aga Restaurant & Bar

营业中

休息中

好耐冇二人世界，今晚收工同老公撐枱腳，去返之前去過既aga chill 下～🍄 椒鹽蛋白茶樹菇 必食～係完全想像唔到個味道！包你有驚喜～睇落細細盤，但食落相當有份量！😍炸到脆卜卜，一啲都唔似食緊茶樹菇，煙煙韌韌～加上啲椒鹽味，真係一流既佐酒小食！😋🍕西班牙風乾火腿薄餅薄餅底食落脆卜卜，加上火箭菜、cheese 同Parma Ham，經典既配答，輕鬆光盤！🐠香煎盲鰽柳真心好睇，又好食！present 到好似藝術品咁～ 盲曹香滑，但係最估唔到嘅竟然千層薯仔！ 入口係滿滿嘅牛油香，真係令人回味無窮)🍸Lili bubble 🍸lime say 呢度係好適合一班朋友傾偈、拍拖嘅好地方，所以都有好多好靚好igable ge cocktail: mocktail ~lili bubble 成杯都係粉紅色，lime say 就酸酸甜甜，好易入口～

上到去話walk in無位，waiter無話等幾耐，淨係話無位。我之後再係厚福街行陣打去問有2位未，waiter話有，咁我地就特登行番上去，到我地去到，佢用一副輕挑既態度話你應該知道9:30就無得食晚飯，只有飲野？個刻望到個鍾都係9:28，都算。最主要係打後去留位個刻佢點解假設我係飲野？到去到店舖，既然佢已經假定我飲野點解又問多次我應該知9:30無晚飯食，再者有心問呢個問題不如一早係電話講清楚或之後補電話講清楚。而唔係玩個客走黎走去，再睇評論發現有人都有同類問題，對餐廳的處理手法很失望

上到去問人有冇book位，我話冇book位，跟住就喺度傾，然之後就嗌人坐低，好似唔夫人Walk in咁，坐低咗落單，先同人講話冇嘢食，早啲講會死嘅😓😓😓😓😓

今日約左閨密慶祝生日💕發掘到好地方🫢餐廳一半座位室內、一半座位室外，室外嘅vibe好chill🥰<薯條-配honey mustard>薯條夠粗身，炸到鬆脆，仲有我最鍾意嘅薯皮，配honey mustard sauce，送酒一流。<瑪格麗特薄餅>薄餅邊邊脆卜卜，舖滿鮮茄醬、芝士、羅勒葉，唔覺唔覺就食哂成個pizza 🫢<冬陰功軟殼蟹扁意粉>軟殼蟹好大隻啖啖肉，扁意粉軟硬度啱啱好，味道酸酸辣辣好開胃。<Creme brûlée cheesecake>餐廳好細心咁幫閨密準備birthday surprise，上面放左玫瑰花，影相好浪漫🫶🏻cheesecake好滑，表面佈滿脆脆。

今天帶朋友嚟到AGA食好西🍽️餐廳裝修佈置行復古工業風格✨ 好型格仲有露天座位 好有feel😎啱哂唔同嘅朋友仔黎聚餐❤️卡邦尼扁意粉一上枱就見到勁多芝士碎😍一睇就知有幾邪惡幾正✨每啖芝士味夠香得黎加埋香菌類同埋彈牙嘅意粉再加埋香滑又調味剛好嘅汁仲有適量嘅香菜食落好味又唔膩松露野菌薄餅呢個都好邪惡好正嫁😍仲有埋香香嘅松露味易入口又夠香✨每啖都又香脆又好味再加埋菌類夠適量呢個都有埋香菜嫁❤️唔怕膩😎可以繼續食鹹蛋黄單骨雞翼每啖鹹蛋黃香味夠濃而且外皮好香脆✨ 肉質食落都幾juicy我地都覺得幾好食👍🏻最後仲一人叫左一杯野飲🍹Bonana (Signature Cocktail) 🍸 用上Estu Double Yuzu 日本Gin 配綠茶再加上幾款水果 檸檬 柚子 蘋果同梳打呢款cocktail 幾易入口 飲落夠哂清新Capo (Mocktail) 🍹飲落好清新 裏面有熱情果 芒果 七喜 同梳打夏天飲完 涼浸浸🤗

aga Restaurant & Bar (尖沙咀)尖沙咀厚福街12-12A號藍馬商業大廈5樓牛肝菌汁雜菌扁意粉 - 濃郁嘅牛肝菌汁，配上各種雜菌同扁意粉，每一口都係豐富嘅味道同層次，令人口水直流。千島醬大蝦薄餅 - 香脆嘅薄餅底，配上鮮甜嘅大蝦同濃郁嘅千島醬，每一口都係海洋嘅鮮味同醬料嘅濃郁，絕對係一個無法抗拒嘅美味。香辣單骨雞翼 - 這款香辣雞翼，每一口都係香脆嘅口感，同時辣味十足，令人食過返尋味。Flower Delight - 這款飲品顏色鮮豔，口感清爽，令人心曠神怡，係一個完美嘅口味體驗。PinkKu - 粉紅色嘅夢幻飲品，口感甜美，每一口都係甜蜜嘅享受，令人一試難忘。

尖沙咀有間特色工業風格的酒吧餐廳，無論室外室內都有feel , 一邊品嚐美食，嘆下Cocktail 🍹 都好寫意！我同朋友下午茶時間去原來有優惠 ，呢個時間都啱一班朋友gathering呀！煙鴨胸扁意粉🍝煙鴨胸肉厚多汁，配上香濃蕃茄惹味十足❤️椒鹽蛋白茶樹菇份量真心多，一班朋友食都可慢慢嘆呀，樹菇小食都幾吸引，炸得剛好的脆卜卜茶樹菇口感脆口又煙韌好好食😋烏龍茶奶蓋特色飲品其中點了呢杯烏龍茶奶蓋，菜香味撲鼻，配上滑溜奶味香濃，又有打卡外型！

早前來這裡慶祝本人生日，氣氛還好，幾乎每台都是好幾個客人一齊來chill！值得一讚的是，店員非常勤力地為客人斟水，服務態度殷勤☺️🍕松露野菌意大利巴馬臣芝士薄餅 $128餅底用上薄批，非常香脆。松露的份量十足，加上薄餅滿佈野菌和巴馬臣芝士，鹹香滿溢😋🥟意大利雲吞 $118本以為表面滲上海量芝士粉的意大利雲吞泡在香濃的龍蝦湯是重點，誰知香脆的麵包沾上龍蝦湯更為美味🤤🍄椒鹽蛋白茶樹菇 $98甚少吃到椒鹽炸茶樹菇，其實頗香口而且大碟，但越吃越重口味，建議選配酒或清新的飲品中和油膩感🤣🔪Tiramisu $69其實這裡的甜品可以畫碟寫上生日字句，但……而本來朋友插了把刀到香濃而濕潤的Tiramisu的中間扮蠟燭，後來店員知道我們慶祝生日，便幫我們點上蠟燭，還細心地沒有移除那把扮蠟燭的刀😂❤️Red hair / Capo $78兩款無酒精雞尾酒都十分清新：前者由火龍果、茉莉花茶和檸檬汁調配而成，火龍果味突出，帶點微酸；後者由熱情果、芒果、七喜和梳打混合而成，味道酸酸甜甜，非常開胃

走到尖沙咀厚福街樓上店AGA，是一間很不錯的餐廳。暗暗燈光顯得餐廳很有格調。非常適合同朋友三五知己約會，性價比亦很高。煙三文魚牛油果沙律牛油果香濃幼滑，小小調味道就十分好。沙律菜夠新鮮，所以食落唔會味道有少少甜味，特別個沙律醋汁夠開胃醒神，甜酸比例理想，作為頭盤十分滿意。意式卡邦尼扁意粉欣賞嘅係夠傳統卡邦民嘅造法，唔太過多忌廉，用返蛋黃同煙肉油去造醬汁，乳化程度剛剛好，口感濃稠又充斥住煙肉油香同埋蛋黃嘅香味。意粉熟度完美。係傳統實而不華嘅硬派卡邦尼。松露野菌薄餅餅底係最傳統正宗嘅薄批餅底，呢個好加分，因為薄批先唔會影響到食材料啲時間的口感，可以focus 係味道，唔會分淡咗。松露極香，落重本，混合芝士真係完美配搭。冷泡桂花烏龍茶清新嘅桂花味，飲落好順口。Capo一款以熱情果做主軸嘅無酒精雞尾酒，開胃清新，甜度都主要靠熱情果嘅天然甜味。

Aga就在鬧市中的厚福街，佈置特別，有情調。餐廳分咗室內同室外區 。室內啱晒啲鍾意聽音樂嘅朋友仔，如果想靜靜地傾吓偈都可以到室外飲返兩杯！【香煎三文魚扒】三文魚煎得香口，表面慢火炙燒，魚扒熟既程度啱啱好，嫩口好食。值得一讚嘅仲有意想不到好味嘅薯蓉，蒜香十足，同個三文魚扒味道味道十分夾。【煙三文魚意粉】意粉落左青檸 ，十分開胃 ，配上鹹香嘅煙三文魚，令味道再添層次。【Capo】芒果熱情果同七喜梳打水混合而成的清爽飲品，酸味味十分清爽，開胃之選。【香橙紅茶】淡淡的橙香同茶香，去油解膩。

Weekend約咗朋友傾吓偈Chill吓，嚟到尖沙咀厚福街隱世樓上Cafe AGA，12點去到未算好多人，環境好寧靜，幾舒服！餐廳轉咗新Menu～🧡千島醬大蝦pizza滿滿嘅芝士再配上大蝦，加上香脆嘅餅底，味道都唔錯！細心位係佢用蕃茄仔代替蝦尾，唔需要自己剝殼剝🥰🧡慢煮牛面頰闊條麵牛面頰軟腍腍，好容易就咬開，加上醬汁調味都唔錯闊條麵口感煙靭，幾好食～🧡香橙紅茶清清哋～裡面仲有檸檬同埋香橙片🥰🧡Latte咖啡味非常濃郁，高質！🤩

明太子珍寶帶子扁意粉🍝味道Creamy，明太子嘅咸香同🧈奶油香味好夾，份量唔會過多，兩個人share 叫多個主菜都啱啱好。😊慢煮美國安格斯肉眼🐄叫左五成熟，可能配埋扁意粉🍝一齊，相比之下味道偏淡，但煮嘅時間控制得幾好，唔會過老，肉質滑嫩，滿足感十足。Mojito 薄荷味同酒精夾埋一齊好清爽，係一餐裡面會係好好嘅調劑。Capo熱情果果汁🍹果味清香，唔想飲酒精嘅朋友都會覺得酸酸甜甜好易入口。

三個女仔食咩好，當然系搵間靚靚chill chill cafe 打下卡喇蜜糖單骨雞翼$88第一次食到咁好食的雞翼蜜糖加左少少薑汁，個味道好特別雞翼炸完個皮好脆，雞肉一咬就甩好易食松露野菌巴馬臣芝士薄餅$128Pizza 系薄脆餅批，咬落卜卜聲勁脆芝士刨絲曬系pizza 面，野菌加少少鹽調味日本明太子珍寶帶子意粉$128明太子醬同意粉不嬲系perfect match，點都系perfect match 帶子爽口彈牙幾新鮮Tsoi Tsoi $68柚子橙味茶，好fresh Hot Latte $42Latte 味道系大食妹鐘意的nutty 豆呢

尖沙咀|朝啡晚酒|鬧市中cafe酒吧| .餐廳以朝啡晚酒作概念，設有室外同室內座位，室外就好啱飲杯野。雖然地方唔大，不過空間感都好足夠。✨冬蔭公紐西蘭青口鑽石大蜆扁意粉 $128呢個雖然唔係話surprising 外面都容易會食到不過要整得好食一啲都唔容易但呢到絕對做到🫵🏻扁意粉蘸滿冬蔭公醬汁醬汁帶有小小辣度~幾開胃的海鮮方面有帶子青口同蝦都幾大隻喔😆✨ Cappuccino $42正正常常最欣賞佢溫度夠熱即使影咗一陣相都仲keep到熱！🧂Peach Green Tea Soda $68呢個反而幾驚喜初時以為會好甜點知佢係清清地✨🍗意式巴瑪火腿釀雞卷 $168呢個個人覺得幾特別！外層炸得好夠脆而且鎖到肉汁唔會焗到好乾令本身肉質好鞋身依然好嫩滑🤪而內面釀上西芹同紅蘿蔔🥕大增口感～啖啖肉配上黑醋沙律菜🥗大讚一下廚房師傅調味調得幾好！幾重黑椒味再灑上柚子sauce～成件事唔會變到好膩😛以前都試過好幾間朝早cafe夜晚會轉酒吧既餐廳，不過好多時候focus既位就唔會係食物上面，呢到的而且確做到👍食物質素同飲品方面都好唔錯，當然cp值唔係好高嗰種，不過呢個價錢同食物質素絕對成正比，平日下午黎會好

意大利雲吞$118濃郁嘅龍蝦汁做湯底，配上豬肉雲吞，特別好味！意大利雲吞略嫌有啲鹹，可能調味落重咗😂但係龍蝦湯味道濃郁，配上法包確實幾好食❤️ 錫紙焗先蕃茄海鮮意粉$138蕃茄味道濃郁，海鮮份量都好足，有蜆肉、魚、大蝦、帶子及青口等。自己一個食晒都絕對冇問題！呢個意粉可以encore😂日本蟹籽明太子帶子扁意粉，$128明太子味道唔出，醬汁有啲溜😟LIME SAY$78檸檬、青檸、蘋果及荔枝梳打，甜甜地一齊食都幾開胃。RED HAIR $78成杯望落去紅卜卜，絕對係我嘅最愛！就係最健康嘅火龍果！配上蘋果茉莉茶及檸檬汁，酸甜而不漏！LILI BUBBLE $78紅桑莓配橙汁及柚子梳打，酸酸甜甜，亦有有子的香味，不會太甜，無酒精飲品來說，確是一個入門級！Tiramisu $69最後一定要點的就是這個Tiramisu！暫時被封為香港食過最好食的頭幾間Tiramisu，唔會太濕，但係咖啡味同朱古力粉都平衡得好好👍🏻 一定要食aga Restaurant & Bar (尖沙咀)📍位置：尖沙咀厚福街12-12A號藍馬商業大廈5樓😋味道：4/5🌿環境：4/5🌟推薦指數：4/5💰 ：$200-400