4號烤吧 (已結業)

話說開舖不久，行過總覺得好香，所以一次偶然下集齊全家去會一會。先叫了一盤烤魚（少辣)， 飢餓的我們急不及待拆魚，可惜吃了幾口，總覺得欠了些甚麼？其實個汁都可以的，只係魚不夠新鮮，未夠鮮甜，好單調，只靠個汁夠濃味，所以吃幾口已再沒有意慾吃下去。再講另一盤雞，份量不多，亦是單靠汁料，雞味欠奉，似係用冰鮮雞。整體來說，食物選擇不多，味濃但冇鮮味，食完確實口喝極了，價錢亦不屬便宜，所以只此一次，不會再光顧了😑。

除左燒雞皮 同啤酒 冇樣好 總之差差差差差條魚又苦又一patpat 菜又黃曬 嗌凍檸蜜 黎到就變熱檸蜜 肥牛仲衰過百佳買個啲 澳洲牛？大陸黃牛炸嘩 醉雞煲 未食見到都醉左 入口唔知咩味 羊就石頭爆出黎既 總之好難食 經過會掉頭走 再見

星期日8:00在太和站附近食dinner，等咗2張枱大約15分鐘就有位。我們2個人被安排坐咗在一個無煮食爐的位，不過無所謂因為想食串燒為主。雞泡魚乾$48勁大碟好抵食，不過沙律醬要問人先有，係偏乾既。燒豬腩肉$28係最最最好食，肥瘦脂肪恰到好處。最抵食係串燒拼盤$68，有4串肉（牛、雞、豬同唔知乜）、一口蕃薯仔、韮菜，營養好均衡又食到各款肉，同埋價錢係好便宜，建議可以叫2客，抵過散叫。燒秋葵係幾大條幾得意，食到尾會辣。辣度係一般偏辣，飲咗甘桔檸檬蜜桃茶1渣同水果茶1渣，再在自助位拎咗2杯熱水慢慢攤凍。結論：整體幾Ok，味道好，上菜速度快。

今日係大埔行到超累 見呢間野食飯時間唔爆 門面又ok 入左黎試坐底打開openrice, 見到咁多負評 覺得好奇怪 因為店入面雖然坐唔滿 但係食客都幾享受咁。 我想講呢度除左我今日食既烤魚 仲有串燒雞煲 仲有英超睇。因為今日唔想食辣 所以揀左個唔辣既烤魚。條魚黎度 賣相唔差 $188 一條魚 算抵食 味道偏淡 但味道係可以的 魚食得出係新鮮 同埋啖啖肉 唔稱得上話好好食 但絕對唔會負評！呢度白飯飲食 好多男士 裝左一大碗飯係咁食食食 。見到都覺得好滋味。同埋呢度坐得舒服 裝飾好 冷氣夠凍 可以一試

見到無乜人諗住入去試下佢話反左好多新野呀不過我地都無叫佢介紹果d我地最後嗌左個黃酒雞煲黎到見到特登拎d酒係我地面前倒落去聞到好香酒味充滿期待點知食落無酒味 無雞味好失望配菜份量好少飯就自己出去裝既 仲有落錯單我見好多枱都係所以記住check單呀

今次第一次黎呢間餐廳叫左個重慶豆花烤魚魔鬼辣頭兩啖仲係到話冇咩野啫點知食多兩啖個頭開始莫名咁出汗真係越食就越辣侍應態度良好 下次一定會再嚟今次如果唔係本身食左野都唔會食咁小野

今日叫外賣，想叫川北涼粉，同埋佢餐牌嗰個推介嗰個烤豬手仲有乳鴿，點知佢同我講涼粉同嗰個豬手冇做好耐，其實開左幾個月都無，啲野食轉黎轉去😑又五改咗佢，餐牌仲話重點推介。之後淨係叫咗個乳鴿拎走，問佢可唔可以俾少少辣椒油我，佢話個乳鴿本身有嘢點，五洗用辣椒油，我話我想點辣椒油食，佢話無辣椒油。其實五想俾咪話五想俾囉咁大間火鍋店，無辣椒油！邊個信，餐牌又依樣又無果樣又無。我堂食都有得自己拎啦永不會再去。

開左都一段時間既雞煲，係阿仔學校對面！之前阿仔見佢開，已經有話想去試！但一路都搵唔到機會！今次係佢附近食左串燒唔夠飽，就借機再食所以揀左4號因為小朋友已經食左小小野，所以就叫左個半隻小辣麻辣肥腸雞煲！肥腸好好味！但我覺得成煲野多左d 油加左薯粉，即炸翠竹卷，拉面，肥鵝腸，支竹！呢杯野阿仔話得個酸字呢個檸檬蜜桃茶幾好味！$48一大jar! 雖然話小朋友食咗少少野，但都怕佢唔飽，所以叫咗個蝦多士！第一啖食落幾脆口！但再食就好油仲有個醬香乳鴿都係麻麻地$45值得一讚係，佢地預備每人一件圍裙避免你哋整污糟件衫埋單抵食！下次想試下佢地既烤魚！

佢門面同菜單跟住深圳探魚果類，但食物好差一行4人，我地叫左個欖豉烤魚同青花椒酸菜烤魚欖豉烤魚一上係聞落幾香，但一食係冇咩味，到中間加左水之後更加係似過過水黎，完全冇味！青花椒酸菜烤魚叫左小辣，又係食落冇咩味，所以我地要求加辣，之後店員比左碗紅黑色既油，聞落冇味食落冇味要加落條魚煮熱之後先變辣，似人工辣味，辣得奇怪（店員服務解釋依啲要經加工調製既辣油）總之食完四個個胃都拿住拿住！買單$510配菜有薯粉；金菇；芋頭；魚皮

貪新鮮諗住試新嘢。。。點知中晒伏去到門口等位等左十分中左右，入去坐低但張枱無人抹過勁多食物殘渣，職員過黎問落單，我地要叫佢抹左張枱先，因為佢張menu係貼喺張枱到。。。落完單黎左渣特飲先，但正諗住倒落隻杯之際望到隻杯（銀色不銹鋼杯）入面勁污糟，見到入面d漬真係好核突。其實出街食飯我都預左要自己抹碗筷餐具，所以我都無出聲自己抹下隻杯，點知抹完張紙巾係灰灰黑黑咁。。好嘔心呀！個職員見到我拎住隻杯就問我隻杯係咪有問題，我講其實都真係幾污糟下。。佢都好好即刻幫我換過2隻透明玻璃杯。到個雞煲黎到，原來唔係一個煲，係個鑊仔。我地都覺得唔緊要，味道先係最重要。我地2個人點左半隻雞（小辣），點知一食已經唔掂，完全同平時嘅雞煲差好遠，好似求其落d麻辣醬落去煲熟佢咁，無走油完先煮都算，d雞入面仲要無味嘅，好失望其實個煲底唔好味就影響晒成餐飯，叫左d 配料黎到又嚇一跳。。。安格斯肥牛但直頭同任食火鍋嗰d肥牛無分別仲要$78 真係離晒譜。鴨血又係劣質嘅，一夾就散。。。豬皮，蟹柳同娃娃菜都係普通出面買嗰d啦。就算d配料幾新鮮但個煲底本身咁難食都會嘥晒。。。埋單$354唔係貴，不過食d咁嘅嘢就真係唔抵，至少個雞都

Just had dinner here. No napkin provided. No water provided (only self served boiled water). Food isn’t that delicious. Will not come again.

如果想去大埔食深圳Feel的烤魚，可以去太和4號烤吧，味道不錯。FB讚好又有特飲送，又有很多酒精飲品。環境十分好，適合和朋友聊天。魚很鮮味，是喜歡烤魚的好選擇！任何人一定要試試！有很多小食，又種種好吃。名牌不簡單，有舌聽風雲，苦盡甘來。又有乳鴿，好好食！服務員十分有禮，一定要讚！令我心情好！又有足球節目看！我决定下次午餐來食咖喱同米線！希望大家一起一來大吃大喝！朋友都讚好話不比内地的名店探Fish差！

新開黎講算差第一已經冇乜客 仲要上菜慢等左超過15分鐘 第二落錯單明明叫麻辣又黎左酸辣 之後先補番碟麻辣醬第三米線叫生d 到最後又淋到發晒😫😫😫😫🧐總括黎講 冇下次!

黃酒雞煲無酒味，無雞味，雞肉是十分老和鞋，9蚊一碟配菜，跟人頭配數，不新鮮，不知道食緊什麼烤魚，唔知食緊什麼，魚是沒有味道職員忙到是無法回應顧客，三位職員要照顧全場，落單後要等候十分長時間才有酒水和食品，無限時間進食都不是這樣對待顧客無限時間進食，等位無了期貪新鮮，新開鋪去食，點知中伏，以為大埔區做飲食就可以賺錢，入場等候時常會見到老闆娘趕客走現場環境是吵鬧到無法傾談見沒有評論，應該是被過濾，無法推廣