759車仔麵 (已結業)

平時去759只是買零食和冰鮮食品，九龍灣這間759卻是餐廳，有很多食物選擇，還有各種下午茶餐，例如三文治、多士、西多以及湯麵餐等。朋友叫了豬扒蛋湯麵，都幾大碗，豬扒大塊幾好食，湯麵也多，個湯底正正常常，不會過鹹，本來35 元，有759會員卡還有九五折，價性比非常高！我叫了牛孖根牛肚撈麵，牛孖根不錯，醃🉐️好味，牛肚也做得不錯，而且份量好多。撈麵有少少汁幾好味。兩個下午茶餐都奉送飲品，凍飲加$2，奶茶香滑味濃，凍檸茶消暑夠凍👍🏻見有豬軟骨和南乳豬手撈麵都頗吸引，下次等我試試！

個日去開九龍灣拎野，本身就諗住係megabox睇戲，不過最後因為無位，所以去左e-max。因為唔算好餓，同埋又想食平啲，就去左食759車仔麵🍜。以前都經過左好多次，幫襯就第一次。本身以為會伏，但食落又OK喎😋。我揀左菜心、雞翼同牛筋，米粉加腩汁。姐姐仲好貼心比埋骨碟，真係第一次有啲咁既service🤣！菜心煮得岩岩好，偏冧，岩我口感，牛筋都唔錯，但雞翼就普普通通啦，唔太入味。最值得提既係個價錢，有759卡折左之後，三餸先$34.2，真心覺得好抵🥹！啲餸仲要均一價，唔會話牛筋個類餸就貴啲咁。如果係附近番工，就真係會成日幫襯～

今日去九龍灣睇戲 尚氣與十環幫傳奇諗住睇戲之前食個飯先! 原來759有間餐廳叫做車仔麵最平一碗車仔麵33蚊有3種料, 用會員卡有95折優惠!有成廿幾種配料可以選!醬汁有3種,腩汁或清湯或沙爹汁加飲品都係7蚊埋單40蚊有就食得飲得,實在平喎~配料係常見既肉丸類,豆卜餃子生菜等等,仲有豬紅雞翼魚蛋牛腩 魚片頭等等~另有下午茶優惠 奶油豬仔包 廿幾蚊! 雞脾沙律 30幾 凍飲加2蚊即係一人40蚊就埋到單 豬紅雞扒貢丸,佢用返自己返貨既食品去做,有成本優惠豬紅一口尺寸,口感幾軟Q 滷過幾入味帶點辣味,肉丸夠彈牙湯底夠濃夠香,係沙爹湯底 雞脾即炸,夠脆咬開有肉汁,伴碟係生菜加水果粒沙律,作為下午茶已經超大碟好抵食奶油豬抹上厚厚一層油,加上練奶,個包又烘脆了,非常好食平均消費$40評分7/10九龍灣展貿徑1號國際展貿中心地下2號舖Shop 2, G/F, Hong Kong International Trade & Exhibition Centre, 1 Trademart Drive, Kowloon Bay

於E-Max睇完戲肚仔餓，見到附近759車仔麵就直奔去醫肚，出埋759會員卡仲享有95折，ｙｅａｈ～ 澳門豬扒包 $32今年想出走去澳門都變成難事，唯有食個澳門豬扒包止下心癮，麵包外皮薄都脆，塗滿牛油，豬扒無骨咬落啖啖肉，唯肉身較乾，夾著蕃茄及生菜，都好有口感。 雞翼沙律 $35四隻雞翼排排企，雞翼以鹵水汁調味都算入味，外皮煎得香脆。沙律以罐頭雜果混入沙律奇妙醬調製，酸酸甜甜美味開胃。凍奶茶、熱華田味道正正常常，凍奶茶落左好多冰。

誠意非常，車仔麵竟然有豬油渣，仲要唔使另外加錢， $35有三個餸，款式種類多，豬油渣，咖喱魷魚，豬扒雞扒全部劃一收費，豬油渣脆卜卜，蘿蔔清甜，咖喱魷魚可口，價錢親民，味道可口，店員又有禮貌，簡直是窮人恩物！

今天我光顧了位於E-Max的759車仔麵。原來下午茶的時段有車仔麵以外的東西吃，所以我叫了鹹牛肉蛋三文治（加了1蚊烘底）和凍檸茶。今次的三文治給了我很大的驚喜。平時外面的餐廳是把蛋炒好了放在其中一塊白麵包上，然後加上叮熱的鹹牛肉就完成了，一般都是其中一邊比較鹹。而這份三文治是把生蛋和鹹牛肉拌勻才去炒，所以可以見到蛋中有肉，味道比較均勻。蛋是剛好全熟沒有過老，配上烘底的麵包是一絕。其實這是雙拼三文治餐，和一般茶餐廳一樣，有好幾個選項。

還好叫咗豬紅做其中一個餸，有少少辣，不然完全冇味，都唔知食咗啲咩。啲米粉唔知係咪未煮好，又鞋又硬。再平都唔會想再幫襯，其他店買得貴過佢，都多客過佢，我諗就係咁原因。入去堂食時，仲有一個小插曲，我個朋友幫我去買餐，咁我揾位坐住先，有個阿姐走過嚟話未買餐唔可以坐，果一刻我都想叫個朋友走，不過佢已經比緊錢，想走都無得走，咁算啦。唔知係咪個阿姐叫我起身，我無1秒彈起，所以佢比清水我做湯，sorry 我反應比較慢，不過大家都唔會再見

九龍灣返工咁耐第一次食呢間759茶餐廳 叫咗個柱侯牛腩撈粗中午時間佢都幾多人 同埋可能有折就吸引咗好多人不過落完單等咗幾分鐘就有 都幾快手原價$41 外賣有85折 折咗就$35.7！疫情其間都係外賣返去食好d 一開盒牛腩味都幾香 又夠熱 麵底仲幾多下不過佢裝到好滿 有d難撈(´∀｀=)D麵好有鹼味 不過牛腩就有d「鞋」口但九龍灣午餐黎講都算唔錯 幾抵食！

這陣子星期六要到九展活動，所以試過幾間食肆的早餐。今天來試試759車仔麵。Honey點雞扒煎蛋出前一丁/配熱奶茶:$35出前一丁可能是預先被淥好……因為，出前一丁的賣點應該是非常爽滑，有麵粉香味……但是，這個出前一丁「太稔」！完全吸收了水份！應該是一早已經預製，連麵粉香都失去了！連茶餐廳的普通即食麵都不及！雞扒呢…… 雖然有香茅香味，但是煎得太乾。整碗麵是溫溫吞吞的溫度。我就叫了週末才有的芝士麵餐：$38芝士麵配雞翼/雜菌免治牛炒蛋/配熱奶茶 這個麵也是應該是預先淥製，失去了韓國麵的彈牙，也是稔稔的……令人非常失望！在九展，選擇吃早餐的地方雖然不多，但是……如此質素，我想，我應該不會再來了。

屋企附近有不少中菜選擇，但車仔麵檔卻少之又少，所以平時會把握午餐時間發掘一下附近有無車仔麵檔。Emax内的759車仔麵已經開業數年，每次幫襯都座無虛席，起初有d擔心食物質素，疑惑本來做零食生意，突然發展熟食的餐廳感覺有點奇怪，不過呢種想法好快就消失左！759車仔麵除左以車仔麵為主打，亦有碟頭飯供應（個人認爲較適合男人食），麵類及餸菜款式選擇較一般車仔麵檔多，提供米線、河粉、油麵、粗幼麵，甚至可以加錢轉出前一丁、刀削麵，而餸菜款式眼見有超過30款之多，當中較少見的有香茅雞扒/豬扒、麻辣豬肚絲、南乳豬手等等。我份人有d搞笑，恰巧中意食既餸菜比較清，紫菜、蘿蔔、牛筋都係我常吃的款式，不過每次都會另加秘製沙爹醬，沾一沾或拌勻同樣好味，沙爹辣汁帶點花生味和椰香，辛香開胃。

九展開咗好多新餐廳， 我都差不多試過曬， 趕住睇戲最方便都係去759車仔麵， 以前經過好多次以為唔好食， 但試過一次之後就改觀了。 今次叫咗兩碗車仔麵加兩杯飲品，咖哩魚蛋＋豬紅＋豬大腸＋油麵加腩汁， 雞中翼＋牛肚＋韭菜餃＋刀削麵加腩汁，凍檸檬茶，熱檸水，埋單$78。咖哩魚蛋細細粒， 彈牙又煙韌， 豬紅和豬大腸做得好入味， 今次仲試埋刀削麵， 比起平時食開嘅麵特別煙韌有口感， 兩碗車仔麵都有加腩汁， 食落更加惹味。如果有759會員卡還有95折呀， 三十幾蚊就有三餸車仔麵好抵食。

今日同朋友去左九展睇戲，發覺有間759車仔麵， 開咗咁耐一路都未試過，想食好耐， 今次終於有機會入去試下了。 餐牌既車仔麵配餸、麵底、湯底有好多選擇，而且都係同樣價錢，有好幾款可以揀。759的車仔麵真是很抵吃，三餸一麵只需$33，我叫左豬大腸 、牛腩、豬紅油麵配麻辣汁。油麵同配餸份量都好多，呢個價錢有咁嘅份量其實都唔錯。牛腩煮得好入味，好有咬口，唔韌，冧得黎又唔會爛。豬紅超入味，豬大腸當軟腍入味。麻辣湯底都幾夠味，不會太濃，不油膩，辣味同麻香都夠， 食落更加滋味無窮！收銀姐姐好好人，提我用會員卡有95折，

每次到九展睇戲都會經過759車仔麵， 但是咁耐都未食過， 上星期六晚上終於有機會入去試下了。 這裏是先落單然後再入座， 點了兩碗車仔麵三餸$33， 雞中翼＋咖哩豬皮＋鮮炸魚片頭＋粗麵＋腩汁 和 咖哩魚蛋＋回味豬紅＋牛孖筋＋米粉＋腩汁，唐生菜$15， 凍檸檬可樂$10。 收銀阿姨提我759會員卡有95折， 好彩我有帶卡出嚟，埋單合共$86.6。因為當晚太夜的關係，所以已經沒有油麵了， 所以點了一碗粗麵和一碗米線， 首先講下車仔麵的餸， 雞中翼有兩隻，味道普通沒有特別，咖哩豬皮和回味豬紅超入味， 鮮炸魚片頭爽口，咖哩魚蛋細細粒非常彈牙， 牛孖筋好淋， 以上咁多款餸我最欣賞是回味豬紅， 真是令人一試回味的。 車仔麵的湯底加了腩汁之後有少少辣， 食落更加滋味無窮。759的車仔麵真是很抵吃，三餸只需$33， 現在很多車仔麵店三餸都已經要40蚊以上， 除了價錢優惠之外，味道也唔錯，下次再到九展一定要再吃這裏的車仔麵，必點豬紅。

開咗咁耐一路都未試過，見食評麻麻地，咁啱嗰日經過開展貿中心，今次一於試試佢。嗌咗牛腩、牛根、豬軟骨、蘿蔔、米粉。牛腩煮好入味，牛筋係比較有咬口，蘿蔔好甜一啲渣都冇。😋至於豬軟骨就麻麻地，唔係一口即溶，係脆口個隻。可以鍾意有口感嘅都ok 。湯底嗌左牛腩汁，食得出好明顯係味精味，但係又幾好飲播。留意番，食完呢餐飲咗好多水，因為佢應該好重味精。呢個價錢有咁嘅份量同味道其實都唔錯。下次經過都會再食下，再試下其他餸。值得一提係個到嘅姐姐好好人，同埋記住帶會員咭呀，有折嫁。

今朝出門口太趕，唔夠時間食早餐，雖有番到公司果頭先食。見到759車仔麵有個雙拼三文治餐，就嗌左個餐蛋治試下個餐蛋治塊包有啲硬，似擺左一晚，但係隻蛋炒得好好，唔會太熟又唔會太生，值得再戰