119韓國站 (已結業)

簡簡單單吃個lunchSet Lunch 辛辣豚肉拌飯 $48(包前菜、餐飲)韓式前菜賣相比較頹, 但味道還是可以的 ....辛辣豚肉拌飯看上去份量足又夠睇頭, 豚肉煮得味惹味而不鞋口, 說是辛辣但其辣度是很微而且有點甜口, 越食越滋味 ~餐飲, 凍檸茶茶味一般, 檸檬不夠酸還有點苦澀, 味道很一般 本篇完 ~

前排去完韓國，好掛住D韓國野食，咁係附近又見到間裝修幾靚既韓國餐廳，就上去試下啦，上到去裝修都真係幾似當地餐廳，圓椅下面又係可以俾食客擺袋，唔使整到咁大陣味。咁我地叫左芝士排骨(大)黎食，一上菜Waiter好好服務，幫我地整溶D芝士，亦都幫我地卷落D排骨到，芝士唔會好咸，但都有芝士既香味，排骨亦都算林，而且配有大量薯角同配菜，基本上2個人食都飽飽地，之後再叫多個壽司，呢個無乜特別，整體黎講都唔錯，下次會再黎試下其他野食!

未試過去食飯，可以全碟不吃走人上到去得幾款定食㨂食物質素劣，叫了一個個伴飯毫無味道，全部都是素菜，問waiter 有冇鼔油竟然話冇，俾樽鹽我個芝士吉列豬扒粉厚豬扮超薄。完全失去食慾，永不會再去

終於等到星期天可相約朋友聚餐，卻選上了這間餐廳，真的覺得很後悔，中伏也太深了吧….回看好評多是晚餐，是我錯了下午就去吃嗎！？反正…不要緊…不會再去吃…下午12點多來到，不用等位, 客人也少店員給我們4人坐6人圓枱，座位算舒服的，反正客人不多也不會吵鬧，可以好好聊天。環境算是不錯的, 在深水步區可算難得。4人選了4個定食一起吃1.安東奶奶雞定食 $48只有4件雞在面，下面是粉絲底，而且鹽度超高，雞也不好吃, 肉好UN, 有點像隔夜菜2.新村冷麵定食 $48顏色看來像辣的，結果竟是完全沒有味道，豬肉像陌生人一樣放在旁邊，跟麵全無交集，而且肉片好硬3.韓式鐵板拌飯定食 $48鐵板上的拌飯卻完全沒有熱度，看到照片飯的顏色有像已下調味辣醬嗎？但店員堅持飯已調味不用再加，而且蛋漿也有調味過，可以直接倒進去攪拌。蛋漿倒下去完全不會熟的感覺，最後不是靠鐵板的熱而是靠飯去熱力去變熟…味道…只有難吃…完全吃不到有辣醬調味過…4.魷魚豚肉炒年糕定食 $484個定食中最好吃的一道菜，當然不算好但跟其他比起來味道實在太正常了，最後還拿冷麵跟年糕的醬汁拌吃，才不算整碗麵浪費掉海膽松露干切豆腐 $40這個…看相片已

同幾個朋友去咗深水埗嘅119 Korea Station。就晌西九龍中心對面，都算方便嘅。佢哋都係用平時韓國餐廳常見嘅油桶櫈，檯就似係自己搭出嚟，木檯面用貨倉貨架嗰種鐵架支撐，底部仲有條橫放嘅鐵架，將雙腳擱晌鐵架又頂住，坐得唔太舒服。另外，每檯都設有電磁爐，應該係俾食鐵盤或鍋類時用。呢一又三分一版紙已盡錄佢哋嘅食物。Smoothie Cider，我叫咗西瓜味，沙冰底下係普通冰塊，算係打得細膩，味道有啲偏甜，似乎係用香精調配。嗰支汽水就額外奉上，唔係好似餐牌圖示咁倒轉晌杯上，咁就只好自己慢慢加。我仲就咁飲咗啖汽水，有啲韓版雪碧嘅感覺。Edison Square，朋友叫咗芒果味，個燈泡造型嘅器皿就係佢賣點。我哋叫晒三款鐵盤，原來近期有半價推廣，不過每檯只有一盤可享呢個優惠，而最後嘅加一服務費亦以正價計算。下次晌其他餐廳遇到呢啲類似優惠，唔知可唔可以即刻割蓆分檯？（講笑）芝士排骨雞（半價），即係豬肋骨、雞肉、韓式年糕同薯角，旁邊嘅芝士就佔個盤約三分一。豬肋骨同雞肉調味唔算突出，芝士味唔濃，質感較稀，雖然可拉絲，但黏度唔強。濟州黑豚烏賊揪紅燒，由最頂層開始係烏賊、黑豚肉、大白菜、大蔥、青蔥同韓

屋企人生日，要同佢地去食試新野就去到119 韓國站，一早訂左位，就唔使等就可以入座！Smoothie Cider (乳酸) 放成金字塔般濃郁的乳酸沙冰，下層就有冰塊，店員建議先品嚐上層的沙冰，其後再加混合在一起，一杯有兩個享受方法，整杯飲品既大杯又好味，不錯！燒肉生菜包 燒肉的外層很香口，每塊肉都大大塊，所以我地就把肉剪成細細塊，容易分享之餘又可以方便夾在包內，生菜的份量大概有六至七片，用生菜包著燒肉，加上醬油後，夾著一起食可以減去肥膩，可惜生菜份量對於我們說就不是太足夠了！國民烤豚肉鐵盤上除了有豚肉，還有豆腐、蕃茄仔、炸薯角，梗係唔少得泡菜啦！排得整整齊齊，等待鐵盤加熱後就撈勻。豚肉都有兩款，包括豬頸肉肉質很爽，腩肉有點肥 (但家人就很喜歡)，炸薯角大大件，外皮帶點香脆。真露海鮮湯以一個水煲出品，可以方便倒出品嚐海鮮湯，海鮮湯非常清甜，帶著各樣海鮮的精華！內裡的海鮮配料豐富，包括蝦、花甲、青口、帆立貝，還有不少蔬菜和菌菇，海鮮都頗新鮮，個人就特別喜歡蔬菜，因為它完全吸引了海鮮湯的味道，非常入味！ 

朋友成日都話想食韓國野但又食厭韓燒咁我咪帶佢去１１９試下Ｄ新野～..............................彩色ｍｅｎｕ有晒食物圖片，排版夠晒清晰～..............................燒牛肋骨生菜包；牛肋骨夠晒大份，個人認為，燒到７成熟最有口感，可惜生菜份量就較少，無得再加，唔太夠食～..............................陸軍拌飯；一送到黎個腦就諗起幾個字～好大份！我同朋友３個人都夠晒食入面有紫菜、蔥、蒜，撈埋一齊好香，岩晒鍾意食素但又想陪食肉獸朋友食飯既你地..............................- 果蜜雞翼；咬落好香口，有Ｄ蘋果肉係面，再加上Ｄ甜甜既甜酸醬，開胃又易入口，讚！..............................- 蜜瓜 ｓｍｏｏｔｈｉｅ　ｃｉｄｅｒ；份量夠晒大冰上有蜜瓜味既沙冰，你可以慢慢加汽水上去飲，不過呢杯野都幾甜，未必個個都鍾意飲..............................

咁岩行過深水埗,醒起之前食過119覺得都唔錯所以決定帶朋友去食多次!因為係平日,我地都唔洗等位就有得入一坐低就叫左個沙律就前菜食 (扮健康)個沙律份量夠晒大,而且D菜都好新鮮唔會好似其他舖咁有D菜黃晒沙律上面仲有好多topping,如煙肉加埋口感好正好爽口!值得一試不過我覺得可以再落多D sauce,咁就唔會太乾啦黎到飲品我就叫左罐韓國橙汁,都幾好飲,唔會好似其他香港牌子既橙汁咁得個甜字朋友就叫左杯乳酸smoothie cider一黎到就呆晒,因為真係好!大!杯眼見都有好多沙冰,加埋汽水飲有好重益力多味酸酸甜甜,好開胃好正必叫!野食就叫左個芝士排骨雞,咁好明顯入面就一定有芝士,排骨同雞啦,除左咁仲有大量薯角幫你填肚一個價錢食到咁多野真係抵番晒呢個真係十級推介太好食啦,芝士好滑好香,融晒之後連埋D雞一齊食既口感真係不得了芝士就算食左好多都唔會太'漏'而且每塊雞都係肉,唔會好多骨,十分足料呢個元貝焗到好香酸酸甜甜,好開胃,而且面頭仲鋪滿煙肉粒,口感好煙UN鍾意食韓國野既你不妨試試

好耐好耐都冇食過韓國野啦, 今日終於可以同成大班朋友一齊去左119到食。呢到既環境雖然得啲好簡單既裝潢, 但係微暗既環境令到好似置身於韓國既特色餐廳……芝士南瓜年糕見到呢個好似幾特別所以就點左啦……一上枱見到真係用個南瓜裝住啲年糕, 食落味道都唔錯, 好濃郁既南瓜味道, 同年糕好夾, 食落甜甜地得黎有小小鹹, 而且年糕煮得岩岩好, 唔會太硬。不過如果芝士味再多啲就十分完美!!!!119金湯一隻雞係韓國旅行好鐘意食當地既一隻雞, 因為真係好好味, 雞味濃郁又清甜……見到呢到都有一隻雞就點左黎試下: 翻滾左之後香氣四起, 雞肉好嫩滑而且雞味都幾出。煲出黎既湯都幾鮮甜, 但係有小小鹹左啲。雖然佢只係用雞, 薯仔, 大蔥等等既材料去煲, 但係已經好清甜, 值得一試….蟹籽手拌飯真係超好味!!!!蟹籽, 紫菜同埋肉鬆再加埋沙律醬真係好好食, 而且又有自己親手整, 有得玩又有得食!!!!

因為我好中意韓國菜，所以不知不覺已經變左119既常客，事無大小都會黎依到食下野，其實都係想食下啲濃味野xd見佢出左新meau就再次光臨，又係食我好喜愛既鐵板系列。大約6點到達，個場好少人！相比起之前真係差好遠，不過入夜依然係好多人，所以愈早食愈好，又吸少啲油煙味，唔洗一邊迫一邊食～主要係因為佢meau多左個濟洲黑豚烏賊揪紅燒，因為本人都幾中意食墨魚，所以好想試試佢！小食都轉左幾款新野，我就揀左比較大眾化同少食到既款式，而chicken就比較想食炸醬麵。海軍薄餅，薄餅佈滿厚厚既芝士，食起黎有微微拉芝效果，餅底較薄，口腔充滿香濃芝士味。而海鮮餡料比較集中係中心，有魷魚、蝦仁等等，令薄餅食起上黎更豐富。濟洲黑豚肉烏賊揪紅燒，到我地既主角出場，鐵板當然需要烤一陣先食，而面層淋滿泡菜辣醬做調味，烤左一陣香味開始漂散出黎，當然就要搞拌一下均勻味道。墨魚既份量唔算好多，口感彈牙，墨魚腳味道鮮中帶微辣。不過黑豚肉則有少少失望，黑豚肉烤熱後依然有陣雪藏過既味道，感覺食落去感覺唔太新鮮，加上份量偏少，覺得唔太抵食。溫泉炸醬麵，墨黑色既炸醬麵當然要先搞拌才食，賣相就唔算太討好，但味道唔錯。口感較稠同軟淋，每

冇錯，我又食119喇！！！點解？？因為阿爸生日，又要食好，又唔想太貴，最後就選擇嚟番119。銀河沙律，紫薯、合桃及疏菜，用上柚子味的沙律醬，不錯。焗濟州島元貝，元貝SIZE比預期中大，用上芝士焗，正，記得，好嘢要快點消滅咗佢。真露海鮮湯，相對同門師兄的真露煮蜆，完全係完美的進化版，除了蜆外，還有蝦、元貝、青口、大白菜及金菇。用料足，無添加，海鮮也不會煮得老，而且還貼心的用小水煲上枱，吸睛之餘，還方便大家倒湯。國民烤豚肉，用料有腩肉、豬頸肉、薯角、豆腐同車厘茄，加上醬汁（選了小辣），是一個不錯的配搭。腩肉同豬頸肉，令你一次可享受不同口感的豬，個人比較喜歡腩肉，肥瘦的肉夾在一起，而且配上車厘茄，待你覺得油膩時，可帶來點fresh。而我最推薦是豆腐，配上醬汁，既入味、又香口。不過大家要記得睇火，唔好overcook。Makgeolli Shake It，米漿加柚子醬，對本來平淡的米漿帶來一個新的味道，而且又不會太甜，LIKE爆。

一心諗住揾間有芝士排骨食既餐廳，同朋友睇過食評，都覺得依間好似幾唔錯，加上近我朋友屋企，所以就試下，點知中伏！一共嗌左4樣野，3個女仔食！芝士排骨．芝士水既，問職員點解甘，佢話因為轉左芝士，完全拉唔到絲架囉，問佢甘樣就甘點啲芝士一齊食？佢話要撈，點知一撈就岀事，撈完係食唔到啲野食有芝士，完全俾啲韓式醬蓋過哂！錯哂．年糕同薯角最好食．排骨係幾䭃，不過無味架囉牛肋骨包菜牛肋骨-燒極都好似白烚肉甘，無味，難食泡菜-酸既醬汁-又咸又酸，都5知咩醬，好明顯係自己調，但可5可以調啲同肉一齊食會夾啲既醬呢？生菜-最好食部隊鍋個湯底完全係辛辣面既湯包味，一啲都唔係部隊鍋，會唔會有啲過份呢，甘都叫部隊鍋，啲面食落好似連一個都無，少得可憐，依煲野真係最不知所謂紫菜包飯如果你依個都叫紫菜包飯，甘爭鮮既小卷都可以叫紫菜包飯！依個甘既野一啲麻油香都無，普通到不得了，仲要點沙律醬，咩事呀，究竟依間野知5知咩叫紫菜包飯？唔識就5好開韓國食店啦，不知所謂本身滿心期待食依間野，但完全失望兼覺得係俾佢裝修呃左囉，走時樓下好多人等，我真係好想叫啲人唔好等，因為一啲都唔好食！

優惠最後一日去身份證'119'其中一個字送芝士排骨雞。本身打電話去約，點知原來優惠期間無得預約。結果六點半去到，我地系6x籌，但系果時先至叫到二號。。。。餓到死就喺周圍兜住先，結果七點半去到，先叫到十一號。太肚餓就食左其他野再慢慢等。最後睇翻張籌，原來可以 down apps睇叫到幾多號之後梗系即刻download.等等等，到咗九點九果時，終於到我地。真心唔明100號之後嘅人點等😂。。。。去到之後除半份芝士排骨雞外，我地叫左炒魚片，同賣燒肉。1.芝士排骨雞 （半分）。本身系最期待。事實上系最普通。分量超少。味道又唔夠其它鋪好食。不過洋蔥都幾甜。好味指數:3/102.泡菜魚糕。因為好想食泡菜所以叫咗呢個。味道一般。細細碟不過幾有嚼頭。好味指數:4/103.燒肉。已經燒好咗上碟。厚切都幾好味。不過真係好多油。其他韓國鋪相比，都差唔多。好味指數:6/10。。。。。。。。。。本身滿心期待，兩個人諗住叫五六樣野食食下，但系等三個半鐘真系有d無奈，等嘅途中太肚餓食咗其他嘢。就所以就無試到太多食物。但系下次再食機會10%感覺快要等到天荒地老

今天是一個人午餐系列。選了一間新派韓式餐廳119！係深水埗黎講，價錢都唔算貴喔！48元跟餐有熱飲點了媽媽手抓飯，內裏有魚籽，肉鬆和沙律醬。飯的份量絕不少，有1.5碗，加入魚籽口感立即提升！還有膠手套讓客人自己手抓拌勻。魚籽沙律醬味道很配合呢！👍🏻👍🏻👍🏻

韓國菜，一向都係我同男朋友嘅頭三位，今次嚟到119station。呢到好旺好多人，裝修似足韓國嘅燒肉店，唔講真係以為自己去咗韓國！點餐係自己用點餐紙落單嘅，另外仲會有啲期間限定嘅款式嘅餐牌咖。燒牛肋骨生菜包初頭以為係好似平時啲咁，整好哂上枱。但一望，未熟咖喎！原來係要自己落手落腳去燒咖xd咁都幾好玩喎。仲可以保證肉燒得熱辣辣，同有幾熟。牛肉肉質嫩滑，唔會韌，肉味都幾濃。加上一齊燒過嘅泡菜，蔥絲同辣醬，包住係生菜入面，夠哂多汁又豐富！濟洲黑豚烏賊揪紅燒呢個係期間限定嚟嘅，超級豐富同大份。一上枱啲野係未熟嘅，等佢煮咗一陣，店員就會嚟幫我地剪開啲配料同煮勻佢。有一隻原隻嘅八爪魚，五花腩，韓式粉絲，好多好多嘅泡菜同蔥蒜。八爪魚幾彈牙，五花腩亦都好香口。最好食係粉絲搞勻咗啲泡菜同蔥蒜，勁入味！豆腐牛肉燉鍋因為前兩樣都比較熱氣，所以想叫翻樣健康啲嘅湯。呢個燉鍋係唔辣嘅，牛肉係牛展，出奇地煲得又淋又入味！鍋入面有大量嘅娃娃菜，豆腐同金菇。湯底好清甜，中和翻頭先啲餸嘅熱氣同辣。中意食清淡啲嘅人可以一試！Smoothie Light (芒果)本身望到側邊個枱有人飲，即刻雙眼發哂光要叫！點解？因為佢個外型