Amplifier Restaurant (積福街)

营业中

休息中

在香港已很少這種老牌西餐廳， 午餐的價格相宜， 低於100蚊，味道不錯。有梳化椅，木枱子，60年代的歌曲。今天午餐只有兩枱客，希望可以維持下去。 今天八十幾蚊已經有前菜沙律, 一個手撕雞飯, 份量很大, 還有咖啡 , 餐廳裏氣氛很好, 很悠閒, 可以在這裏休息一個下午。

已經係依一年內試過10次，坦白說，而家個年代可以保持一個水準係好難得嘅事⋯⋯另外，特別想讚吓幾位侍應生員工都保持住由心而發嘅服務👍👍工作勤力，請到好員工要好好珍惜 🤣 我眼見佢地真係盡心盡力，好希望呢段評語比佢哋管理層見到，我相信依間公司管理層都應該有一定嘅功勞。真心讚、值得推介👍P.S 本人第一次係依個平台留言讚 😜

Amplifier，之前到過旺角店吃晚餐，後來因結業了，也試過到大圍分店吃晚餐。印象最深刻的是他的乳豬，不過這間餐廳總體晚餐偏貴。周日經過見到有lunch set ，價錢合理，性價比極高，包餐湯或沙律加主菜，還有飲品，大概都是$200左右。🍄由於帶了狗狗，所以安排坐在室外，但環境也很不錯，夠安靜。店員小姐姐也很愛狗。🍄是日精選沙律🍄另一個餐我們選擇是日精選湯🍄為食的我們又想試青口，便以優惠價叫了份青口。醬汁非常Creamy，很入味。本來老公不好青口，吃完也愛上了。🍄西冷牛扒🍄炭燒美國豬鞍扒午餐來說，價錢合宜，且presentation很精緻，總來說性價比幾高。加上連週末也有做lunch set，是會願意回頭再吃的😛

主菜難食，仲要每人四百幾幾，唔值。大家唔好去。今個禮拜四 12月19日星期四 ，約咗朋友去興祝生日同預祝聖誕節。見評論都有二百幾個：讚，覺得應該唔伏。點咗set dinner ， appetizer 青口，同湯都好。點知一上主菜： 豬肩同另一朋友叫嘅 rib eye steak ⋯⋯豬肩以為生生哋，就無咁鞋，點知好鞋，無乜味，生嘅部份仲切唔開。好難食。好多根。朋友嘅肉眼，mid ware ：佢話：好鞋，根本咬唔開⋯⋯

由旺角搬到大圍的西餐廳，一直都有小小名氣，今晚同家人聚會選擇左黎間餐廳，叫左晚市套餐，有新鮮生蠔、Parma Ham、非常嫩口的手撕雞松子沙津作前菜，主食是黑松露野菌意大利飯，口感非常Creamy，啖啖黑松露醬汁，當然吾小得佢地招牌菜威靈頓牛扒，一層香脆可口的酥皮包住牛扒，配上醬料，味道十分不錯

呢間餐廳真係好正，特別係佢哋的威靈頓牛扒，肉質超嫩，包裹住的酥皮香脆可口，咬落去有一種豐富的層次感，真係好滿足！再加上配搭的醬汁，味道更加出色。另外，佢哋的生蠔都幾新鮮，肉質滑溜，啖啖都有海味，搭配少少檸檬汁，味道特別鮮甜，係海鮮愛好者必試的菜式。而且，佢哋的鵝肝多士亦都好好味，鵝肝煎得啱啱好，滑滑的口感配上香脆的多士，真係一絕。整體來講，呢間餐廳的食材新鮮，味道正，無論係慶祝特別日子定係同朋友聚餐，都好合適。如果你想試下好味的西餐，呢間絕對值得一試！

今次book咗呢間餐廳慶祝生日環境都幾靚！可以打卡😊晚餐嚟講，set dinner比較抵食👍🏼頭盤要咗生蠔，都好新鮮🦪另外仲有一個田螺，都煮得好好食湯就要咗龍蝦湯，海鮮味十足之後嘅main course 揀咗羊架 超級大份，跟埋個汁，超級勁好食！因為慶祝生日，所以有2款蛋糕🙈有朱古力蛋糕同芝士蛋糕個人覺得朱古力蛋糕比較好食，甜得黎唔會甜得太勁，食到想再叫！芝士蛋糕就比較普通總括嚟講，嘢食唔錯，價錢合理，值得推介❤️

今日放工唔想煮飯就決定係大圍站附近食飯，經過有間門面好靚嘅餐廳，餐牌上都多食物選擇，仲要有威靈頓牛扒😍，於是就被吸引左入去。由於選擇困難症，所以直接叫左個二人餐😝1️⃣精選新鮮生蠔生蠔🦪好新鮮同鮮甜，仲要大隻，又重海水味。無諗過鋪頭細細都有咁高質生蠔！2️⃣傳統凱撒沙律🥗沙律夠大碟，菜都好新鮮👍🏽，咬落超爽！而且都夠芝士碎同埋麵包😋3️⃣蒜香牛油田螺酥皮盒🐌🍞呢款都叫人好驚喜係呢度都有田螺食😋，而且無任何草泥味，酥皮盒非常鬆脆可口😋，配埋田螺一齊食，非常入味😚4️⃣蟹肉龍蝦湯🦞龍蝦湯底超濃！蟹肉都食鮮呀，而且龍蝦湯望落非常濃郁，入口超香龍蝦味😌5️⃣香煎日本帆立貝蕃茄醬意大利麵🍝帶子超大隻🤩，仲要係大大兩隻！而且蕃茄醬超濃郁！意粉軟硬度煮得剛剛好！6️⃣慢煮美國威靈頓牛柳🥩係香港好覺得好難食到威靈頓牛，但估唔到就係居住地方附近就有得食🥹，太感動！外面酥皮香脆，層次豐富😍，而且入面都有秘製醬，包住牛柳一齊食🤤，超好味！而且牛柳超入味又軟熟，熟成度剛剛好！呢個菜真心推介😙7️⃣士多啤梨奶凍🍓及朱古力慕絲🍫最後就係甜品，個奶凍入口好香濃奶味，配埋士多啤梨醬酸酸甜甜😋，另外朱古力慕絲入口香濃幼滑，配埋咖啡仲正呀👍🏽呢間隱

大圍自從開咗圍方多咗過嚟呢區，今次就嚟咗依間環境坐得舒適嘅高質西餐廳，我哋嗌咗餐廳最受歡迎嘅二人餐。精選新鮮生蠔4隻🦪生蠔係採用西班牙生蠔，新鮮大隻，非常肥美鮮甜。巴馬火腿配蜜瓜🥓🍈蜜瓜非常非常甜，巴馬火腿大塊得黎但又唔會非常鹹，十分之夾。蒜香牛油田螺酥皮盒🧈🐚田螺放喺酥皮盒入邊，造型特別。酥皮好酥脆，田螺亦都有好多舊。蟹肉龍蝦濃湯🦞🦀龍蝦湯超濃郁又creamy，入面仲有蟹肉添，令成個湯更加有層次感。香煎日本帆立貝蕃茄醬意大利麵🍝帆立貝大粒又煎得香，蕃茄醬亦鮮甜濃郁，每一啖麵都沾滿醬汁。慢煮美國威靈頓牛柳🐮🥩必點推介！一上枱已經見到個牛柳非常粉嫩，再有黃金酥皮包住，酥皮層次分明，成個口感外脆內軟，超好食。是日精選甜品🍫🍨🍓今日甜品係朱古力蛋糕同埋意式奶凍，兩款都唔會過甜，為餐飯畫上完美句號。

Amplifier Restaurant 西餐廳有現場音樂表演，當日有心馳神往的Saxophone&小提琴演奏。招牌set為2人餐——Wellington Set For Two$1088！套餐包含多道精緻的美食，新鮮的每日生蠔，一口咬下去，鮮甜多汁的滋味讓人欲罷不能。巴馬火腿搭配蜜瓜鹹香和甜蜜的結合簡直是完美無瑕！香草牛油田螺酥皮盒也是一絕，外層酥脆，田螺鮮嫩多汁，每一口令人驚艷。蟹肉龍蝦濃湯濃郁度剛剛好，蟹肉和龍蝦的鮮味在口中綻放，回味無窮。香煎日本帆立貝蕃茄醬意大利麵也值得一試。帆立貝的鮮甜和蕃茄醬的酸甜交融在一起，配上彈牙的意大利麵，簡直是一場味覺盛宴！最引人注目的還是5小時慢煮美國威靈頓牛柳。這道菜經過長時間的慢煮，牛肉變得極為嫩滑，口感絕佳。每一口都散發著肉香和香料的香氣，令人愛不釋手。是日精選甜品有草莓蛋糕和朱古力蛋糕，都好香甜，作為晚餐的完美句號。餐飲可以點一杯冰涼的檸檬茶或者熱熱的檸檬水。除了美食，Amplifier Restaurant (大圍店)的環境也非常宜人。星期三、四可以享受著現場音樂表演，為整個用餐體驗增添一份浪漫和愉悅的氛圍。記得不要錯過Wellingt

最近同老公成日會去大圍，因為大圍有得夾公仔，所以都會搵吓附近有咩好食，喺大圍後邊有好多小店，所以去咗一間有情調嘅西餐廳，佢嘅氛圍同裝潢都俾人感覺係花咗啲心思。佢哋有二人套餐，都好多嘢食，我哋兩個都食到好飽。首先，我揀咗小食——白酒忌廉青口。新鮮嘅青口配上濃郁嘅白酒忌廉醬汁，帶出嚟嘅味道相當和諧。青口嘅口感鮮嫩，而醬汁嘅奶香同酒香都好恰到好處，我老公都覺得個忌廉汁好香濃，佢好鍾意。評分：👍🏻👍🏻👍🏻👍🏻/5然後，我哋頭盤嘅選擇係Pama ham 同埋 salad。頭盤帶嚟嘅是一種豪華而又清新嘅感覺。精選嘅pama ham同清甜嘅蜜瓜配合得天衣無縫， Parma Ham又唔會好鹹蜜瓜甜得來又唔會好「漏」🤣🤣🤣；評分：👍🏻👍🏻👍🏻/5而凱撒沙律嘅沙律菜好新鮮，又爽脆，食嘅時候，好清甜。評分：👍🏻👍🏻👍🏻/5蟹肉龍蝦湯，食得出有蟹肉，而且好香龍蝦味，又唔會太鹹，份量唔太多，剛好評分：👍🏻👍🏻👍🏻/5然後就到主菜啦！我地揀咗凡立貝蕃茄意粉同威靈頓牛柳。凡立貝蕃茄意粉係一道經典嘅義大利菜式，佢味道鮮美而且豐富。蕃茄醬汁濃郁而不膩，意粉煮得恰到好處，加上鮮嫩多汁嘅凡立貝，每一口都充滿著滿足感。評分：

係大圍少有嘅西餐廳😗今日去咗食晚巿二人餐🥰AMPLIFIER SIGNATURE SET FOR TWO🌹 ($1088)STARTER生蠔4隻 / 蒜香牛油田螺酥皮盒 / 香煎鵝肝生蠔新鮮重海水味，酥皮盒好酥脆重牛油香，鵝肝肥美仲有啲沙律菜解膩🦪🥗SOUP蟹肉龍蝦濃湯係我最鐘意嘅西湯，充滿龍蝦鮮味🦞MAIN DISHES香煎日本帆立貝蕃茄醬意大利麵慢煮美國威靈頓牛柳主菜一個意粉，一個肉類啱啱好，意粉酸酸甜甜仲有大大粒帆立貝，威靈頓牛柳外皮酥脆，牛肉幾腍🍝🥩SWEET朱古力慕絲蛋糕擺盤幾靚，超濃郁朱古力味🍫DRINKS白酒🥂

大圍竟然會有一間隱蔽既西餐，仲要係高質素。有開心嘢梗係要慶祝吓啦，叫左兩人餐，我哋嘅目標係食威靈頓牛柳😂😂😂因為旁邊個位成日都話要食😂😂😂梗係要滿足吓佢啦❤️西班牙銀堡壘生蠔4隻味道：🌕🌕🌕🌕🌗評價：通常食生蠔都係食法國多，今次應該係第一次食西班牙生蠔，果然有驚喜。相比起法國生蠔，佢有海水味不特止，仲會有淡淡的清甜味道，好有驚喜蒜香牛油田螺酥皮盒味道：🌕🌕🌕🌕🌗評價：蒜香牛油本身就已經好夾田螺，加埋酥皮外盒，外脆內軟，三樣食材夾得非常好 香煎鵝肝味道：🌕🌕🌕🌕🌘評價：我哋加咗錢升級做香煎鵝肝，鵝肝size一啲都唔細，非常香，入口即溶，係略嫌墊底塊多士有啲細。同時配搭上梨，令鵝肝冇咁油膩蟹肉龍蝦濃湯味道：🌕🌕🌕🌕🌑評價：顧名思義真係濃湯，仲有一絲絲嘅蟹肉。香煎日本帆立貝蕃茄醬意大利麵味道：🌕🌕🌕🌕🌖評價：帆立貝煎得非常香，調味亦都好好。加埋蕃茄醬酸酸甜甜，好開胃。而意大利麵亦都唔會好似坊間餐廳咁樣煮到𣺉哂，保留原有口感慢煮美國威靈頓牛柳味道：🌕🌕🌕🌕🌕評價：可以話係我食過咁多間餐廳嘅威靈頓牛柳，最好食嘅一間。煎封牛柳嘅時間掌握得岩岩好，所以外層酥皮唔會比肉汁整到𣺉晒。估唔到dinner s

大圍呢間西餐，食過就知高質，夜晚仲要有人唱歌，氣氛一流環境好舒適，好岩同三五知己一路享受美食一路傾下計點左個二人餐，計埋加一先千二蚊，幾抵食生蠔雖然肉唔算厚，但勝在夠新鮮味道鮮甜，一D腥味都冇，仲有陣陣海水味巴馬火腿配蜜瓜咸香既火腿同清甜既蜜瓜，兩者互相平衡，好味蒜香牛油田螺酥皮盒酥皮又香又脆又酥，餡料有炒過既菇同田螺等等，味道鮮美蟹肉龍蝦濃湯好香濃既一個湯飲落每一口都係龍蝦既鮮味而且仲真係啖啖龍蝦肉，真材實料香煎日本帆立貝蕃茄醬意大利麵帆立貝煎得剛好，唔會過熟令佢鮮味得以保留又唔會硬蕃茄意粉酸酸甜甜，好開胃慢煮美國威靈頓牛柳呢個真係心機菜，每次見到餐廳有都必食酥皮香脆，而酥皮同牛柳中間果層磨菇炒得夠乾爽令佢鮮味濃縮晒，最重要係令到牛柳既肉汁唔會搞到酥皮又濕又軟牛柳用威靈頓牛柳會係比較少見既慢煮，口感好特別草莓慕絲蛋糕、朱古力布朗尼兩款是日甜品亦好高質草莓慕絲香甜唔會酸，慕絲幼滑朱古力布朗尼既朱古力味香濃，令人回味

今日同朋友去咗圍方發現原來大圍真係好多嘢食～ 我同朋友入左呢間特色西餐廳裏面嘅裝修好有特色 好友90年代美國懷舊風格 😎 我見到佢哋做咗優惠 有一個二人套餐 ～ 🤚 咁就啱晒我哋呢啲選擇困難症嘅人🥹 佢哋今日嘅生蠔係愛爾蘭生蠔🦪 我朋友係生蠔fans ! 佢都話超級新鮮 好抵食 又大大隻🤓🤓🤓 之後就係佢哋嘅蟹肉龍蝦濃湯 真係超級入味 係每一啖湯都感覺到龍蝦嘅鮮味 我個人嚟講好鍾意 龍蝦個種鹹香味出晒嚟😍😍😍 佢哋嘅頭盤都好有特色 我叫咗巴馬火腿配蜜瓜同埋田螺酥皮盒 真係覺得酥皮好得意～ 估唔到可以咁樣組合 食落去嘅時候都覺得佢哋嘅酥皮做得好出色 層層分明 之後就係佢哋嘅重頭戲 慢煮美國威靈頓牛柳 我都係第一次食威靈頓牛柳 我覺得佢嘅感覺都令我幾surprise 因為佢係慢煮，所以會特別林 但係啲肉汁就全部都保留晒喺牛柳同埋酥皮之中 所以無論我係食緊牛肉又好 定係酥皮 都充滿着啖啖牛肉肉汁haha 佢哋嘅意粉，我都好鍾意 我覺得只要係配咗蕃茄醬嘅意粉，都係好好食 😋 同埋佢哋有帆立貝大大隻 😉😉😉 睇得出佢哋嘅用了都好豐富 好實在👏🏻👏🏻👍🏻