120冰室

营业中

休息中

午餐諗住近近地，唔好去咁遠，百味鮮無位，120最近，但差唔多飲曬例湯時，先發現湯內邊有烏蠅🪰的屍體，真係好嘔心，同侍應反映完，她攞走蟲屍，同廚房同counter老闆娘講完，完全沒反應，繼續撥同樣的湯俾其他客人，應該習以為常！午餐「咖哩雞扒腸仔意粉」味道及賣相正常，但諗人起烏蠅🪰湯，雖然未必會肚痛，湯應該有滾過吧？😓但諗起真係令人反胃，只可當自己唔好彩，該店衛生意識真令人失望，唔會再幫襯，一定無下次！

早上剛剛放工，回家途中發現個肚餓到鼓鼓聲，靈機一觸，醒起附近一家冰室，一於食埋個豐盛早餐先返家訓教。 見到餐牌的選擇多，份量又好似幾多咁就試下啦！殊不知令我大失所望，早餐每一樣食物都未如理想。率先黎左杯奶茶，奶茶水份太多，茶比例太少，味道比起超市罐裝奶茶還要差，只好期待個早餐食物會好些吧，點知榨菜肉絲米粉都可以咁差，榨菜好多根都係菜根部分，食落又乾又無味，肉絲只得寥寥數條，而且成個湯粉都極油膩。最後附上的厚多士厚度適中，烤得外脆內軟，但明明已叫了走油卻給我在多士上塗上厚厚牛油🤣 另黑松露滑蛋變左煎蛋，松露醬極少且味苦，煎蛋又油又乾😢 希望店家將來會有所改善！

又到年尾，政府消費劵就到期（非八達通），都要把握最後機會用埋佢。知道依道有間茶記幾特別，重點係佢肯收我用果個支付平台，一試無妨。叫咗個早餐，坦白講服務就冇乜，都係食野，叫咗沙牛通，雙太蛋，熱檸水，都係基本野。太蛋同檸水算正常，檸水有D 地方用劣質檸檬，會有苦澀味，依度就幾好。重點係個沙牛通，份量唔算多，因為通粉係大粒坑紋通粉，係我好細個食果種，兒時回憶即刻返來，因為唔係度度食到😍味道幾好，牛肉都夠滑，整體都好食👍

今日諗住去間新野試下，點知中伏味好重。我自己覺得佢d餐具唔係好乾淨，佢用d膠袋lup 住d餐具。d野又唔好食，我地3個同事都話唔會再去，我杯凍檸茶都飲唔哂😥😥😥

以電車為主題的小型茶餐廳。在這裡吃了一個傳統早餐，榨茶公仔麵不過不失，茶走值得一like.雖然地方不大，但坐檯之間不算太逼壓。老細有一部絕版珍藏120電車模型，切記一看！