8090 好時光 (已結業)

一入黎就話d set 得買剩2個choices（原本有4個），不過唔緊要可能較早前好多人。專頭落單嘅時候，個侍應同我地講，4個choice得返一個？呢下已經覺得下？咁都得？咁唯有單點，唔要set去到嗌嘢飲，又呢樣冇果個冇去到呢個地步，會唔會太過分根本係20分鐘前就唔應該再接新客啦，要人等仲要幾乎咩都冇！！！

食野配甜品有優惠，我地就嗌咗個曲奇窩夫，送到上黎仲有微熱，外脆內軟，再有啲焦糖醬喺面，唔太甜又令到個窩夫唔會咁dry，同個窩夫都夾，再加埋曲奇雪糕同啲Cream,係唔錯嘅。

好少黎天水圍，唔知有咩好食，所以search下，見到呢間幾多好評就試吓，點知有啲失望。叫咗個雞翼肉操面，肉躁有陣騷味，雞翼似係滷水，但係唔夠色又唔夠味，仲有好大陣雪味，其實唔好味我反而接受唔到，但騷味同雪味真係有啲倒胃口，麵就軟硬適中。珍珠奶茶正常。整體來講唔算好食。環境方面望落幾舒服，但係坐外面(都係商場範圍）完全冇冷氣，食到出汗。服務冇乜特別，侍應冇乜表情，冇黑面亦唔係特別有禮貌，食完碗麵杯野都未飲，坐下唞一唞，佢行埋黎想成盆幫我收走，我自己搶返杯野飲😅

星期日下午商場好多地方都爆哂，見呢間唔使排隊就諗住試下，原來無人係真係有原因既。首先落左個泡飯加紅茶，12點幾就話無哂，似係無預備多過被人叫哂多D（餐廳得幾檯客）。個後生女侍應好隨便講左句就走開左。然後叫第二個侍應落單，以為改主食就得，點知原來餐飲都幫我cancel埋，我係客，真係唔知道你地個系統係點，問多一句都唔得？再問返個女侍應，又係講一句個餐飲無左然後又立刻走左。真係嬲嬲地，野都未講完就走左。無下次，bye。

今日入天水圍T town 探朋友，見到呢間餐廳裝潢好靚，被棵樹吸引，試左魯肉飯，真心好味，環境十分舒服，之後發現還有綿綿冰，試左個芒果綿綿冰，口感幼滑，大力推薦，由於太飽，下次一定會試老闆推介的紅燒牛肉麵和鹽酥雞加窩夫！

今日再返去食個賣油雞麵線好幼，做得好彈牙 ，老細話接咗手做半年，有個台灣出名師傅幫佢做手打麵底下次會試埋佢哋主打出名嘅鹽酥雞同埋滷肉飯 , 佢話每個月都有新產品遲啲仲有一個好地道嘅鐵路便當

紅燒牛肉麵好好味,無味精,個麵好彈牙,值得一試!上次經過見到沽清,今晚一家人決定去試,無令人失望,好滿足!另外麻油雞麵同鹽酥雞都喜出望外,天水圍又有另一個飯堂啦^^

見老細熱情招待，入去再試下原來已經轉左手， 新廚師係台灣人所以個滷肉飯好正宗，好好食，比較像台南的味, 男朋友叫左個紅燒牛肉麵，啲好彈牙（老細話個麵，每日新鮮手打的）正宗台灣味道的牛肉湯底。原來老細話每個月有新產品，台灣運入口一定會再回來試一試 By the way,  個Oreo奶昔，真係好好味下次會試吓其他特飲

食完飯想食個甜品，結果去左頌富呢間野，見之前facebook都有人share過間野，咁咪去支持下。個面包唔脆 個雪糕唔凍 所以都幾得人驚。我覺得近年頌富都好積極重新規劃，但引入尼既食店都好唔sustainable 無間好味

已經唔好食，還要加1（加1咪加1， 寫到鬼鬼祟祟), 我食下午茶，下午茶張牌無寫，佢話其他餐寫咗。想小佢。唔怪得唔多人食珍珠奶茶中衰過屋企自己沖快啲執咗去幫下大眾！！勁差

同朋友行街，口癢癢，見到有呢間野裝修得幾文青Feel，餐牌啲價錢都OK，咪入去坐下，順便食個甜品，於是就坐低叫野。①個位無menu無人serve(可能時段問題）②甜品貨不對版、跟menu完全不同③味道非常可怕，可以堪稱為甜品中的明將，我諗都幾難找到比他難吃的了。我地叫左心花怒放和楊枝甘露。④水樽的水很混濁（當然可以解釋成檸檬加入水仲造成的，你信不不信？反正我就不信了）⑤未用過放在枱上的杯內的底部是濕的。如果要講好處①唔洗排隊我地只叫左甜品，其他食物可能好味，但已經唔會再去，No next time and black list.

天水圍好時光U＋me Cafe：台灣珍珠奶茶是港式奶茶加珍珠，台式排骨麵係陽春面加酥炸排骨但係煲湯嗰隻排骨，滷水雞翼又難食，味道連一般茶餐室都不如真心有錢收都不會再去！

📍8090 好時光📍天水圍天華路33號T Town North地下NG02 (西鐵天水圍站 轉輕鐵天水圍循環線 頌富落車)📍星期一至日 11:00-22:00🦄焦糖脆脆香蕉鮮忌廉窩夫 $56 7折 $39🦄評分:7.5/10份量大到驚人！仲好足料！性價比極高🤙🏼🤙🏼除非你冇食晚餐 否則一定要share呀😹😹4大舊窩夫 佢話係即叫即整(需時15分鐘) 上枱都熱熱地既但就唔會話好脆🧐🧐 焦糖脆脆就好甜 本人好喜歡🤣 點啲雪糕黎食好好味😋 雪糕係自選口味我就揀咗曲奇🍪 面頭再淋左啲朱古力醬🍫 一舊仔窩夫一片香蕉🍌一啖雪糕🍦 好邪惡但好幸福hehe❣️ 整體來講係值得推介！呢個價錢呢個質素同份量👍🏻9點幾去到無乜人唔洗等位🍴 本身坐左2人座 佢見我攞住個大袋 就叫我去4人座可以放個袋系張椅到 好nice好貼心呀💓

行到累，見到呢間店好有文青氣息就比佢吸引左。檯好大，坐得好舒服，好岩食下午茶店員哥哥服務態度好好。不會催促。因唔喜歡飲黑糖珍珠奶茶，大膽問問可否轉做鮮奶，店員非常爽快！一口就答應態度好好而且配鮮奶都好好飲店方可考慮加做新飲品另外叫左心花怒放，同仙草奶茶。甜品來說不錯！但仙草奶茶奶味可再重點。整體也不錯！鹽蘇雞麵不錯，炸得很香口。不會太鹹麵量也足夠。因環境服務味道不錯！所以一定會再來食！

星期日訓到中午，就落樓下簡單醫肚見到呢間餐廳有室外位置，仲有棵仿真植物，好似環境幾唔錯，就揀左呢間選擇非常多！基本台式食物都有供應環境光猛，而且唔嘈吵，坐底傾計應該幾舒服最重要店員服務好，笑容滿面，而且耐心講解餐廳做緊糖水7折優惠，不錯哦～珍珠奶茶，正！奶茶有茶香，珍珠軟糯入味，仲有淡淡黑糖香肉燥雞亦太陽蛋飯 $48肉燥做得出色，肥瘦均勻，而且非常入味，但不會死鹹！雞亦都好大隻下午茶來說，食物質素唔錯