629雞蛋仔

营业中

休息中

曾有媒體介紹新蒲崗的雞蛋仔和格仔餅，表示雞蛋仔和格仔餅好好味。毎次經過總是有人排隊等待叫號碼，期待著可以吃到熱辣辣的雞蛋仔和格仔餅。今日終於有時間可以排隊，須用現金購買。因被圖片粉紫色的雞蛋仔外形吸引著，便點了香芋和紫薯雙拼口味的雞蛋仔。三十四元一份雞蛋仔確實是有點貴，間中吃一次也無妨。店員只有兩人，需有耐性等待，差不多等了二十分鐘，終於叫到我的號碼。看一看並不如相片中粉紫色，味道一般，不太甜，有紫薯粒也有粉狀的芋頭粒。等待期間，看見一名女子正吃得津津有味，她正吃著格仔餅，又再買多一份格仔餅，看來格仔餅才是招牌菜。下次有機會試試格仔餅，可能會有驚喜。

𝑭𝑶𝑶𝑫𝑺🍲❶金莎朱古力醬格仔餅・𝟽/𝟷𝟶簡單黎講就好似食緊金莎朱古力 唔好有太大期望朱古力醬醬都夠多 每一啖都食到外皮夠脆 即叫即整 夠熱辣辣ꕀ ꕀ❷OREO+芝士蛋蛋・𝟽.𝟻/𝟷𝟶芝士味好香濃 配上OREO粒口感唔錯咸甜適中 意想唔到幾夾ꕀ ꕀ❸香芋蛋蛋・𝟻/𝟷𝟶 本身期望係紫色外皮蛋蛋 最後原來只係加入芋頭粒同期待值有大差距 冇咩特別反而食到一半開始會膩．．🤤推薦指數：𝟽/𝟷𝟶⇛口味多🤤環境：𝟼/𝟷𝟶 ⇛當人流多就比較迫 🤤人均～$𝟻𝟶💡污嘴狗溫馨提示要趁熱食 凍左外皮唔夠脆會影響質感

第一次星期日嚟，離遠已經見到好多人等緊，原來星期日咁多人㗎，今日時間充裕，志在必食，等！首先要排隊等落order, 因為得兩個人整，所以接咗都做唔切，都明白係要清咁啲單先再接。排咗咁耐，已經清楚知道自己想食啲咩，又知道自己有咩要求，一行埋去就講：一底原味格仔餅，全部醬都要，唔該分開（加埋手勢🤭），隨手俾埋錢，順利完成落單。拎到飛仔，就企埋一邊等叫號碼，聽到老闆同顧客講，雞蛋仔要等耐少少，以為格仔餅會快啲，都要等嘅，雖然要等，但佢又真係幾好食嘅🫣。

星期六下午茶時段已見長長嘅等候人龍一開始好驚等好耐闆左店員格仔餅等十幾分鐘咁都安心啲雞蛋仔同格仔餅分開兩位店員做所以完成時間唔係順單number 叫號碼叫左朱古力格仔餅$29格仔餅厚度等於外面兩底嘅厚度個口要開到最大先咬得到新鮮熱辣 外皮脆 中間軟因為叫左朱古力味 蛋香味就淡左 朱古力味都係淡淡的但每一口都有醬 呢個係值得讚唔會中間好多邊位無 或者 頭幾啖無食到最尾成口醬佢做到啖啖都有醬我已經當lunch 咁食但因為厚度十足食到最尾好飽 少少濟呢個價錢 呢個厚度同味道性價比高最緊要係老細對學生嘅獎勵學生成績有進步可以叫老細請食格仔餅 雞蛋仔雖然格仔餅 雞蛋仔 唔值咩錢但呢個係對現今學生辛苦讀書嘅一點甜希望老闆生意可以長做長有

在新蒲崗工作多年，都見證呢間雞蛋仔開左好耐，但而家每一次去買都比佢呼喝咁～諗耐小小又比佢窒，見佢人龍長，問佢大概等幾耐，然後個樣超唔耐煩咁答「15分鐘啩～參考ga咋」，又試過聽唔到佢問咩，即刻鬧你「未訓醒」呀！唔單止我，仲見過佢串其他客，我相信好多客都比佢寸過個老闆好似狂燥症咁，每次落單都比佢鬧咁！雖然佢味道不錯，但咁既態度真係永不幫襯！而且出品未至於好驚艷，出面絕對搵到比佢更好食既雞蛋仔！勸喻大家唔好俾錢買難受🤨

在新蒲崗這個美食集中地，有一間小店的格仔餅享負盛名🤩更被關注組譽為「世一格仔餅」🧇即使地點交通不算方便亦無損其高企人氣🔥———————————————————————一上手就已經將我震懾😱全因格仔餅極之厚身💥目測是平時常見格仔餅的最少兩倍❗️而且非常堅挺，光是賣相已經令人食慾大增🤤餅皮表面十分香脆，內裡鬆軟帶點煙韌😚蛋香味十足，可見店家粉漿調配和火喉控制方面都技術超群👍🏻而吃格仔餅最擔心就是醬料不足😮‍💨這裡的格仔餅就令人非常放心😇夾心餡料的份量相當慷慨，牛油、花生醬，煉奶和砂糖全都非常豐富🤩每一口都充滿醬料的香甜美味，說這是完美的格仔餅亦毫不為過😎雞蛋仔就點了眾多口味當中最受歡迎的烏龍茶味🌱與格仔餅一樣，雞蛋仔同樣做到外脆內軟😋每一粒都被蛋漿填得相當飽滿，絕對不是無良的空心雞蛋仔😂混合了烏龍茶粉的蛋漿令雞蛋仔的賣相顏色偏深🤎細心觀看還會見到一點點的茶粉存在🤏🏻但入口烏龍茶味偏淡😗若果茶味更濃烈一點的話，相信會帶來更多衝擊和驚喜🙂———————————————————————629的格仔餅無論份量和味道都的確相當出眾👍🏻真心是本人暫時吃過最高質的格仔餅😋「世一格仔餅」果然名不虛傳🫡

今日去試咗人稱全港最好食嘅格仔餅舖頭，位於新蒲崗嗰邊。因為老公放假，心心念念想食咗好耐嘅格仔餅，叫佢揸車車我過去。因為大肚婆行路唔方便，所以為食嘅我難得老公放假梗係山長水遠都叫佢車我去搵我鍾意嘅嘢食啦😆👍🏻我哋叫咗一個原味格仔餅先，嚟到梗係要食招牌格仔餅🧇🩷🩷🩷🩷🩷 新鮮出爐上手仲係熱辣辣㗎，叫完之後大約等10分鐘左右，因為我哋兩點多啲左右去，所以唔使點樣排隊。啲汁都係啱啱，每一啖都可以食到花生醬，牛油煉奶，同埋黃糖粒粒香味😍。同埋最特別之處係佢夠厚得黎，裏面又夠鬆軟😍😍真係同出面對比零舍唔同。簡直冇得比果然係招牌👍🏻👍🏻。同埋呢度嘅格仔餅可以開心share同老闆講一開二，佢會幫你分好真係好細心🤓可能同老公share咗個格仔餅，佢比我更嘴刁都讚不絕口，話不如再試埋佢出名嘅雞蛋仔😂😂。跟住我再行過去買咗佢嘅原味雞蛋仔🩷🩷🩷🩷🩷 老闆竟然問我係咪覺得唔好食，我話係因為太好食，買埋個雞蛋仔食埋😆😆因為泊咗架車喺附近，所以好方便過去再買多一個試。個雞蛋仔等咗都係唔夠10分鐘，熱辣辣出爐。你可以見到張相脆卜卜同埋勁令身嘅雞蛋仔，咬落去外脆內軟真係脆到咔嚓一聲。呢個雞蛋仔啲蛋香味真係超濃，可能我哋

獲得關注組成員力推的 629雞蛋仔，以即叫即製的雞蛋仔及格仔餅聞名，口感香脆且飽滿，經常有街坊排隊購買。除了經典原味外，更有五花八門的特別口味，尤其是烏龍茶味雞蛋仔，更是店內的熱賣品之一。以烏龍茶葉碎入漿，雞蛋仔散發濃郁茶香，甜度平衡，入口時不會過於甜膩，反而感受到一股清新茶韻。629 Egg Waffles has garnered attention for its freshly prepared egg waffles with a range of distinctive flavors beyond the classic one. One of the store’s top sellers is the oolong tea egg puff, crafted by incorporating oolong tea leaves into the batter. The result is an enticing aroma of tea, complemented by a well-balanced sweetness that gives a refreshing

星期五中午3/4點，剛好去一轉新蒲崗走走，由於非下班放學的時間，幸好沒什麼人在排隊等，所以心血來潮去點左金莎醬格仔餅（HKD 36）🍽️話說此店都有一段長歷史，中學食到大學畢業，兼工作數年 💼 ✳️金莎醬格仔餅 👍👍👍由大學時期開始，我只會食他的格仔餅 🤲🏻事實上，格仔餅會比雞蛋仔更為特別 🤤雖然兩者都好食，但雞蛋仔較為普遍，而厚身，兼出色的格仔餅則較少見🫢邪惡的格仔餅依然十分出色，醬料份量多到滿瀉 😱而格仔餅依然有蛋香，兼外脆內軟😋滿滿的滿足感🤩當然價錢唔算便宜，而且老闆態度一如既往，可圈可點🙂‍↔️但如果食呢個格仔餅就真係因為想食，預左老闆態度未必友善🧐

有時我哋會形容一啲唔係典型有禮貌嘅人做「有態度」，就好似依個眼鏡光頭佬老細咁，本身都知佢係一個「有態度」嘅人，但聽一兩個喺新蒲崗返工嘅朋友都話好食，就食過兩次咁大把，第一次同同事一齊買叫做冇乜事發生，但都戰戰兢兢，買過第二次之後就決定唔買了。嗰晚放工買嘢食上去朋友屋企，朋友即將離港，所以諗住買個香港特產雞蛋仔比佢，另外要再買兩碗米線事前已經驚遲咗去拎要受佢氣，已經去咗叫米線先，再去買雞蛋仔，等埋先再去拎米線，而咁啱嗰日冇帶環保袋，所以諗住問吓有冇膠袋袋住比錢前有禮貌請問佢有冇膠袋，就比光頭佬黑面：「用少啲膠袋啦」我亦表明自己轉頭要去拎外賣，冇手拎，光頭佬扮聽唔到冇再出聲其實我只係純粹想問一問，如果要比錢我願意比，如果冇亦可以以基本禮貌表示冇，更何況佢只係一間正常味道嘅雞蛋仔/格仔餅舖

只能夠話如果佢喺我屋企樓下開，我應該會日日食，食到變大肥婆🥹喺新蒲崗小巴站附近一個舊式商場，門口總係有一條人龍，就係排緊629！間嘢嘅門口已經見到老闆好串咁寫咗享用守則🤣我都好乖咁即刻影一張相然後就大快朵頤😆🧇花生雞蛋仔🧇糖漬橙皮雞蛋仔👉🏻花生雞蛋仔，真係每粒都有花生碎，蛋漿應該撈咗啲花生醬成件事肥仔得黎淡淡花生香，quota well spent🫶🏼我專一於花生雞蛋仔唔轉軚，朋友應該嫌我悶轉左嗌👉🏻糖漬橙皮雞蛋仔，我一食又係撼動味覺，超級清新，橙皮又唔苦唔澀，糖同橙皮混合得啱啱好，加埋成件事好似食緊香橙蛋糕（煙靭口感版）😋希望大家去開啟德或者九龍城都行多兩步過嚟試，絕對唔會後悔！😭*其實佢嘅厚底格仔餅都係世一🥹再開po推介不過提提大家，平日大約七點開始就會賣晒啲蛋漿，老闆會準備收舖，假期嘅話就大約五點。早啲嚟唔好摸門釘啦。😇

小編之前睇YouTuber介紹過呢間小店，今日黎開新蒲崗專登過黎試下，果然名不虛傳！格仔餅🧇（$27）老闆可以幫你cut開兩份，兩個人食岩岩好！因為真係超厚身，岩岩整好熱辣辣，配埋足料既涵料，係一大享受😎暫時係小編食過最好味既格仔餅🧇因為今日太飽，下次會再過黎試埋雞蛋仔😊欣賞老闆會將部分日子收益拿去做善事，會繼續支持👍🏻👍🏻味道：4.5/5服務：3.5/5（老闆比較有性格）性價比：4/5

新蒲崗隱藏名物：超厚格仔餅呢間629雞蛋仔開咗喺新蒲崗好多年，舖頭細細，但就吸引咗好多人排隊幫襯。記得以前老闆一個人one man band，老闆會記住客人嘅order，落完Order唔可以走開，因為佢唔會比飛仔，要係側邊慢慢等。老闆都好有自己style，不過由於真係好好食，所以都吸引咗好多人。而家見已經有請幫手應付客流，同埋都會推出不同口味嘅產品，真係行過經過唔好錯過。最鍾意就係佢嘅超厚格仔餅，每次都會食！格仔餅厚得來好鬆軟，配上香濃嘅花生醬、煉奶、牛油、砂糖，簡直係完美配搭。仲可以叫老闆幫手將格仔餅切開一半，方便同朋友分享。另外到時再朱古力粒雞蛋仔，用料實在，有好多朱古力粒，外脆內軟，果然係值得等待。記得一定要熱辣辣新鮮食 ！！新鮮食！！新鮮食！！

呢間新蒲崗雞蛋仔好出名，成日都大排長龍，幾次星期日黎都冇開冇得試，所以今次星期六黎試下🤗🤗因為即叫即整，所以都要等左大約15分鐘。叫左個原味雞蛋仔，蛋香味濃，外脆內軟，係幾好食👍👍如果唔多人排都可以一試！

話說，有日約左朋友食飯，但未夠鐘。我又早到左，四圍行吓，醒起果頭有間雞蛋仔網上都有人推薦過，於是乎過去試吓。遠處見到無人排隊，行到過去就同個男嘅光頭佬講，要一底原味雞蛋仔丫，唔該。個光頭佬，無出聲，碌大對眼啤實我，又唔講嘢。我話我未買過，跟住就俾張$100佢，之後就出左飛俾我，叫我企開啲等陣。我心諗係唔係有啲乜規矩我做錯左，我唔知？好，唔講呢啲，等左幾分鐘之後，叫 number 到我。係，雞蛋仔睇得出，佢係有心機整，拎上手熱辣辣。聞落去係有蛋嘅香味，但食落口，極度普通，食落去就無乜蛋味，同龍津果啲差唔多level ,唔知點解可以咁多人排隊，有啲失望。買完等佢整果陣，望到佢門口貼住啲捐錢去癌症機構，應該係光頭老闆捐錢出去嘅收據。可能大家食嘅係溫情啦，或者香港人中意M底啦，中意排隊，中意俾人黑面，怒啤之類啦。又有可能唔知咩原因，老闆做善事，捐錢，大家食嘅係溫情啦。祝光頭老闆生意興隆，唔好俾業主加租啦