影片
港铁佐敦站 D 出口, 步行约9分钟
继续阅读
电话号码
98611769
附加资料
越式法包專門店
营业时间
今日营业
12:00 - 21:00
星期一
全日休息
星期二至日
12:00 - 21:00
以上资料只供参考，请与餐厅确认详情
食家推介
相关文章
唔係朋友介紹，真係好少人發現，店面位置唔當眼。小店由老闆一人主理。有時多人都需要排隊，等候時間比較耐！個晚咁啱有好幾個人，都要等15-20分鐘，始終一個人一對手，出品有限，加上老闆每個包都有特定烤焗時間次數，我信相亦係呢份堅持，先做到佢心目中應有嘅越式法包水準。🇻🇳越式法包 $58 💫8.5/10呢到法包唔洗選擇，因為只有一款，最特別係餡料用豬手粒，出面真係未見過呢個配搭。豬手粒自家滷完再切粒，食落就更有口感，咸香同個新鮮自製肝醬超夾，加埋酸爽蘿蔔絲，每一啖個口感都好豐富！老闆都有講試過同豬腩肉、豬頸肉，成本係平D同工序少D，但始終唔夠豬手咁夾！另外法包每日新鮮拎貨，噴水兼且分左三次去焗，出黎個法包真係好鬆脆，咬落去又唔會好鬆散有碎。🌟總括：好嘅野食值得等待，店面只有一個位置堂食(1-2)，主要都係外賣為主。小店真係好值得大家支持！
继续阅读
店家獨沽一味，只係賣越式法包，自從上年年尾食完第一次就上癮，雖然位置唔算好就腳，但係已經回頭超過五次，真係好值得支持😳▪️越式法包 💲58一人小店即叫即整，多數等五至十分鐘到，但係如果有幾個人，就可能要再等耐少少🤏🏻法包外脆內軟，完全唔會界口，豬皮保持彈性，切粒既豬手軟嫩，肝醬亦都唔會話有腥味，加上扎肉、蕃茄、青瓜、醃蘿蔔，酸酸地感覺份外清新開胃，可以視乎個人喜好加芫荽同辣椒🤫🔎 整體評分（8/10）
继续阅读
我好鍾意食越南包，差唔多全香港數得出嘅越南包，我都食過晒！我好負責任咁講，香港最正宗嘅越南包可能係佢！佢未必係你杯茶，但就一定係我杯茶！呢間舖頭開業已經幾年，個位置難搵到爆炸！明明係尖沙咀，但為咗搵佢，你好可能會蕩失路！但係就係因為佢啲嘢好食，所以幾遠都要搵佢！老細好有性格，成間舖頭淨係賣一樣嘢⋯⋯越南包！佢整嘅越南包可以商業化一啲，但係佢冇咁做！裏面冇多餘嘅醬汁，明明加多少少可以去取悅你，但係佢冇咁做，就係因為「正宗」兩個字！你試吓佢嘅麵包，只要咬一口，你就返唔到轉頭！因為即刻喺你個嘴裏面粉碎！每一個包都係老細嘅堅持、嘅執着！完全唔會整定，你嚟到佢先會整，佢絕對係越南包嘅職人！值得我咁遠嚟搵你！
继续阅读
越南法包$58，個包勁足料，見到老闆將啲餡料塞到滿一滿先拎俾我。 蔬菜份量好多，蘿蔔絲嘅面上亦都加咗少少黑椒粉，每樣蔬菜都能夠完全中和返個包、肝醬、豬手的膩，每樣材料食得出都好新鮮，芫荽同埋辣椒可以俾你自由選擇加唔加，成件事係一個好好嘅配搭。加$20 嘅越南齋啡都好好飲，如果加埋煉奶仲有淡淡嘅朱古力香味，好欣賞老闆專注做一樣signature dish 做到極致咁好食，真係好有心做好值得幫襯！加油啊！！！
继续阅读
越式法包真心好食，有滿滿的紅蘿蔔絲，又有芫荽，肉類也足料，烘烤了的包脆卜卜的。越南咖啡必定要加煉奶，香濃滑，真心好飲。堂食一人座，店主播放曲目好chill, 店主好好人，感覺好窩心。一定會再來😍😍
继续阅读