影片
开饭介绍
集合意大利及美式風格的餐廳，餐牌上一系列傳統意大利菜，配以美國菜一貫的oversize。當中的Tiramisu獲一眾食客好評，超大份量，最好找齊大班朋友Happy Share。
继续阅读
奖项殊荣
最优秀开饭意大利菜餐厅 (2008-09,2011-12)
特色
浪漫情调
适合大伙人
庆祝纪念日
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
*星期一至四：11:30 - 21:30 (最後下單 20:30)
星期五：11:30 - 22:00 (最後下單 21:00)
星期六：11:00 - 22:00 (最後下單 21:00)
星期日：11:00 - 21:30 (最後下單 20:30)
以上资料只供参考，请与餐厅确认详情
有关奖赏计划
相关文章
同好耐冇見嘅小、中、大學同學慶祝生日，即刻約咗間地點方便嘅又一城餐廳慶祝☺️呢間意大利餐廳嘅Tiramisu好出名，記得大學時間成日搭車過嚟食😙🥂 Chardonnay Wine一坐低，女侍應已經拎咗兩支橄欖油同醋，俾我哋點熱辣辣嘅蒜蓉餐包食，真係Perfect Match😊而且星期一至四嚟呢度食嘢，八點前都叫happy hour有唔同餐酒買一送一😍我哋就當然一人叫咗一杯，Seleted Chardonnay Wine有果香，酸酸甜甜，好易入口🥂🍽️ 招牌小食拼盤話說我哋兩個都唔係好肚餓，所以冇叫到澱粉質，為咗摸酒杯，當然要叫個招牌小食拼盤試一試，呢個招牌拼盤都好豐富好大碟，有酥炸軟殼蟹、巴馬臣芝士薯條同炸魷魚等🤤加埋檸檬百里香蛋黃醬真係配酒一流，總共有四隻軟殼蟹咁多，外脆內軟熱辣辣，炸魷魚真係好滋味😋🍽️ 8安士封門牛柳呢個封門牛柳叫咗五成熟，同朋友太耐冇見掛住影相，差啲忽略咗呢個牛柳，好彩都仲有餘溫，上枱嘅時候已經切好一粒粒，開心share，牛柳牛味濃，就咁香煎已經牛味已經好出😌再配埋mozzarella cheese同埋新鮮蕃茄仔食真係不得了😍同朋友返嚟呢度食嘢，大學嘅回憶返晒嚟，而且坐得好舒服，可以俾大家長時間敘舊詳談一番🥰
继续阅读
要數九龍塘又一城歷史悠久的餐廳，主打美式意菜的Amaroni's New York Italian Restaurant & Café 由1998年開業至今。內裡高樓底甚有空間感，大型雕像加上吊燈及牆上的藝術掛畫，富有格調。餐牌供應一系列傳統意大利菜，配以美國菜一貫的oversize，由即日起至2024年8月31日還有夏季限定新菜式。入座後就會奉上烘得暖暖的麵包籃，拌以黑醋和橄欖油。蕃茄芝士薄餅 $165 自家打發的餅底是簡乎超薄和厚批之間，吃起來有點像麵包般鬆軟柔韌。這款長青不敗的經典口味Margherita材料非常簡單，番茄醬配上柔軟香滑的Mozzarella馬蘇里拉芝士，灑上羅勒香草作點綴，芝士可以造出拉絲效果。經典意式芝士雞扒 $190作為一道經典的意大利菜，裹著金黃炸粉的雞扒以半溶的Mozzarella芝士舖面。大件厚肉的雞扒已經去皮去骨，沾滿酸酸甜甜的番茄醬中和炸物的膩感。現烤意式南瓜鬆餅派配雲尼拿雪糕 $80夏日限定甜品，鐵鍋上桌從頭吃到底都可保持溫熱，配上一大球焦糖醬雲尼拿雪糕，一熱一冷，衝擊味蕾。利用南瓜的保水性與濕潤度，使鬆餅組織柔軟，口感類似蛋糕，將南瓜的天然甘甜與玉桂的特有香味交互融合。意大利檸檬酒芝士蛋糕 $90甜品份量也不忘發揮美式餐廳精神，即使只點細份，亦是大大個超有飽足感。表面放上開心果碎作點綴，以檸檬酒取代espresso，酸甜果香平衡甜度，充滿清新氣息，為提拉米蘇這種歷久彌新的經典甜點注入新意。麥蘆卡5+蜂蜜洛神花茶 $65茶色清澈亮麗，清香解膩，喝完一壺後還可再添加熱水。薄荷青檸特飲 $62以薄荷、青檸為基底，冰爽解渴，一喝入喉隨即透心涼。
继续阅读
成日行又一城都經過依間意大利小餐館，一直都冇機會入去試吓，前幾日放工同朋友喺又一城行吓，晚飯時間睇吓有咩食，見到小餐館裝修唔錯，夠闊落坐得舒服，可以同朋友傾吓偈，決定試試！Ravioli Duo (Small) $168————————————意大利雲吞真係好正，入面嘅餡好綿好入味同好豐富🥟依個Dish有兩隻口味嘅Ravioli，分另配上兩款醬汁。乳清芝士同菠菜餡配松露忌廉汁，真係有粒粒松露架☺️另一款嘅餡就特別啲，係茄士、烤蕃茄同巴馬臣芝士配青醬忌廉汁，兩款Sauce都好Creamy，Mix埋食都好夾！Pan Seared Hokkaido Scallop with Mashed Potato $238————————————北海道刺身級帶子煎得香，煎出嘅油香落入咗薯蓉，仲配埋炒菇同煎邊豆，夠晒豐富，薯蓉份量好多好夠飽☺️Garlic Prawn $168————————————份量夠多，而且隻隻蝦都幾大隻，去咗蝦頭，方便啲食🤣重蒜香🧄非常惹味，個底夾咗兩塊吸收晒蒜香同橄欖油嘅Garlic Bread，勁入味！Pumpkin Biscotti with Vanilla Ice Cream $80————————————個南瓜鬆餅派烤得不錯，外層烤得好香，內裏鬆化，穫仔上有啲Feel🍳配埋雪糕正呀😋
继续阅读
最近去咗又一城經典嘅意大利餐廳「Amaroni’s」，餐廳環境舒適，充滿咗意大利風情，仲好有聖誕氣氛，感覺好好🥰Margherita 蕃茄芝士薄餅，薄餅底夠脆，配上新鮮蕃茄同芝士，味道好清新，仲有香草嘅香氣🍅自家製焗肉醬千層麵，千層麵層層分明，焗到金黃色，肉醬味道濃郁，唔會太膩，仲有芝士，食完真係意猶未盡🍝😍開心果檸檬提拉米蘇，開心果同檸檬嘅組合非常特別，清新又有層次感，提拉米蘇嘅口感滑溜🍋🍰Amaroni's 真係一個好適合朋友聚餐同慶祝嘅地方，下次一定會再嚟！👏✨
继续阅读
臨近聖誕，很多餐廳都佈置得很有氣氛，這間西餐廳都不例外，平日晚上都全場滿座，餐廳大，樓式高，坐得舒服。餐牌主打食pizza, 意粉，沙律及小食，一貫美式餐廳風格，份量有分大/小份，但小份的份量都比較大，可以同朋友開心share，價錢合理。未點餐，已經有一籃子的麵包送上，配上橄欖油及黑醋。野莓沙律，大大碟，內邊有烤雞肉，士多啤梨粒，啤梨，琥珀核桃，菲達芝士配紅莓油醋汁，十分開胃健康的沙律。一客經典紐約薄餅，份量大，一個切開9 小件，餅底脆薄，上面舖滿意大利肉腸，青紅椒，洋蔥，馬蘇里拉芝士及蕃茄醬，餡料豐富，食左三 件都不會覺得太膩。焗鮮蝦雞肉長通粉，長通粉煮得不會太淋身，每條通粉都沾上蒜香忌廉汁，再配上巴馬臣芝士，好味得來而不會太膩，內邊有大隻爽口彈牙的烤蝦，雞肉及意大利火腿，口感豐富。仲點了一杯朱古力奶昔，十分滿足。
继续阅读