7E咖喱王

营业中

休息中

今日同朋友去開尖沙咀，經過重慶大廈。見到依間叫7E咖喱王的單張。其實都想食印度的食物。於是入內。重慶大廈给我的感覺是好清潔衛生。入到店內。見到好多印度人在食店。食店也很整齊和店員很友善帶我們到座位。店內也冷氣充足。看完餐牌，食物款式也有很多，而且價錢也十分合理。叫咗個蒜茸烤餅，烤餅好脆，口感十分好，而且也很入味道。個人認為是必食的食物，另叫咗香燒雞塊，熱熱地的雞塊，好香，而且份量也十足。好味道。另叫咗印度咖喱角，感覺很難忘，口感非常好，同傳統咖喱角有不同好味。值得一試。飲品方面，叫咗芒果乳酸，又夠冰凍，好重芒果味。味道也很好味。印象十分深刻。综合各方面，價錢，環境，食物質素等。絕對是物超所值的一餐。

想食正宗嘅印度菜，當然一定要嚟到尖沙咀嘅重慶大廈啦，係同事嘅介紹下去試咗呢間叫做7E咖喱王，去到重慶大廈嘅正門入口，見到佢哋嘅職員，佢哋會好熱情咁帶到你去大廈嘅lift口, 好彩有佢地帶路，唔係我就需要D時間慢慢搵。上到7/F, 已經可以見到清𥇦既指示牌，唔難搵一推開門入內，有位靚仔哥哥會好熱情款待❤️，係我地睇緊餐牌既時候，佢就不知不覺咁遞上餐前小食，原來係胡椒脆餅跟綠色芥茉醬, 好開胃好好食😀先左杯野飲，類似哈蜜瓜汁，好香帶甜叫左份炸洋蔥圈，即叫即炸，上枱時熱辣辣，炸粉唔太厚，外脆內面保留洋蔥味道，極力推薦👍🏻👍🏻😋咖哩魚咖哩牛蒜蓉烤餅，原味牛油烤餅, 沾上咖喱汁食，簡直係perfect match😇今晚真係食得好飽，價錢唔太貴，會再黎呢😃

為外遊做足準備，去重慶大廈唱完錢，唔想諗食咩，不如直接上去食咖哩啦。重慶大廈門口及大堂有不少人派傳單，食咖哩食咖喱食咖哩同食咖哩ge。最後揀咗食7E咖喱王，然後會有人帶你去lift口搭lift，上到7樓轉左就見到㗎啦。睇吓Menu食乜先，咖喱雞牛羊豬海鮮都有。朋友唔食羊，我近排濕疹發作唔敢食海鮮，於是揀咗雞為主。我哋最後揀咗印度咖喱角（薯蓉） （ $39 ），原汁咖喱雞（ $83 ），特汁燴薯球（ $66 ），蒜蓉烤餅（ $27 ），香烤雞塊（$106 ），瑪沙拉茶 Masala Tea （ $20 ）。主菜未黎時，會先送上威化胡椒餅及綠色醬。威化胡椒餅脆卜卜，口感薄脆有少少似豬肉紙，淡淡的胡椒香味配上微辣的綠色醬，配搭一流。印度咖喱角（薯蓉）外脆內軟，裏面包滿了咖喱未薯仔蔬菜餡料，外層香脆內裏咖喱味濃郁，真的Yummy! 然後送上原汁咖喱雞及特汁燴薯球配薄餅。特汁燴薯球味道甜甜的， 十分特別，入面有d菠蘿同雜菜越食越開胃，當然唔少得主角薯仔啦，味道出色。蒜蓉烤餅內裏鬆軟，點上特汁燴薯球的醬汁，真惹味！原汁咖喱雞咖喱味濃郁，食得出用心製作，應該是配以多種香料精心烹調而成。怕辣的我起初怕

咖哩相信大家都食得多，但係正宗嘅印度咖哩有幾多人食過？今日出咗嚟尖沙咀行街，於是同朋友決定第一次去重慶大廈試下食印度咖哩。行入去重慶大廈門口嘅時候，已經有好多唔同餐廳嘅職員派卡片拉客幫襯，最後決定黎7E咖哩王，於是就由職員帶我地路，佢喺走嘅時候畀咗張VIP卡畀我哋，可以有9折優惠VIP卡：9折優惠坐低睇左陣MENU，我同朋友揀左 印度咖哩角(薯蓉) ($39)，蒜茸烤餅($27)，原汁咖喱雞($83)，特汁燴薯球($66)，香燒雞塊($106)，瑪沙拉茶*2($20)威化胡椒餅：餐前小食，FREE的，好脆身，胡椒味好重，點埋綠色醬少少辣辣地，為味蕾帶黎衝擊瑪沙拉茶：即係印度奶茶，加入左D香料，飲落清新幾特別印度咖哩角(薯蓉)：食落唔油膩，裡面D餡料好香咖哩味蒜茸烤餅：平時餐廳都一定要叫粉麵飯食，但黎到食印度咖哩當然要叫烤餅啦，因為佢點咖哩醬黎食係好夾，非常滋味特汁燴薯球：佢呢個咖哩汁小小辣之餘帶點甜味，因為裡面係加左D生果黎煮，味道好特別，亦都啱晒好怕辣嘅朋友食薯球煮得好淋又入味原汁咖喱雞：正宗印度咖哩，食落唔係一般得個辣字咁簡單，係充滿唔同香料，辣得黎好有層次感雞肉夠入味又嫩滑香燒雞

朋友鍾意食唔同國家風味嘅菜式，所以今日就決定去食下印度咖喱。講到印度咖喱，當然會諗起重慶大廈。雖然好多人都會擔心去重慶大廈食飯唔安全，但我哋入去嘅過程係冇感受到傳聞中嘅問題。門口嘅不同種族人士都只不過係派下傳單，唔需要太擔心。要去到7E咖喱王要係重慶大廈先搵到9或者10號𨋢，之後上7樓，就會搵到鋪頭㗎啦。鋪頭店面裝修簡約，燈光明亮，入到去有一種好乾淨嘅感覺。服務人員非常有禮貌，耐心介紹食物，唔會嫌棄我哋揀得比較慢，服務態度良好。今日我哋兩個人叫咗五樣食物，一個飲品。小食叫左係免治牛肉角個炸角既皮係非常之鬆脆，非常可口。至於個餡料帶有咖喱嘅調味，牛肉肉香味加上洋蔥既鮮甜，非常好吃。再配上佢既醬汁，應該係chuney，別有一番味道。個汁帶有清新既青草味，有人可能未必接受到，但就甘食個角都已經好滿足。因為係食咖哩為主，我地叫左兩個主菜。原汁咖喱雞馬徳里燴魚整體黎講，兩個咖哩都係好味既。但因為兩個同時食，會有個人既preference 。份糧食落比望落大份。先講原汁咖哩雞。咖哩既香味係有既，但唔濃，亦唔會辣。雞本身好滑，係一個大家大細都岩食既餸。至於個燴魚，味道相對濃小小，帶有小酸，小辣同小小

自從上兩三個星期有一晚食完一餐好好味既印度咖喱之後，我就經常crave for印度餐😂搞到有時lunch都專登嗌咖喱食！今次嚟到出名食印度咖喱嘅重慶大廈覓食.......入重慶大廈既時候我係有啲驚既，但係跟住指示搵部lift上樓比我想像中簡單。.裡面既環境唔大，不過都乾淨企理既.食印度餐第一樣野一定係peperdom加薄荷汁，呢度都唔例外。通常食peperdom我最鍾意個薄荷汁，因為夠refreshing🌿.之後就到咖喱角啦！我要左一隻素咖喱角一隻牛肉咖喱角。兩樣都炸得好脆好熱，牛肉咖喱角有驚喜，裏面係滿滿嘅牛肉🤤.然後就梗係上主菜啦，印度香料雞同埋雜果甜薄餅！印度香料雞係咖喱嘅一種，主要用椰奶烹調，絲毫唔辣，而且啲雞件分量足夠而且入味🤤平時食印度咖喱通常會叫普通naan，但今日想試吓新意思就揀咗雜果甜薄餅。所謂雜果其實佢裏面係用咗啲椰絲同果仁做餡，上枱嘅時候十分熱👍🏻，入口鬆軟得來有口感🤤所謂有口感係因為佢做得厚薄適中！.最緊要講埋我杯原味lassi！特登唔叫芒果味因為想食冇咁甜，果然完美係好清新，兩三下就飲晒🥛.食完埋單佢就送咗張會員卡俾我，話下次嚟有九折😆好啦下次過開來尖沙咀，應

其實一直都聽人講重慶大厦既印度咖哩好好味，但都無咩衝動試。最近，唔知點解好想食印度菜，見到呢間好多like，所以同個朋友黎試下。果然好特色，叫個幾款咖喱都幾好食!!推介推介：1. 原汁咖喱雞 chicken curry $83 : 雞分量都幾多(對2個女孩子來說)，仲要每舊都好滑，咖哩汁唔算好spicy, 我唔食得辣都接受到。2. Fish madras 馬徳里燴魚 $99: 魚係好軟淋淋個種，份量都好多，但薯仔得一舊，如果多啲就更好。個汁同雞個個幾唔同，甜好多，用黎配薄餅好好味。3. 免治牛肉角 beef samosa $59: 好脆，好味！個感覺似平時既咖哩角，但好食好多。唔覺得油。仲有個綠色既醬，我幾鐘意，好特別。上網搵返發現原來叫chutney。可以試一試：1. Paneer paratha 芝士薄餅 $39：就咁食唔點咖哩，會食到好多芝士味。2. Pulao rice 印度黃飯 $53：個樣原來係好似碎既米粉咁，幾特別。3. Masala tea 瑪沙拉茶 $20：一種好特別既味，一開始好甜，之後啲冰融左，淡返啲就好啱我口味。備註:去到重慶大厦門口，發現有一班人會爭生意，好彩

突之間好想食印度野，就梗係去重慶大廈，想上去7樓嘅咖喱王。呢間啲服務態度其實好差，但係佢嘅芝士薄餅超好食，再點埋咖喱，咖喱可以叫小辣，好正宗好好食。叫咗酸奶，好似yougrut 好creamy，好濃郁好飲。

因為真係好鍾意食咖哩，所以成日都會搵有咩食咖哩既餐廳🤓 係OpenRice到俾我搵到呢間7E咖喱王好似好正咁，即刻叫埋個friend黎同我食見到呢個門口推門入去就係👍🏻原來都好多人食，8點黎到已經坐滿哂，好彩book左😆坐低就送左個脆薄餅，點個辣醬食好正😋我地叫左四樣野食..2個薄餅同2款咖哩呢個牛油雞好滑，咖哩超香，唔係好覺得辣，唔食辣都食到！因為好鍾意食菜，所以叫左雜菜咖哩試下，呢個比岩岩個個辣，不過一樣咁香咁好食叫左兩塊薄餅點咖哩食點咖哩定青醬都一樣咁好味❤下次想試埋其他款既薄餅！唔知飲咩好。。就問個waiter有咩推介。佢話呢款係佢地既signature drink一於試下，酸酸地飲落好開胃

重慶大廈不嬲都係好多南亞同胞既聚腳地，你可以響入面搵到最正宗既南亞風味野食，今次就黎度一間都幾出名既咖哩舖食咖哩，發現原來好多香港人都會黎食！感到驚喜<<脆薄餅配印式香草薄荷辣醬>>薄餅薄而鬆脆，有點像豬肉紙的口感，配上辣醬，剛剛好。為左食咖哩，我留低左半塊，多一種口感<<芒果特飲>>食咖哩，配凍冰冰既芒果飲品，不用解釋呢種享受吧！甜度適中，又夠濃，不錯<<印式鐵板紅香料雞鎚配雜菜>>微辣香料雞肉夠入味，配上檸檬汁及雜菜，一吱上鐵板炸一聲，清新開胃唔heavy<<紅咖哩牛腩配印度薄餅>>印度薄餅served with cheese！有一層芝士粉響上面，咸咸香香。今次都係咖哩牛腩，不過係印度咖哩，正。同薄餅同剛才既脆薄餅一齊食，係絕配。btw...無限水供應

尖沙咀就黎得多，但係重慶大廈都真係第一次去。因為我同朋友都好想食印度野，我哋上網見到重慶大廈有呢間餐廳，就決定要黎試吓。喺門口會有好多人問你要去邊一層，同佢哋講話要去7樓，咁佢哋就會帶你去搭lift。上到7樓轉左就會見到咖喱王個門口啦唔好見佢地唔係香港人樣，其實講中文係冇問題～坐低左佢地就會即刻送個脆薄餅，再加一個綠色醬。呢個醬辣辣地，個薄餅點呢個醬黎食都幾開胃我同朋友都幾鍾意食薄餅，所以就叫左兩份薄餅、兩份咖哩、咖喱角加野飲。呢個係特式香料雞，食落去有好香既牛油味，同咖哩真係好夾，好少辣同好順滑，唔洗送飯就咁食咖哩都覺得好正。再加上佢d雞都係超級嫩滑，一d都唔乾唔鞋，份量又多，呢個咖喱雞一定要嗌！我地仲叫左個雜菜咖哩，呢個同岩岩個咖喱唔同，係辣d既，不過辣既程度完全可以接受。鍾意食菜既話不妨可以試下，菜既種類都幾多薄餅方面我地淨係叫左兩款最普通既，因為我地想用黎點咖喱食～烤麥餅係深色d，比普通薄餅硬少少，但兩款點咖喱食都係咁正！小食方面就叫左一個免治牛肉咖喱角，入面超足料，滿滿嘅免治牛肉，仲有啲菜係入面。食落超級脆，點埋岩岩綠色個個醬仲正。野飲方面就叫左杯特色酸乳，入落去其實咖太酸仲

朋友推介這間7E咖喱王食咖喱講不錯就找天再和他來吃晚餐，交通都方便好快就到，今次我地要了二個咖喱再加薄餅和飲品，味道的確十分惹味，辣度不太辣岩我口味。來到時就有一個小薄薄脆餅食，之後食物開始來到，深色的是牛腩，牛腩炆得十分淋身，辣度都可以都幾惹味又帶有牛腩的濃郁味道，配上熱呼呼又軟熟的薄餅十分好味。朋友叫橙色的咖喱是咖喱雞，汁有點酸同甜，反而辣度是小小辣有點似沙爹的味道，味道都幾特別而且雞肉十分嫩滑，都有驚喜，保持到雞肉的味道，飲品要了酸奶，少少酸口感特別，特別適合解辣又不太甜。

平時喺香港好難食到正宗嘅印度菜，上網搵左超耐，終於搵到依間7e咖喱王餐廳，喺尖沙咀一出地鐵站行2分鐘左右就到，好近我返工嗰度，放咗工即刻去試！一入到重慶大廈就有專人帶你上去，餐廳裝修好簡樸，但係好有地道風味，好有特色😎一坐低，服務員就俾咗餐牌我哋睇，餐牌有好多選擇，有齊飯、蔬菜、咖喱、薄餅……我同朋友兩個人總共食咗七樣嘢，首先係前菜：脆薄餅點住薄荷醬嚟食，甜甜酸酸咁好開胃，之後仲食咗印度咖喱薯角，個人好鍾意食炸嘢，呢個啱晒我口味，薯角好香脆，裡面嘅咖喱容都唔吝嗇，一啖咬落去超好味，之後叫咗兩個醬同兩個薄餅，一個醬係咖喱牛腩，令一個係蕃茄芝士，咖喱牛腩好入味好林，蕃茄芝士都好足料，有齊芝士、菠蘿等食材，配上芝士薄餅同洋蔥烤餅嚟食，一啖薄餅，一啖牛腩同芝士醬，勁滿足😋總括嚟講呢間餐廳真係好地道，喺香港好難得先可以食到咁正宗嘅印度菜，而且後生男服務員有禮貌又好攪笑😆👍🏻

今日同朋友放工搵晚餐食，一直都好想試下正宗印度菜，上網見到依間7e咖喱王好似幾正咁，於是突破自己離食下😆餐廳都幾易搵，係尖沙咁H/D出口，isquare對面，第一次入重慶大廈，一入去好多人圍住sell你，好彩好快有專人帶我地上去😂上到去環境好貼地，裝修簡單但坐得算幾舒服，好多OL/後生仔女都離食👍🏻餐牌種類好多1. 前菜：脆薄餅配薄荷醬薄餅薄薄地好脆，點着薄荷醬嚟食，做前菜好開胃一流👍🏻2. 印度咖喱薯角外邊嗰層炸得好香脆，又唔覺好油，裏便好濃厚嘅咖喱肉碎，好好食🤩3. 咖喱牛腩 + 蕃茄芝士不得不讚嘅係牛腩好林，睇個樣以為好辣，但係實際上只係小小辣，適合我依d唔食得太辣既人😋而蕃茄芝士超入味，勁龍芝士味，第一啖食落去嘩左一聲！4. 芝士薄餅+ 洋蔥烤餅叫咗兩種唔同口味嘅薄餅同朋友一齊share，兩種薄餅都有唔同嘅風味，芝士薄餅較為大塊同厚，食落去好有芝士味，洋蔥薄餅係普遍香港人嘅口味，兩種薄餅點住啱啱叫嘅汁食超正，食到勁飽🤤

中秋佳節食左幾餐中菜，約朋友食下咖哩轉轉口味。揀左係重慶大廈嘅7E，除左交通方便外，呢度嘅咖哩相信都會比較正宗。樓下有專人帶領，吾難揾。估吾到都幾受後生仔女歡迎，嚟開餐喎！雞肉、牛肉、羊肉、海鮮、蔬菜、飯、麵包、甜品等，食咩好呢？朋友想食羊肉，我就點左個蔬菜，仲有其小食同飲品。印度薄脆餅，食落有少少似薯片(但又吾似薯片咁油膩膩)，超薄香脆，少少咸，辣辣地，點上青咖哩醬好清新，係免費嘅小食,多謝老闆。咖哩角脹卜卜，呈三角形狀。外層香口酥脆，馬鈴薯加咖哩嘅內餡，粉綿中帶淡淡咖哩香氣。烤餅(原味)，係印度餐廳必點嘅美食，烤餅鬆軟似麵包但又脆脆哋。蒜茸烤餅同樣外皮酥脆、內裡鬆厚柔軟，比較原味烤餅，多一份蒜香味。鑊仔羊肉肉質腍嫩，充滿咖哩香料味道，帶點微辣。羊肉嘅香氣，同咖哩嘅色澤，十分誘人！芝士菠菜，菠菜蓉十分幼細。加上特製芝士，吾辣吾油膩夠芝味。越嚼越香嘅烤餅，沾上咖哩食更是絕配！芒果乳酸，酸酸甜甜，充滿濃郁芒果香味。 哈！哈！無論你食得辣定唔食得辣，都可以飲呢杯芒果乳酸平衡一下味蕾或解辣。雖然我哋吾係食家，但覺得7E嘅咖哩味道濃郁，小食香口，而且服務員態度熱誠。