101臺灣品味館 (已結業)

呢個肉燥豬肚面超足料，好多肉燥同豬肚！而且個湯底非常之濃牛肉味，湯底唔會好似其他牛肉麵鋪頭咁好多調味料味精，行清湯路線，好味到可以將啲湯飲哂。個面嘅質地岩岩好，唔太林，唔太韌，我唔中意啲粗麵好韌，咬到牙都痛唔知係咪啱啱先開舖，要準備好多野，等左好耐先有麵食

今日在旺角吃下午茶，見這間台灣食店好像不錯就進去了。下午茶款式幾多，＄38一個肉燥飯包一杯台式飲品，我選了香酥雞翼肉燥飯和胚芽奶茶。胚芽奶茶先到，幾好飲，又香又濃，飲到後期溶冰了也不是無味道的。香酥雞翼肉燥飯就比較遜色，飯有點乾和硬，又不夠汁和肉燥，所以食食下好似食硬硬的白飯咁。肉燥味道ok，而香酥雞翼則炸得幾香幾好味，外皮脆脆地，上枱時熱騰騰的。旁邊有些椰菜伴碟，爽爽脆脆，有d蔬菜唔洗啖啖肉，幾好。服務方面，有位身形瘦削的女侍應都幾冇禮貌，無論和我落單還是和其他食客落單，都聽到佢講野語氣不好。平日下午茶沒有太多食客都咁樣，不太好吧？！希望貴店改善一下。

在旺角看到這間台式食店，招牌幾吸引，於是進去食個晚餐。叫了麵、飯、小食及飲品。鹽酥雞球 $35 － 雞肉比較細粒，脆脆地幾香口，味粉不夠，但可以自己加。我自己加了好多才夠味～珍珠奶茶 (跟餐) +$10 － 味道比較甜。蒲燒秋刀魚肉燥飯 $56 － 比較失望的一項，肉燥味道可以，主角秋刀魚頗腥，也沒有燒過的香口感覺。招牌紅燒牛肉麵 $48 － 牛肉幾淋，幾入味，湯也夠味，不錯。101臺灣品味館 － 旺角西洋菜南街208號地舖

Happy Friday 夜晚上完堂之後去左太子搵宵夜食。呢個都係我同同學放左學黎依肚的地方，因為出到去好多都店都已經last order。呢間比以前多左人黎食宵夜，唔知係唔係因為其他人係附近都搵唔到有咩好食呢?雖然係食台灣野，但係我都係鐘情酸辣紅薯粉($38)。佢又唔似係出面食d湯底咁正宗，又無話揀咩辣度，不過勝在紅薯粉好味同煙煙韌韌。因為唔加錢只可以配一餸，所以次次都揀牛展，感覺上會抵d。另外加10蚊叫左杯珍珠奶茶。

食左個鹽酥雞排肉燥湯麵，鹽酥雞炸得很脆，十分香口，入面的雞肉偏乾，味道略咸，未必是我自己最鍾意既味道。湯麵方面，肉燥是做得幾好的，不會過肥，也挺香，但肉燥還是和飯一起吃比較好呀...。湯底不是很咸，清清的幾合我既口味。至於麵，則質地略彈，其餘沒有甚麼特別。

在旺角見到這間台灣野好耐，今日終於可以試下！台灣牛肉麵，牛肉很稔，甜甜的，肥瘦均勻，麵既質地好彈牙，又唔會太軟，湯都係清甜，碗麵大大碗，抵食小食拼盤，所有炸既野都熱辣辣，加左小小椒鹽，好惹味好香口，魷魚好彈牙，花枝丸都好爽口，好味鹵水拼盤，反而比炸既遜色，因為鹵水唔夠，有啲點唔到鹵水總括來說，很抵食又好有台灣風味

有時一個人要諗去邊度食嘢都好頭痛，今晚突然好掛住台北嘅牛肉麵，原來喺香港牛肉麵嘅選擇唔太多，好彩太子附近都有。呢度係茶餐廳風格，所有野都好快好趕，如果諗住慢慢傾計呢度未必啱你。不過我一個人冇所謂啦！一坐低就叫左碗牛肉麵諗都唔使諗牛肉都算入味不過唔太淋，全部都係肉無筋，不過勝在清清地，唔太鹹五香汁都幾香。麵條係粗身麵條，不過應該煮得過長時間所以有啲淋。沾上五香牛肉湯底都算有小小台北牛肉麵風味嘅，雖然唔係話真係好好食，不過止下癮都算係咁啦

夜晚十點九食，都係坐滿晒咁，要搭枱。叫食豬軟骨肉燥飯（48HKD)，因為冇嘜係唔熱氣。 上菜很快，證明好早整定晒。望見碟飯，覺得頹過飯堂。 豬軟骨數量不少，不過部份肉好硬身，似乎未有長時間浸鹵汁。件數多和大件可能係賣點，軟⻣一樣太硬食唔落。雖然味道很一般，但仍可入口。肉燥份量算多，可惜味道同樣參差。肉燥時有大團結石，口感非佳。而且澆汁過量令到飯層變爛，有感失望。 其實最衰又係堆椰菜，食飯做伴碟還可以。而家大大塊，做到好似餸一樣。椰菜本身係下品菜，唔應該當做主菜咁。所以呢個位又扣好多分。配珍珠奶茶，還好不提。

我最鐘意呢間嘅紅燒牛肉麵，係我食過咁多間最好食嘅牛肉麵。基本上每一兩個星期都會黎食牛肉麵個湯底好香濃，但唔會咸。牛肉煮得好腍，夠多夠入味！小棠菜好清甜。麵底都係好煙軔好彈牙😊仲叫咗一杯台式奶茶，味道都唔錯！呢間野嘅食品都幾有水準，價錢合理，量又多，好抵食！

今晚去剪頭髮前行過西洋菜街見到這間好多人排隊，見到仲有時間就諗住等吓試食。一支公等好快就有位，坐底叫咗紅燒牛肉麵食+胚芽奶茶。食物好快到。這碗紅燒牛肉麵真的好好食，湯底牛肉味濃郁，牛肉好淋，最好味是個麵底，十分彈牙又爽。杯胚芽奶茶都好飲，奶茶夠濃，較多胚芽，飲到未都仲有得食。見到個menu有個飯+飲品都幾抵食，會再來試～

成日聽friend講，今次終於得閑自己嚟試下喇：）今次試下我最愛既雞扒雞扒好大塊！外脆內軟，炸漿都唔會太厚，肉質鮮嫩，一點兒都唔乾，真係讃！！！！同肉燥飯真係絕配！！鹽酥雞球同樣是厚炸，但雞肉都好滑好多汁，撒上椒鹽粉，勁好食鮮蝦腐皮卷脆得黎唔油，都幾香口。珍珠奶茶同香芋奶茶都好有台灣味，讃！呢間d野食都好有水準，難怪咁多人推介，喜歡雞肉如我的人一定會喜歡

個日同朋友去旺角行街，肚餓經過呢間野，見到又係排曬長龍 。等咗15分鐘左右就有位。我們叫咗紅燒牛肉麵，蜜汁雞排飯 同兩杯台式飲品。 紅燒牛肉麵 牛肉軟腍入味，鬆化而富膠質。湯底濃郁，麵質好彈牙。蜜汁雞扒飯  雞扒煎得香口又不失嫩滑，足料美味，份量不少，超正！珍珠奶茶奶味濃郁，珍珠煙韌，讚！吃完覺得好滿足，真係超讚！行街都有動力喇

當日我好肚餓走左去旺角塭食，朋友陪我食小小，大家都無乜idea,行過101記得以前係呢頭成日食呢間，就一於入去懷下舊！記得以前黎呢度都係食肉燥飯，價錢唔貴又大份，好抵食。今次就試下其他野喇！ 嗌左個酸辣紅薯粉，一如既往都係份量大，味道方面尚可，個人覺得唔夠辣唔夠酸，唔係好惹味果款重慶酸辣粉，不過啖啖地易入口的。 跟餐嗌左杯珍珠奶茶，原本嗌了奶綠，不過諗諗下想要d野咬下口，所以改了單。奶茶味道ok,但珍珠太林。手工餃要讚！一碗八粒，其實就咁一碗一個人一餐都夠飽，但基於當時我巨肚餓又口痕，我都係嗌左同朋友share!餃可選湯上或者乾上，好味！加醋，正！ 朋友仲嗌了份奶油吐司，我無食到，但佢話味道普通。食到飽飽，埋單一百蚊多d,真心抵食！

經過見到人客頗多就諗都唔諗入去試下先，座位比較逼但沒所謂，入得台式餐館當然試下肉燥及紅燒牛肉再加了腩肉，朋友點了鹽酥雞肉燥，跟餐點了竽香奶茶及珍珠奶茶，先來個牛肉及腩肉+肉燥三拼飯，上枱時一點兒香味也沒有，友人第一時間夾了我的腩肉食，係切得薄薄的一片，味道一般偎不膩，我就大大羹肉燥飯（因好肚餓）放到口裏，只食到咸味冇其他味道，紅燒牛肉並不像台式的，有點兒像港式牛腩，再講鹽酥雞，雞一點都不脆，細細粒的易入口，不過並非想像中的鹽酥，竽香奶茶好甜，珍珠奶茶亦一般，但珍珠就不好咬口，整體來說有點失望，希望有待改善，晚餐來說並不貴所以亦不小捧場客

呢個帳號係特登為左想投訴呢間野而開既！ 當日午餐時段去，食物質素冇乜特別，係叫做比較咸同重味。由於唔係第一次去食，所以好快諗到食乜，一入到去就叫侍應落單(餐廳入面有兩位侍應)，我就食腩肉肉燥飯，男友食豬扒湯麵。男友落單時，就話：腩肉肉燥飯，豬扒湯麵。咁侍應就話湯麵要加2蚊，咁我地就話ok，咁佢就去入電腦單，我就睇下menu，乾撈先要加錢，湯麵應該唔洗既，咁我地就叫返同一位侍應，男友話：唔該，我地要湯麵架。個侍應一手拎起張單，比住我地做出一個不滿既表情(類似反眼咁既表情)我同男友都比佢既不滿態度差d激嬲！當我地差唔多食完既時候，就聽到另一張台既食客同幫我落單既侍應鬧交，食客：我叫你少冰，你冇聽到，宜家黎到叫我自己撥都有?唔好意思一句都冇，仲要態度咁差！侍應：(由於侍應口音太唔標準，所以我只係聽到佢大吵大鬧，但內容真係唔太清楚，唯一可以聽到既就係叫食客走囉，咪唔好食！)咁食客同佢友人都立即離開，咁食客既友人向另一位侍應查詢投訴電話，同老闆係唔係到，咁另一位侍應就表示冇投訴電話，老闆亦唔係到。打呢篇食評用既時間仲多過我用餐時間，但我用呢d時間去投訴，除左表達我對佢既不滿之外，亦希望呢間餐廳