ADD+ (已結業)

聖誕想選一個特別，又有美景的自助餐餐廳？看看這個！向來只知道西九文化區M+是參觀看展覽，沒想到還可以在裡面吃自助餐呢！Add+位於M+裡面，提供自助餐、香港小食、中式點心、外帶野餐食物、酒類飲料，最重要的是它在西九海傍，坐享180度大玻璃窗海景！現切烤牛肉、羊排、異國料理、中式佳肴，海鮮也不缺席，另外，分開不同櫃位：刺身、粥麵、甜品、燒烤，讓人一目了然。海鮮港人吃自助餐最愛的海鮮，海鮮櫃位前有冰盤長腳蟹、青口、蝦，還會不時推出新的熟食海鮮，常常大排長龍，焗芝士帶子、鮑魚、蟹，種類繁多，而且拿完一輪便會推出新的海鮮，滿足一眾海鮮愛好者。沙律吧一些薄切火腿、芝士、沙律、煙燻三文魚，沙律款式不算太多。刺身中式點心鹹水角、叉燒酥、燒腩仔、蘿蔔糕、叉燒、馬拉糕、粟米羹，平常在中式酒樓看到的，這裏也能嚐到，而且味道不俗。片皮鴨由店員親自為你包裹，味道還不錯，沒想到自助餐也吃到，有驚喜！熱食酸菜魚、炒飯、蒸紅棗糕、金箔牛柳、香橙豬肋骨、酥炸魷魚，平時在自助餐少見的菜式，也可以在這裡找到。粥品/ 粉面向店員自行下單，有豬潤、魚片粥，材料豐富，十分軟綿，還有其他材料，搭配不同粥品和粉面。披薩烤牛肉、烤羊

今日排隊諗住食ADD+，喺門口時個reception話嘢飲要等30分鐘同埋要6點鐘交枱，我心諗唔緊要啦我都係想食少少嘢啫。一坐低，個待應就同我講4點45分last order，我望一望個鐘，係4:40分 (點解一早唔講呢?)，當時已經有少少不滿，點會得返5分鐘Order都唔早啲同個客講？或者可以排隊時俾定個menu我諗定食乜都得啫？但諗住算啦都係想求祈食少少嘢，快快手手叫咗佢，點知坐咗幾分鐘佢都唔俾個食物menu我，水都冇杯。終於叫到個侍應埋嚟，第一件事唔係俾menu我，唔係落單，而係話：呢度唔俾帶外來飲品 (當時我有帶咗杯茶飲入去，但係冇飲，剩係放咗喺枱面，而且係就嚟飲完，所以我都打算喺嗰度叫杯)。其實成件事咁急，點解唔可以俾個menu個客落咗單先呢？當時係4:44分左右，我已經覺得一肚氣，原本只想快手食少少嘢就繼續行程，但面對咁嘅服務態度，我實在食唔落，在我看來，你就係寧願我唔好叫嘢食，唔好幫襯。ADD+, FOREVER BANNED.

唔會再去，食已經唔係話好好，d待應好似趕客咁，個經理仲賤，同佢講d staff唔太禮貌，完全ignore, 其實感覺佢地唔係好想招呼人入去食野。招呼唔好，食物把鬼，熱食拎到埋來都係凍。真正貼錢買難受

酒吧員工態度奇差，唔耐煩招呼buffet食客，外藉散客就勁客氣。9點鐘仲有客拎食物之時，著恤衫職員係度大碟大碟食物夾走幾碟返休息室食。蟹唔新鮮，霉的。有食客早走，已經係隔離大噴清潔液清潔，鄰座食客食左野都要硬食清潔液。

食物又冬哂 甜蝦又無剝好重點係女職員態度差 ！！！我想叫杯朱古力 🍫🥺🥺🥺佢反應：下？咩牙？無ga wo其他人也一般好無禮貌🫠🫠🫠有待改善😥吾想再去了可一不可再🫡🫡🫡

十月尾去食室內環境擺位布設係舒適服務，大致上亦唔錯最大問題係食物方面用太多時間排隊整體上海鮮種類唔多攞部分蒸海鮮攞出嚟竟然係凍嘅阿拉斯加蟹啲肉係霉嘅冇生蠔冇螺冇龍蝦食到凍蟹啲肉唔新鮮有啲仲係霉嘅煮食嚟講，最突出嘅係厚牛仔肉中式嘅海鮮，例如蒸魚，基本上係冇中湯同埋西湯亦都唔算太熱龍蝦湯冇龍蝦味燉雞湯亦都冇雞味連嘢飲都可以出事冰蜜桃茶直程藥水咁款用海鮮自助餐來做主題，偏偏最差嘅部份就係海鮮絕對唔值七百幾呢個價錢

Kkday買左package, 之前見到好多負評，本身都好搶擔心，仲要本身book左果日打風，轉左另一日食，驚仲難搶海鮮。點知用餐情況比想像中好，一開始攞海鮮可能要等10-15分鐘，之後就慢慢少人攞，雖然未必可以攞到自己最鐘意果款，但都食左蒸聖子，瀨尿蝦，象拔邦，蜆，長腳蟹等，仲有佢唔洗限住攞既鼓油皇蝦同炒帶子，同花螺都好出色，個人覺得好滿意。佢主打熟食，中式小炒好食，片皮鴨都ok, 屋企人滿意，始終老人家鐘意食熟食，野飲又多選擇，有生啤任飲。反而西式野，羊架同牛扒比較普通。佢送果個中湯蟲草花，好正，值得飲。食完海鮮都飽，反而串燒同刺身都無食。最大驚喜係本身佢送錯生日蛋糕黎，本身係格離枱，但佢最尾知道我都就黎生日，竟然自己送番個蛋糕比我，呢樣值得一鑽，我覺得員工服務幾好，如果鍾意食熟食絕對值得黎， 3個鍾可慢慢食，見之前咁多負評，想為佢地正名一下。

經網上預約左10月2日食dinner buffet, 全場滿座，海鮮長期排長龍，每次限拎兩隻，平均要等10-15mins,好多時去到會派晒，要等服務生入廚房拎，有咩拎咩，未必係自己想食個款。八點半海鮮已經唔會再出。冇龍蝦生蠔。熱食唔吸引，牛唔夠熱，片皮鴨切得好細，甜品冇咩款，呢個價錢寧願俾多少少去酒店舒舒服服食。中湯西湯只限每人任揀一盅。個個排隊都排到好唔耐煩同唔開心，基本上人人都講冇下次，貼錢買難受，食到好攰。

8月份時喺kkday預訂9月生日飯，可惜滿心期待換來失望😶［好］1️⃣員工有打電話再三確認和詢問有無慶祝活動，挺貼心。2️⃣刺身款式多，3文魚帶子新鮮厚身！原條大甜蝦軟嫰鮮甜👍 無限添飲汽水. 3️⃣ 食物以中菜居多， 例如中湯、燒味、點心、小菜、片皮鴨、粥、中式糖水，當日更有蟲草雞燉湯或龍蝦海鮮湯二選一，適合鐘意食中菜嘅屋企人. 4️⃣餐廳座落西九文化區，食前可以在海濱欣賞黃昏，亦有免費泊車兩小時。______________________________［壞］1️⃣ 海鮮好食但浪費唔少時間去排隊，出嘅份量唔多，我同老公排咗2次蒜蓉粉絲扇貝但2次去到面前就派晒，之後大家齊齊罰企一陣等下一盤 ，但轉咗另一款海鮮😒 總之每一次排到前面有咩就拎咩……玩隨機，差唔多臨走個時屋企人拎到扇貝（終於食到太感動..）2️⃣ 送蛋糕嘅員工個種說話方式真心需要改善, 短短大合照時間已感受到佢個種無耐性表現. 3️⃣食物款式無咩特色, 西式甜品區選擇唔多, 似小型婚宴嘅candy corner, 的確性價比唔高!

經過youtuber介紹Add+，襯9月份仲係以海鮮主題Buffet，幸好趕得切。地理位置近海，由Elements 行過去要20min，而且門口位都幾難揾，要預早15min 去揾，入座後，當然要先食海鮮，冷盤有青口、螺、凍蝦等！個人感覺熱盤海鮮吸引好多，出爐款式間梅花間竹咁正，要經常走出去排隊，有阿拉斯加蟹、啖啖蟹肉好鮮甜，蒜蓉粉絲蒸扇貝、蒜蓉粉絲蒸聖子、芝士焗蠔、黃金炸蠔、豉汁蒸青口、豉汁蒸鮑魚、焗蟹蓋等，數之不盡。刺身有三文魚、帶子、八爪魚、紅蝦等，都幾好食!侍應表示每人有份西湯 / 中湯限定，龍蝦湯同埋蟲草花燉雞湯，4個人剛剛2中2西，個人覺得蟲草花燉雞湯較優勝，足料之外仲好夠味，龍蝦湯夠濃而唔膩，兩款湯都夠熱好好飲，夠曬惹味。掛住排隊拎海鮮係會唔記得有其他熱盤 & 沙津盤享用，熱盤有串燒、燒腩仔超級好食(皮脆夠鬆化)、牛扒、片皮鴨(整好曬擺係度，凍冰冰唔好食)，有蝦餃燒賣叉燒包叉燒酥，沙津位有魚皮凍口感特別幾好食，沙津菜新鮮。至於甜品都頗多選擇，有雞蛋仔、一格格蛋糕仔、楓糖蛋散、抹茶蛋卷、Häagen-Dazs雪糕等飲品方面，門口位已有職員幫手沖飲品，任飲fruit punch

三月岩岩出自助餐嘅時候就已經食過一次，果陣仲喺有職員嚮鐘出去拎野食，當時已經非常反感呢種做法，好似監躉放飯咁，出到去都係要排隊先拎到，又唔係d咩特別野食，冷盤熱食刺身甜品全部都係最普通貨色。早排有朋友見飲食KOL 講到咁吸引又叫埋我一齊去試多次，結果真係中晒大伏。所謂避風塘海鮮盛會，refill 速度極慢，每次都要排最少15分鐘，仲要根本唔知自己排緊d咩，次次排到都係d令人極度失望、而且完全唔值呢個價位嘅野食。最誇張係話就話食3個鐘，但係8點就已經唔再出海鮮，仲話係海鮮盛會，簡直係不知所謂。另外員工態度亦相當惡劣，門口reception 著黑色西裝褸、紮馬尾嘅女職員，對客用非常不屑嘅語氣；酒吧著便服疑似係經理嘅bartender，問佢少少野，語氣態度極之串，完全係趕客feel。一句講晒，呢間野嘅自助餐絕對係垃圾級數，仲夠膽收咁嘅價錢，嫌錢多而又想試伏嘅可以去挑戰下。

係影片分享網站見到介紹好似好正咁，於經網上平台訂位去試吓，點知中哂伏，海鮮做立題，但係海鮮fell得超慢，蟹腳仲要係7:45已經唔再fell，啲職員佢話係會再fell嘅，結果等到9:00我走都冇fe mums hiya ll過，其他海鮮長期排隊，仲要係等成10幾分鐘先有一碟10多隻的海鮮，每人2隻好快就冇哂，又要再等10多分鐘，鮑魚淨係出過一次，一陣間就冇哂，所有飲品淡而無味，就算係雞蛋仔都係淋嘅，嘢食都係一般，種類又少，收咁嘅價錢，完全係唔值得，服務亦差，成枱都係碟都冇人收嘢，不會再去。😕😕😕

我從來唔寫評價，但呢間嘢嘅自助晚餐實在伏得太緊要，如果你係為咗中式海鮮而想去試吓，我真心奉勸你要三思，若然完全唔介意排完隊攞唔到你想食嘅海鮮，即管去試一次。我係因為某KOL介紹之後所以去試，但影片跟現實落差太大，當晚體驗已經係個幾月前嘅事，但都嬲到而家，從未試過喺香港食自助餐會覺得食唔飽，排隊時間仲多過食，仲要8pm便講已經冇晒所有新鮮海鮮，感覺好似遇上騙案一樣，對呢間嘢評價只得四個字 ”不知所謂”.

完全不值這個價錢。食物選擇少，大部食物都唔夠熱。絕對沒有網路紅人講得咁好食。海鮮攤檔排長龍，因為負責夾海鮮的工作人員用蝸牛速度發放每次每人兩件海鮮。長腳蟹啲肉又少又霉。片皮鴨件肉細都食唔出。羊架又凍又肥。壽司得兩款，鰻魚壽司好細件。我嬲到連刺身都冇食。職員冇主動講飲品要到吧枱叫，唔問唔會知。唯一好處是意粉，即叫即煮，但餡料選擇非常少。中湯夠熱，味道ok. 有即叫即煮生滾粥。餐廳設備根本唔適合做自助餐。再唔改善遲早臭名遠播。

今日去咗西九文化區間Add+食lunch, 嘢食貴但質素唔錯。不過，上至經理下至傳菜都態度惡劣，叫極唔應，當睇你唔到，地板污糟黐腳。唯獨是對外藉英語人客先至有笑容，乜嘢要求都得。有個D女侍應會喺個餐廳中間向經理大叫「我急尿，要去廁所！」呢個時候點解唔用佢自以為高超嘅英語叫出佢嘅生理需要呢！？D staff 工作態度毫無文化，失禮死香港人！強烈建議呢間餐廳改用機械人侍應，態度及語文水平一定比呢班垃圾高超，更加唔會急尿大叫！😡😡😡