AMONA

营业中

休息中

上網訂咗Baileys & coffee roll cake喺觀塘工廈拎。佢哋嘅蛋糕選擇相當多樣，所有蛋糕都係用天然食材製作，完全無添加任何防腐劑。 仲有無糖、純素等選擇，真係顧及到不同飲食需求嘅人。蛋卷中間包住香滑咖啡忌廉，一睇就知creamy，蛋糕軟熟綿密，配埋Baileys 酒，酒香味道非常濃郁，唔會太過甜膩，非常適合喜歡咖啡同酒嘅朋友。味道唔會太甜，平衡感幾好，食落好滿足！ 下次一定會再返來，試下其他款式！

平時好少寫post，不過呢個蛋糕我覺得佢好有誠意，食得出嘅用心，店主話個開心果醬係佢自己整既，加埋軟滑開心果cream同開心果碎真係覺得個蛋糕買得太細🙂‍↔️。。重點係唔太甜! 訂生日蛋糕好大壓力架，好彩生日嗰個食得好開心🤭

流心無流心，椰漿面好咸，chiffon cake 又乾又實咸到個個同事都食唔到，個底又太甜，唔下面D comment食開咩定係特別依款個味特別怪，另外個生日牌要加錢，一拎番去就切，但個生日牌已經溶到拎唔起加埋九百幾蚊，其實已經貴過好多酒店，造型同相好大出入，未試過食到咁嬲，早知買A1好過，真係好差，差到我要打夠二百字留個負評比佢whatsapp問係咪個蛋糕咩問題，幾日都無回覆，唯有係到同大家講唔好中伏

前幾日朋友生日，喺社交平台見到好多人推介呢一間蛋糕店，就買咗個朋友最鍾意嘅泰式奶茶口味蛋糕俾佢🥰6"泰式奶茶戚風蛋糕 ($480)蛋糕擠滿咗細緻綿密嘅椰子cream，口感輕盈順滑，帶有淡淡椰子香，仲有幾粒手工製作嘅焦糖脆脆，增添層次感同口感。切開蛋糕之後，可以見到豐富嘅層次——有細膩香滑嘅泰式奶茶慕絲、鬆軟濕潤嘅泰式奶茶戚風蛋糕，仲有手工製作嘅焦糖脆脆，每一啖都帶嚟唔同嘅口感變化。泰式奶茶嘅茶香濃郁，加上淡淡椰子香氣，令人回味無窮。呢款蛋糕特別啱鍾意泰式奶茶嘅朋友，低糖配方令蛋糕甜度啱啱好，唔會太甜太膩，食落更順口。最難得係蛋糕採用天然原材料製作，無添加色素同防腐劑，以後買蛋糕又多一個選擇，鍾意甜品又注重健康嘅朋友一定要試下😛

最近Labubu嘅熱潮令人不禁想沖去泰國飲返杯奶茶呀😝估唔到泰式奶茶都可以同蛋糕Crossover 🫨以雪芳蛋糕起家嘅一間小店，用心去製作低糖、無添加防腐劑嘅蛋糕，gluten free, vegan or keto都食得嘅蛋糕🍰二人份量嘅小蛋糕🧁估唔到啲忌廉又幾滑喎，而且食到有少少海鹽嘅味道😉值得一讚嘅係佢哋入面嘅蛋糕真係好鬆軟！真係會令你唔覺意慢慢食晒成個蛋糕😂茶味嘅話唔算好濃，食完之後口入面都仲會有少少回甘嘅感覺，唔錯唔錯！值得再回購😋

📍觀塘蛋糕外賣店-Amona @amona.hk呢間位於觀塘嘅蛋糕外賣店 最主要做嘅係戚風蛋糕🎂🍰可以話係超高人氣！今日就同大家去睇吓佢哋有啲咩latest products啦！！咁啱喺度揀緊新年禮物送俾親戚朋友 見到佢哋呢一款純素朱古力禮盒🎁真係幾適合！有純素朱古力芒果乾 純素朱古力杏仁餅 同埋薑味杏仁餅！大家如果有朋友生日嘅時候都記得去佢呢一度試佢哋嘅戚風蛋糕啦！無論係價錢同味道都一定會符合你嘅需要！

本身好鍾意黑芝麻嘅product 🖤最近朋友買左呢款「蜂蜜玄米茶黑芝麻麻薯卷蛋」完全岩哂我口味🥰卷蛋賣相幾靚仔，上面仲加左玄米粒裝飾💖芝麻卷蛋做到濕潤鬆軟口感，芝麻味道幾明顯而中間忌廉係蜂蜜玄米茶口味🍵輕盈而不膩口，有蜂蜜天然清甜，仲有淡淡茶香，麻薯軟糯，就算第2日都keep到煙韌口感，整體味道配搭得好優雅🌿蛋糕每日新鮮製造，不加防腐劑😎仲有無麩質純素蛋糕提供，岩哂唔同需要嘅蛋糕愛好者🥰

今日朋友屋企開party，諗住買個蛋糕一齊食，上網見到觀塘呢間蛋糕店評價好高，一直都希望有機會試吓，於是訂咗一個麻糬卷蛋😍 蛋糕店位於觀塘成業街嘅怡生工業中心，地理位置方便。🍰蜂蜜玄米茶黑芝麻麻薯卷蛋蜂蜜玄米茶黑芝麻麻薯卷蛋，淨係聽個名都已經好吸引，清新嘅配搭，蛋糕清甜唔會好甜，Cream入面有玄米茶粒粒，好有茶香味，我好鐘意呢個配搭同味道😋蛋卷中間充滿好多cream但係又唔會好肥膩，Cream 中間仲有牛奶拉絲麻糬，口感十足，鍾意食麻糬嘅一定要試吓👍🏻

搵到間甜而不膩，天然無添加的手作蛋糕，慶祝呀仔十四個月😘😍時間過得好快呀，不經不覺做了人媽媽十四個月🙃這間蛋糕店位於工業區，由觀塘地鐵站行幾分鐘就到，好方便！.5吋三重開心果士多啤梨戚風蛋糕 $380選了大家都喜歡的開心果，開心果粒鋪滿整個蛋糕，好足料呢！收到時哇一聲，好靚呀，包裝精緻。終於到晚上齊人食完飯切蛋糕，切開有驚喜，裡面有流心效果，開心果cream和蛋糕好香濃順滑，入口不太甜，鬆軟，一致認同好食。.@amona.hk

全人手製作，多款自家制手工蛋糕甜點，有戚風蛋糕、純素蛋糕、生酮蛋糕、巴斯克蛋糕、純素朱古力、無麩質蛋糕。適合生日、婚宴、派對、回禮禮物 、散水餅、甜品批發。天然成分！無添加！低糖 ！冇防腐劑 ！最近好hit食品，點少得「開心果」，各式各樣產品出售！呢個「🎂開心果草莓蛋糕」，內裡甜甜地，外面開心果碎咸咸地，滿滿嘅開心果味道，開心果一定要試吓！面頭加上草莓，增加口感味道之餘，又增添色彩！[ 🎂 開心果 x 草莓🍓蛋糕 ] 成份：- 開心果鮮奶油- 開心果果仁糖- 壓碎的開心果- 開心果戚風蛋糕-草莓

發掘到一間觀塘既蛋糕小店✨見到佢地ig有好多特色蛋糕 全部都好吸引🤣 佢地既蛋糕採用全天然食材 每日新鮮製作 而且選用低糖配方 更有提供生酮選擇 切合不同人士既需要👍🏻店舖位於觀塘嘅工廈 鄰近地鐵站 位置都唔難搵～✿ 開心果士多啤梨蛋糕開心果控必試！💚開心果碎滿滿咁覆蓋哂成個蛋糕表面 每啖都食到開心果 好有咬口👅海綿蛋糕鬆軟濕潤 味道方面開心果味濃郁 甜度啱啱好 而夾層既開心果醬都好creamy 入口幼滑 整體口感好豐富🤤🤤

AMONA地址：成業街16號怡生工業中心H座1樓H10號舖觀塘工業區隱世美食，唔係朋友介紹都唔知道有間隱世美食蛋卷蛋糕！係我見過咁多個蛋卷當中，最有誠意同埋最精緻！估唔到蛋卷都可以做得咁出色😍😋超讚呀！AMONA舖頭細細，係觀塘怡生工業中心1樓入面，雖然舖頭細細，但誠意滿滿👍絕對值得香港人支持💪店舖主張天然，無添加食材，蛋卷蛋糕唔會太甜，而且相當精緻，無論送禮自用都相當適合！每日店舖出既款式都係唔一樣今日就係依款抹茶黑芝麻麻薯蛋卷🤩！整體風味平衡，抹茶的微苦與黑芝麻的濃郁相得益彰，麻薯的Q彈令到口感超煙un，口感層次豐富，外層蛋卷酥脆，甜度適中茶香回甘，是一款精緻又充滿創意的蛋卷！

最近愛上咗呢間AMONA蛋糕，就算自己一個人食晒半個，都唔會覺得好膩！ 柔軟嘅蛋糕，夾住嫩滑嘅cream🤤呢款蛋糕啫喱表層就好似鏡面咁，光澤感十足，仲有新鮮荔枝果肉切片同薄荷叶點綴，賣相超靚。一入口，啫喱爽滑Q彈，清涼又爽口。咬到荔枝果肉，滿口清甜多汁，果香四溢。重點講下玄米茶忌廉，忌廉本身就細膩柔滑，入口即化，而玄米茶香氣唔算濃郁嗰種，但勝在夠清新，有淡淡嘅焦香同米香，食落唔會膩，同啫喱、荔枝嘅清新感搭配得好襯。仲有軟糯Q彈嘅麻糬，增加咗唔少嚼勁同趣味性。總嘅嚟講，呢個蛋糕味道好平衡，無邊個味道特別搶戲，每一口都有層次又好清新，真係值得試試！

Our Vday order was a very delicious black sesame and tofu mousse cake, decorated by pretty ruffles of whipped cream, and topped with genmaicha crispy rice and hazelnuts. Both the look and taste were divine, the cream was so beautifully scraped and it looked absolutely perfect. The black mousse cream was made with Japanese black sesame sauce that’s rich and smooth. The white mousse layer inside was soy tofu flavoured and paired perfectly with the black sesame counterpart. Bottom cake layer was mo

食蛋糕已經唔再係生日先可以做嘅事啦，上網見到呢一間蛋糕店係話有機天然、冇添加防腐劑同埋每日新鮮製作既，除咗可以選擇自提或者送貨之外仲可以選擇地鐵站交收，非常之方便！！2月就係情人節，我就試左佢地新推出既酒漬荔枝桂花珠珠戚風蛋糕，一睇到個蛋糕就覺得外觀幾靚，店主好有心機整 ❤️ 試完一啖呢個cake之後，酒漬荔枝配桂花珠珠呢個組合感覺好新鮮，淡淡嘅桂花香係口入面慢慢滲出，而且唔係好甜，岩曬健康一族，而且蛋糕做得好鬆軟，做飯後甜品亦係一個唔錯嘅選擇😍😍 如果鍾意食唔太甜嘅蛋糕，絕對推介呢一間餅店🙌🏻🙌🏻📍觀塘成業街怡生工業大廈H座1樓H10號鋪