ABC BAKERY (東港城)

营业中

休息中

24年1月26日買開頭問就話混搭蛋糕都有八折，執起四件入盒埋單又話冇八折。都算，拎反屋企食，冇餐具。四件有三件都難食，得芒果蛋糕正常（圖片左上角），紅桑子蛋糕係藥水味，食唔落去。柚子芝士勉強食得落，但魚膠粉太多。橙味芝士人地食話太甜。呢三件都難食到寧願食嘉頓雪芳蛋糕。大家冇試食都唔好試😅

法式檸檬馬令撻賣相很精美，撻皮一般就冇咩特別唔講了。而呢個檸檬撻真係只限本身鐘意食酸既檸檬撻既人食，因為個檸檬撻我自己覺得係幾酸，不過馬令(蛋白霜)既甜中和到檸檬酸，做到一入口雖然係酸，但後來會被甜味覆蓋 👍🏻結論🫰喜歡濃味檸檬的人可以一試⚡️會很甜CP值：6.5/10餐廳資料餐廳名稱：ABC Bakery餐廳地址：將軍澳坑口重華路8號東港城2樓259B號舖營業時間：星期一至日 11:00-20:00

@abcbakeryhk 之前喺佢開喺上水時買過宜家喺tko 區都有分店啦‼️‼️實在太好啦🫶🏻🫶🏻🫶🏻今次揀咗6吋size💚玄米茶黑糖麻薯蛋糕 $468作為一個茶控 梗係連🎂都要茶味🎂主要分咗cream 蛋糕同麻薯最簡單嘅一個組合🥰🥰🥰忌廉感覺輕盈 略帶茶香比起普通忌廉冇咁油膩蛋糕部份玄米茶味濃郁但唔會有茶嘅苦澀味質地保持到濕潤度唔會焗到乾晒水中間夾雜着黑糖麻薯口感類似日式蕨餅黑糖味幾出色🥰🥰但如果可以分布得平均啲就好不過個人認為忌廉有啲太厚但下次會想再食其他味🥰🥰

友人付錢買一袋方包後，再買3件鬆餅時，我幫手攞袋方包見無膠袋，所以要求店員比膠袋。該女店員帶眼鏡紮馬尾，即時眼神不滿沒有回答，友人見狀即時拒絕唔需要袋，嬲到走。 如果要收膠袋費都無所謂，但唔需要咁既工作態度

綠茶香玉麻糬蛋糕鋪面的Sales 好努力介紹此蛋糕材料最緊要聽到佢哋公司最出名係綠茶同埋少甜內有麻糬好好味細細個～只夠4個人食蛋糕外觀及淺綠色好靚其實媽咪最喜歡食粟子味下次再試試

買咗粒粒芝士包，$25/4(半條),開頭見到show 出黎果面好似有好多芝士。點知一片比一片少芝士，最一塊竟然一粒芝士都冇！！！！！！同普通方包一樣，完全唔值呢個價錢！！有被騙既感覺！！！唔會再幫襯！！！

💚Greentea Lover 綠茶控請入‼️‼️🍵綠之戀 卷蛋 （單件）$28👉🏻初頭第一啖有啲乾 建議連埋忌廉一齊食 忌廉部份都混合綠茶味 感覺唔太苦澀👉🏻 綠茶忌廉係好濃郁嘅綠茶味 食完個口會有陣奶油香 Creamy 得黎 唔會好膩👉🏻 綠茶味上 食完有aftertaste 有輕微回甘 綠茶粉冇草青味 算係幾易入口嘅🍵黎👉🏻 食食下覺得個味道好熟悉⋯ 我好似食緊爆谷嘅焦糖味咁😂😂 真心好味‼️‼️ 會再回購🥰🥰🥰🥰🥰🥰🥰 食咗半個都飽飽地 飯後甜品/同人share 啱啱好👯‍♀️👯‍♀️ 食到最後會有啲苦 如果當下午茶食 建議沖杯🥛飲 就好似飲緊Greentea Latte 咁😂😂

又係一個好好食嘅麵包店，今次我就試咗佢哋嘅三包仔，叫咗5款唔同嘅口味，全部加埋都係$20！非常之抵食！我自己好鍾意食佢嘅朱古力味道，呢度嘅朱古力餐包真係好吸引，另外都好鍾意綠茶味，綠茶味好甜！

屋企樓下最近好多新鋪進駐🤭今次試呢間麵包鋪，之前已經係網上見過有推介佢既scone，就一於試下佢🤗可惜比想像中冇咁好食，個人覺得唔值得試🤯🥐抹茶紅豆牛角酥（$30）呢個味睇落最正常所以揀左呢款試中間既料唔太夠，抹茶cream都有抹茶味，但可以再多啲，因為都有幾啖係完全冇料😕麵包質感麻麻，冇乜牛油味😔因為中間有cream又冇得整熱黎食不推介😵🥯英式鬆餅 Scone （$10/個 買2送1）我就試晒原味同提子鬆餅，但兩款都係麻麻地😑一黎冇牛油味，二黎整體都幾鬆散提子鬆餅亦唔夠提子🤨