759雲吞麵 (已結業)

其實對這間茶餐廳真係好失望。失望唔係因為佢哋的食物。係因為佢哋真係太普通⋯759這個品牌開茶餐廳🍴難免令人對佢哋會有些期望。希望會有些創新、破格。但睇完餐牌真係失望。根本普通到不得了。我今次點選了B餐。老實講真係無咩值得讚，更加無咩好批評。那個麵都可以。如果大食嘅人應該會好滿意。因為都幾大。那些沙嗲牛肉保持水準，唔算難食。但都唔係咩上等貨。方包都可以唔會太硬。火腿煎蛋都係保持水準。那杯奶茶都係普通貨沒有特別。最值得讚揚的地方係會員有折扣優惠。雖然只係平咗兩蚊，但都令我覺得好開心。這裡裝修都算舒適。但本身店舖唔大。都令我覺得有點擠迫感。總括來講這裡的食物不過不失。只可以用兩個字「失望」。當初開店初期見大量人潮。難免會有啲期望，

去開長沙灣考試，見有759雲吞麵(好似全港得一間?)，lunchtime 就嚟試下😜格局係行街坊路線，有雲吞麵、車仔麵、午市快餐等等，一場來到梗係試雲吞麵🍲先啦。$33有4粒雲吞算幾好，不過熱奶茶(+$7)散叫就差啲啦 (午餐先包飲品)。雲吞麵即叫即淥所以需要啲時間等，饀係蝦&豬肉，味道唔錯size適中。睇返其他食評話啲麵梘水味重，我今次好好彩無呢個問題，但啲麵淥唔開成pat上難夾左少少😅😂目測都係街坊同附近返工的師傅幫襯，所以店員同佢地已經好熟，記得邊個要加底呀邊個要少甜😂😂😂總結，經過開又想快食嘅可以入來試試，如果你有呀信屋張卡仲有優惠添。

以我所知759雲吞麵應該唔係好多間，難得經過就入場試試去，梗係先黎個雲吞麵黎食下先啦，雲吞皮簿餡料足，拍得住坊間其他麵鋪，另外，牛腩麵都好好食，我相信會再幫襯。

雖然價錢不算親民，但曾經食過雲吞麵尚算質素不錯。今日下午心血來潮想吃雲吞，發現竟然無雲吞，已經很失望。於是叫了腩汁蘿白和咸牛肉蛋治外賣，當時店內還有吉位，非䌓忙時間。蛋牛治可能夠熱味道不錯，包皮有點不軟熟要扣分。不過，我不明白用膠袋包裝還要收$1？膠袋收費也只是$0.5。更離譜的是腩汁蘿白也收了$1外賣費，但沒有附送餐具，結果我找到餐具再吃蘿白已凍了還有厚厚的一層肥油。失望至極，短期內不會想再光顧。

路過肚餓入去試試，竟然發現很好的一個餐廳。員工很有禮，耐心等候我看餐牌。叫了一個豬排火腿飯，看到已經知道有心做的菜了豬排一流，咖哩汁不會太辛口。By chance I walked by and decided to try out a simple lunch. Turned out to be a pleasant surprise. The employees were cheerful and well mannered. Ordered a fried porkchop/ham rice. When I saw it I knew the chef had "heart". The porkchop was done perfectly and the curry sauce was just right (not too spicy). Great!!

老實講入得依間餐廳本身沒想過可以寫成一篇食評。正如我好少寫食評卑大家樂 大快活咁。 但依一間759既羊腩係有驚喜既。佢收大約六十蚊既價錢 但係羊腩就卑足6件你。我有問過個老細依煲野啲羊點做到咁嫩，佢答我係用大量既冰糖同埋采用黑草羊黎做。我仲以為係中央來貨既添。

我們一家四口，見呢到開左咁耐，想入去試味。但往往都沒有機會，今天一於經過入去試一試。但一到門口，發覺店內冷氣嚴重不足，在三十多度的高溫之下，竟然冷氣嚴重不足，確實令到食客難以忍受。向店員查詢，她的回應是「係呀，師父炆緊一大煲野，冷氣又有Ｄ不妥，係熱Ｄ架，我地開左風扇架啦。」面對員工如此態度，我也不想再討論下去。另外，我們叫了一碗「蕃茄南瓜湯烏冬」，但入面發現一大舊既檸檬。我問其中一名店員，店員既回答是「師父整既係有加檸檬架，你第一次食呀？？」我想講第一，態度咁既員工，令食客難受；第𠄠，食品入面加左一大舊檸檬，我第一次食到咁又點？我係覺得奇怪才會咁發問。第三，我是要鮮牛肉，但來的是白肉，好明顯不是牛肉。在今天競爭咁惡劣的環境下，竟然有呢Ｄ咁既服務態度既員工，加上惡劣的進食環境，我諗呢間７５９雲吞麵店真係需要強一些心機及心思，才能吸引及挽回客人的。最後，我可以總結的是我一家四口，不要再踏呢間店進食。

次次見到759哩個品牌都會覺得係超值之選，咁就入去食番個下午茶啦，但我入到去雲吞麵竟然唔想食麵，因為見到餐牌到有個芝士火腿西多士配抄蛋就試下了，黎到係一個平平無奇既西多。我唔客氣啦， 食左真係好有驚喜，西多好脆，然後入面既芝腿又出乎意料之外同西多咁夾，係真係好味的絕對值得試下最緊要係咩呀，仲有discount ar,得閒見到不防一試

每次都經過呢間阿信屋雲吞麵店都會有想試試既衝動 咁啱今次有時間就去試一試佢既招牌雲吞麵啦👻佢鋪仔細細但都有幾多野食架選擇好多😳我就嗌左一碗招牌雲吞麵啦 一上到檯已經聞到陣鹼水味 一食落陣鹼水味更加濃 濃到有少少攻鼻tim😣平時都鐘意食雲吞麵既我係不嬲都頂得順鹼水味但呢碗實在係太太太濃 濃到嚇親~雲吞方面就加返好多分因為佢既雲吞都幾大粒而且都多架 咬落蝦都豬肉既份量都唔少 而且蝦肉好鮮好彈牙 唔錯架！價錢方面我覺得係好平😂$33一碗麵比埋阿信屋卡仲有88折姐係20幾蚊就有一碗雲吞麵下次會試下其他麵種 希望會再好食dd la😛

一直都想試759雲吞麵，這天，在荔枝角一帶趴走，終於如願以償了﹗餐牌上的選擇，猶如普通茶餐廳般，種類繁多，教人目不暇給。小妹，要了一碗招牌雲吞撈麵$43。一碟撈麵有五大粒雲吞，配以兩條菜心，以及一碗清湯。飲品，要另加$7。換言之，一個餐，要五十大元，不便宜的﹗撈麵中的生麵，咬下去條條爽口彈牙，且毫無鹼水味，混入鮮味十足的蠔油同吃，極品也﹗五粒大小均一的雲吞，皮薄餡靚。咬下去，雲吞皮內，盡是鮮味洋溢、爽口彈牙的豬肉和蝦肉，可媲美坊間名店佳作﹗熱柚子蜜(+$7)。

第一次來食午餐點了咖哩牛腩飯碗凍檸茶飯比較大碟，但因為肚餓，所以全部吃掉咖哩沒印度咖哩香，但牛腩是半肥瘦的，所以比較滑。牛腩配的是薯仔，薯仔不錯，好食如果不怕肥的話，是到個不錯的選擇，5十多蚊，在深水埗區來講，絕對係比較貴既茶餐廳另外，見女侍應用手吃雞翼，接著便送餐，雖然大部分食市都不太乾淨，但眼不見會好d

每次去759雲吞麵，我都不是吃雲吞麵，而是點精選特餐：鮮茄南瓜湯配牛肉/鮮豬潤烏冬，連熱飲$36試過幾次配牛肉，但牛肉有時太多筋，所以今晚配豬膶～湯底足料濃味，很多有營蔬菜，但是晩湯底有點失準，味道淡了點～烏冬是759自家麵食，不過不失～是晩豬膶剛剛熟👍🏻另Nosir點了京都炸醬麵，味道偏甜～麵底0K～憑759阿信屋會員咭全單有8折，平平地又一餐🤑

當天星期六10:10左右到，食客唔多。叫了個【醒晨早餐D】-- 雪菜肉絲通 (配餐肉，蛋及牛油方包) + 餐飲碗通粉相比一般茶餐廳大碗很多，午餐肉薄薄一塊，蛋係太陽蛋，方包如同一般茶餐廳一樣，無特別，牛油都係好假味嗰隻，不過好彩呢度搽得無咁厚身，所以反而仲好啲。

話說一個人無聊去完長沙灣，沿路行去深水埗，中途見到759，其實之前想食好耐，不過每次都好多人。今次三點鬆D經過759，見佢做緊八折（會員卡優惠）又無乜人，咁就衝左入去點了：炸脾下午茶餐配熱檸水侍應姐姐話要等廿分鐘喎，因為即炸件炸脾堅係即炸，食落皮脆到好似食薯片咁，雞肉嫰滑！！茶餐廳做到既已經買少見少。不過炸脾始終配红豆冰會開心D，如果759有呢個絕配就super perfect

話說小弟當年在759剛開店的時候曾經一嚐店鋪的牛腩河，一試後其實也不錯，但直到後來再去試多次牛腩河的時候，牛腩竟然嚴重退步，完全唔入味，個湯又淡到唔淡咁樣，實在令小弟非常失望。