影片
开饭介绍
主打牛肉火锅，提供来自不同产地、不同部位的牛肉，包括澳洲、日本、本地等。牛肉部位罕见，如牛颈脊、牛腩心等。
继续阅读
营业时间
今日营业
14:00 - 23:45
星期一至四
14:00 - 23:45
星期五至日
12:00 - 23:45
公众假期
12:00 - 23:45
公众假期前夕
12:00 - 23:45
以上资料只供参考，请与餐厅确认详情
有关奖赏计划
相关文章
最近去咗西營盤依間「616牛肉火鍋專門店」打邊爐，依間分店與眾不同，裝修風格係行懷舊香港路線，圍繞住昔日嘅士多、家品店、押舖、海味店等等，嚟依間餐廳食飯，彷彿好似走進陳列館一樣，非常適合打卡，店內仲有一部街霸拳皇機，睇見其他大朋友、客人挽到好興奮，真係覺得依度可以滿足到大家唔同需求，另外，依間嘅特選和牛盛嘅牛肉部位亦同以往去其他分店食到嘅有所不同。特選和牛盛（單點$234），信州和牛羽下肉，油脂分布均勻，食落油脂味濃；信州和牛牛胸肉，食落牛味濃厚；信州和牛赤身，牛味濃香；澳洲五花趾，肉質帶有筋位，食落有咬口。熔岩沙嗲湯底（單點$82），口感稠身，沙嗲醬、花生醬味道濃郁。黑豚濃湯餃（單點$68），豚肉餡料飽滿，食落有肉汁。2隻扇貝（單點$48），扇貝肉質肥美，口感厚嫩，味道鮮甜。美國天然肩胛翼板（單點$48），肉質軟腍。竹笙（單點$48），口感爽滑，食落充滿湯汁。泰酸化骨爪（單點$38），有D失望，無骨鳳爪口感爽脆，但略嫌泰式鳳爪應有嘅酸、辣味都欠奉，整體味道偏甜、微酸、無辣，配料有青椒、辣椒、青瓜。鮮製手打烏冬（單點$18），麵條比較幼身，所以食落唔似平時嘅烏冬咁煙韌，但容易掛湯。醬料（兩人$20），包括有鮮牛油豉油、沙茶醬、陳醋、炸蒜、柑桔、蒜蓉、芫荽、香蔥、指天椒、辣椒油、秘製牛肉汁、豉油、熱水、凍水。菊花桂圓露（單點$16），選用菊花、桂圓、杞子、冰糖，菊花味道最突出，飲落好清甜。
继续阅读
已經食過好多次外賣同堂食，每次都好滿足🤰環境氛圍616火鍋嘅環境簡直係打卡聖地！裝潢時尚又有格調，燈光柔和，乾淨企理。設計得幾靚，無論係同朋友聚會，定係家庭聚餐，都感覺自在。食材新鮮度火鍋最緊要就係食材新鮮。616嘅肉類、海鮮同埋蔬菜都係無得彈。我特別推介佢哋嘅牛肉，尤其匙柄，肉質鮮嫩，簡直係入口即化！湯底選擇湯底方面，616仲有多款選擇，從清湯到麻辣湯，甚至有酸菜白肉鍋，我試咗麻辣湯底，真係超香辣，味道好過癮！湯底嘅香氣一出嚟就令人食指大動。服務質素服務方面，員工都好熱情，反應快，隨時準備幫你。點餐時，佢哋會耐心解釋，仲俾你建議，感覺好貼心。總結總括來講，616火鍋真係一個值得一試嘅火鍋熱點！無論係食材新鮮度、湯底選擇定係服務質素，都讓我好滿意。如果你鍾意火鍋，呢度絕對唔可以唔去！快啲約埋朋友一齊嚟享受啦！
继续阅读
做完運動超邪惡咁約Friends去「616牛肉火鍋專門店」打邊爐😎.蟲草花冬瓜牛肉鍋🍲有大量牛骨🦴蟲草花、冬瓜、杞子令湯底格外清甜😌.扇貝(4隻)🐚十分鮮甜😋.毛肚🐄.安格斯橫隔肌🥩肉味濃郁，有咬口🤤.黃喉🐂非常爽脆😆.蟲草花杞子滑雞🐓雞肉果然滑嫩☺️滋補之選😉.台式蛋餃🥟蛋餃粒粒飽滿🍳包住豬肉餡🐖.冰麻牛🐮麻辣牛肚配青瓜🌶️🥒麻香惹味😛.娃娃菜🥬.鮮製手打烏冬🍜煙韌略粗😆非常掛汁👍🏻.菊花桂圓露🌼.洛神玫瑰茶🌸
继续阅读
與朋友食過616幾次, 最鐘意佢夠部件選擇, 而且唔太肥膩, 你會見到湯底就算淥完牛肉都好清, 唔會有好多泡沫, 湯飲落份外鮮甜==============================推介常見肉類部位：1) 「吊龍」，即牛的脊肉，肥瘦均匀，口感滑順2) 「匙柄」，即連住肩胛骨的牛肉，肉中間明顯有筋，但食落多汁彈牙, 肉質細嫩3) 「五花趾」，即牛的後腿肉，肉比較少，筋肉交錯，比較貴，但入口特別爽脆4) 「黃喉」，即主動脈弓，吃起來非常的脆，口感爽口彈牙，淡淡牛香味5) 牛前胸，爽口帶嚼勁==============================食616牛肉火鍋，湯底不需要花巧，用清湯，將牛肉放落滾水「灼一灼」就可以食淥牛肉的過程不要超過10秒，才可食出牛肉的嫩滑和另外, 自己調配醬建議甜味多辣味少，與牛肉搭配一起時就不會搶去牛肉的鮮味，相得益彰==============================>>>>>>4個女仔食, 人均消費約$250<<<<<<<
继续阅读
服務超級超級差，佢地自己搞錯俾多左一碟牛肉，話加係我地單，我地叫左咁多野，有咩就食咩，都食左一半有多，我地唔肯，個呀姐一手拿走碟肉扔左都唔俾我地食，眼都特埋，咁樣做餐廳就唔好做啦，自己做錯野仲發食客脾氣、仲要浪費食物！唔會再去！
继续阅读