7E咖喱王

营业中

休息中

本來約左朋友到重慶大廈嘅7E 食咖哩，朋友突然有事吾得閒，唯有自己先上去食，下次再約返佢啦。典解吾係叫7E嘅😅？位置係重慶大廈E座7樓嘅E2室。樓下有專人帶領，所以都好容易揾到。估唔到餐廳都幾闊落，好有港式茶餐廳feel。睇緊餐牌時老細已經免費送上一份青咖哩薄脆餅，果然係薄脆，又薄又脆，有少少辣，再點埋青咖哩醬，清新美味！好窩心。點左個📌印度烤餅～Naan📌 鑊仔羊肉~ Mutton Karahi📌印度烤餅～Naan呢個原味印度烤餅，雖然無油無蛋，好似好齋，但外脆內軟嘅烤餅有厚度，因為中間係空心，所以有嚼勁，充滿陣陣嘅小麥香，就咁食已經好！📌 鑊仔羊肉~ Mutton Karahi嚟到7E，印度烤餅好食，但都要點返個咖哩先完美。用上多種香料煮成嘅羊肉，咖哩醬汁濃稠適中，味道香辣鮮明，羊肉夠腍入味。咖喱醬汁配Naan烤餅同食，就係最完美嘅配搭！原來一個人食咖哩都好有滿足感，而且服務員都好熱情，除左介紹美食外，仲問我啱吾啱口味。當然好味啦！

前幾日去咗重慶大廈食咖喱。其實之前都有去過兩間重慶大廈嘅印度餐廳，兩間嘅裝修都係餐廳小店feel，別緻d嘅。但今次想食呢間7E咖喱王，入到去居然有港式茶餐廳嘅感覺，仲以為自己去錯地方：呢度闊落，幾好坐。服務都好好，侍應都同你介紹每樣食物，又會問下你好唔好食。講下d食物先....呢杯酸奶，係印度特色飲品黎。我本身唔特別好酸奶，但呢杯又幾好飲wor，佢個乳酸味唔錯，好開胃。前菜有呢個脆薄餅，點綠色呢個汁食。脆片好薄身，自帶少少鹹，點落呢個酸酸地辣辣地嘅汁都幾夾。黎到主菜，又點少得烤餅同咖喱：第一款烤餅係蒜香烤餅，好大份呢！口感非常好，有足夠嘅厚度，入面有都好煙韌。第二款係芝士烤餅。我覺得呢款比啱啱果款更加厚身，入面好似有幾層咁，好豐富。同埋好鹹香嘅芝士味。如果冇咖喱一齊點黎食，可能會有d「漏」，但加埋一齊就非常好。咖喱方面，有咖喱雞：呢個咖喱偏甜，食落有d似冇咗花生醬嘅沙爹😂個雞好嫩滑，唔會好鞋同乾。個汁點烤餅一流，好食！仲有咖喱牛：呢個個咖喱味就似平時食開果d喇，辣味黎講就一般，唔算辣。但非常好食，送烤餅或者撈飯都正。牛肉好林，唔痴牙，同出面食d硬過石頭嘅牛腩完全唔同。正評！

今日心血來潮想食印度嘢，咁食印度嘢非去重慶大廈莫屬啦。咁我就膽粗粗去咗重慶大廈入面食印度嘢！去重慶大廈門口就已經會有人帶路帶我哋上去間餐廳。間餐廳裝修唔算太靚但都算非常乾淨。menu上面唔算好多選擇， 我哋就揀咗 佢哋嘅招牌咖哩、一隻烤雞翼同埋一杯芒果奶昔。 個咖哩好香有好多香草香料亦都唔算太辣非常適合香港人嘅口味。而我最欣賞佢嘅係杯芒果奶昔佢呢種味道係出面從未試過嘅！ 如果有一日再突然想食印度嘢一定會再返嚟幫襯！但2個人埋單要成300幾蚊，份量唔算多，性價比就差少少！

食咖哩識食緊係重慶大廈啦！店內陳設簡單，環境寧靜，由印度人開業、主理，見到都有中國人嘅熟客，有講有笑，店員識講中文。叫左兩個薄餅，好香口，好脆，配上Green Chutney醬汁，好地道，好味！仲叫左咖哩雞、咖哩角、烤羊肉，佢應該配合左香港人嘅口味，所以唔係好辣，不過就較鹹！推介芝士菠菜

第一次入重慶大廈 erm... 一入門好多印度人sell你咁 過咗就ok👐anyway 餐廳超級逼同嘈 野食好普通 唔會再食🙅🙅.🐮牛肉咖哩$82🐮牛肉同咖哩汁份量極少 又煮得唔夠淋咖哩好普通 唔夠辛同香 大家樂仲好食😐.🐑羊肉烤餅$40🐑又係份量極少 成個餅得隻角有羊肉羊肉係香嘅 但實在太呃稱😢.🍞牛油烤餅$27🍞最正常 沾咖哩汁好食 份量都夠.當體驗就算了💁

偶然間係OpenRice睇到有得訂個人最怕麻煩呀你話又要同班印度佬磯呢咕嚕好在有得上網訂咋仲有折我一個女仔由於要製造驚喜一支公衝入去重慶大廈其實你喺門口度拎咗佢個卡片之後仲有專人帶你去到lift口完全唔使驚架，重慶大廈雖然好似真係去咗另一個地方咁勁似東南亞嗰啲local商場，但冇乜人會夠膽攪你最多望住你上到去擺低蛋糕之後，又落去會合返朋友扮冇事發生我記得個鐵板烤魚好好食 夠獲氣好多香料製成 一人一舊/半舊 好滿足羊肉都好重so味butter chicken masala係我最愛既咖哩因為佢唔辣 唔似咖哩味 有小小蕃茄紅咁cheese naan , butten naan, garlic naan都必食仲記得要叫local beer 同埋 mango lassi 酸酸地好香胃利申食完呢餐冇肚痛 雖然佢都好似好local既裝修

食物唔夠熱，味道方面咖哩牛肉冇乜味，咖哩角薯蓉粉太厚，烤咖哩雞肉好食但好喊。環境衛生方面，較為差，櫈底癡粒粒，廁所味道較為強，影響食慾不佳。下次，一定不會再幫襯！但

想吃正宗咖哩緊係去重慶大廈啦！今次有機會黎到呢間7E咖哩王試一試佢地既咖哩！地方非常就腳唔難搵，大廈入口位置間唔中有服務員介紹店鋪。店內佈置簡單整齊，最後我揀左咖哩蝦同特色牛腩咖哩，再左牛油薄餅同飯試下同咖哩做配搭！個人覺得薄餅比較夾，牛油香味加上咖哩辣味正！如果唔食得太辣，蝦咖哩會比較好。除此以外仲有豬同雞咖哩選擇。飲品方面揀左Mango Lassi （芒果奶昔），味道清新得黎又可以沖和咖哩辛辣口感！

一路聽聞重慶大廈入邊有間印度咖喱很出名，終於有機會去試，落雨都好多人！！印度咖喱很夠味，送嘅胡椒餅都好好食，叫左香雞，咖喱牛腩，同埋咖哩雜菜，上菜非常快，d服務都好好，非常impressed 會再來！

平日夜晚，好彩早來，坐低無耐有好多人排隊。我地叫左唔算多野，但食完都好飽。店員好親切，服務唔錯。薄餅（叫餐不久就送上）：好脆，醬料味道好特別，有少少辣咖喱王特式牛腩：幾好味，咖喱有啲甜味，可能因為裡面有菠蘿粒，牛腩都幾多舊，好淋👍🏼特色雞皇炒飯：飯粒比較硬身，粒粒分明，有香料味道，但雞肉較硬，配埋咖喱汁食會更好。乳酸/芒果乳酸：唔算好甜，芒果嗰杯幾香芒果味，但我個人鍾意純乳酪味，夠簡單。用app訂位有折😆

第一次黎重慶大廈食咖哩，印象好好喎開頭都怕會太重香料太重口味，點知食第一啖，我已經同朋友講我諗我之後會再黎另一款我係叫馬莎拉燴雞，但係唔知係廚房煮錯肉定直頭俾錯左，第一件食係雞之後，其餘都係羊😂我同職員講，佢都忍唔住笑，話要換俾我，但我同朋友都已經食左，而且都已經覺得好飽無換到。如果兩個只可以揀一個，個人會揀另一款多d，因為完全係我好鍾意既咖哩味道，又夠多汁點薄餅好正不過口味好過人，意見只供參考朋友係烤餅怪，我地專登叫原味同蒜蓉味試下，我明白點解咁多人叫蒜蓉味，真係整得好食，好香蒜蓉同芫茜味

第一次真正食印度咖哩，一座低就送上薄餅加一碟青咖哩汁 (服務快速)，薄餅脆得嚟有d d咸味，點埋青汁食即時開胃晒! 主菜我地點了"咖哩王特式羊肉" $138和"咖哩王牛腩特式" $138，以為只得個辣字及好濃味,原來佢地嘅咖哩唔會辣到令人喪飲水，亦唔會掩蓋羊及牛本身嘅肉味!羊肉炆得夠入味，咬落去肉骨即分離! 牛腩更一入口即溶😋，牛腩呢個汁有偏向重蕃茄味，有驚喜😍!! 再點了份烤餅點汁食，食到停唔到口😉配埋杯酸乳口和口中咖哩味，不覺得油膩👍👍

重慶大廈搵食初體驗，晚飯當晚全店滿坐， 還不時有客人等位， 期待…威化胡椒餅 $0點菜後，先送你一份威化胡椒餅，配薄荷醬食可中和胡椒餅的咸味， 香脆可口。蒜茸烤餅 $27 蒜茸味夠，烤餅外皮及內心鬆厚柔軟。窩仔牛腩 $132 汁香濃帶酸， 點薄餅或配白飯食都錯， 好醒胃🤤，牛腩軟腍好入味。 窩仔蝦 $165咖喱汁不辣，一窩約有7-8隻中蝦，蝦沒有鮮味。芒果乳酸 $39飲品濃稠， 飲得出印度芒果香味😋，略嫌細杯， 唔夠喉。推介: 窩仔牛腩 & 芒果乳酸

第一次食印度菜！講起印度菜，佢俾我嘅感覺係超辣、超辣同埋超級辣！不過今次嚟過哩度食之後，至發覺原來印度菜唔係得個辣字！仲可以色香味俱全！晚餐時間，我就叫左好幾樣菜式～其實我係牛同羊fans，一定會叫佢地嘅咖哩牛腩、特色羊肉炒飯、印度燴羊肉，飲品就叫左青檸梳打。首先，講一講咖哩牛腩，咖哩真係一流，香味同佢嘅咖哩汁好balance，配落牛腩 簡直係perfect match。牛腩火候相當到位，咬落去好juicy！之後，我就試左個特色羊肉炒飯，火候十足，好有鍋氣之餘又唔會太乾身，最驚喜嘅係隻羊一點都唔「蘇」最後我食曬成碟印度燴羊肉！佢地秘製嘅汁好正！又香、帶有極輕微的辣，羊用唔「蘇」又夠鮮嫩！真心一流！配埋杯青檸梳打 令人感到超爽&愈食愈開胃

第一次去重慶大慶，就係去食7E咖哩王。佢嘅位置同埋餐廳風格都令到成件事好似去左印度咁exotic🤪好得意嘅係入到重慶大廈搵個保安問7E食咖哩點去，佢就會拍拍手掌，就有專人帶你過去😂😂😂😂先講服務，d 印度哥哥都好nice，仲識講中文👍🏻可惜因爲多人，上菜有d慢😢右邊係咖哩蝦，色偏黃，味道甜d，我比較中意；左邊係咖哩雞，色偏紅，會辣少少，但唔食辣嘅人都絕對接受到👍🏻好味由於d咖哩太好味同都幾多，一定要叫薄餅點咖哩食，味道真係世界級，薄餅大塊又脆同鬆，正👅