Alternative Cafe

营业中

休息中

📍Alternative Cafe ⭐️隱藏在書店中的Cafe本身被書店嘅文青氣息吸引，行咗入去諗住睇吓書📚點知入面竟然有一間Cafe！完美同間書店融入一齊～環境超級舒服！仲可以攞住本書，嘆翻杯咖啡慢慢睇，享受一下慢活假期☺️我冇諗過偶然遇到嘅呢一間店舖，啲嘢食、嘢飲都係出乎意料地好！😆✨ 日式香煎三文魚配飯（七成熟）$112 👍🏻👍🏻👍🏻👍🏻店員推薦～佢哋係用刺身三文魚，所以可以整到七成熟！食落去好滑，三文魚嘅油脂香咇出晒黎🥰就連平時唔鍾意食飯嘅我都為佢食咗大半🤣好好送飯！✨ Iced Blended Mocha +$40 👍🏻👍🏻👍🏻👍🏻我就係啲平時唔飲咖啡嘅大垃圾～飲親都要叫埋啲奇奇怪怪🤣呢杯絕對係我飲過咁多間blended系列最有誠意嘅！平時叫親呢啲都會甜到冇命，嗰日我仲要唔記得咗叫佢少甜～飲落去發現佢嘅甜度剛剛好，唔係死甜，而係真係朱古力嗰種甜～🫶仲要我想講真係飲得出佢嘅咖啡係好好飲嘅，整呢個沙冰都整到咁有層次真係佩服🤩👍🏻👍🏻👍🏻👍🏻（最推薦）- 👎🏻（可以唔使試）

今次進咗間食堂，真係食到咁開心。首先，煙肉牛乳滑蛋喺多士上面搭檔真係賣相滿分👍，話你知，滑蛋做到好綿滑，又唔會太稀，同香脆嘅多士一齊入口，口感上佢哋真係好夾。牛乳嘅香味伴隨返黎啲天使麵，食落爽口得嚟仲好有飽足感。特色早餐就另有一番風味，個多士好軟綿，好似食緊棉花咁，你估到o架？番茄煎得啱啱好，微熟又唔會太過頭。佢哋個滑蛋真係好值得讚一讚，做得非常得體，唔油膩得嚟又保持咗蛋本身嘅鮮香。當然，無得唔提下個烤洋蔥咸牛脷三文治啦，每一啖都嘗到咸牛脷嘅咸香，啱啱好融入到啲洋蔥中，口味非常討好。相信我，佢哋嘅拉花Latte唔單止樣靚，味道都一樣吸引，啱啱好嘅苦澀伴隨住每一啖既三文治，簡直係完美既搭檔。整體嚟講，呢度既味道同環境真係好到不得了，值得一試！肚餓嗰陣記得行多兩步，呢度絕對滿足到你😄🥪🍳。

平時我中意帶本書去Cafe 坐下、飲下咖啡，我朋友介紹左個好地方俾我，佐敦呢間Alternative Cafe喺突破書室入面，可以去嘆個下午茶，食飽行過隔離睇書，書都唔洗自己帶。呢度嘅咖啡都好高質，滿足埋我想嘆咖啡嘅願望。今日我同朋友嗌左2個下午茶，叫咗三文治同雞堡share 食，話哂係下午茶，啲食物嘅份量唔會好多，但係啲食物真係好好食，杯咖啡又好高質。芝士煙燻三文魚三文治塊麵包烘過，熱辣辣，啲三文魚份量唔多，但夾埋個包食好好食香脆炸雞寶6件 配蜜糖芥末醬香脆炸雞寶好香脆，配埋蜜糖芥末醬食好夾Cappuccino咖啡香濃，好飲📍Alternative Cafe佐敦吳松街191號突破書廊地舖

休假一天，到處走走，等飯市後先搵食，無意中見到呢間連書店既cafe,唔算好肚餓，叫左個下午茶餐，首先，櫃檯哥哥見我叫左個三文治，好細心咁間我:要唔要「烘底」,除左咖啡仲有其他野飲，減十蚊㗎，good ，落得。1. 煙肉蕃茄三文治🥪 + 檸檬梳打梳打先到，飲一啖，真係暑氣全消，再來三文治，Bacon 又脆得來一啲都唔硬，火喉剛剛好，蕃茄好多汁，環境又好舒服，干淨，有機合一定再來試下其他野，讚

佐敦呢間Coffee Shop 藏於突破書室當中，如果去開呢邊嘅朋友真係要試吓，因為呢度嘅咖啡都係好高質，而且佢哋之前仲有開班教學咖啡。呢度岩哂想靜靜地睇下書、傾下計同埋食下野既食到飽飽地仲可以過返去睇書添，真係滿足晒放假嘅慾望，鍾意睇書嘅朋友真係唔好錯過呢度啦。特別係野食真係幾有心思！呢日食下午茶，叫咗牛舌三文治，惹味飽肚，牛舌真係好Juicy，嗰調味都好惹味，大大份夠晒飽肚。一場嚟到當然要飲啡啦，飲番杯咖啡提提神haha，仲有個靚靚拉花。上一次嚟嘅時候仲食過Pizza添，不定時都會有唔同嘅食物選擇架。至於甜品，都食過佢哋嘅朱古力brownies ，味道好濃郁，用心製作。

I’ve been coming to Alternative Cafe for many years now. I reckon it’s got the best western breakfast deal. I always order the “Alternative Breakfast” ($68) which includes a pork sausage, crispy bacon, grilled tomato, scrambled egg, toast and salad. The meal comes with regular tea for free, but I usually order a flat white coffee and only need to add on $18 👍The scrambled eggs were soft, moist and fluffy, the bacon was crispy, the sausage and tomato 🍅 were grilled to perfection and still juic

今天早餐試試新餐廳的外賣。西班牙 Batalle 黑毛豬配薯菜 🌕🌕🌕🌗🌑 110hkd少見菜名以牌子來描述肉類，薯菜顏色繽紛，友人說賣相像健康餐。黑毛豬有橡果味，所選部位帶點脂肪，不過overcooked令肉變得乾柴，而且貌似忘記加鹽。香煎鮮鰽魚配馬鈴薯蓉 🌕🌕🌑🌑🌑 121hkd非常乾柴，味道較淡。卡邦尼意粉 🌕🌕🌕🌕🌑 85hkd 意粉 Al dente，忌廉汁濃郁，有蛋味，沒有芝士味。尚可。附送的沙律 🌕🌕🌕🌑🌑 免費加了黑醋汁，新鮮度及味道尚可。附送的熱是日茶包 🌕🌕🌕🌗🌑 免費茶包味道濃郁，回甘。味道 🌕🌕🌕🌑🌑包裝 🌕🌕🌕🌕🌑性價比 🌕🌕🌕🌕🌑回頭率 🌑🌑🌑🌑🌑二人享用，連平台費，💰人均160hkd。

佐敦吳松街。突破書店內之Alternative Cafe, 好有書卷味。星期四早上8點開始營業， 已經有8位客人一早來食早餐， 似是熟客。叫左特色早餐， 腸仔， 炒蛋， 麵包， 煙肉， 菜， 仲包一杯檸檬茶／檸水／紅茶。 （咖啡要另加$12起。）煙肉好脆口， 像是豬肉乾， 唔會焦濃， 腸仔好味， 麵包甜甜的， 炒蛋一般， 沙律菜有點苦。整體味道唔差， 個人比 7分檸檬茶唔太甜，好。雖然有4片檸檬， 但檸檬味唔出， 淡味d. 吳松街朝早都幾清靜， 有此cafe , 寧靜下食個早餐， 舒服。總評： 7.5分食物： 7分服務： 8分 員工有禮環境： 8分

Alternative Cafe 位於突破書廊入面，一邊喺書店，一邊係cafe，真正嘅文青cafe。今次選擇咗法式西多士作為下午茶。🥪法式西多士攞盤👍 西多士配有香蕉和藍梅，面層灑上糖霜。而有別於一般嘅西多士，餐廳採用咖啡syrup代替糖醬，食得到咖啡粒粒，係有啲特別而且健康啲。不過個人軟為喜歡甜甜嘅糖醬。假如餐廳同時serve兩款syrup，有多一個選擇就好喇。再點一杯Cappuccino ，拉花可愛，有心機帶驚喜俾客人💕

吃早餐，是我人生養成的第１個好習慣。路過吳松街突破中心，大學時代時不時到突破書廊，畢業後就很少來，吳松街變化挺大的，多了很多餐廳。原來突破書廊內有家cafe，叫 Alternative Cafe，網上評價還挺高的。剛好要到尖沙嘴辦事，特別提早出門，先到 Alternative Cafe吃早餐。點了湯麵早餐，包括以下的：#沙嗲牛肉炒蛋大碗麵：即點即煮，要等一等，沙嗲入味又不會過鹹；安格斯牛肉很嫩；炒蛋不算滑，普普通通；配天使麵，比公仔麵健康，也比公仔麵貴。#烏龍茶：用咖啡杯上，份量少也浪費茶包，建議用大一點的杯子泡茶。網上評價太好，用餐體驗低於預期。

佐敦的Alternative Café是集書廊和cafe一體成型。店內提供早、午餐，還有蛋糕等，之前有開辦咖啡師訓練課程及興趣班，提供教學及訓練，幫助年輕人找到自己的工作興趣及發揮專長。一打開門陣陣香氣的咖啡味令人感到愉快，一邊書店，另一邊Cafe，坐位不得，中午12點左右食客不多，我們選擇坐在吧枱 ，因為可以一邊食，一邊欣賞咖啡師沖咖啡。整體來說食物質素好價錢合理化，環境清幽恬靜，店員服務好有禮貌而且仲好細，多美好的休閒時光，令人放鬆心情好好亨受。香煎牛肩扒配薯菜HKD124牛肩扒切好塊上台煎得香口，牛肉肉味濃郁，帶少量脂肪，口感跟軟腍的肉眼不同，彈牙有呅口，真的好好吃。配菜薯菜係黃金番薯，外皮香脆內裡好香甜。伴碟還有青椰菜、椰菜花及車厘茄。Lemon Yuzu Soda HKD20淡淡的酸味，非常順口開胃好渴。Rum ChocolateHKD38口感較實芝士味也濃，也不太甜，只是在吃飽的時候再吃這種飽和的甜品實在有點壓力飽，結果只吃了一半已好滯。

與突破書店相連的cafe。門外看，大致乾淨，就入去食早餐。賣相ok, 份量ok。炒蛋幾好，Bacon 太乾，芝士腸唔熱，多士唔熱+太淋，蔬菜正常。食物來說，整體一般。咖啡 加$13 轉 latte，咖啡好味有水準，不過個拉花就好奇怪，所以我即刻攪亂佢。服務可以，店員有禮。環境就麻麻。看似安靜cafe，現場即比較嘈。Bar枱位坐滿幾個人，大聲高談濶論。由我入內見到，佢哋已經食完，但到我走時，呢幾個人仲係度，又同水吧職員有講有笑，應該係熟客。此舉就破壞安靜環境，亦令其他客人冇得坐bar 枱，要坐比較邊的位置。本來打算安靜坐下，結果都係食完即走。未必再去。

【2021 年 10 月】之前去過油麻地書店中的 Cafe Kubrick 靚了個 Saturday brunch這次又去了佐敦突破書廊內的 Alternative Cafe 嘆了個靚早餐11:30AM 前有早餐供應 果醬吐司配檸檬茶只是 HK$32，都幾抵食儍媽點了份愛吃的 ... 烤洋蔥咸牛脷三文治〈HK$44〉+ Latte〈HK$10〉店員還會主動詢問要唔要烘底和飛邊烤洋蔥咸牛脷三文治即點即做，需要等一陣 ...麵包鬆軟，咸牛脷咸香惹味，洋蔥吸滿咸牛脷的精華，啱哂我的口味 ~~再配埋杯靚靚拉花的 latte 即時心情大好 ~~食早餐的時候，書廊還未營業cafe 的食客不多，坐在吧枱 ... 一邊聽住輕音樂，一邊睇住咖啡師沖咖啡，再嘆個靚早餐讓你有個元氣滿滿的早晨 #美好的一天由早餐開始** 以上分享是以我的口味、體質和情況作出分享及感受，一試 / 合用與否請自行決定

呢間位於突破中心地下的cafe係偶然上網搜尋時搵到，宜家已經變成每月會光顧一次既小店。店內座位唔多，大概有8個單人吧檯位同幾張雙人枱，但環境唔錯，食物質素亦佳。比較鍾意食佢個egg Benedict，性價比非常高，另外牛油果烤雞三文治都唔錯，店員會主動問要唔要烘底飛邊。餐飲包檸茶檸水或者有機茶，另外亦可以加錢轉飲咖啡。平時唔多好咖啡既我，黎到呢間cafe，有時都會忍唔住，嗌番杯咖啡嘆下。坐係吧枱，睇住咖啡師沖咖啡，食個靚早餐，元氣滿滿嘅開始一日。

早餐係全日最值得投資嘅項目，食得好真係全日都精神心情都咁好。早餐連一杯飲品，轉咖啡只需補返差價，我轉鮮奶咖啡（+$13）再加大（+$5），咖啡無酸味，帶有好香濃可可味。羅宋湯係港式口味，帶香濃茄膏同微辣味道，有少量煮糜蔬菜同牛肉絲。多士帶牛油烘到乾身，煙肉都煎到剛剛好，好脆身又唔會硬。炒蛋雖然唔係最滑，但都幾好食，無乜調味更加突出到蛋味。食物雖然全部都唔係手工菜，但好食得出用心同誠意，店員都好有禮貌同熱情主動，配合埋書店環境同輕音樂放送，一日完美開局就咁成功達陣~