759車仔麵 (已結業)

759除咗車仔麵外，仲有早餐同飯餐供應，我嗰朝早入咗沙田，於是就去咗759食早餐，我叫咗個腸仔煎蛋配牛油方包+沙嗲牛肉公仔麵+凍奶茶，total：$32元，759嘅公仔麵，相比起其他嘅茶餐廳所用嘅公仔麵，係大3份之1有多，除咗呢樣之外，其他基本上同一般茶餐廳冇乜分別

759真係幾勁，除左化妝品同日用品，連車仔麵都做埋！其實我都已經食過幾次，但今次真係終於的起心肝讚下佢！由於今日比較肚餓，所以叫左3個餸，原本30蚊2個餸，加多5蚊多一個餸，我要左娃娃菜，豬紅，同埋咖喱魷魚，米線底。35蚊其實就唔算好底，但會員有折，都算係咁啦。份量其實就足夠，菜夠新鮮清甜，豬紅入味，魷魚都好有咬口。食完一碗其實都幾飽。如果平時真係諗唔到食咩，759車仔麵都係一個不錯的選擇，仲要唔係好使等位。

真心好離譜,一直買開759早餐,平時份量大概大半碗多d,今日買早餐,山長水遠拎到返屋企打開蓋得半碗,整麵個阿姨未見過,但好熟手,唔似新人,要知道759早餐外賣係所有野裝哂落一兜裡面,所以得半碗份量真係好誇張!唔該正視下!

今日好晏至食早餐，到午餐時間仲係覺得好飽， 唔想食咁多嘢，但係又唔知食乜嘢好？咁啱行過好運中心呢間餐廳， 佢嘅主打係車仔麵，但我今日又唔想食車仔麵，見有個常餐好似幾好喎，就不如試下常餐喇！個餐包括牛油方包、火腿奄列、沙爹牛肉米線/通粉，仲有咖啡或茶㖭。落咗柯打後好快有阿姐送食物嚟，唔使自己去攞，好方便，服務唔错。沙爹牛肉D牛肉唔靱，沙爹都幾香，但係D米線就煮得太淋喇。麵包質素唔錯，奄列雖然火腿唔多，但以35蚊一個餐嚟計，都算好抵啦，如果你有759卡，仲有95折㖭

據知沙田好運中心的舖租很高而且附近好多空舖，政府怎樣刺激經濟了？回到正提，759阿信屋環境一般，座位不多尤其星期日難搵位食。食物種類多，可慢慢選擇，食物等候時間很快有得食。雖然是自選的咖哩魚蛋魷魚米線，這類食品唔算吸引但都可以。龍蝦丸米線，龍蝦丸算大粒且份量OK。下午茶炸雞腿薯條，炸雞腿肉質豐富但薯條唔多，份量適中。豬軟骨、咖哩魚蛋粗麵，易飽肚且味道OK，咖哩魚蛋夠大粒。以$33來講不算貴價。

今日行街經過聽就聽得多但是未試過今日見到下午茶車仔麵只係＄34仲加一杯凍飲都係加$2簡直係超值試咗原來下午茶都幾大份量真係非常超值我叫呢個車仔麵有雞翼牛肚咖喱魚蛋腩汁牛肚夠大件夠多咖喱魚蛋夠彈牙雞翼可以接受雖然係腩汁但係湯底都清清地凍檸茶好香茶味真係第一次食759阿信屋車仔麵估唔到送上枱唔使自己排隊攞仲要冇加一仲有會員證仲有九折真係非常超值真係真係會再去因為岩我口味不會太濃而且份量好好岩晒夏天又熱又焗可以食濕濕地易入口而且在沙田街也可以食埋才回家

今日經過759車仔麵又被有會員證88折吸引，午餐就吃個車仔麵算了，朋友擇豬扒、雞扒、芝士丸清湯烏冬，我選擇牛腩牛肚牛筋清湯烏冬，今日再幫趁，唔勁咸啦！真好！哈哈哈！我的牛腩牛肚牛筋清湯烏冬真係好足料，牛腩牛肚大大件夠腍夠味，大大小小共有四件的牛筋都夠腍滑。朋友的豬扒、雞扒、芝士丸清湯烏冬，又是大大件的豬扒、雞扒和兩粒芝士丸，兩碗烏冬份量也不少，味道適中。$34三餸車仔麵，有會員證88拆，折實$29.9，抵食！雖然是賣車仔麵，服務也算良好。

曾經座冇虛席的759車仔麵，今午經過大把座位任客選擇。$34三餸車仔麵，有會員証88拆，折實$29.9，幾吸引喎！一個人午餐就吃個車仔麵算了，擇豬扒、煙肉、咖喱魚旦清湯烏冬，清湯勁勁勁鹹，豬扒好滑，食車仔麵有個好處，不用叫「走葱」，不過就菜就會冇一條啦！餐飲要杯熱杏仁霜，雖然，相信是用杏仁粉開温水，但不是水汪汪。沒有喝勁鹹清湯，吃完烏冬都口渴，杏仁霜正正可以舒緩一下。88折的車仔麵雖然抵食，勁鹹都怕怕！希望店鋪有改善，否則難有下次幫趁！

一行到門口已經有很大塊餐牌列既菜色都好清楚，選擇就無甘多但勝在都叫有平日車仔麵既常料例如菜類，雞翼，牛肉，牛腩，魷魚鬚等就走唔甩價錢合理三餸34蚊，兩餸就30蚊，加底5蚊，包餐飲中意食肉多既我今次就叫左牛腩，牛肉同魷魚鬚原來可以打孖上所以加左沙嗲汁同腩汁一開始腩汁經已系湯底，而沙嗲就會放系匙羹上面，可以自己控制分量而且上既時間都好快，大約5-10分鐘，唔會話好耐上麵既時候嚇左嚇，除咗加底所以量多外，啲餸都唔少，啖啖都食到肉，唔呃你，而且湯好濃郁，放曬啲沙嗲汁都唔誇張，剛剛好又唔辣，香味好足兩個人食都好滿足，夠分之餘重唔洗搶黎搶去熱朱古力就差小小，感覺較淡無乜味，但溫度適中易入口整體黎講真系過得去，有759阿信屋會員卡重有折扣，話唔抵都唔得

店舖不太大，但尚算舒適，食品也Ok, 衹是略嫌份量較少，成年男人可能不够喉。但有一點值得注意，發現員工好像不太著重衛生，曾見水吧員工經常徒手檢起青菜之類舖在碟子上，並不用夾子或筷子，他們的手不知乾淨與否。也不載口罩，希望能改善，則是食客和店主之福。

午飯時間一個人踱來踱去搵野醫肚，行經759車仔麫見到有8折（請出示會員咭）便排隊買票點食物。原價兩餸一麫底$30+一餸$6+凍飲$7共$43，8折後$34.4。點了牛肚、牛腩和咖哩魷魚，油麫底。買票後搵位座數分鐘送餐姐姐奉上一大碗在我面前⋯份量十足！油麫有咬口，唔霉無油益味，幾好！牛腩和牛肚每款有4、5舊，食落較為硬身多少感覺炆得未夠腍，味道還適中，不過不失！咖哩魷魚，咖哩汁可以，魷魚比較腍，因為「水魷」應該食落爽脆一點是最好的。至於湯底呢味道都幾適中，最重要食完唔口乾！（至怕有些車仔麫店的湯底食完要狂飲水）結合價錢，服務態度，用餐環境，食物質素與份量，是一個不錯的選擇！

759車仔麵的分店不多，好運中心剛好有一個。這裡的常餐，是沙田市中心，甚或是整個新界東最便宜的。原價已經是$35，適逢今天七一憑759會員卡七折，連$2凍飲亦只需$25.9。這裡是先買票，侍應送餐，由於是特價天，人較多，內子先找到位，筆者才去買。凍咖啡不算好飲，是水準以下，因味道不濃，再加上溶冰，只會越來越淡，切勿不斷攪拌。不介意熱的話熱咖啡會好飲一點。只得火腿奄列和方包一種選項，奄列略嫌不夠油，少了點鑊氣，火腿絲大小份量尚算適中。沙嗲牛肉面，是用759的出前一丁，免另加錢，廚師先把調味粉墊了在碗底，然後將麵放上才加清湯，所以建議先拌勻才吃。沙嗲牛肉的味道跟預期差不多，肉質有咬口不會散，沙嗲味香不辣，算是這個常餐相對較吸引的部份。廿幾蚊連凍飲，所求的不就是高性價比嗎？整體上這個常餐雖不能算吸引，但作為brunch或輕午餐，我十分滿意。

有來大優惠，759經常有折，但車仔麵平時會員已經有95折，有1/7一3/7，全單有七折，超級好，值得一提下午茶已有熱飲，$34十外賣$1，折了是$24.5，超正，已份量比之前多了，抵讚味道幾好，籮白超甜無根，咖啡魷魚爽口，墨魚丸吾係粉粉，有彈口，而奶茶超班，香濃而滑，不錯

759 車仔麵除了售賣車仔麵外，還有快餐飯類選擇。早前吃過這兒的兩餸飯，餸的份量多，大份抵食，味道都不錯。今次來吃車仔麵，同樣滿意。車仔麵餸菜選擇多，有逾四十款供選擇。麵底方面，有兩款是採用759 阿信屋的自家烏冬和米粉。據說有些餸在阿信屋有售，例如加工肉類。湯底可選清湯或腩汁，另可加$2 要沙嗲汁、咖喱汁或麻辣醬。白蘿蔔娃娃菜米粉腩汁湯底味道正常，不太咸亦不太淡。麵一上桌，大大舊的白蘿蔔感覺有點反傳統。吃過後了解到原來大舊有好處，大大舊可鎖住白蘿蔔的原汁原味，更能吃到白蘿蔔的鮮甜。白蘿蔔煮得夠腍而無渣，蠻好吃。米粉是阿信屋自家的出品，幼細爽滑，很喜歡。牛腩墨丸幼麵柱侯牛腩夠入味，煮得入味。墨丸只有兩粒，份量略嫌少，似是阿信屋常出售的那款急凍墨丸，較硬身，咬感算彈牙。$30 兩餸車仔麵，麵底份量夠多，夠飽有餘。

大前日(2-5-2016 Mon)勞動節補假,晏晝又同老公出去食o野同買餸,諗吓重有邊間未食過?譚仔米線,老公話一味係鹹酸菜;丼丼屋,.丼丼屋荃灣都有,第時搬返去都仍有機會食;百佳樓下,對住沙田o個間茶餐廳,老公話貴,而且食物好似係普通o野.759車仔麵,我答食過lu喎,不過荃灣好似冇,咁再食過啦.於是我o地行去,去到睇有冇o野o岩我食o既先,叫個$38.00有湯o既兩餸飯啦要咖哩豬扒同XO醬肉碎蒸水蛋,然後我搵位.老公買埋佢$40.00o既時菜豬軟骨飯,加$2.00要一罐可樂.冇耐,我o既o野到齊,準備開動.同樣係飯還飯,餸還餸分開上,之後老公o既都到o但欠一罐可樂,個亞姐就就咁收o左張單.我就同另一個亞姐講,佢就俾返我o地.之後我都留意之前個亞姐知唔知漏o左,結果真係唔知o既,完全冇話拎一罐o黎等我o地開口話;’有喇.’o野食齊晒,開動.XO醬肉碎蒸水蛋點解冇XO醬o既?係一啲都冇,點解??水蛋滑,肉碎都只得好少.咖哩豬扒有兩件薯仔,豬扒係剪成細細件,咖哩香而不辣,但醒胃,薯仔同豬扒都夠腍,正.而碗湯呢?係白菜乾湯,呢個唔太鹹,OK o既.最後試埋老公o既時菜豬軟骨,時菜係菜心,幾