101臺灣品味館 (已結業)

涼拌小黃瓜他們的小黃瓜比較特別，尤其是調味料的運用。選擇的辣椒也是篩選過，簡單的一個餸菜，可以做到色香味俱全。臺灣牛肉燥便當裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常ok

多人某人推我入此餐廳心想台灣東西怎差也有個限度原來也不然在台灣住過的我 對那味道是很有追求的甫坐下冷氣直吹頭頂凍入心環境卻瀰漫著油膩的味道也罷餐牌選擇算多對於點了招牌牛肉麵招牌都出錯的機會有多大且看這麵賣相真心倒胃好像剩菜手工餃子(8粒) 算大粒皮太厚湯底油膩勝在$39元確是便宜餐牌上說明是奶油酥吐司上菜時變成普通奶油吐司失望到一個點水蜜桃綠茶還好珍珠奶茶只是粉沖奶茶搭人造糖水珍珠特硬 甜度驚人 食得滋味的人大有人在完全不能理解好處是食物真心便宜, 埋單不過$129唔好睇唔好食僅能果腹舒適度欠奉服左會食第2次的人

一條友行過太子，唔知食咩好，擇咗間食台湾嘢嘅101品味館，叫了最普通嘅肉燥盬酥雞飯，點知完全中伏，老實講，呢閰嘢d食物超難食！賣相已經完全不靚。盬酥雞炸漿很厚，上面加上一層五香粉，但完全增加唔到食物嘅味道層次感，肉不鬆， 嗰槳太硬食到成 成舊粉 好難食囉！肉燥 更簡直不知所謂 佢嘅肉燥其實係肉碎，無用到正宗五花腩整， 完全食唔到台灣嘅風味 簡直差到另外一個點！我叫咗杯101珍珠奶茶 咩叫101哩101嘅意思係茶王嘅意思 ， 但我覺得杯奶茶非常之甜囉，我已經叫咗小甜，差我諗我下次一定唔會再幫襯！

今次朋友約了我去食依餐廳，嘢食都幾有台灣地道美食😋都算不算，竟然會有仙草奶茶飲☺️餐廳環景係有點窄，但都算坐得舒服既😄都係以木枱櫈為主。服務又不錯唔會叫極無人應😂仙草奶茶豬頸肉肉操飯小食拼盤😋

點了一個雞扒玉子飯價錢實惠，味道也不錯。個雞扒都算正常，女仔食感覺有d多，玉子要趁熱吃。想吃快餐但又想環境好少少就上尼間啦⋯⋯佢d飲品都唔錯，下次會再來食哈哈哈

今次係晚市嘅時間嚟食呢間餐廳嘅,因為放咗工已經好攰喇，所以就亂咁就行入左間餐廳，所以就中咗伏啦。我同朋友分別叫左炸雞肉燥飯，同埋炸雞肉燥面，其實炸雞嘅份量同埋味道呢係OK嘅，而面呢亦都唔算難食，我同我朋友另外在叫咗一碟炸花枝丸share，味道都係中規中矩啦冇咩特別但令人最嬲嘅就係，我嗰日叫咗一杯珍珠奶茶啦，杯珍珠奶茶冇茶味之餘，仲甜到真係飲唔落口，於是我就好聲好氣叫啲職員同我加少少茶，諗住可以變返冇咁甜，雖然佢哋最後肯換俾我啦，但就以唔友善嘅態度「提醒」我下次要叫少甜，擺明就係佢杯野過甜啦！！！我就真係唔會再幫襯呢間野啦

今日去咗太子行街 朋友話想食台灣野 咁就是旦入咗呢間餐廳啦餐廳唔算好大 一間小店咁啦 都幾多人食緊 我地兩個就咁啱有位 呢間嘅肉燥飯都有好多款餸可以配 台式飲品又有好多款 我地都揀咗好耐先揀到食咩飲咩 我就叫咗鹽酥雞排肉燥飯 友人就揀咗豬軟骨肉燥飯 我地兩個都揀咗飲芋香奶茶兩個飯嘅肉燥都唔算多 而肉燥就真係得肉碎 唔會有其他好似冬菇咁嘅配料 都幾乾身 鹽酥雞排都炸得幾炸 但係略嫌有啲乾 豬軟骨都整得幾林 如果可以冇咁碎 大嚿啲就好食啲 跟飯嘅嗰塊菜就太硬啦 好難咬得開芋香奶茶就正正常常 都有芋香味嘅 幾好飲咁嘅價錢嘅飯餐都算做得中規中矩啦

諗住係旺角搵台灣野食， Openrive 完大多係小食店or 台式飲品， 是旦搵左呢間近近地有肉燥飯食下，叫左個鹽酥雞雞配珍珠奶茶鹽酥雞飯。。。份量一般， 多白飯only, 超咸😧珍珠奶茶。。。得甜味， 吾好飲服務態度。。。黑口黑面， 仲差過茶記， 仲要俾佢強制調左兩次位， 吾好意思都無句，差差差😡

尋日去左太子食呢間，其實因為想喺旺角搵下午茶，但大部分都好貴，所以見到台灣野就入左去佢個menu好正，好似車仔麵咁，先揀麵或飯，再揀餸 仲有飲品送佢既menu係好多選擇，各式各樣都有得揀飲品都有好多款😍😍我叫咗下午茶既肉燥湯米線，再加雞球同腸仔，仲有滷蛋 叫左杯冬瓜茶 肉燥米線都大杯，但湯就冇乜特別，肉燥好好味同湯米線一齊食簡直一流😍冬瓜就太甜啦，我就唔會再叫，我飲左一半頂唔順，都係冇飲哂🙈至於小食，滷蛋真係好好食，汁好味，腸仔都好彈牙，正宗台灣腸仔味！不過雞球就好一般🙈🙈 有啲硬有啲乾 敗筆但整體唔錯，價錢唔貴，值得一試

餓死寶寶了🙁收工後4點幾食呢餐唔知算係午餐定下午茶食完個tea set無飽過😂未試過食呢間台式餐廳無諗過份量咁迷你原條台灣腸係好食的鹽穌花枝丸得1粒青瓜開胃+唔辣啱我食肉躁飯無咩特別仲食淨半碗白飯冬瓜露無咩特別

立即Follow ig @itadaku_hk 每日速遞最真實飲食情報！台式餐廳 - 101臺灣品味館😂【紅燒牛肉麵】＄48牛肉都煮得幾淋，但肉質較鞋口，無係台灣食既嫩滑感覺，😐反而粗麵既麵質做得幾好，幾有咬口不易斷。🍜湯有少許辣辣地，但整體黎講都係偏清淡。👾👾 【鹽酥雞球肉躁飯】＄52連珍珠奶茶🥤肉燥汁較稀，味道較淡，完全唔夠撈哂成個飯，雞球份量算多，都係偏淡味，表面炸粉都炸得幾脆。🍱🍤不太油膩，但食多左幾舊就會覺得幾乾。😧😧 【鰻魚肉躁飯】＄65連珍珠奶茶最驚喜係呢個～原條鰻魚上，唔會燒得太耐易爛，可以原條夾起，好入味！🐠🐟肉燥汁不夠撈飯既時候，有少量鰻魚汁幫補下，係幾好味的～鰻魚無乜骨，唔會話會吉口。呢個都係小編點的三個菜中個味道最出最滿意的，性價比亦都係最高。👍🏻👍🏻👍🏻😎😎😎 為食指數：6.5/10推介程度：7/10打卡指數：5/10性價比： 7/10

本以為台式餐廳飲品不會差得去邊，點了青蘋果汁，一飲就知用粉沖，失望。食物點了豬扒肉燥飯，不過不失但沒必要再來。餐廳侍應黑口黑面。唯一可取是價錢平，是平價的台式餐廳。

適逢我返實習嘅醫院就喺附近,每逢放工我就梗係要再次出動喇,今次就去到我最愛嘅台灣餐廳食我最鍾意嘅肉燥飯,呢個肉燥飯亦都有我最愛最愛最愛嘅炸雞扒雞扒同肉燥,非常之合拍，但係食肉獸嘅我亦非常之注意健康㗎，佢內裏嘅椰菜亦都非常之多，非常之符合有肉有菜嘅健康飲食，.珍珠奶茶亦都非常之有鮮味，非常之感動😍😍😍😍

第一係d員工 態度差 仲好懶 睇個款係唔想人入去 比多d野佢做 特別係隻眼睜唔開嘅大陸紋眉姐姐 問下佢野 就幫我地落單 同佢講唔係要 佢話落左單取消唔到 仲唔會行過黎講野 要我地嗌過去 第二 d野食同相差勁遠 d野飲又淡又甜 去唔去自己衡量啦

今晚我們喺旺角附近做完嘢之後去咗西洋菜南街嘅「101臺灣品味館」食晚飯！我們叫咗招牌紅燒牛肉麵同紅燒排骨麵「就咁睇」個賣相以為係好好，點知一食落就知道「出事」，湯底嘅味道祇係比滾水多啲啲味，牛肉嘅肉質就非常「硬實實」，一啲都唔鬆軟，而排骨嘅肉質亦都係又乾又硬，而且無乜肉味，至於麵質就極之硬身，硬到好似仲未曾煮熟咁！蒲燒秋刀魚肉燥飯都算幾抵食，因秋刀魚有兩條咁多，但食落味道比較腥，而肉燥嘅味道雖然幾惹味，但感覺就有啲膩！桂圓紅棗茶我們以為叫做有啲顏色，以為會有啲味，但點知一飲就⋯⋯味道係淡而無味，真係令我們覺得非常失望呀！