影片
港铁观塘站 B2 出口, 步行约3分钟
继续阅读
电话号码
27741008
开饭介绍
工厦区地方大且空间感足。菜式卖相精致，部分菜式分成小碟上菜，方便与人分享。招牌黄金咸蛋鲜海虾炒金边粉，香口惹味。
继续阅读
特色
包场派对
附加资料
午市免加一。
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
Add Some Thai Restaurant位于观塘核心地带，交通方便。餐厅装修充满泰式风情!泰式杂菌金边粉好多杂菌，配料丰富。金边粉炒得好入味，卖相吸引，实为健康之选！原只海虾杂锦海鲜冬荫功汤一大锅，份量似要3至4人先饮得哂。海虾大大只，仲有青口、砚等海鲜。汤底以海鲜味浓郁，椰香中又带点辛辣，好饮！汁烧杂菇串烧得好香，又能保留杂菇的肉汁，十分惹味。翡翠苗翡翠苖鲜嫩，入口爽脆，落了泰式调味，好有风味。泰式酸辣凤爪杂菜沙律凤爪新鲜，杂菜爽口，配合泰式酱汁，是前菜的好选。沙滩小子荔枝味重，冰凉清爽！冰镇卡通泰柠檬茶泰式茶底，甜度适中。Add Some Thai Restaurant空间宽敞，客人私稳度高。然而，餐厅灯光昏暗，朋友聚会宜调亮一点。
继续阅读
想食泰国嘢，见哩间eat some thai restaurant有二人餐咁方便，就拣咗呢间食。泰式鲜虾青木瓜沙律鲜虾几爽弹，青木瓜口感好脆，加埋砸底有啲沙律菜，食落好fresh。加埋有条试管比你挤啲酸酸甜甜嘅酱汁落去，几盏鬼。海虾杂锦海鲜冬荫公海鲜有唔少，主要系虾、鱿鱼同埋蚬，少酸唔辣。个人偏好黎讲，如果香料味再重啲会更好。小食拼盘有虾饼、一串鸡一串猪、猪颈肉同埋虾饼。个人最钟意系虾饼，几扎实弹牙。串烧就香茅味比较重，肉质嚡口，大串少少会过瘾啲；烧猪颈肉就烟靭弹牙几香口。Add some thai 招牌火山骨见人哋啲图好似好浮夸好吸引咁，一上枱个下果然好震憾，因为真系好大盆，海量芫荽加有四大旧猪肋排，真系名符其实排骨山。味道几特别，咸香得黎带少少辣味，大口大口吃肉份量十足好饱肚。马拉盏椰菜苗调味啱啱好，唔会过咸过油。三色芒果糯米饭几钟意佢个椰子雪糕，好香唔易溶，仲有啲椰子肉系入面，几有咬口。芒果够甜，三色糯米饭口感黏软，配埋椰奶食唔错。泥浆浴沙冰话系朱古力、牛奶、咖啡加朱古力雪糕调成，几大杯，有得饮又有得食，可以当半个甜品。
继续阅读
观塘真系有好多楼上食肆，我最钟意食泰国菜，揾到呢间泰国餐厅-Add Some Thai Restaurant,好有泰国风味，座位好宽敞，最特别有个流水式七彩水灯,非常吸睛😍Add Some Thai Restaurant，二人晚餐套餐，价钱非常实惠、抵食😍（$388另加一服务）套餐有头盘、餐汤、小食、主菜、泰式甜品（一路点菜一路已经流晒口水）🤤🤤沙律选择酸辣凤爪沙律，凤爪非常脆口，配上酸汁，味道即刻提升👍非常开胃.椰皇椰青鸡汤，入口阵阵椰香味再配搭鸡肉香菇，超清甜😍非常足料😘小食拼盘~猪颈肉、沙嗲鸡肉串、手打虾饼、脆卜卜印尼虾片，再配上香浓沙嗲酱，味道非常惹味爽口。酥炸软壳蟹炒黄咖喱配法式蒜蓉包，软壳蟹炸得很松脆，再配上两片脆卜卜蒜蓉包。食泰国菜必定要食马拉盏通菜👍非常有镬气，加上咸香味十分惹味爽乱😍招牌椰汁千层糕，一啖咬落去😍有惊喜👍热辣辣、烟烟韧韧👍👍再加添两款串烧😁香烧沙嗲牛柳粒串（4串$58） / 香烧鸡软骨串 （4串 $35）其实个套餐已经好丰富够饱，但系又好想食串烧㖞，食到捧住个肚走🤭🤭🤭
继续阅读
冻冰冰想食惹味泰国菜，就约埋朋友仔一齐系观塘行完街，再上骆驼漆食返个泰国菜暖暖身。呢间餐厅仲有两间独立箱房，朋友聚会人多的话仲可以包房边食泰菜边唱K打牌一齐玩，够哂私隐，仲有自助免费椰子鸡汤同埋泰式甜品提供。而且餐厅中间仲有1个打卡位，就系特色彩虹流水池，唔同颜色波波沿水流飘动，好有特色。四人套餐$788泰式鲜虾青木瓜沙律有4只大虾配青木瓜同沙律菜，样样都新鲜爽口，沙律汁酸酸辣辣，够哂清新开胃。泰皇椰青鸡汤椰青水好清香，加埋嫩鸡件更加鲜甜。泰式小食拼盘小食拼盘劲丰富，有超脆口虾片、入味鲜嫩外脆内软猪颈肉、金黄爽口炸虾饼、酸酸辣辣无骨凤爪、炸得酥脆单骨鸡翼，每一样都十分惹味。泰式无骨海南鸡（半只）最中意食去骨海南鸡够方便，鸡肉新鲜嫩滑，完全无雪味。泰式明炉青斑（+$128）明火烧鱼，鱼肉鲜嫩无腥味，酱汁酸酸辣辣，更加开胃，精华系铺底的芽菜同生菜，索哂鱼汁精华。泰式炭烧猪颈肉炒金边粉金边粉好入味，酸酸甜甜，条条挂汁，同花生碎同蛋丝一齐食口感更上一层。蒜蓉炒通菜通菜好大碟，见到粒粒香蒜，真材实料，健康之选。芒果糯米饭（+$78）三色分别系蝶豆花、斑兰同原味，糯米饭暖笠笠，同冰冻甜美芒果一齐食，口感丰富，仲配埋粒粒椰子雪糕，食到粒粒果肉，味道清新。香烧千叶豆腐串$26外层微微烧到焦，外脆内滑。柠机茶泰•生椰拿铁咸柠配雪碧最特别系生椰拿铁，香浓清甜椰香味，同咖啡苦涩十分夹，值得一试。📌 Add Some Thai Restaurant 地址：观塘开源道62号骆驼漆大厦第一座9楼D室🐵推介🍌🍌🍌🍌🍌（5🍌为满分）
继续阅读
今日去观塘 APM 买运动衫, 好想食泰菜, 选择了 Add Some Thai Restaurant, 这间是泰西融合菜餐厅.餐厅在工厦楼上, 面积大, 座位多, 灯饰别致, 餐厅中央有流水彩色浮波, 迎来活跃动感, 打卡一流.有大型水吧及厨房, 家具装饰有泰国古典品味,店员安排我们座位, 随即送上暖开水, 餐牌, 通知用 QR Code 落单 , 服务好好, 我们点餐了, 晚市二人套餐 $388. 丰富抵食, 自选食品特别多. 头盘: 二选一. 餐汤 : 二选一. 小食: 包四款. 主菜: 五选一, 蔬菜: 五选一, 甜品. 饮品: 追加也有优惠. 追加饮品 $30, 女友 点了 西贡少女特饮, 冰冻清凉, 带点酸甜味, 不错. 我叫了 芒果茉莉花茶 , 好清甜. 头盘: 我们拣了 泰式鲜虾青木瓜沙律, 用玻璃瓶盛载.内有大虾, 青木瓜, 芽菜, 沙律醋, 大虾四只, 每人两只, 好鲜甜, 沙律菜新鲜爽脆, 吃得开胃. 椰皇椰青鸡汤, 用铁锅仔上台, 配有火具, 帮助保温. 汤头带浓浓椰香味, 汤料足, 有鸡肉, 菇菌, 清甜可口. 四款小食合成一碟拼盘, 炭烧猪颈肉, 香烧沙爹猪肉串, 鸡肉串翼, 曼谷手打炸虾饼, 炸虾片, 及两款酱汁. 炸虾片好香脆, 炭烧猪颈肉, 香口好味. 沙爹猪肉串, 鸡肉串, 比较迷你, 可能系小食. 手打虾饼, 好巨型弹牙爽口, 点些酸辣酱汁更滋味. 主菜: 酥炸软壳蟹炒黄咖喱配法式蒜蓉包咖哩软壳蟹有两只, 法式蒜蓉包两块, 已烘香, 上台仍暖. 点黄咖喱汁好食到吾停口.软壳蟹炸得香, 不用剥壳, 啖啖肉, 外脆内软又多汁, 浸有香浓黄咖哩, 真好味.蔬菜: 蒜蓉芥兰, 芥兰嫩绿, 蒜香味浓, 够镬气.份量真系多, 要慢慢食.追加一款, 经典炭烧猪颈肉, 伴有生菜及自家制酱汁. 猪颈肉, 烧得够香, 肉质稔甜, 调味适中, 好满意！甜品: 招牌椰汁千层糕, 一客四件千层糕软糯少甜. 加上椰汁极可口. Add Some Thai Restaurant , 价钱扺食, 食物款式多, 新风味.
继续阅读