101手工涮涮鍋 (已結業)

今次同朋友約左試手工涮涮鍋，上樓梯一見到佈置覺得幾精緻，牆身設計有心思。店面唔算好大但座位夠哂闊。有圓形大枱，也有卡位，坐得舒服。前菜有兩款，可無限追加，幾開胃，麻辣的程度適中，做前菜非常適合手工麻辣麻醬手撕雞（微辣）秘製蓮藕點左個台灣三杯雞味鍋底，雞肉好入味肉幾嫩滑，其實個鍋很大，而湯底已經有很多材料手工火鍋拼盤幾有創意，有墨魚汁鳥結糖、黑松露蟹子海鮮軍艦、黑松露蟹肉餃、安格斯霜降牛丸、黑松露芝士豚肉九，三重芝士鮮製蝦丸、三重芝士鮮製墨魚丸、太極冬菇~~~全部都係手制，好特別，黑色墨魚丸做成鳥結糖形狀，好特別所有手打丸都有加入到黑松露味，黑松露豚肉餃子好有驚喜，內餡滑之餘有淡淡黑松露香味。口感係細緻又香口，每款都係真材實料，尤其是丸類，唔係出面食溝好多粉個種。好味道值得推薦！響鈴就咁望落已知是自製的，同埋即炸，好脆口，條響鈴有成隻义咁長架~咪講笑，最好趁新鮮炸起食，炸魚皮好脆好似厚但不油膩的薯片，浸完湯仍然保持到脆。落湯浸3秒起撈即食一流，又係好脆好吸汁，食一條份量好似平時的三條，呢個好回味。豚肉雪花分佈平均，肉質鮮嫩唔覺肥，2人份量黎講都好滿足既多，唔會食完覺得唔夠喉另外海鮮拼盤可

朋友揀左哩間任食嘅台式手工涮涮鍋一齊Happy Friday！講得「手工」，果然好多配料都以「人手製作」！別具心思湯底有10多款選擇，最後我地叫佐哩個⭐️小辣嘅「三杯雞湯底」！湯底惹味又鮮，煲佐好耐都唔會好油！⭐️牛肩脊肥牛片牛味濃郁，脂肪分佈均勻， 口感嫩滑⭐️手工火鍋併盤全手製併盤，更加豐富！特別欣賞 黑松露海鮮軍艦 同埋 3 款手打丸！手打丸 肉味夠，非常新鮮，彈牙十足！海鮮軍艦，黑松露香味濃郁，估唔到哩個配搭又幾夾！另外，即炸嘅響鈴同埋魚皮真係十分推介非常鬆脆又大件！配埋三杯雞湯底，浸一浸即食，非常好味！一上枱，我地就極速清哂！都唔記得影相。今次Happy Friday 真係好滿足！下次會再Encore！

是日正日生日，晨早流流就痴實男朋友仔，又係佢公司打躉，又搵佢陪我食個午飯長跑，到佢放工果陣，就去左101手工涮涮鍋食野。我地本身訂左8點45分嘅檯，後尾早左到，就問下前檯位靚女有無得早d入，靚女姐姐見我地咁有誠意，又係生日飯。於是，就好好咁提早安排我地入去。坐低無耐，靚女姐姐突然拍一拍我膊頭問我，你係咪今日生日呀？我話：係呀。佢就突然係身後拎左枝花仔出黎！嘩！禮物一定唔係貴嫁啦，但物輕情義重，好有心呀。生日個位大哂，所以無睇過餐牌，等男朋友拍板。未上鍋先有前菜，醫下肚。都幾貼心。嘩嘩嘩，主腳紅燒牛肉火鍋，非常快上檯，湯未滾都偷飲左啖！嗯！！湯頭非常好飲，牛肉煮得嫩，而食材都幾新鮮。牛牛唔洗講，睇紋路就都知靚野。呢盤望落樣樣都唔似街邊價，是關佢真係款款都係手工整，全盤都好食，但最要讚嘅係兩粒餃，我地因為吹水都唔記得食野，但兩隻餃d皮都無融無剩，而且入面好香杜露味！心心眼。男朋友食魯水盤，是關我唔食內臟，所以我只係偷食左粒蛋。男朋友貌似唔鐘意食，仲話放落去烚好食d！響鈴好食，超索味。唔鐘意飲愛芒果茶，太甜lo。

放工同朋友去咗尖沙咀扮靚靚時同果度嘅員工講開台灣美食, 佢就介紹咗我哋去厚福街嘅101手工涮涮鍋, 話食物唔錯, 服務又好! 既然我同朋友都未試過嘅就梗係要去試吓啦！一去到就同接待員登記, 佢好快就安排到張檯比我哋! 未入到去已經見到有個職員等緊我哋, 而沿途每一個職員都會主動同你打招呼! 感覺良好!我哋點餐時有很多問題問, 職員都耐心一一解答, 湯底嚟到時又會主動介紹個食法! 服務真的如朋友所講的好👍食物方面, 前菜可無限添食的! 而湯底我哋揀咗個清清哋嘅冬瓜卜卜蜆海鮮鍋! 火鍋材料豐富, 湯汁鮮甜(個人喜歡打邊爐前飲一飲個湯底先的), 裡面有個冬瓜圈, 煮大概15分鐘左右職員會主動問需唔需要將冬瓜起肉! 我哋每人加$30 要咗個海鮮拼盆, 海鮮有珍寶美國桶蠔,海蝦,馬刀貝,卜卜蜆! 海鮮夠新鮮同大隻, 幾鮮甜! 套餐每兩位可揀一款肉類(牛頸脊肥牛片/黑毛豬頸肉/黑毛豬肉片) , 我哋就揀咗豬肉片, 肉質好嫩滑, 好香豬肉味🐷, 我一路食一路讚好食到想再加購多一碟101特選手工火鍋併盆會有八款食物, 每人會有1件, 每款食物都好新鮮, 丸類夠晒彈牙爽口! 墨魚汁鳥結糖係由墨魚滑+雞軟

夏天都係打邊爐嘅好日子，去到呢間餐廳，火鍋套餐選擇多，一定啱晒香港人口味。首先有叫左呢個冬瓜卜卜蜆鍋，蜆肉數量十分之多，而且每隻蜆肉都夠飽滿，加上冬瓜係火鍋材料之中，湯底夠晒鮮味。接著有呢個海鮮拼盤: 有新鮮蠔隻、生蝦、馬刀貝，蠔隻上枱時已經聞到陣陣鮮味，放入湯中，更係啖啖鮮味滿足。而馬刀貝亦係份量十足，飽滿之餘亦彈牙具咬口。手切安格斯肥牛片，脂肪比例分明，入口既有牛肉肉香味道，亦有嫩滑口感，係滾湯中大概30秒即刻食得。而手工火鍋拼盤，食材就更加豐富，有太極冬茹、蟹肉餃、芝士墨魚丸、蝦丸、霜降牛丸等等，保證大家一定夠飽。而各款手打丸極為出色，絕對唔係平時啲打工食品，而係食到豐富嘅肉味，彈牙十足，加上芝士嘅點綴，味道更有層次。而新鮮即炸嘅響鈴、魚皮，亦係打邊爐必點之選，件件份量都唔細，而且香脆無比，浸一浸湯底吸收精華，非常之好味！最後有青蘋果可樂沙冰，冰涼感覺，加上青蘋果清新味道，最啱夏天飲。而紅棗雪耳涼粉，甜味適中，加上涼粉爽滑口感，一人食一客就最滿足。

野飲隨左酒類加錢其他任叫珍珠香芋、無咩味、珍珠多、但太硬可能未熟、沙冰就一般但出去散叫都$48-58@朋友叫青蘋果話似藥水味反正有得任飲珠奶好chill食物好多都正：芋圓、湯圓、大響鈴、芝士丸、烏冬、湯底（辣顯肉《好香、冬瓜《清甜、三杯雞《一般、但都有雞肉食、滑既）、送既非任點豬肉片無咩味、有海膽丸夠濃幾香。結論係任叫都唔會太多飛單情況、食材正、同埋食完唔算太臭、可能我地坐房又可能餐廳抽煙系統ok

假期後遺症 完全返工等放工放工拿拿林走人+搵好野食同老友走左去101涮涮鍋 食餐勁嘅果然係極上吃到飽 好多野食㨂左香辣卜卜蜆涮涮鍋 又真係幾多蜆喎重有好多豆卜 蘑菇同埋娃娃菜 飲左兩啖都幾甜卜卜蜆入口鮮甜 又無沙 好正 個底重有冬瓜添之後店員重幫我地起左個冬瓜 好細心啊之後跟餐嘅海鮮 有蠔有蝦又有蜆肉方面當然唔洗諗 一定係牛頸脊啦啲紋靚到 入口有牛味 而且嫩滑重有滷水拼盤 乜都有啲 滷得好入味不得不提佢地嘅炸魚皮同響鈴 好脆同好大舊重有大大杯嘅飲品

自從在台灣吃過無老鍋，一直念念不忘，也明白為何台灣火鍋這幾年不斷興起，就是不同的味道。今天，與朋友相約到尖沙咀吃這間101涮涮鍋。我們大概六時半到達，不用等位，但到了下班時間，人潮續漸湧現，想吃最好都係book定位較好。座位寬敞舒適。我們選了非常抵食288套餐，喜歡啤酒的朋友，在9時後入座可以免費任飲！最適合同朋友食宵夜談心。調味醬料種類多，一點也不馬虎。前菜有木耳和蓮藕，加了醋，酸辣醒胃，還可以無限進加，不過我們要留肚食其他，淺嚐即可。湯底方面我們選了台灣香辣三杯卜卜硯，可選辣度，我們選了小辣，吃得輕鬆，下次可以挑戰下中辣，與其他食物相比，湯底味道似乎不夠驚喜，但十分足料，有卜卜硯，墨丸，豆卜，娃娃菜，鴨血，秀珍菇等，淨係食湯底配料都飽了三成，卜卜硯較細小，煮熟要即食，煮得太耐就會影響味道，鴨血嫩滑入味，墨丸彈牙，娃娃菜盡吸湯底精華。食完湯底配料，終於到今日重中之重！話明手工涮涮鍋，怎可以沒有手工配料，我們揀了101特選手工火鍋拼盤，會因應人數位上，我認為這個拼盤是今晚的亮點。101特選手工火鍋拼盤共有8款，每款都別出心裁，吃得出廚師用心製作，食過翻尋味亦可以再散叫。墨魚汁鳥結糖最愛

普通火鍋經常都食, 今次試試台式手工涮涮鍋。原來手工的意思, 指有些特別, 獨家制的餃子/手打丸等的食物。主要是以上的這些, 人頭上, 每人一款。(以上有四人份量)黑松露蟹肉餃又真係幾好味~墨魚汁鳥結糖也很幾特別。最重要的是每2人送一碟"安格斯肥牛片, 或西班牙黑牛豬肉片, 正!仲有呢個人頭上的響鈴和魚皮~以上都係唔可以免費再叫的, 除此之外, 其他火鍋料和飲品都可以任叫!沙茶雞涮涮鍋, 正!冬瓜卜卜蜆海鮮鍋, 正!香芋珍珠奶茶, 正!其實飲品任飲都好正, 不是一般火鍋店的罐裝飲品, 真係好多款, 杯杯都好有特色的飲品。 出面飲每杯都要$30, 但我飲左三杯不同的飲品, 有熱有凍。朋友叫左4杯, 出面起碼要$120。XD食飽仲有甜品送~!雖然這個甜品...老實說是一般, 但送的, 還要求什麼。有甜品, 一餐就圓滿了!其實其他任叫的火鍋料, 不能一一盡錄, 但味道都不錯! (推介長蟹柳!XD)所以, $330任食任飲, 又有特色食手工丸, 特色飲品, 加上店員態度都好好, 值得推介的一間火鍋店!

呢篇已經是我的午餐系列的第六篇，希望可以堅持寫下午。很多人會懷疑，只有1小時的午餐時間，要走去烚吓烚吓，是否真的是不可能的任務呢？今天我就來挑戰一下😊玩法是這樣的 - 先在order紙上選了1款湯底、1款麵底及3款配料及1款飲品，盛惠$48元，沒有加一小費😍我用了3分鐘選擇食物，入單後大約8分鐘火鍋送到。我選了台灣腸、白蘿蔔、蟹粉丸，蕃茄湯底配台灣渝川拉麵，飲凍蜂蜜綠茶。大約10分鐘後，看著鍋裡的食材漸漸變色及變軟，就知道可以起筷了。台灣腸味濃，好味，蟹粉丸和平常吃的沒分別，台灣渝川拉麵是有點扁身，有點厚的麵條，吸收了湯汁，好好味。再飲1口冰凍蜂蜜綠茶，很滿足😊飽餐一頓，看看錶，還剩10分鐘。1小時火鍋，任務完成👍

友人建議食台式火鍋，最後選擇了多間分店的101涮涮鍋。我們6點便到了位於尖沙嘴的分店，剛剛開門🙈我們是第一台客。店員好有禮貌地帶位，和介紹餐版：我們叫了卜卜蜆湯底，小辣先落醬料，然後會收起。湯底已經超足料，有墨丸，菜，鴨血，少量海鮮等等。餓餓的已經可以先吃牛頸脊肥牛片，好好食，只有一碟，但兩個女生還是超夠吃的。後面是手工火鍋拼盆，手打芝士黑松露墨丸等等，好特別！味道還是真的吃得出來，驚喜超級巨大珍珠奶茶，還好人頭運海鮮，挺新鮮喲我們都吃光了，還有叫任叫的配料，好飽呀！！！響零是自家很，又是超巨大！脆脆的！珍珠奶茶喝光了！再叫茶消滯最後還有甜品哦～可以照片只能放12張😂😂🙈🙈🙈

識打既，梗係最熱先黎打邊爐。打完真係打唔返轉頭近排日日都30幾度，梗係要去打邊爐啦。相約友人係位置方便既尖沙咀既101手工涮涮鍋。門口及帶位既侍應姐姐態度親切，值得稱讚，跟住經理即問要唔要叫左野飲先，可能佢見到我大汗疊細汗，所以即刻叫返杯巨峰提子冰加可樂，真係透心涼。然後侍應姐姐就遞給我們小食及九宮格配料，野食黎得好快，主打梗係牛肉啦。佢地d牛肉真係好多雪花，加埋惹味湯底，真係無得彈。蜂巢豆腐唔係度度有, 今日揀個三杯雞湯底味夠濃, 用黎配蜂巢豆腐素哂湯底先食正到不得了; 另外不得不提既係佢地成隻筷子咁長既蟹柳，真係好鮮甜，肉質彈牙有咬口，唔會一咬就散哂。仲有就係佢地既響鈴，成支500ml既飲品咁大支，第一次見到時真係有d嚇親，建議唔好浸太耐，爽爽地最好食。佢地既手工野都好好食 : 魚皮餃，黑松露餃子，魚肉攘豆卜，仲有幾款手打丸都幾有特色，可以一試。食飽埋單仲有甜品送，香芋味奶凍。是日大滿足也。 

三個月前厚福街食完西餐，經過101手工涮涮鍋， 多口講咗句話食過兩次都覺得幾好食，結果就自然成為一班老饕出嚟滾嘅好藉口。 不過最有趣嘅係一眾飯人揀響酷熱天氣警告下食火鍋，話易啲訂位喎揀好香辣三杯雞涮涮鍋湯底後剔咗念念不忘嘅即炸響鈴、火鍋冇可能唔食嘅安格斯肥牛、仲有桶蠔、海蝦海鮮拼盤依度嘅沙冰同埋冰茶特飲，非常好飲！熱屎辣辣降溫消暑, 正放滿一檯都係新鮮配料就先品嘗勁入味嘅三杯雞，既鹹且香又惹味嘅三杯雞做前菜，一入口就刺激味蕾，立即胃口大開第二個急不及待要食嘅就係響鈴；呢度響鈴嘅香濃黃豆味就算放入香濃湯底一樣掩蓋唔到，鮮炸除咗脆都唔會有放耐咗嘅油益味墨魚汁鳥結糖亦都係呢度嘅特式食品，第一次來食嘅時候的確畀佢鳥結糖嘅外型引起注意，食咗幾次餐廳亦都保持到鮮、脆、爽嘅口感及味道其實除咗鳥結糖，依度嘅牛丸、墨魚丸、蝦丸一樣好味。 火鍋嘅靈魂牛肉亦個個一樣食得津津樂道，每口牛肉脂肪香味都充斥住口腔三次黎食大約平均三至六個月一次, 但水準一D都冇變, 而且服務態度超好, 個個員工都非常 friendly , 可以欽點成為打邊爐既首選餐廳 

呢次無乜影食物，睇餐牌就知有咩食佢地食送一份牛脊肉，好厚肉。叫左三杯雞，食完d雞都好飽。仲有手打丸同響鈴，全部都係推介主打既食物。個人鐘意食菇，雲耳，配茶不算多選擇，但一定食到飽。仲有好多台式特飲任飲，好正！

今晚我們大約九時一行五人101手工涮涮鍋烚下湯底選了蜆 三杯 蜆肉 涮涮鍋，湯內有少量鴨血，豆腐之類，如果多一點就好了。（本身實在很愛吃台式火鍋的鴨血）先來了一碟新鮮炸起的響鈴，脆得很，沾一點湯，非常開胃。另外，跟餐的牛肉也不會太老，其實丸類，餃類也不錯。餐內食物較少蔬菜類，所以追加食物中，菜類較多，可以平衡一下。飲品方面，101 /沖繩啤酒，可無限添飲，三五個己，真正一樂也。若果不喝酒，也可以點盆栽奶茶，肥肥矮矮的杯，加上裝飾，真的蠻像盆栽的。值得一提，一位佢吖俊店員也很有禮貌，大大加分呢 咁我哋坐卡位 我真係好不小心 跌了 銀包卡位側邊 門罅， 好彩吖俊 佢唔知喺邊度攞咗個衫㗎出嚟， 幫我搵返個銀包， 佢都搵咗好耐， 終於搵到出嚟 見佢成身濕曬 啲汗係咁流， 真係要唔該佢， 跟住我就問 我想表揚你 佢回覆我 話唔使最緊要我地食得開心。所以下次一定會嚟