101肉燥飯專門店 (已結業)

先談衛生, 叫咗個外賣. 食食下先發覺盒裡面有一隻小強.間餐廳有好強的一致性水準. 睇其他OPenrice既食評, 小強會定量分配比各位客人.再黎, 啲野食超難食. 啲炒蛋為外星黎既蛋, 有漂白水味, 顏色有啲綠色. 食完為之一振. 令人感嘆世界竟有如此境界的炒蛋.飯同啲菜好唔合群. 啲飯超油. 但啲菜又無油, 兼無味, 純清水煮.成個飯係為減肥人士而整.每樣野一啖過, 仲勁過慈禧食飯每樣野只可以食三啖.珍珠奶茶簡直係垃圾. 啲珍珠超硬. 如果吐出黎跌落枱面, 枱面應該會凹咗. 叫咗少糖都甜都嘔. 叫咗少冰都超多冰. 得個甜字.

今午行完工展背住一大袋戰利品,但又行到有少少疲倦。唔想行太遠醫肚就近近哋搵咗依間從未試過嘅。小店門面一般唔搶眼所以好易行過龍入內已經係下午茶時段所以叫咗幾個下午茶餐首先係兩份雞翼燥肉飯+凍熱珍珠奶茶雞翼比較乾身熱騰騰,但唔覺有肉香散發。入口又幾乎燙傷咀,細味品嘗其實係香口得嚟完全無雞嘅雞味只係雞皮炸得脆脆咁囉燥肉算係好啲但份量稍嫌少咗啲。最可取算係杯熱嘅珍珠奶茶,有典型嘅台式奶茶香味。另一份叫咗凍珍珠奶茶,若然加錢可轉大杯嘅。燥肉雞粒飯就比較雞翼飯好食好多,啲雞粒好入味。食得出有調過味嘅依個湯米因為怕啲餸料會俾湯水浸腍所以order佢分開上,好在佢哋都肯份量又幾大喎,湯米本身都算入味唔會淡滅滅,果碗燥肉多到食淨咗因為咁嘅地頭咁嘅價錢都算係OK㗎喇,平均三十零蚊可能連對面大XX快餐店都唔得啩。特別一提佢係無廁所嘅,要行去附近M記借用。但係原來M記又要爬上二樓再推門出去借用商場嘅廁所㗎,好似去探險咁樣會再幫襯

適合想食每樣少少又可以飲珍珠奶茶嘅你/妳仲有大碗米粉及牛肉麵選擇，也有飯餐，但是我就選這個，因為好似茶餐，係high D 嘅茶餐我食咗米粉，沙律，板燒雞，珍珠奶茶套餐，$48可以飲埋珍珠奶茶真係幾抵。味道其實一般，但感覺幾舒服。米粉質地都好好，板燒雞對我來說太乾，有少少窿咗...。沙律滿意，係量比較少，賣相很好，沙律菜唔會太凍，醬汁分量剛剛好好評員工質素。爽朗正面快手。非常近地鐵站，很容易找到食物好快已送上，趕時間都唔怕建議大家一點半先去，避開學生哥羣

叫咗個豬軟骨肉燥飯同埋水蜜桃綠茶，另外再order 三個小食（鹽酥雞塊，雞翼，台式辣腸）食到尾聲時發現個小食籃底有曱甴仔隻爬出嚟。。。跟住我"fing" 下個籃，再跌隻大小小嘅出嚟。。。最嚴重嘅係我同職員講有曱甴，問佢啲籃係咪唔會洗，一直循環再用，佢無視我，然後直接用手捉走隻曱甴，跟住當冇事發生過行開咗。。。其實間店鋪食物同飲品質素都ok, 但衛生情況就令我卻步啦，成餐飯有曱甴仔陪住你一齊食，真係諗起都怕怕 🤢

今晚到了天后覓食，本來看到餐牌$68只是一碗肉燥飯的價錢，可是經店員講解，原來還包了一客小食和飲料🥤玉子豆腐肉燥雞扒飯👌🏻肉燥汁很多，很好送飯，加上伴菜有蛋有菜有蘿蔔挺豐富的，可惜雞扒少了一點😢玉子的外皮有點油膩，我和友人都去掉它的炸皮再吃，味道不過不失吧！章魚肉餅肉燥雞扒飯👌🏻配菜跟玉子豆腐肉燥雞扒飯沒兩樣，但不解的是前者是一塊雞扒而後者是切件上，個人比較喜歡一大塊的，切件的火喉有點過了。章魚肉餅挺美味的，跟魚餅的口感差不多，但去卻了魚腥味，整體還算不錯！鹽酥雞我們叫了兩道小食，上湯浸時菜和鹽酥雞，前者的賣相很普通所以忘了為它拍照，味道是正正常常的。後者外皮的酥炸皮太厚，有點硬，不是脆的感覺😥

今天叫左個牛肉煱另+48元的安格斯牛肉,炒椰菜,炸薯條。食物有待改善!!!!!!!!!!!!!!!!!!!!!!!!!!!!!!

Cute cute哋叫個獅子狗魚蛋，好味在有芝士心呀！煎完出嚟外微脆內軟，好味!玉子豆腐個皮好鬆脆，佢炸香咗，然後放上一層芝士，增添香濃味!係台灣餐廳食肉糙米真係最好，因為好多時都會用上新竹米，湯濃味得黎又唔會太鹹，做得都好地道吓!仲有個椰菜紅蘿蔔炒豬頸肉，豬頸肉都爽脆，係鹹咗dd, 料就十足既!個鐵板牛扒係用上牛頸脊㗎，口感係香而小小爽，即唔會好林。鍾意呢隻質感。還有個肉燥薯角，好有特式，竟然肉燥加芝士做點醬，聽同睇落都痳痳，但老公話試新野，估唔到，味道又几好喎喎套餐嘅飲品特別大杯，我哋就叫咗檸檬柑桔(食咁多肉正好飲佢)，另一杯系Latte雪鄉(甜咗d)。

唔知幾時開始第一次食101，最初覺得佢價錢好抵食，其實都真係幾平，平時我都鍾意食佢嘅湯麵，因為台灣麵又有啲特別，最緊要係佢嗰啲三杯雞定三杯酒嘅湯底，辣辣地好好味。食辣野最驚就係頸渴，所以飲品我都好揀擇嘅，咁一講到食台灣料理第一樣諗到嘅就梗係珍珠奶茶啦！珍珠要整得好食真係要好地道先至做得到，QQ口感，甜到又要適中，冰又唔好太多唔好太少。仲要有啲茶香四溢，價錢又要唔貴，咁大杯都係10幾蚊，如果愛買就更加平添！值得支持。

101台式餐廳今天下午，森仔同同事自私食。所以就行遠少少，去到近天后果邊。一直都知果到有間抵食既101肉燥飯專門店。因此，特登去食下試下。餐廳環境幾好，空間幾夠，可以容納35人左右。光線光猛，裝潢亦算幾新，幾有台灣感覺。最重要lunch時間，不用等很久就有位。講反食物質素，我叫了三串一的午餐套餐。佢可以比你自由搭配小食，面食和飲品。我叫了燒汁雞扒，炸薯角和蕃茄雪菜肉絲通粉，配以珍珠奶茶。整個套餐也只是48蚊，真係超抵，性價比超高。雞扒嫩滑，配上燒汁，味道很好食！炸薯角，份量好足，熱辣辣的，好吃！😍蕃茄雪菜肉絲通，更是比想像好食，好少何雪菜會搭蕃茄，但夾埋真是好正，酸酸咸咸的，吸引我下次會再叫。而我同事叫了肉燥三杯雞，佢都話好食，份量好足。而我亦嘗了少少三杯雞，辣辣甜甜的，很開胃口，伴飯一流！而肉燥亦十分正宗👍🏼👍🏼👍🏼好好食😍😘整體來說，性價比很高的台式餐廳！欣賞台式味道並覺得下次會食！😍😍

其實101我食過幾次，每次都不過不失，個今次真係要讚下食物，雖然服務一樣冇改善，但食物質素方面改善左唔少!我今次係嗌左豬扒肉躁飯，豬扒易入囗，仲有肉汁，肉躁份量適中，剛好可以撈曬成碗飯泥食!!!!!!

女店員落錯單，仲要勁黑面！之後每次經過我個位，就唔知有心還是無意撞一撞我⋯好幼稚。食物好一般，但食物選擇還算多吧 I guess玉子豆腐肉操飯認真麻麻，不好吃！好求求其其嘅一個餐（有6粒仔玉子豆腐嘅肉操飯、一杯茶，三小粒鹽酥雞）$65。反而下午茶個番茄湯牛肉米粉還可以，$30。咁嘅服務+咁嘅味道，價錢整體算ok。不過應該唔會推介俾別人，自己更加唔會再光顧了。衛生方面⋯食完係冇肚痛嘅。不過，坐近廚房就可以聞到一陣酸叔味

天后嘅嘢食好似唔係好多集中主要係食泰國嘢或者上海野選擇其實都幾少不過位於大馬路旁邊有一間好出名嘅台灣野咁呢間台灣野雖然麻雀雖小五藏俱全有我最鍾意嘅肉燥飯咁今次就選擇左係下午茶食平好多一碗飯大約就30幾蚊連埋一杯嘢飲連珍珠奶茶都唔使加錢認真好抵咁味到食起上嚟其實都唔錯肉燥飯唔會太鹹亦都好少肥肉撈埋一齊食都幾好味珍珠奶茶奶茶就真係幾似港式奶茶珍珠就的確幾煙銀係唔錯

經過天后，就一於試下e間101la(˶‾᷄ ⁻̫ ‾᷅˵)。因為係閒日所以人流不算多，空氣流通，我好快就嗌左個雞扒肉燥飯加辣味薯角，飲珍珠奶茶。雖然人流不多，但等候時間有點長，而且岀現錯單情況雞扒肉燥飯既份量有點少，不過雞肉有肉汁口感唔錯，肉燥都做得好好，如果份量多返d就好了。ε-(´∀｀; )辣味薯角唔錯，keep到好脆，而且唔太硬，茄汁係獨立包裝俾客人自己擠，令我覺得衛生，幾好(｡ì _ í｡)。珍珠奶茶，茶味好夠而且好香滑，唔淡，珍珠大大粒幾好口感，份量ok！

想追查台灣美食極唔厭嘅原因，今日連101肉燥飯專門店都唔放過。唔想食米飯，所以叫咗米粉系列。鹽酥雞翼配台式肉燥新竹米粉，米粉份量超多，有理由相信係依照餐廳附近中學嘅學生發育期食量而設計。肉燥夠味，但可能放咗湯，感覺始終碎啲、油啲。鹽酥雞翼脆但無乜味，同正宗台式鹽酥雞嘅惹味程度差好遠。無骨香辣三杯雞新竹米粉，都係珍寶size。呢碗粉幾辣，幾鹹，但三杯雞應有嘅香甜同嫩滑就欠奉喇！裡面仲有肉燥同豆腐，兩個人share都可。飲品叫咗柑桔檸檬同埋珍珠奶茶。全部味道偏淡，叫做個餐搭杯台式飲品咁啦。調查結果係，想食極唔厭嘅，都係飛一轉福爾摩沙先得喇！但要經濟實惠咁食個飽，留港消費啦！

游水日去接肥髀，經過呢間台式肉燥飯店，見門口有外賣飲品餐牌好抵，$6一杯，加3仲可以加大！仲要有6款可以揀，入內買咗3杯之後，再加單一杯！店員好爽快，落單收錢，好快就出到飲品比我！賣相一啲都唔失禮，透明杯封好口！份量幾大！$6真係好抵飲柑橘🍊檸檬🍋（$6）飲落有啲假，好在叫了少甜，味道仲飲到柑橘同檸檬味，真係有鮮檸檬，唔藥水不過有啲假！咁嘅價錢可以接受！珍珠奶茶🍹（$6）肥髀飲台灣檸檬🍋綠茶🍵（$6）表妹飲水蜜桃🍑紅茶（$6）家姐飲以咁嘅價錢，味道可以接受！店員爽快快手！無敵價錢