9號美食 (已結業)

9號的食物不算特別好吃， 但是貪方便久不久也會去幫襯， 今天不想堂食， 只想買淨餸， 基本上當時沒有客人， 一盒42元， 咁兩盒當然84元， 拿了一張100元紙幣和2個2元硬幣出來等找錢, 那個男的說已找，我説沒有， 那個男的再說已找了， 死都不肯認自己沒找錢，好彩我手上仍拿著錢包， 打開給他看整個荷包根本上沒有1張20元紙幣， 那個男的才死死地氣氣不情不願的拿出來。 老實說街坊生意， 20元都要貪心欺騙， 本人以後不再光顧， 最討厭便是這些

最排周圍外左好多2餸飯食堂，呢間9號美食有加入openrice外賣自取每日下午3點可以拎code起openrice落單TA15D 每65蚊就可以減15蚊，真係好抵呢個菠蘿生炒骨好野味，送飯一流椒鹽豬扒夠軟同獲氣最重要係分量夠大，2樣加埋先75蚊，十分抵食

今朝突然好想食兩餸飯，咁岩打算去土瓜灣睇中醫，去之前專登打黎問幾點開始有，佢話１０：４５已經有好多餸揀結果我１０：５０去到得呢四款。。。。🙄🙄坐左十分鐘都只係多兩三款，諗住邊食住蓮藕邊等椒鹽豬扒但店員幫我問廚房話豬扒要１１：１５先有，結果我決定唔再等揀左岩岩出爐既生炒骨。。。😪蓮藕同西芹都幾爽口，唔會太鹹，但個芡汁太稠，個人黎講幾唔中意。。。生炒骨新鮮整起所以幾脆，反而幾欣賞呢個汁，酸甜味岩岩好，而且似係自己人手調配出黎唔係用成醬👍但D生炒骨就真係得骨同外層既炸粉，無乜肉食。。。🙈價錢我就覺得偏貴左啲啲（兩餸飯＄３５，同區或者旺角區其實都有可以堂食既兩餸飯，只係＄２８）我諗未必會再黎🙈

炸子雞通常都係高級茶樓菜式，好少係街邊見到，所以就嗌咗嚟食！佢外皮未去到話好脆，食落去無咔嚓咔嚓既聲，不過內邊既肉就好鬼嫩，保證唔會鞋！名稱：9號美食地址：土瓜灣馬頭圍道450號悅輝大廈地下A鋪

年底時間要盤點, 又要趕報告, 所以每餐都係快手食外賣.呢間係我近期至愛既外賣熱點, 一來有奶茶咖啡, 二來幾餸飯款式多, 每日揀唔同既餸都有排揀.因為佢既份量算多, 所以我一個人要兩餸就夠晒飽.要個魚香茄子, 茄子煮得夠腍, 但又唔係一夾就散, 夠入味. 肉碎都幾多, 而且個汁唔辣.仲有叔叔至愛咸蛋蒸肉餅, 肉質唔乾, 肥瘦各半所以食落夠軟腍. 味道唔太咸, 感覺健康D.整體呢度既味道唔會好濃, 食完無口乾.

三餸飯而家大行其道, 一來方便, 二來又多款式選擇, 三來又唔會好貴.做完野經過土瓜灣, 呢間餐廳既餸好多款式, 響櫥窗外面睇定有咩啱食.蜜糖黑椒雞中翼, 隻隻都夠大隻, 外面煎到少少脆香, 蜜糖甜甜地帶黑椒既辣, 掛響每隻雞翼上面, 特別惹味開胃.椒鹽豬扒又係好大份, 舊舊都肉多過骨, 椒鹽唔太重, 所以唔會太咸, 肉質食落唔會好乾.咖哩雞球, 雞肉嫩滑, 薯仔炆到夠晒淋又入味, 咖哩唔辣但有香味, 撈飯最好食.

抗疫在家吃飯, 唔識煮飯當然係落街買外賣, 最近屋企附近開左間茶餐廳既食店, 每日行過都見到好多人排隊買幾餸飯, 等我今日又試下先.剛剛過左6點鐘, 所以唔可以堂食, 但其實呢度平時都可以坐低食, 睇餐牌分別有2餸, 3餸, 4餸飯, 而且仲列明1到15號, 16-31號有咩餸款, 真係好細心, 唔洗次次黎到先睇有咩食.除左晚市之外, 仲有早餐, 下午茶等, 價錢都好大眾化.一望真係有十幾款餸, 花多眼亂都唔知選咩好.先試下最大路既菠蘿生炒骨, 排骨肥瘦適中, 唔會祗得骨頭, 份量剛好, 一啖入口. 肉質夠軟, 唔會炒到太乾身. 味道唔會好酸, 帶甜, 好易入口.而且旁邊既配料都無吝嗇, 紅青椒, 洋蔥, 菠蘿呢D都炒得好味, 無淋晒.美極什菇炒牛肉, 好多款唔同菇菌, 牛肉薄薄地唔會好韌, 美極味道唔會太咸, 送飯唔錯.試左2款餸味道唔錯, 而且份量十足, 一路買一路都好多街坊排隊.