180 POPCORN (沙田廣場)

营业中

休息中

爆谷入面有頭髮，見到兩個女職員掛住傾偈 服務態度偏差，第一次食，印象麻麻，裝爆谷嘅時候，入面有頭髮都唔知道 ，而且價錢偏貴，下次唔會買，失望失望失望失望失望失望😞

第一次食完之後真係一粒接一粒🍿睇戲食嘅話會唔經唔覺好快食晒，好似上咗癮咁，今次翻撻朝焦糖脆脆味，一粒爆谷最重要嘅係味道分佈平均，沙田嘅呢一間180Popcorn絕對係做到粒粒焦糖爆谷都係360度有晒焦糖爆谷，絕對唔會好似戲院嗰啲咁一粒又一粒冇😋

早兩日經過旺角嘅分店發現出左新口味，但要追巴士🚌就冇買，今日同🤴🏻去開沙田順便望下有冇賣先😁😁～～～北海道夕張蜜瓜🍈味爆谷～～～去到時差唔多收鋪啦，好彩仲有打包好嘅可以售賣，同🤴🏻好似怕蝕底咁即刻攞咗包$69嘅😅😅其實返到屋企冇即刻食，等到第二日先打開，估唔到依然仲好脆口，呢個另我哋都幾驚喜😆😆，但有啲可惜嘅係香味就一般般！😗😗味道方面，甜甜地確實有好輕好輕嘅蜜瓜味，唔會太甜！但都係嗰句一次過食得太多，都一樣會好膩！😅😅少吃多滋味😉😉

食開popcorn 兄弟，😔😔😔見到呢間咁靚仔，諗住唔會差，佢個朱古力味差幾皮，一啲朱古力味都，仲要好甜好甜好甜好甜😔😔😔仲要唔脆，係，我確實係夜晚先買嘅，但係第二日就食啦喎，冇理由唔脆得咁緊要㗎....買咗咁大包，食咗10粒就想收手，又唔想嘥晒啲嘢，極度難受！如果真係鍾意食好食嘅爆谷，我勸大家唔好買呢間價錢嚟講佢又唔算太貴又唔算玩嘅好平，但係點解可以咁甜...........仲要packing同爆谷個樣其實好靚，但係真係一啲都唔好食

呢間爆谷店行過路過都會聞到好香嘅爆谷味因為佢哋會有個爆谷機喺度炒住次次行過都俾佢啲焦糖味吸引住左但係價錢方面唔算太平 通常都要40幾蚊份量唔算多 不過勝在都幾好食嘅個人最鍾意朱古力口味同焦糖口味因為好香甜不過滿佈唔算平均 有啲比較白色 冇乜味🥹🥹呢個可以多少少改善同埋試過買過幾包 有啲都係淋左 希望呢樣嘢有所改善 因為自己個人來講都幾鍾意食爆谷 但係通常一包一日就食晒 所以對我來講都幾貴🥹🥹🥹不過店員嘅服務態度都好好 同埋有不定時嘅優惠 我諗我都會再回購！

屋企啱啱裝修完要去Ikea 選購家品 因為之前喺沙田返過工 呢度嗰間Ikea應該係全港最大 即刻過海過沙田行吓 去完Ikea 冇乜收穫 食完lunch就周圍行吓沙田巿廣場懷緬下以前喺度返工嘅生活☺️跟住行吓行吓突然聞到浸好香嘅爆谷味飄過嚟 忍唔住跟住香味走 原來香味來自沙田廣場呢間爆谷店 之前食過其他分店覺得冇乜特別 雖然係好食不過有啲太甜 決定俾多次機會佢 買咗包細嘅焦糖味 前面排左大概五六個人 等咗大概八至十分鐘就有爆谷 omg 好好咪！！暫時係食過最好味嘅一次呢間分店嘅爆谷好大包 脆卜卜 唔會太甜啱啱好 超好味 停唔到口 如果屋企附近開返間就好啦

很久已沒有到戲院看電影了，食爆谷的機會也少了。今天途經沙田廣場，看見一間賣爆谷的專門店，當然便要買來試試。這小店的爆谷是即爆的，一看見便想吃了。最後我選了一小包焦糖脆脆，打算在家煲劇時吃。焦糖脆脆味道濃郁，幸好吃的時候還有點脆。包裝袋設計下了些心思，方便封口。如果未有能一次過吃掉整袋爆谷，也盡量令爆谷不會極度速變淋。甜甜的焦糖包裹著粒粒爆谷，可惜有此爆谷是漏網之魚，未沾上焦糖。但係整體來説，這店的爆俗也不錯呀。始終是新鮮爆的，入口確有不同。

呢一個絕對係我食個最失望嘅爆谷行過見到好香 身邊既朋友都話想試吓 念住買一包試吓 念住$38一包咁貴 應該唔會中伏得去邊點知唔係我叫咗焦糖脆脆 一啲都唔脆喎店員已經起嗰個爆谷機到剷出黎已經係淋晒 仲要好多都白雪雪無味都算 唔好舊舊都係淋架啦系咪啊？食食下都無心情食 扔左唔該佢改名 唔好叫焦糖脆脆啦 誤導消費者真系好難食 無下次！！再者 店員目口目面咁 完全聽唔到佢話幾錢 千祈唔好比佢地既香味吸引左 完全唔值唔好食！有錢都買其他

康城分店頂瓜瓜，沙田分店嫲X嫲。焦糖不足，好多冇糖。店員冇精打彩，跟康城分店冇得比。唔掛得唔使排隊⋯這間沙田分店以後都唔會再試🤬🤬🤬🤬🤬🤬🤬🤬🤬