Alva House

营业中

休息中

今年阿囡生日我哋去左帝逸酒店食「和牛．海膽」雙重滋味自助晚餐。今期主打「和牛」盛宴🥩，A5和牛薄燒熱辣辣牛味香濃肉質柔嫩，食左幾件都未夠喉😋。黑松露鐵板和牛炒飯粒粒分明，牛氣十足，飽肚又滋味。還有紅酒燴和牛面肉、和牛千層麵、意式和牛丸子以西式煮法烹製和牛，別具特色。香煎鵝肝 ，甘香脆嫩，無羶味無油膩感，超正！仲有燒乳豬、燒羊脾、片皮鴨等。海鮮冷盤有即開生蠔，海水味適中，鮮味十足。滿滿的冰鎮龍蝦任食，肉質實在、蝦膏多，冰涼鮮甜。還有長腳蟹、麵包蟹、翡翠螺、大蝦和青口，Refill快又肥美飽滿，相當高質。另一主角「海膽」由日本直送，迷你帶子海膽丼、吞拿魚蓉海膽壽司散發海膽的鮮味，入口即溶，鮮香滿載！還有多款魚生即點即切，壽司也很精緻吸引。最後當然要留肚食甜品，奬牌造型的杏仁及牛油曲奇、球類造型的焦糖芝士撻、多項運動造型伯爵茶香橙慕絲蛋糕，柔道為主題的白朱古力熱情果蛋糕 ，足球主題的開心果紅桑子朱古力軟心蛋糕等，食住奧運熱潮，都幾得意。榴連控更加不能錯過一系列甜品如榴蓮流心蛋糕、榴連木槺蛋糕、榴連班蘭蛋糕、榴連燉蛋等，真是「味」力十足。必食仲有自家製Gelato雪糕，充滿夏日感覺有椰子牛油果

屋企人生日想大吃大喝一就揀左食buffet 慶祝🍾這是已經第n 次來但就第一次想佢地食評😅除咗大眾化嘅熟食之外，今次係有口感非常juicy 嘅和牛不停供應仲有鵝肝多士，不過就食一塊都夠有D膩。刺身方面都比平時多款…有油甘魚帶子同生蝦。如果有埋海膽就就正☺️講到海鮮都新鮮仲有龍蝦🦞長腳蟹、蝦🦐青口同生蠔🦪唔食生冷野仲有好多不同燒物或天婦羅選擇👍唔太好甜品嘅我都試了好多精緻嘅蛋糕同啫喱☺️味道唔太甜同埋啫喱囗感QQ岩曬我口味😉

晚餐啲甜品冇咩選擇. 提供嗰啲甜品不好食. 同佢哋廚師同經理反映之後結果都係一樣. 用餐時間仲有成個幾鐘都冇再擺啲好啲嘅甜品出嚟. 啲廚師淨係忙緊做啲甜品俾佢哋嘅餅店. 今次喺Alva 食太失望!The quality of the buffets at Alva has steadily gone down. Especially their desserts! We were quite disappointed with their desserts offered at the dinner buffet. The desserts offered did not taste nice. And since there was still over an hour left for the dinner service, we asked if they were going to put out other types of desserts later, but sadly, they told us “no, that’s all they have”. When we

因為有圖片數量限制，所以只可以精選幾款出嚟做個記錄。一早預訂咗自助餐同屋企人慶祝生日。如果以自助餐嚟講嗰場其實都唔算細，嘢食種類都係夠食。凍盤海鮮嚟講，一啲都唔吝嗇，不停refill, d龍蝦多膏。個帶子吞拿魚蓉建議早啲去食，因為夜咗21:00鬆啲就開始冇。啲生蠔唔算大隻，都兒有海水味。燒牛肉唔算出色，但係個葡式乳豬就係我嘅至愛，唔太肥卜卜脆超鍾意。另外黃牛粒同埋鵝肝都係隨意攞，真係食得開心攞得盡興。都係嗰句平時真係好少食甜嘢，但係見到佢咁多款又唔係太大舊就樣樣試啲，都係正常酒店水平嘅蛋糕，可以留肚試吓。除咗自家製雪糕仲有Häagen-Dazs⋯⋯十分足本，食完個生冷嘢，係咁尾段嘅時候仲有海底椰燉湯飲，和一和個胃舒服曬。雖然而家食量冇以前咁驚人，但耐唔耐都希望盡興吓，呢間又真係唔錯嘅選擇。事次用餐為自費！

第一次去Alva House 食自助晚餐，早前係官網有買一送一優惠。餐廳環境不錯，樓底夠高，燈光夠柔和，餐枱之間唔會太迫。凍海鮮嘅龍蝦正常發揮，長蟹腳就比較細隻，生蠔大細中等，補貨都足，但係味道較淡。反而刺身嘅阿根廷紅蝦同八爪魚都幾新鮮。燉湯係玉竹海底椰沙參紅棗，非常清甜，好飲，有encore 。😁鮑魚雞粥好綿，中段食碗粥可以解下膩，仲可以自行加個花膠，就變咗花膠鮑魚雞粥，更加好味😂😂日本串燒，鴨肝，帶子壽司都係正常發揮。 熱葷就普通啲啦，冇乜試到，可能係買一送一啦😅😅甜品有幾款榴槤嘅款式，不過我冇試到😅，但係佢個拿破崙唔錯，酥皮夠脆。總括而言，食物質素和味道屬於普通至正常，一般酒店自助餐有嘅種類佢都有，但就少咗令你印象深刻嘅食物。最後值得一讃係酒店職員服務都好週到，收碟速度超快。

無駛用過任何優惠~上年另一半羽毛球班朋友發起喺ALVA House 度食，大家都想食海鮮🦞壽司剌身🍣生蠔🦪等等。。今年去食又係原班人馬但加左大家嘅屋企人完全係浩浩蕩蕩咁食。由到酒店餐廳大堂時門口位置職員已有禮貌問我地幾位，揾返近玻璃位置嘅三連大枱俾我地班屋企人加朋友，令大家毫無距離感 ( 更加親切) 今次我係俾榴連甜品吸引黎嘅，真係好想試下款式都有好多，淨係榴槤甜品至少有六款(未計其他種類嘅甜品), 就試咗以下幾款

自費‼️餐廳一入門就見到自助飲品區，有咖啡機、熱茶熱水、檸檬，仲有幾款果汁！ 再向前走就有多款口味的乳酪杯、日式玉子、納豆、日式八爪魚同韓式泡菜，充滿亞洲風味的前菜🤩如果你鍾意穀物早餐，這裡有六款選擇，肯定滿足到你！最鍾意新鮮水果，菠蘿、火龍果、西瓜和蜜瓜…必食的新鮮沙律菜，羽衣甘藍、鷹嘴豆、車厘茄、紅腰豆、粟米等配菜，仲有多款醬汁，隨意混合，做出自己喜歡的沙律！ 🧏🏻‍♀️走到麵包區，選擇真係多到不行！有歐式麵包同方包和超過十款烘焙美食，有鬆餅、不同口味的歐式麵包和酥餅，鹹甜都有，身為麵包舖嘅我已經迫不及待！！🤣熱食區有西式早餐，炸春卷、薯餅、火腿、煙肉、茄汁豆、雞肉、豬肉腸、漢堡扒和蕃茄，選擇超豐富，可以隨意組合一份All Day Breakfast！ 仲有即煮雞蛋檔，由一位服務態度超好的靚姐主理，大家可以選擇太陽蛋、炒蛋、奄列等，靚姐會即場炮製，熱辣辣🔥 還有健康的麥皮和烚蛋，仲有中式早點，皮蛋瘦肉粥、煎腸粉、炒麵和炒飯都有。如果你鍾意粉麵，可以試下魚片米粉，早上來碗熱辣辣的米粉真係不錯！整體嚟講性價比好高！

搶到買一送一，以為好抵，又話和牛海膽主題，點知海膽得丁屎一細舊，仲細過半塊手指尾指甲，都唔知食咗乜入口；根住煎和牛，每份都係一口牛咁大，一啖食完，仲有限量供應，煎咗兩大件就冇哂，不過都無所謂，因為D和牛咸到死，醃到完全無牛肉味，只得成口油。成晚得龍蝦、長腳蟹和生蠔叫正常D，其他熟食都唔食，好少見連蒸娃娃菜都難食。甜品又係得個甜字，總之，這家自助餐嘅由食材至烹製水平最多到3星水平，冇下次。圖二嗰兜嘢，帶子上邊黃色一點就係海膽

暑假要帶女周圍去，要食餐好嘅，慰勞吓自己😂今次就同家人去左沙田帝逸酒店食自助餐！ 今次主題食品相當吸引！ 🥩和牛，🦞🐚海膽、🦪生蠔、榴連甜品🍮而且仲有運動主題甜品，連啲遊戲攤位都係運動主題，勁有氣氛啦！ 重點必吃推介 ！ 香煎鵝肝、A5和牛，睇住佢煎已經超香，流晒口水🤤 鵝肝煎到外脆內軟，和牛油香肉嫩，真係忍唔住食左幾轉！ 紅酒燴和牛面肉 ，用紅酒🍷慢煮，肉質超嫩。紅酒芳香深入配上和牛肉汁，勁入味！ 除畫和牛同鵝肝， 海膽同海鮮都係推介！ 海膽由日本空運送🚚 真係食得出勁新鮮，新鮮嘅海膽配埋大大粒嘅帶子嘅迷你海膽丼真係勁鮮甜。仲有🍣吞拿魚蓉海膽壽司，加上唔同刺身，大滿足！ 食品款式超多，🦞即開生蠔、冰鎮龍蝦、長腳蟹、麵包蟹、翡翠螺及青口。🍱日式鐵板燒、爐端燒同天婦羅🍲足料海底椰沙蔘玉竹燉湯、鮑魚雞粥。重頭氣當然唔少得雪糕同甜品🍮啦！ 榴槤雪糕，香濃柔滑椰子牛油果雪糕、清新酸甜的芒果小青檸雪葩、微酸滿果香的血橙紅莓雪花葩。 在加上六種唔同味嘅Häagen-Dazs雪糕！ 阿女會開心到癲左😂😂多款榴連甜品 ，榴連奶凍、榴連炸彈、榴彈蛋糕…款式超多，值得讚嘅係全部甜品都有啖啖真榴彈肉，榴連炸

7月係我囡好朋友嘅生日，每年都會同佢慶祝生日，上年嚟過呢到食試過好好味，而且仲有地方俾小朋友放電，所以今年都係繼續再嚟呢到，而今年自助餐主題仲要係 #和牛 #海膽 雙重滋味自助晚餐。仲有多款 #榴槤主題甜品 ！鍾意食榴槤一定要每款都試下。必食 #A5和牛薄燒 ，廚師即燒即上，趁熱食超級正！仲有每次都食嘅 #鴨肝多士，唔好同我講唔健康，因為真係要食埋今次先減肥；片皮鴨都一定要試，自己包餡料，好正！和牛食物點止咁少？仲有 #和牛千層麵、 #紅酒燴和牛面肉 、#意式和牛丸子 ，和牛和牛好多和牛美食呀！款款都好味，樣樣都要試啲！仲有 #黑松露和牛炒飯 ，好夠鑊氣仲有牛氣添呀！阿囡至愛 #牛肝菌飯，一樣係食唔停口。有日式鐵板燒、爐端燒及天婦羅；各式烤肉、日本炸物，一家人去食可以試到多啲嘢！講到壽司刺身，今次就有 #迷你帶子海膽丼 、 #吞拿魚蓉海膽壽司、仲有兩款海膽壽司 & 其他壽司，款款都新鮮美味。新鮮海鮮就包括即開生蠔，冰鎮龍蝦、長腳蟹、麵包蟹、翡翠螺 & 青口，真係好多選擇。而「熱身」之選就有 #海底椰沙蔘玉竹燉湯 ， #鮑魚雞粥 。因為國際體壇盛事，所以甜品都別具心思，有多款運動造型甜品

今日公司lunch 慶功宴揀左沙田既Alva自助餐 專登由九龍灣call under過後 真係好有誠意午餐黎講 有長腳蟹有蝦有翡翠螺有青口 冷盤都算多另外刺身亦都好新鮮 特別係阿根廷大蝦 encore咗好多次 日式熟食款式都唔錯 串燒燒得幾靚 有大蔥雞翼豬軟骨等等 天婦羅炸物亦都有好多唔同款 包括我鐘意食嘅芝士年糕 印度美食我食咗咖喱雞配薄餅 另外食咗一碗喇沙 喇沙個樣好香濃 食落味道我覺得還好 食落味道我覺得還好 未至於好驚艷 其他熟食包括燒味 粉麵同少量嘅中菜 甜品區亦都有唔少選擇 雪糕有哈根達斯 配埋pancake好正 總括嚟講 不過不失 性價比未算好高

鍾意食和牛同海膽同鍾意運動嘅你千祈唔好放過呢個自助餐主題位於沙田嘅 帝逸酒店 一樓Alva House 非常之大今次仲可以順住個勢迎接國際體壇盛事入面有運動主題甜品同遊戲攤位　大人小朋友都可以食住玩✨和牛方面我就推介：柔嫩的肉質及多汁 嘅A5和牛薄燒同埋用咗澳洲和牛搭配經典紅酒烹調的紅酒燴和牛面肉！非常惹味！除此之外，迷你帶子海膽丼超級超級好正，三文魚亦都好肥味好新鮮，花膠鮑螺片我都好鍾意，個汁好濃，海鮮我只食生蠔🦪，都好肥美一啲都唔腥！不得不推介海底椰沙蔘玉竹燉湯，我飲咗三碗，真係好好味！重料！至於飲品有雜果賓治、無糖/有糖檸茶、可以任飲真係坐幾耐都得！最後梗係甜品，運動主題嘅甜品真係好特別，伯爵茶香橙慕斯蛋糕呢個好香橙味好fresh ,亦有榴槤愛好者最愛嘅榴槤流心蛋糕、榴槤班蘭蛋糕 ，同埋多種口味嘅雪糕，有榴槤、椰子牛油果、芒果小青檸雪葩同橙味添！同埋有6款口味嘅Häagen-Dazs 雪糕添！食飽咗小朋友就可以玩包括桌上冰球、射藍球機、聲光閃快拍遊戲贏禮物，另外一邊有吹氣彈床同電子遊戲，有得坐喺度揸車添！

今次嘅質素又冇上次咁好，食物種類就一模一樣上次長腳蟹好好食，我主公！今次就偏鹹冇乜海鮮味今次唔知點解一開頭已經唔會話好激動，可能食慣咗buffet同埋呢間 今日嘅豬腳薑好味！但係整體而言今日啲嘢好似唔係幾refill，朋友話乳豬好味 但係當我諗住去夾一構思嘅時候原來已經冇晒，但係就一直冇refill 嗰時都係一點幾後期兩點左右應該有refill過，但係就得返啲唔靚的話應該都係俾人夾晒今日所有燒味都有啲乾柴感覺麻麻地 但係後期出嘅燒鴨就好啲啲不過都唔吸引，寧願留返個肚去食青口同埋好大好大粒嘅螺肉今日質素非常好！又大粒又好味，又唔會好鹹蝦普通豬腳薑嘅豬腳同埋紅酒炆牛尾嘅牛尾，由於我擺喺倉入面太遲垃圾返嚟俾佢瘦咗我都唔記得，最後先諗起但係已經走咗🤣唔緊要啦，下次太再試刺身今日嘅下都正常幾好味有帶子就更好無論幾爆到必定要食嘅豆腐花！基本上我會留返個肚食，來呢度其實都係為咗食豆腐花同豬腳薑嘅蛋 呢兩樣係呢間特別出色，而且菜都好健康無油！今次發現原來叫車仔麵部六嘅菜都好正有新鮮嘅生菜通菜芽菜金菇啱晒我呢啲菜怪上面嗰碗就係俾佢收咗個碗 傷心不過佢都係服務太好啫！收碟勤快如果有員工折扣有綠枝！所以今日

之前去有時好味之後就唔好味，今次又好高質素，成為最好味一次！一開頭拎熱嘢嘅時候見到豬腳薑，不嬲都覺得呢間豬腳薑好味拎咗兩粒蛋，後期想再拎嘅時候有兩次都俾人拎晒好傷心因為太貪心好多嘢都想食哈哈今次用咗好多時間食長腳蟹，因為好新鮮啊！好鮮味又唔會太鹹，好高質素嘅蟹腳，雖然唔係件件咁大嚿，但係好好味今次其他海鮮除咗好細粒嗰隻青口，其他都好新鮮好味！螺肉好大粒 青口都好鮮味刺身方面有大赤蝦都好好味，其他就普通啲希靈魚都唔錯，我不是所有呢隻魚都食湯就普通啲，今日得雪耳蘋果湯娃娃菜有時唔夠熟老啲就好硬羊仔同我之前嘅印象一樣麻麻哋有啲硬燒牛肉就要睇位置 都好味燒味今次好味高質！沙田乳鴿都唔使點搶肉好嫩今次老豆腐麻麻哋有龍眼甜品方面質素正常發揮，比較好味嘅係榴槤燉蛋白 好香同埋永遠無敵嘅豆腐花！今次配咋喳無論食到幾飽都會食到一碗哈哈 揀呢間其中一個原因就係鍾意佢嘅中式糖水同埋豆腐花環境好好，唔會滿場會好擠迫好似開張嘅時候時服務質素都勤快有禮

好豐富嘅自助晚餐☺️有好多野食，而且又新鮮。今次係帶埋個女所以被安排小朋友區，個到好好有小朋友設施比佢玩👍親子餐廳😍一去到咩都拎左試下頭盤海鮮全部好新鮮。生蠔又仼拎無限制，又大大隻好creamy蟹腳又唔會太鹹，海水味龍蝦同蟹都有好多膏，而且肉質彈牙。串燒影到好有燒烤味，吾會係煮熟再燒下個啲，真係由生燒到熟，惹味👍👍👍呢度所有甜品都好好食👍呢個裏面有好多榴槤蓉🥰