影片
营业时间
今日营业
14:00 - 22:45
星期一至四
14:00 - 22:45
星期五至六
13:30 - 22:45
星期日
14:00 - 22:45
公众假期
13:30 - 22:45
公众假期前夕
14:00 - 22:45
以上资料只供参考，请与餐厅确认详情
噚日（6-12-2024 Fri）同老公請假整嘢，到傍晚又回收啲嘢，之後同老公返去煮嘢食，點知老公話買個雞髀返去加餸，原因係冇乜肉食。咁我哋行，老公話去地鐵站嘅豪大大（https://www.openrice.com/zh/hongkong/r-%E8%B1%AA%E5%A4%A7%E5%A4%A7%E9%9B%9E%E6%8E%92-%E8%8D%83%E7%81%A3-%E5%8F%B0%E7%81%A3%E8%8F%9C-r782641）買，哦？！咁我記起路德圍都有間炸雞扒，於是走嚟試，我哋嚟再研究完一輪，老公就揀$40.00嘅脆皮無骨雞腿排，調味粉佢揀梅子，我就揀芝士嚟配合佢。店員問我哋要唔要膠袋，由於我哋唔係即食就要啦，咁就要加$1.00。等咗11分鐘就有，拎上手熱騰騰，亦嗅到芝士味，由於驚返到去會凍晒唔好食，老公就話喺中途坐低食吓先，拎出嚟睇，灑滿橙色嘅調味粉，成件就有手掌咁大，食落，當然係熱騰騰，外面好脆，但肉質幾嚡，印象中上次食豪大大嘅係唔嚡（食評係2024年6月21日刊登嘅呢篇：https://www.openrice.com/zh/hongkong/review/yeah-%E5%B9%BE%E5%A5%BD%E5%91%B3-e5526946），味道就芝士嘅鹹比梅子嘅酸出啲，老公讚呢個味道嘅配搭好味。返到去煮埋嘢食，呢個當然凍咗，但個皮仍脆，而佢係雖然冇豪大大嘅大，但比豪大大厚，所以我諗佢哋嘅體積係一樣，亦可能咁，佢哋炸耐咗，以致雞肉嚡？1.5分抵食係2.7分其他：由於製作須時，佢哋都好貼心咁放咗幾張凳俾客人坐住等。題外話：喺等嘅時候，我去附近恆生銀行撳機，經過呢間豪大大（https://www.openrice.com/zh/hongkong/r-%E8%B1%AA%E5%A4%A7%E5%A4%A7%E9%9B%9E%E6%8E%92-%E8%8D%83%E7%81%A3-%E5%8F%B0%E7%81%A3%E8%8F%9C-r188113），就睇睇佢哋嘅分別，豪大大雞扒賣$42.00，加咗價。
继续阅读
同好友掃街，發現呢間不少學生同街坊都排隊，難以說不，身體一早已非常誠實去排隊🤣。八種調味粉任君選擇（梅子、海苔、香辣、原味、麻辣、芥末、咖喱、芝士）每款食物可混合兩種合味，啱晒樣樣都想試嘅我。✨脆皮無骨雞腿排✨ $40即叫即炸，超級大塊，仲要拎出嚟嘅時候成個❤️形咁，睇到勁開心😍。外面炸得非常香脆，選了芝士海苔味，鹹香味十足。一啖下去，入面嫩滑多汁，好食到我哋停不了口🤩✨脆皮杏鮑菇✨ $25份量不少，選了辣味海苔調味。炸得非常好，完全不柴，且帶點濕潤，口感非常好。雖然選小辣，但係辣味足夠，非常惹味。✨ 脆皮花枝丸✨$18超級有驚喜😋😋選了椒鹽梅子，大大粒三大粒，大粒彈牙。梅子未帶小小酸甜味，非常開胃。所有食物都係即叫即炸，而且整體質素很高，難怪受到街坊歡迎。想睇更多介紹，馬上Follow我啦😁。 #big_big_foodie #big_big_foodie食勻荃灣 #big_big_foodie食勻香港
继续阅读
荃灣美食非常多，尤其路德圍附近，有非常多特色小店。＜2派克雞排＞，位於📍荃灣荃華街99號，係一間台灣炸雞店。呢度以外賣為主，主食有脆皮無骨雞排、脆皮無骨腿丁、雞塊、雞翼，小食類有花枝丸、甜不辣、脆脆雞皮、地瓜條、脆皮杏飽菇......等。每樣食物都係即叫即炸，熱辣辣香噴噴😋，保證香脆可口。仲有6種調味粉，可自由配搭不同炸物。🥢脆皮無骨雞排（芝士芥末）大大件無骨雞排，雞排肉厚，外層炸至金黃，入口香脆，中間雞肉嫩滑多汁，加上芝士芥末的鹹鹹香香，非常惹味😍🥢脆皮雞柳條（海苔芥末）雞柳條，雞皮炸香脆，中間軟腍多汁，配海苔芥末， 滋味無窮😋🥢金菇酥（梅子）一梳梳的金菇，炸至乾身脆口，口感酥脆，以梅子粉調味，酸酸地，令食慾大增。🥢脆皮台灣香腸外層脆口有彈性，又有點煙靭口感，中間Q彈香甜。👍甜薯地瓜條（梅子）甜甜厚實的地瓜，配上梅子粉調味，入口甜甜酸酸，香脆好味的小食。雖然全部都係炸物，但都炸得好乾爽，食完全無油膩感👍
继续阅读
今次見佢新出左雞軟骨所以再訪‼️上次嚟食特別鐘意佢可以揀調味粉嘅味~ 調味粉有海苔、原味(椒鹽)、辣味、咖喱、芥末、麻辣、梅子、芝士！不過我特別鍾意海苔❗️全部都係即叫即炸,所以基本都要等15分鐘左右~仲有素食拼盤！選擇困難症可以揀二人餐添~我嗌咗無骨雞腿排、金菇酥同新出嘅雞軟骨~ 雞腿扒真係大過塊面！拎上手勁熱,拎左返屋企,就算凍左少少, 一撕開都係冒出白煙！表皮香脆可口，肉質嫩滑多肉汁!!必食係金菇酥~ 金菇炸得勁脆之餘配上海苔粉, 好似食緊零食咁😆😆😆新出嘅雞軟骨都好好食炸得好脆！
继续阅读
今日行過荃灣路德圍就想掃吓街 呢間台式炸雞舖可以自己揀要咩口味嘅粉 唔係淨係得椒鹽粉 所以我就叫咗少少小食嚟試吓脆皮無骨雞扒+海苔芝士粉勁大塊雞扒 而且係熱辣辣 即叫即炸嘅 所以可能要等得耐少少 塊雞扒都好嫩 好juicy 咬落去仲啖啖肉㗎甜薯地瓜條+梅子粉本身好鍾意食甘梅地瓜條嘅 我一定叫呢個嚟試吓 外脆內軟 仲有好濃嘅番薯味脆脆雞皮+海苔芥末粉店員推介我試吓呢個雞皮 佢話好多人叫 所以我就叫咗你試吓 唔講都唔覺得自己食緊雞皮 好香口 而且海苔同芥末粉加埋都好夾
继续阅读