101手工涮涮鍋 (已結業)

海鮮蜆湯底，有白蘿白，娃娃菜，卜卜蜆，冬瓜同洋蔥少量菇。加錢加蝦同蠔，蠔都好大隻，蝦就普通啦，本身跟咗d餃同丸，仲有牛肉！佢個前菜麻辣木耳超好味，我食咗成5碟仔都有😋佢其他配料可以無限任叫，早知唔使另加其他野都夠晒飽，有限時間離座，服務員唔錯

難得假日，本人妻梗係又要出動喇。 平時做嘢咁辛苦今日決定食貴啲，不過食貴啲嘅竟~~~~~~然~~~~~~係~~~~~~邊爐!!! 一到reception等咗一陣嘅時候，靚女就會拎張雞乸咁大嘅食物紙畀我哋睇， 我望到張字嘅時候真係忍唔住噗一聲笑咗出嚟， 心諗： 佢哋真係驚我哋返工做嘢太辛苦眼矇會睇唔到， 好貼心。 一入到去間舖嘅時候覺燈光都好舒服，唔似平時港式邊爐鋪咁一味係白光咁剌眼。 同樣地因為我第一次食嘅關係，會有個靚姐姐過來介紹有啲咩好食同埋應該點樣order食物， 都係好有服務態度嘅表現。🤗🤗🤗🤗 講下個前菜先， 一來到我哋會有涼拌雲耳同埋手撕雞做我哋嘅前菜， 兩樣都係比較大眾化口味嘅前菜嚟嘅， 一樣清爽，一樣有少少偏辣， 一爽一辣咁樣刺激我哋嘅味蕾，等我哋陣間開曬胃口。 靚女仲好好咁樣幫我哋準備咗一個配料拼盤位，畀我哋隨便任整， 佢啲料真係好多㗎，我都忍唔住加咗唔少☺️我哋就嗌咗呢個沙茶雞煲做湯底， 係一來到時候我真係忍唔住嚇咗一跳， 我原本以為只係沙茶味嘅湯， 點知佢入面既然係我好濃濃嘅沙茶香再加極大量嘅雞件， 最重點係啲雞件係好滑。 呢樣就真係完全想像唔到！！

厚福街食肆立林，朋友就偏偏揀著打邊爐任食幾乎每個禮拜都會打邊爐既我內心已經想爆粗，點解無講打邊爐除外，可惜係我叫朋友揀，唔想佢揀完又被我拒絕，反正未食過既餐廳都未嘗不可侍應先問有冇食過，冇食過就會詳細介紹，海報咁大張落單紙，第一就要選擇湯底，主要台式風味為主，清清地就揀咗冬瓜卜卜蜆海鮮湯，個鍋已經裝滿材料，色彩繽紛鮮味十足每人加多$30可以有時令海鮮拼盤，有大大隻美國桶蠔、彈牙海蝦及成煲都係既卜卜蜆因為兩位送一碟既關係，我地都係捨棄豬肉，叫返信心保証既手砌牛頸脊，肉味濃又夠嫩滑由於台灣夜市火鍋拼盤係滷水為主感覺普通，而101特選手工火鍋拼盤感覺較為精緻，所以我地都選擇後者，最愛墨魚汁鳥結糖，以為係甜品，原來係有墨魚汁、墨魚肉同軟骨打成，口感Q彈又爽脆，黑松露蟹肉餃及黑松露芝士豚肉餃外皮煙韌、餡料結實同樣係美味之選手工即炸響鈴及魚皮真係熱辣辣可以齋咬當小食，吸收湯汁後又係另一番滋味飲品選擇亦比一般任食選擇多，雖然唔係咩矜貴飲品，但起碼唔洗每次都竹蔗茅根、汽水、啤酒，而且調配得都好味仲有無限追加火鍋配料，不過食完枱面既嘢我地只夠位食多幾棵菜，仲有忍唔住食多粒芝士竹輪卷，已經撐到肚皮爆炸喇

之前曾有吃過饕火鍋的經驗...！對手工火鍋並沒有一個很好的印象！惟在同事的積極推介下，還是到了這裡試一試！任飲台式飲品，聽起來的確有點吸引！由於遲到，朋友先取位，到達後，發現與另一對情侶搭同一張的圓枱在一間小房內！感覺良好的！因為比較清靜！與饕火鍋一樣，頭一輪的食物已是預定的！所以我們只需要選擇湯底！由於朋友不吃辣的關係，點了冬瓜卜卜蜆煲！（雖然明知沙白淡而無味，但也沒什麼好選擇..！吸引我的是冬瓜！）湯底一如所料，沒什麼特別的味精湯！再失望的是沙白細仔、沒肉而且有沙...！至於配菜，記不到是什麼了，都是蝦膠、墨魚等配搭，在這湯底下，都是同一味道，有點口感，有點「銀」胃的東西！至於牛肉，軟淋的，但沒什麼牛味！至於至於，主打的任飲台式飲品！除了珍珠奶茶和朱古力味道較好外，其他都是一貫的色素糖水！賣單的時候，侍應問了一句，味道合口味嗎？不知道怎答..！服務是很好的！但味道...的確...很單一！

朋友想lunch打邊爐就去左佢介紹既呢間火鍋店試下。佢話試過夜晚既唔錯，而且lunch價錢真係幾抵，所以就入去試下。湯底選擇都幾多下。因為第一次食，所以都穩穩陣陣咁點「台灣豬骨湯底」。個湯底都ok既，唔太特別，不過味精味有點濃羅。呢點真係麻麻。至於菜式方面就選左手工製蟹粉丸、沙茶牛肉同秀珍菇。料都幾足下。唔係話得少少咁，個牛肉仲要幾大塊下，所以煮既時間記得要長返少少。朋友話呢度既丸係手工打既，因為食完先知，所以無多點其他款試。個蟹粉丸既皮比出面食既彈牙，下次會再試下其他丸。而面式就選左米線。仲有一杯都幾大杯既柑吉檸檬。整體黎講係幾抵既，而且職員都好細心咁留意客人個鍋既情況，會主動加湯同提醒客人。下次會再黎食。

本人對放題的餐廳感覺一般，因為食物質素一般偏低。 而這間放題真的令人有驚喜，而且環境乾淨，服務質素也很好!他們是基本套餐，有頭盤、主菜、海鮮、甜品，然之後有另外一些任點的食物，如果細食嘅女士只吃基本的套餐已經非常飽!再者，他們的特色飲品也是任飲，在外面餐廳也要$40-50一杯。這是四人份量的套餐， 每樣食物都有其特色! 有松露餃子、 蝦膠釀鲜菇。我們點了一個卜卜蜆做湯底，材料十足。響鈴是鮮炸的，好好味無限追加的款式也非常之多，食材也非新鮮牛肩脊。。。yummy yummy另外有位朋友點了鹵水食物這杯特色飲品好好味

好有禮貌嘅店員呀👍門口的接待員小姐交代得好清楚幾多號枱， 又提你通知定未到既朋友；上到去每位店員都同你打招呼；再有一位店員好細心，亦都好有耐性咁介紹成個餐單😍食既時候又會提你某D食物先享用唯佳等等，真的好細心!座位寬敞，張枱好大， 所以無論你叫幾多食物都冇問題，食物擺設精美!非常推介呢個 冬瓜卜卜蜆海鮮鍋 因為佢夠清甜, 唔會蓋過食物嘅味道，真的能夠食得出所有食物嘅真味還有一個神奇既經歷就係食完成餐，個鍋唔多油㗎這兩個麻辣前菜份量細細，但好鬼惹味食到你唔停得口，一放低我哋就清咗佢啦!係安格斯牛頸脊黎㗎，牛頸脊已經好好味啦，仲喺安格斯添又林又有牛味，肥瘦均勻呢個拼盤真係好好味，每一樣嘢都有佢獨特嘅味道，大家要慢慢享受， 搭真啲佢哋既味道!這個太極菇好鬼香㗎，一定係好質素既冬菇。魚皮同響鈴大大件 ，我覺得魚皮較優勝，兩款又脆又唔油!佢哋分別係芝士豚肉餃和蟹肉餃，以前打邊邊好難得食到蟹味既丸，呢個真係有；豚肉餃都重芝士味，都好得芋圓林林地、甜甜地好得意😋呢個不妨叫多幾粒，因為佢好煙韌呀! 個皮又薄，餡料又好豐滿，紫薯味好甜呢個外貌係獅子狗魚旦，原來裏面有兩層皮，fill哂啲芝士喺度， 一咬落

前排行街經過門口，午市火鍋套餐只係$48咋！可以揀湯底，三個餸，麵底仲包埋野飲，尖沙咀嚟講算係抵到爛喇掛！食過幾個湯底，暫時覺得最好味係麻辣三杯雞湯！個人嚟講，打邊爐最鐘意嗌辣，咁先食得過癮㗎嘛！而且佢辣得唔過份，食落都唔會好辛苦。配料我嗌左雞脾肉、牛肉、油麥菜。湯底入面包左蕃茄、芽菜同埋粟米等，所以食落都好多餸。雞脾肉大大舊，夠入味又嫩滑；牛肉係茶餐應食開嘅沙爹牛肉，非常軟腍～ 麵條推介大家揀渝川拉麵！佢好似稻庭烏冬咁嘅質地，出面唔係好常見～而且份量非常多，一定夠飽見餐牌推介食麻醬麻辣手撕雞，不過呢個真係有啲失望。。。賣相唔討好，食落係一堆浸滿啲雞嘅麻醬，而且呢碟要加$24，唔抵食加上味道都麻麻。但佢地嘅野飲值得一讚，呢杯珍珠奶茶上面鋪左oreo同埋cream, 唔洗成日都飲珍珠奶茶咁dry咁悶。另外我地嗌多左杯意大利咖啡，味道有啲似mocha，但又唔係超甜個隻，大大杯真係幾好飲！環境同埋坐位都幾舒服、闊落，同朋友敍舊傾計都係一個幾好嘅選擇。

一般麻辣火鍋、雞煲火鍋、海鮮火鍋…… 都食很多了，我朋友介紹呢間涮涮鍋，主題係標榜 台灣特色 "手工"！ 未食過真係以為同一般火煱沒有分別……原來 "手工" 嘅意思亦等同 "精緻"，代表上檯嘅配料都經過花盡心思，盡量以人手製作新鮮肉丸、餃子等等……我們點了一個小辣嘅三杯雞湯底，估唔到呢個湯底雞件份量很多，亦十分入味！加30蚊仲有一個海鮮拼盤！大大隻生蠔及海蝦 已經值回票價！肉類方面點了牛肩脊肥牛片，上枱顏色新鮮、 紋理分明、脂肪均勻入口很有味道！手工火鍋拼盤，餃子新鮮及裏面有黑松露！入口就很 "煤氣味"！套餐仲包埋無限追加精選配料其實食完個湯底嘅三杯雞加上大大碟牛肩脊肥牛片，我哋都係只能加了一些皇帝菜及墨魚丸已經飽飽飽！ 原來精緻的火鍋真係特別吸引！

今日同同事搵到間平靚正午餐食午市套餐價錢48蚊，不收加一服務費！在尖沙咀區來說邊到揾？！而且實素也不差哦，服務也很好，怪不得有這麼多人來食！午餐有－個自己煮嘅鍋面同一杯野飲:湯底有5款選擇，有台灣特色湯底揀，不過我最終選擇了蕃茄湯底，湯有蕃茄蓉同蕃茄，味道好香濃還好貼心可揀走蔥／走芽菜，啱哂唔食蔥嘅我配料有肉類／丸類／菜類／餃類共超過10款選擇，48蚊價錢包三款配料。我揀左日式章魚餅（彈牙），正方形魚腐（比預期中好食），唐生菜（新鮮）面底有5款選擇，加底＄12，其中有2款面底要加錢。所以我揀左不用加錢的米線。飲品有8款選擇，凍／熱不用加錢，但有其中2款飲品要加錢。因此我又揀左不用加錢的珍珠奶茶，不過估不到這麼大杯，面頭有cream同Oreo碎，以這個價錢來說已經不錯了同事加了2蚊飲意大利咖啡，她說好香咖啡味好飲！總括來說，以48蚊價錢有這個質素已經超哂值了，唯一缺點是上菜比較慢，上枱後又要等煮熟，食得比較急

同事介紹呢間超抵食邊爐$48午餐套餐，同事4人出發食好野先。好似好豐富甘，眼花撩亂。上菜了，都幾精緻的一品鍋凍意大利咖啡及凍柑桔檸檬🍋超大枝的凍珍珠奶茶，上面有oreo餅碎配菜都幾多！有芽菜、粟米同蕃茄。粟米超甜，好好味！我點左台灣沙茶湯，類似沙爹牛肉麵湯底，幾惹味。配料揀左沙茶牛肉、雞脾肉、芝士竹輪卷。其實係沙爹牛肉，幾軟熟同入味。雞脾肉是熟的，再滾下佢就即刻食得。好好味的芝士竹輪點左台式拉麵，好好味呀！索晒d湯，好入味。超多麵，食唔曬。同事點左蕃茄湯底，點了冬菇、油麥菜同貢丸。蕃茄湯味道偏甜，蕃茄味都濃。冬菇有2粒，都幾大隻。侍應們服務態度一流，加湯拎碗隨傳隨到，好好笑客，食得開心。

呢排啲朋友真係好鍾意打邊爐🙈今晚約咗1個女仔friend食飯，兩個人食飯佢都想打邊爐😅咁我哋就上網搵下睇吓尖沙咀有冇D乜嘢打邊爐係可以兩個女仔去食嘅🤤咁當然啦打邊爐梗係想乜都試吓啦！咁就比我地搵到101涮涮鍋，點解搵佢呢🧐因為佢係一個價錢吃到飽😱有好多野要俾你食超過五十種嘢食啊😱只需要＄298🤭而且呢佢的飲品多到幾十種㗎😍平時系出邊求其一杯都要幾十蚊！佢個套餐係包左幾樣野比你揀，包左牛肉,豚肉or 🐷頸肉，兩兩set野比你揀，睇圖！而家有即炸嚮玲，由於嚮玲好大條，職員即場用刀切！個下聲聽到真係好脆呀！除此之外，仲有超過50樣嘢可以俾你任追加🙈我同我朋友兩個女仔其實真係食唔到咁多野當我地食晒佢套餐嘅時候已經飽到想嘔🙄但係見到佢嘅追加嘅嘢好特別喎，咁就叫咗少少嚟試吓啦😂呢到裝修都新啦，同埋坐得好舒服好掂gathering一流呀

呢間位於尖沙咀嘅101手工涮涮鍋，係我食過 火鍋以黎性價比算係高嘅火鍋。除咗10多個新款嘅火鍋湯底任君選擇之外，客人仲可以選擇加錢去食時令海鮮拼盤，務求令到客人食到飽為止。 一開始嘅時候服務員已經端上前菜，分別係麻辣手撕雞同埋麻辣木耳。兩款都好好食好開胃，比得上某米線鋪嘅木耳， 手撕雞味道亦濃郁。 雖然係第一次嚟食，但係見到佢呢個全新限定湯底。只加68蚊就可以食呢個冬陰功加拿大野生鱈場蟹鍋，咁抵食當然要試下。 湯底冬陰公比得上泰國食肆嘅冬陰功湯底，酸辣程度均勻亦好抵飲，蟹腳有足足有成十幾二十條，份量絕冇欺場，而且鱈場蟹腳 味道鮮味，好食到暈。隨餐附送101特選手工火鍋拼盤/台灣夜市火鍋拼盤。 我哋點做各一份，手工火鍋拼盤好精緻，最喜歡墨魚汁鳥結糖 。黑色一粒咬落去，非常煙韌，爽口彈牙。另外佢黑松露個三寶，好重黑松露味，而且款款獨特。而安格斯霜降牛丸食落去爽口彈牙。 反而過台灣夜市火鍋拼盤，就冇咁有特色。但係試下啲滷味 味道都不錯呀。 肉類我哋選咗西班牙伊比利亞黑毛豬肉片，我哋揀呢款嘅原因係因為我哋成日食牛肉。但係估唔到呢度豬肉既紋理都做得咁靚，可以媲美牛肉，而且味道濃郁值得一試。 手

公司要OT心情勁差，同事話不如去食宵夜鬆一鬆，出咗尖沙嘴見到呢間台灣101手工涮涮鍋，仲係$288吃到飽加免費任飲Orion沖繩生啤！見咁抵，一於去試下。入到餐廳，店員有禮物地遞上一大張點餐紙逐一解釋如何選餐。前菜有麻辣手撕雞同埋麻辣木耳，兩樣都做得好好味，食完可以追加太好味所以唔記得影相！主菜當然就係個鍋底啦！我哋揀咗香辣三杯雞卜卜蜆涮涮鍋，雖然都有諗過食冬陰公鍋底，但係冇理由嚟台灣餐廳食冬陰公湯底㗎嘛第一次食三杯雞味道嘅湯底，雖然唔係好辣但係好惹味，基本上食物都唔需要點醬汁都已經好夠味！食物方面我哋揀咗西班牙黑毛豬肉片+101特選手工火鍋拼盤，一邊嘅配菜都比平時食嘅特別，比較特別嘅有墨魚汁鳥結糖，黑松露蟹肉餃，太極冬菇。即炸響鈴卷同埋魚皮都好脆口！個餐本身已經有咁多嘢食，我哋最後只係加左個蘿蔔。見到隔離枱叫咗個好特別嘅飲品，即刻問侍應係乜東東🤪原來呢個係柑桔檸檬可樂沙冰，打邊爐又點可以冇可樂呢！好涼快！

小編最喜愛吃火鍋今天接妹妹下班 然後⼀家人來到位於尖沙咀厚福街的101手工涮涮鍋吃晚飯醬料 $10/位坐下來 店員就為我們送上七彩繽紛的醬料客人可以按自己喜好調配醬汁鍋底$68鍋底方面 小編選擇了餐廳推介的長腳蟹鍋底除了可以品嘗美味的長腳蟹之餘加入長腳蟹的湯 味道特別鮮甜極上手工涮涮鍋$288/位餐廳的涮涮鍋配料是以任點任喝的形式下單一開始會以人數來算 預先點了一些配料給每枱客人而餐廳設計的配料大多不是一般火鍋店常見的配料雪花肥牛餐廳使用優質雪花肥牛 肥瘦分佈平均 牛肉味香濃特選丸類 餃類餐廳供應各式各樣的墨魚製品當中有烏黑黑的墨汁墨魚丸 蝦膠墨魚膠攘冬菇 墨魚膠攘豆卜全部都是新鮮製作口感彈牙餐廳的食材都是真材實料 無論墨魚膠或是蝦膠 味道也十分香濃以上各種的組合 都能吃出不同的風味至於餃類 餐廳都是新鮮製作的實至名歸的皮薄餡靚響鈴餐廳供應原味及紫菜響鈴響鈴口感鬆化但小編較喜歡涮一涮才吃 減低油膩感覺餐廳最後還為我們送上甜品十分窩心總括而言 餐廳無論食物質素及服務態度都十分好小編及家人都表示十分滿意！