101臺灣品味館 (已結業)

來到旺角，故然是逛街，逛街之餘又可隨意到任何食店醫肚。選擇了在西洋菜南街一帶，看看有否合心意的食店。101臺灣品味館是在下的選擇，是想食番個臺灣菜吧。招牌牛肉麵是女友的午餐，女友說這碗麵較濃味，牛肉亦軟腍。麵條就粗，所以不太喜歡。台南肉躁飯是在下的午餐，肉躁飯沒有醬汁在肉，只有白白的肉躁。味道不會太濃，不過吃到碗底，卻覺得有點油膩，不太想吃。紅豆奶茶是凍飲的，紅豆已經是打溶，混合了奶茶，入口紅豆和奶茶各自精彩，富有層次。吃過午餐，繼續餘下節目，向下一目標進發。

返工前要醫肚，響旺角食街上找來這間台式餐廳餐廳環境幾闊落，企理干淨嗌左肉燥豬軟骨飯，101奶茶（$48）肉燥豬軟骨飯上台時，見同平日食開既肉燥有點不同，醬汁很少，但頗驚喜的是肉燥撈飯時，份量剛好，夠咸之餘，吃到肉香，肉燥弄得出色 豬軟骨煮得入味，腍身～都幾大舊下 令肉燥飯錦上添花～101奶茶有點過甜，溝左好多水才甜度適中～ 建議下次少甜～整體而言，食物質素不錯，價錢也算是便宜

剛去完台灣，經過這間小店，就入去試下，裝修簡潔，感覺比鄰店另一間光猛乾淨，麵餐及小食味道不錯，飲品亦很多選擇，旺角這價錢算很扺吃，怪不得晚上十時仍座滿客人，兩位姐姐招呼不錯，叫落單亦立刻過來，勤快，看見廚房及洗碗姐姐亦十分勤力，辛苦了。

星期四，晚7點，唔使等位，即入第一次食，冇特別期望，純粹為醫肚，保守d，只叫飯同麵，唔叫小食叫左 鹽酥雞球肉燥飯 同 招牌紅燒牛肉麵先講講個飯鹽酥雞，味唔算太咸，ok。肉質麻麻。粉大厚，口感唔得。肉燥，普通野，無特別，味一般，係乾身無汁嗰隻。飯，普通過普通，冇咩口感。菜，呢個係重點，如果d伴菜有質素，其他野食應該衰極有個譜。當然，大家睇到呢到都應該估到，係一堆臭嘅菜。好，到嗰麵啦佢話係招牌菜，我先叫。湯底，有酸菜同芫茜撞一撞個味，都ok。牛肉，味同質感都ok，無驚喜。麵底，呢個出事啦，唔彈牙，一咬就斷，口感散。好，埋單計數啦，2樣盛惠$100。

今日突然掛住台灣既生活行經一間台灣店 心感可以一解單思之苦進去 環境裝修不錯今晚點了 鹽酥雞飯 蜂蜜菊花茶雞肉太實 炸得不太脆…飯呈粒狀 有點乾硬 與預期中不同菊花茶尚算ok 有蜜糖的味道

星期五的晚上，旺角八成食肆都超級多人排隊走著走著來到西洋菜南街，看見門口只有幾個人在等候，抱住不會十分有驚喜的心情，等了十分鐘就進店了。每次都十分著急，忙了先拍照，所以第一張大部分都不是齊整的，哈哈 肉燥鹽酥雞球飯：雞球明顯是放了有一段時間，不脆不熱；肉燥不過不失，份量略嫌少了一點，一個大男人應該會吃不飽的。紅燒牛肉麵：牛肉很入味，一點也不韌，湯底濃濃的很不錯（有點台灣味）加上和牛肉絕配的酸菜，還有十分有咬口的面，讚讚讚 台式烤香腸：正常味道，一碟四條，沒有太大驚喜。荔枝紅茶＆珍珠奶茶：飲品不算太甜，這點我喜歡

行到超攰，最好係唔使等位。很美味的酸辣紅薯粉，酸辣適中，又惹味，最岩夏天無胃口，超出預期!!!!!!!!!珍珠奶茶亦很香滑，環境又舒適，必定再來!!!!!!!!

之前黎食過好多次，今次特登又黎幫襯！肉燥豬軟骨湯麵，豬軟骨肉質軟淋很好味，質感佳！飲品點佐珍珠奶茶同埋金桔檸檬汁，都唔錯，唔會太甜

朋友係依間餐廳常客  特地send佐呢張相俾我。見到排長龍，冇理由唔黎試下啦~首推肉燥紅燒牛肉飯，牛肉入口即溶，肉質軟淋，夠入味 肉燥汁都好香。下次想試下紅燒牛肉麵鹽酥雞扒脆卜卜，很好味，炸粉唔會太多，又唔會太乾甘梅地瓜都幾特別，好脆好香口，賣相也十分吸引肉燥茄子都唔錯，茄子炸得很酥香，肉燥味道也很好珍珠奶茶都好好飲，甜度岩岩好，又有茶味，珍珠有口感。芋香奶茶都唔記得影相喇今次2人食咗150蚊，價錢唔貴, 真係又好味又抵食！我會得閒再來食, 下次想試下其他野食 讚！！！！！！！！！

啱啱同老公嘆完個臺灣蜜月之旅，難得一齊放假，去揾間臺灣餐廳食嘢回憶甜蜜感覺先。我地行到太子，見到間環境吾錯嘅臺灣餐館，一於去試下。一入門口服務員就招呼我地坐低，雖然佢地好繁忙，亦不忘介紹店舖嘅招牌菜。老公就點咗個招牌紅燒牛肉麵，鹽酥雞球飯、肉燥茄子，百香果綠茶同胚芽奶茶。首先黎咗個雞球飯，雞球外層炸到金黃脆卟卟，入口酥脆，內層雞肉鮮嫩有汁，加埋野味嘅椒鹽粉簡直好食到不得了，好有臺灣夜市小食風味，估吾到系香港都可以食翻嗰種感覺，而且飯面仲有好香嘅肉燥汁，撈飯真系胃口大開。牛肉麵好正，牛肉燜得非常惹味，口感超好又吾會韌，麵浸在牛肉濃湯裡，試一啖，係香港真系冇一間牛肉麵做得噤出色，色香味俱全😘再試個肉燥茄子，外表輕輕炸到淺金黃，再淋咗D醬汁同肉燥系面，賣相吾錯，睇得出廚師好花心思，茄子放入口，汁同肉燥同時從嘴角流出，正、正、正👍👍👍百香果綠茶入口清新宜人，果味由牙逢溢出，係舌尖與味蕾間交集，醒神開胃😙😙胚芽奶茶亦香滑有茶味，而且食到粒粒胚芽，I like it 😍喱間臺灣嘢味道正宗，店員同我講系臺灣師傅主理嘅，加上每碗份量十足，價錢都好抵！下次食臺灣嘢我吾使諗去邊間啦，就嚟喱間！👍👍👍👍

放工諗住食晚飯，經過見到幾多人，決定入去試下。真係好後悔做左依個決定。首先我點左個招牌牛肉麵，湯底淡而無味，好似水咁。個鹽酥雞球肉燥飯，好乾，乾到好難啃，所以叫左佢比d肉燥汁，點知黎到兜汁大部份都係油。水餃冇乜特別。滷水拼盤，得個鹹字，好似豉油浸扮滷水。。其實唔正宗就預左，但冇諗過咁難食！ 一定冇下次！ 因為依間野我專登開個account 寫食評。

今日經過太子， 周圍搵野食，見到呢間野裝修唔錯， 之後望下佢門口既餐牌， 價錢又ok， 入面 都坐滿曬人， 諗住應該唔錯， 咁就同朋友入左去， 之後叫左一個招牌的紅燒牛肉麵， 同埋一個肉燥雞球飯， 。 紅燒牛肉麵 既牛肉係牛腩黎既 ，個碗就大。 分量唔多 。 個肉燥雞球飯 d肉燥好乾 ， 雞球冇汁比人點。 食過咁多間台灣野，呢一間既肉燥雞球飯係最差 一句講曬冇下次！ 有相為證。 食到一半先記得影 特登開個帳號 上黎寫評語

新開左間台灣野，當然要食返碗紅燒牛肉麵，一解台灣相思之苦，牛肉煮得入味，湯味濃郁，份量都唔少。再點左一杯珍珠奶茶，大大杯好抵飲。除左牛肉麵之外，要推介炸地瓜(蕃薯), 灑左類似既梅粉係面，一d都唔覺油膩。另外有個鹽酥雞，啖啖肉，雖然食左好多炸物，好彩唔覺有太多味精。