踎喺度 畫畫仲放咗幾個書包， 咁可唔可以叫個小童唔好霸住個位 畫畫，書包放好啲就夠坐，根本唔需要 攞我張凳， 如果真係唔夠坐攞走張凳係好小事冇所謂， 事實就係夠坐都要攞我張凳 令到我食得好辛苦咁食一餐! 呢啲係咩服務？以後我都唔會再幫襯! 喺度奉勸各位 想食一餐安樂飯， 又唔會將個位調嚟調去 遷就其他客 就唔好幫襯呢間! 呢啲咁衰嘅食評，都係我第一次寫!冇下次!