101 Binary

营业中

休息中

工作壓力大，收工得好好放鬆一下，舊地重遊天后區，邊散步邊搜索街上未嚐過的餐廳。是日餐湯口感綿密，南瓜湯口味濃厚，忌廉幼滑，放在上面的麵包烘得卜卜脆，沾湯喝，簡簡單單卻美味。美國牛肩扒配炸薯條焗蒜頭牛扒🥩肉質細嫩，入面呈粉紅色，有些少難咬到的筋位吃不到，而扒的底下舖有炸薯條，量亦不少，另有原個焗蒜頭亦比較惹味，一口牛扒夾一顆原粒蒜頭吃，相當匹配。香煎脆皮鴨胸肉伴珍珠粉配雜菜鴨皮金香肥美，鴨胸肉柔軟得來有嚼勁，汁醬調味不咸，感覺恰好，鴨味也可口。旁邊的配菜精緻，瓜菜焗得剛好，薯蓉對版，薯味突出，還有少少小薯粒增加咬口，整體質地軟熟。經典火腿芝士三文治🥪漂亮的賣相，烘好的核桃麵包，配上爽脆生菜咸香有嚼口的芝士火腿，火腿煎過，份外滋味飽肚，今晚最有驚喜的一道。羽衣甘藍🥬藍莓🫐小蕃茄沙律菜超級新鮮，蜜瓜很甜，和適量的黑醋汁配搭不錯。食後感：環境舒適，菜式擺盤好看，港島區來說，不設加一，食物價錢合理。

見到呢間餐廳全部正評冇負評 就黎試一試✨美國牛肩扒配炸薯條 焗蒜頭 $248呢個個薯條好食 炸到外面好鬆脆 入面軟而且有薯味👍🏻👍🏻 但塊牛我同男朋友都一致覺得佢有麥記豬柳蛋嗰塊豬柳嘅味 感覺就有啲奇怪🙈 不過肉質都幾好 幾軟嫩😋✨香脆辣蝦米醬大蝦意粉 $124呢個幾驚艷 有啲驚喜👍🏻👍🏻 個醬辣辣地好惹味 加上有脆脆蝦米個口感好好 啲蝦都幾新鮮 唔係霉嘅蝦 幾推薦😋😋總括黎講味道都唔錯 係份量細左啲 兩個人食完兩個主食都唔夠飽🙈🙈 餐廳冷氣大左啲 凍到想坐耐啲都唔得味道❤️❤️❤️❤️抵食❤️❤️❤️服務❤️❤️❤️💔環境❤️❤️❤️💔💰晚餐人均～$205（包括+1）

📍天后好耐之前嚟食過晏晝，今次就夜晚過嚟平日都幾多人，感覺都好chill$218 美國封門柳拌薯蓉配燒肉汁整得啱啱好，唔會過熟，薯蓉份量都好多，兩個人share都好夠！肉質鮮嫩，好Juicy。另外仲有雜菌碎，薯蓉又Creamy。$75 邪惡四重朱古力牛角包窩夫一直好想食牛角包窩夫，今日終於食到！牛角包窩夫，加上朱古力碎，特級可可粉，朱古力雪糕及香濃朱古力，大滿足，好豐盛，熱嘅牛角包窩夫，配上凍嘅雪糕，超正！$46 焙茶拿鐵夜晚唔想飲咖啡，就揀咗呢杯。好香焙茶味，又唔會太過濃搶咗奶味，飲完成個人warm曬🥰$58 富士山 Mount Fuji 🗻蝶豆花茶配上焦糖及奶呢個係打卡必定要嗌嘅，見到好多人都係嗌，好靚，有陣淡淡嘅焦糖。

經過天后的101 Binary，門面好濃厚的工業風，內裡樓底夠高，有空間感，內裡環境舒服。夜晚不能飲咖啡，要等下午再來試試。蒜片辣椒白酒大蜆意粉$124蜆肉大隻有鮮甜味，意粉彈牙有蒜香味帶點辣。美國牛肩扒配炸薯條、焗蒜頭 $248厚厚的牛肩扒，配上即炸的熱香脆粗薯條，還有原個焗蒜頭。點了五成熟煎得剛好，肉味濃郁。Miss Pinky $58美美的粉紅色飲品，有益力多、士多啤梨、七喜，第一口是開胃的士多啤梨味，益力多味尾隨出來。原味巴斯克蛋糕 $68質感相當流心軟滑，芝士味香濃，必食！

天后電氣道附近不嬲多野食，平日路過呢間西餐都多人，味道真係唔錯。美國牛肩扒薄身但做到岩岩好五成熟，肉味濃，最正係配焗蒜一齊食好香口，物超所值。香脆辣蝦米醬大蝦意粉係今晚意外之喜，食得辣第一啖都覺得好辣，但同朋友都一致認同辣得惹味，蝦米醬好香口鮮美，食到停唔到口。 意粉煮得岩岩好，大蝦同蘆筍用料十足，會為左佢再黎。牛油果Benedict Egg荷蘭汁幾對辦，牛油果同煙三文魚俾得好多，切開流心蛋一啖食好滿足。

這晚跟朋友來了天后吃飯，選了一間西餐cafe. 餐廳樓底很高，大門是個超大、超高的鐵門，挺有氣勢的，帶點工業風的感覺。外面也有位置，天氣涼的時候可以在外頭喝杯咖啡也挺不錯的。菜單的選擇比想像中多，不是那種只有輕食的cafe. 各種意粉, risotto, 沙律, 三文治, all day breakfast, 甜品, 主菜都有。 我們點了兩個主菜，一個是煎鴨胸，另一個是美國封門柳，兩者下面墊底的都是薯蓉，薯蓉調味不濃，所以混合著肉跟醬汁一起吃挺不錯的。封門柳跟鴨胸都是分開了兩大塊， 個人認為封門柳的肉質跟調味都略勝一籌。我們本來還想叫一個沙律，但是看看下被輕食吸引了，點了一個慢煮雞胸配炒滑蛋多士，也會有一些沙律菜，還有炒蘑菇。因為是慢煮的關係，所以雞胸肉很嫩滑，nice! 整體餐廳是有點驚喜的，因為作為一間cafe餐廳，他的食物品質比我想像中好多了，而且環境也挺舒適！

今日黎到天后依間走工業風既Cafe餐廳環境好有格調 餐點好精緻慢煮美國封門柳伴薯蓉配燒肉汁肉質結實有咬口 牛肉味香濃 肉汁都幾濃 口感幾柔軟香脆辣蝦米大蝦意粉上到枱香噴噴 食落辣辣地 好惹味加上脆脆辣蝦米 增添左成個意粉既口感Matcha Latte睇得出咖啡師手勢好好牛奶打得好細滑 抹茶茶味濃郁回甘焙茶巴斯克芝士蛋糕蛋糕質地好Creamy 焙茶同芝士味道好平衡唔會搶過對方風頭見佢地仲有手沖咖啡同Cocktail 飲仲有tiramisu 食 😋下次再黎試

門外滴滴噠噠雨聲，再加上店內輕歌，感覺好輕鬆哋可享受我的晚餐。水泥裝潢，高雅格調，環境不錯。甘筍湯配薑汁清淡嘅甘筍甜香，隱隱約約薑汁味。麵包有乾果配搭，軟熟好味。美國牛肩扒牛味濃郁，有肉汁，肉質軟嫰，脂肪不多。炸薯條外脆內軟，食到停不了口。Earl grey basque burnt自家新鮮製作, 聽聞經多次改良，用心之作。茶味跟芝士味好夾，綿滑順喉，入口即化。香橙咖啡新鮮打成橙汁，混合espresso, 味道清新自然。

這天晚上我約了家人去天后吃晚飯，經過網上的介紹，我們便決定來到這間多國菜餐廳試一試，店內環境明亮和清潔衛生美國牛肩扒配炸薯條焗蒜頭($248)牛肩扒稔香軟彈，肉味很濃郁，非常新鮮，質素非常高，配上清新的燒汁，炸薯條很脆口，焗蒜頭對身體有益處慢煮牛面肉伴闊條麵($118)牛面肉稔香軟彈，非常新鮮，質素非常不錯，闊條麵很煙靭，份量廷多炸薯條($68)薯條很脆口，用新鮮薯仔製成的薯條，薯仔味很重，配上酸酸甜甜的茄汁，薯條有用黑胡椒，鹽調味自家製即造窩夫($128)朱古力醬味道很濃郁，朱古力雪糕非常冰凍，味道恰到好處，不會太甜，棉花糖軟身，士多啤梨爽口多汁，自家製窩夫十分鬆軟，用曲奇碎鋪底整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的款式很多，小食，主菜，甜品，飲品都有，價錢相對合理，而店員亦有良好的服務態度和積極，所以我認為這間餐廳是值得再去惠顧

近日總之提不起勁，放工後便與bff找一家cafe坐坐，舒舒悶氣。這家101 Binary的裝修設計走型格低調路線，感覺簡約時尚。店內提供應多種西式輕食，意粉、全日早餐、酸種包及甜品等等。慢煮牛面肉濶條麵牛面肉煮得軟淋又入味，牛肉味重，口感帶點黏黏的膠質感，配上掛滿醬汁的濶條麵，真心推介！蒜片辣椒白酒大蜆意粉大蜆每一隻都是大大隻，漲卜卜，而且份量極多，味道鮮甜，意粉煙韌Q彈，帶有淡淡白酒香及蒜香。煙三文魚無花果酸種多士無花果味道清甜，能中和煙三文魚的鹹度，加上香脆的酸種多士，整個配搭都非常好，若能加點沙律菜及車厘茄，感覺會更健康清新。忌廉曲奇芝士蛋糕芝士蛋糕口感綿滑，質地濕潤，配上上層灑了點曲奇餅碎，令口感變得更豐富，味道鹹中帶甜，芝士味巨濃郁。Flat White & Appke Juicy咖啡順滑醇厚，奶泡綿密，奶味非常突出；蘋果汁清甜可口，冰冰涼涼的挺消暑。

唔講你可能唔知，喺天后區入面有好多寶藏餐廳，今次我要介紹嘅呢一間正正就係其中之一。餐廳嘅裝修風格係行現代工業風，喺鬧市入面更顯別樹一格。同時佢哋樓底好高，令人會覺得好有空間感好舒服。😌**香煎脆皮鴨胸肉佯珍珠粉配扒雜菜**鴨胸肉煎得好脆，外面呈現咗靚靚既金黃色，切開之後內裡仲好juicy，真係入口即溶。雜菜味道恰到好處，唔會過於強烈，反而配襯到鴨胸肉好好食。🦆**慢煮美國封門柳伴薯蓉配燒肉汁**美國嚟嘅封門柳經過慢煮煮得好軟，我叫咗5成熟，真係可以做到入口即化。燒肉汁味道都非常之香濃，整個菜式做到非常豐富，真係好好味。🐮**香濃龍蝦湯**呢個湯頭好香，龍蝦味道濃郁，仲有少少鮮甜味，真係賣飛佛。入面仲有龍蝦肉，配搭埋乾蕃茄同麵包食真係一流。🦞**Fuji Mountain**** Miss Pinky**最後叫咗兩杯餐廳招牌嘅特飲，富士山用咗焦糖、蝴蝶花、牛奶等材料調製，整個飲品口感好豐富，各種元素好相配。而且飲品係淺藍色，真係成座富士山咁樣好打卡！Miss Pinky就用咗益力多做底，配埋雪碧同埋士多啤梨果肉等材料，飲落非常refreshing，唔會好膩好甜，真係好適合夏天飲！🗻🍓

朋友係藝術家，而佢好中意銹鐡感，呢度真係岩晒feel!而且高底樓，地方唔大但有空間感，唔會夾，而且唔嘈可以好舒服咁傾下偈。我地偏好食素或海鮮，呢度都有適合素食人直嘅選擇：🍠 Sweet Potato Fries💲78炸番薯條，香脆可口夠熱辣新鮮，食唔停口！ 🍝 Spaghetti Vongole 💲124蒜片辣椒白酒大蜆意粉，有蒜香唔油膩，蜆肉都嫩～ 🥗 Vegan Deiuxe 💲108全素早餐 ，有多士、素麥樂雞、素漢堡肉、車厘茄、菇、牛油果、沙律菜及炸馬鈴薯餅～ 份量都多，都幾飽肚下～另外仲有手沖咖啡🍵Matcha 💲30(H)山政小山圓茶飲級茶粉，好香郁抹茶味～☕️Hojicha 💲30(H)焙茶都好香濃而票苦澀～呢度有outdoor seats，係寵物友善架～

Binary 101蒜片辣椒白酒大蜆新鮮嘅大蜆，搭配蒜片、辣椒，以白酒煮成，味道鮮美又帶有微辣風味。大蜆質感彈牙，營造出風味濃郁嘅海鮮佳餚。香脆辣蝦米醬大蝦意粉大蝦意粉，以香脆辣櫻花蝦點綴，味道豐富層次多。大蝦鮮甜，意大利粉口感彈牙，辣蝦米醬帶出刺激嘅香辣。黑松露雜菌意大利飯意大利飯嘅黑松露帶出香濃迷人芳香。雜菌嘅鮮美增添咗豐富嘅層次感。意大利飯質感濕潤，口感粒粒分明，滿足追求美食嘅味蕾。抺茶抺茶雖然係一款經典嘅日式茶飲，但餐廳做出嘅水準非常高，口感濃厚順滑，充滿和風味，令人感到滿足同放鬆。Fuji Mountain - 焦糖，蝶豆花，鮮奶Fuji Mountain係餐廳嘅signature drink。富士山外型非常優雅可愛，蝶豆花帶出富士山嘅藍色。焦糖同鮮奶交織，口感柔滑豐富，令人愉悅。Earl Grey Basque Burnt Cheesecake 伯爵茶巴斯克芝士蛋糕餐廳特別推介伯爵茶巴斯克芝士蛋糕。外觀呈現出巴斯克蛋糕嘅軟棉獨特形狀，充滿咗濃厚嘅芝士香氣。蛋糕嘅中間係伯爵茶嘅忌廉，散發出一種獨特嘅芳香。蛋糕整體口感細膩濕潤，有層次感又富有創意。

樓底挑高 半咖啡店和酒吧形式工業風帶點暗黑光線 整體很舒服有户外和室內的坐位選擇Grilled Beef Steak sandwich封門牛肉片 中間依舊保持粉嫩狀帶些許的牛肉香 配搭甜酸醬汁酸種麵包焗烤過 麵包香更甚中間夾着生菜葉 爽脆口感All Day breakfast 各款小點組合而成 覺得分享餐點也可以特別點兩隻荷包蛋 流心蛋黃煙三文魚配窩夫 巴馬火腿夾香甜蜜瓜清爽沙津 焗烤菇菌Slow-cooked Beef Cheeks Fettuccine 寬條麵軟硬適中 沾上洋蔥牛肉汁慢煮牛面頰肉質嫩滑 有香濃牛味切成適中粒塊狀 咬下去油脂豐盈口腔Signature blend mix Hazelnut 喜歡雙倍咖啡的香味 配上榛子 更帶出到咖啡的果仁香濃厚泡沫浮在表面 多出點奶味

朋友住天后，之前經過佢屋企附近話呢間西餐廳好食，今次終於有機會約出嚟去呢度食飯。環境好坐，係一個約朋友食飯吹水的好地方。主菜慢煮和牛面肉伴薯蓉配炸大蒜絲、豆苗沙律，和牛面肉牛味濃，炸蒜絲配薯蓉都好食，薯蓉真材實料。香脆辣蝦米醬大蝦意粉，要了少辣，不過其實都有返咁上下辣，不過辣得來就好香，蝦米同意大利粉呢個組合都幾得意，好惹味，食落幾開胃，大蝦都煮得彈牙爽口。富士山係焦糖加奶，好適合小朋友飲。視覺方面一流，打卡必備，賣相靚，真係成坐富士山咁樣！抹茶牛牛 Matcha Latte好香抹茶味，唔會太甜，又夠熱，好味。甜品Basque Burnt Cheesecake，係流心😍，齋睇都覺得邪惡，甜度適中，口感亦唔會覺得太「漏」，真心覺得好味。