another hound café

营业中

休息中

Southside呢個商場都幾好行，唔會太多人，又多店舖餐廳見到有間泰式cafe，原來係Greyhound副線‼️而家仲有85折添🍵「大頭蝦冬蔭功湯」食泰國菜一定要飲冬蔭功湯，大頭蝦完全係焦點，好大隻，口感爽彈鮮甜，不過個人對椰奶唔係特別鍾意，如果多啲香茅，少啲椰奶會更好～～🥗「鮮蝦牛油果沙律」因為見到有牛油果🥑 所以吸引左我，當吸到嘅時候，見到咁GREEN嘅心諗瀨嘢……抱住無咩期望食，竟然有驚喜Dressing好好食，有微微嘅芥末味去提味，又有creamy口感嘅牛油果香，配火箭菜係好夾，呢個沙律好岩我口味「泰式豬肉炒河粉」鑊氣十足，一放低已經聞到好香❤️粗身河粉非常Q彈，材料好足，好快已經KO哂成碟🍹「Passion Fashion」熱情果味道好強烈，但又唔會好死甜，應該係有lime juice & mint neutral左，味道剛剛好又可以解渴

事緣係 呢間餐廳新開 我都食過幾次都已經覺得侍應態度非常唔好，但係由於黃竹坑真係冇咩可以揀諗住再俾多次機會。諗住佢話晒都係Greyhound旗下，應該有保證，點知差一大截。首先入到去同佢講幾多位個侍應已經態度好差，好似得罪咗佢咁串串共，去到叫嘢食佢叫我哋用QR code，跟住佢放低個code都即刻閃走咗咁我都明而家咁忙又唔夠人，都係幫佢慳時間。咁由於我對某啲嘢係敏感，咁正常可以同佢講聲落咗單邊個餐走啲乜嘢。但係服務員同我講你QR code落咗單就冇得改，佢話你咁樣就叫我哋幫你落單啦。都算啦，俾佢咁樣話咗一嘢。我哋lunch食船麵等咗大概半個鐘至七個字，但係碗嘢又唔係好食。到我睇返張單見到應該收錯錢，我返去問職員職員完全冇心幫我解決，後面有客人直接處理咗後面嘅客人放低咗我喺門口冇再返過嚟。真係好想問吓呢間餐廳點樣做到收呢個價錢

My friend ordered beef noodles via their QR Code, but was given pork noodles.When we told the staff, he frowned and passed the problem to the other staff rudely. The other staff was nicer and tried to solve it by offering us some beef but it didn't come until the end of our meal. The Tom Yum Kung noodle I had was watery and the lemon grass drink was bland. The food isn't good and the service is one of the worst I've seen in HK.

今天和朋友11時30分到達黃竹坑 Southside Another Hound門口的接待員跟我們說你倆是第一個客人隨便坐我剛食完飯在喝湯的時候突然有一個兇神惡煞的女侍應站在我們面前她已經預備好收銀器跟我們說今天訂位很爆你兩需要立刻付錢然後離座電話顯示當時是12點33分我跟她理論入場時沒有人通知我們有60分鐘的用膳時間限制她竟然說我有很多訂位要應付總之你們要走香港市民請考慮是否應該縱容這種服務態度

服務差，唔抵食。同朋友約左喺Southside食晏，決定試吓一直都OK既Greyhound Cafe 旗下Another Hound。我地share嗰頭盤（雞翼- OK嘅）所以叫伙計等我地食完先上主菜。頭盤食到一半朋友主菜突然出現。佢食完，我嘅主菜無影，要催先到，雖然當時餐廳只有兩三抬。到左，個蟹肉奄列 D料少到難以置信。應該得兩羹蟹肉咁多，仲有一路D服務態度好差，完全好似係我地錯咁。唔怪得咁多人覺得香港飲食業。。。

帶位及埋單男侍應服務態度極差，佢應該希望無人入去間餐廳食。柚子沙律唔好食、 柚子好乾，沙律無汁。蟹肉飯，味道不錯，不過偏貴。菠蘿炒飯，Ok。燒和牛飯，牛肉幾好食。不過下次唔會去，因為個男侍應真係趕客。

本來中午兩個人放Lunch開心到店裡想豪食，點知接待既係一位帶口罩的中年男人，用煩躁的聲音求其叫我地坐。中午Lunch Set特別點了蛋糕，最期待就係百忙中享受佢，點知食完叫左好耐先上了一塊蛋糕，另外一隻蛋糕又要再提佢先識再上。上蛋糕時完全無叫我地選擇咩口味 然後問都唔問個叉叉左入去。 埋單既時候見到檯邊有好多唔同味但同樣價錢既蛋糕（綠茶，泰奶，etc) 問佢我：「套餐係唔係其實有得選擇其他味既蛋糕？」男侍應：「咩啊！！！？」我：「我指蛋糕 係唔係套餐可以選擇口味」男待應：「係係係係係！！！」態度非常之差 首先一開始唔知道有其他味道 所以以為Menu上所謂蛋糕就固定一隻味，到埋單問佢又問非所答。

5個人坐低, 枱面只有叉同湯匙, 可能諗住個個都叫set 所以無俾碟, 明既。到我地order 完, 因為全部都係share, 想問拎碟 揮左手好耐先有人應。當時好似只有3,4個侍應serve 全場 完全唔夠人手。其中一個男侍應帶住口罩 態度勁差。我問佢個手機app 落單點㨂set, 我一路講 佢一路好惡咁啤住我, 真係啤, 跟住我講完 佢一粒聲都無出 都係勁惡咁樣 好大力篤我個電話mon (當時我手拎住 差d 跌左), 去到果一頁, 佢都係一句聲無講過 就咁用食指指住我個mon, 啤實我 跟住行左去。全程嗯都無一聲, 好似我好阻住佢咁。到埋單 我地起身問左聲, 係咪出去埋單? 佢勁燥 好大聲咁講左 4次 "係呀係呀係呀係呀", 連隔離枱都嚇親。其他侍應係正常既。價錢都中等 唔算好貴野食一般 唔特別好食 但唔難食。冬陰公湯上枱時係出煙 但飲落係凍既, 我估計因為佢用個好大既碗懶靚咁裝 但個碗係凍既 所以一上枱即飲已經凍晒。 蠔餅煎得好, texture 係好既, 但完全無味 好似無落調味咁。蟹肉炒飯出色 乾身 好味。公司係附近, 成日都去呢個mall 食飯。不過因為呢個侍應 我以後都唔

The Southside 應該是南區最大的商場，作為南區人當然要去行返個圈。是日睇完戲就即場搵個地方食晚飯，挑選了Greyhound旗下的another hound café。環境寬敞舒適。鮮芒果酸辣鳳爪鳳爪去骨，味道酸酸辣辣，加上香甜鮮芒，更為開胃～酸辣火山骨酸辣火山骨的湯滿充滿蒜頭、荽茜及檸香，辣度非常小，喜酸的我喝了好幾碗湯！豬骨肉瘦脂肪少，吃上來非常香口。海鮮冬蔭公炒螺絲粉螺絲粉掛汁力十足！沾上濃厚的冬陰汁，開胃又惹味!海鮮份量亦十足！有大蝦及帶子！泰冰爽原隻椰子沙冰打卡一流！椰子味濃，不會太甜，不錯！

原來southside都開左another hound!!菠蘿海鮮炒飯呢個炒飯真係好正！炒得香噴噴，米飯粒粒分明，海鮮新鮮，菠蘿嘅甜味同海鮮嘅鮮味交融，帶出咗一種清新嘅口感。#馬莎文甜咖哩牛肉牛肉煮得剛好，軟嫩入味，搭配咗香滑嘅咖哩醬，真係好下飯。最正嘅係，佢哋嘅咖哩味道有層次，唔單止係甜，仲有啲微辣，食完令人回味。泰式蠔仔煎蛋配甜酸醬蠔仔鮮美，煎蛋外脆內嫩，配上甜酸醬，味道正好，可以中和啲海鮮嘅鮮味，作為開胃小食非常合適。大頭蝦冬陰功湯呢碗冬陰功湯真係唔可以錯過！湯底濃郁，香料味十足，蝦大隻又鮮甜，仲有香茅同青檸嘅清香，飲落去非常開胃。辛辣程度適中，唔會太過刺激，適合大多數人享用。

點咗個 雞肉菠蘿炒飯，作為午餐，嚟到嘅時候，買相好吸引！第一啖即刻試吓個雞肉，鞋到阿媽都唔認得，醃得好鹹！仲要裏便送咗舊魷魚圈俾我，估計係隔籬枱同一時間點咗海鮮菠蘿炒飯，啲料唔覺意跌咗落我度，不過個魷魚圈淡而無味！但食落啲飯就好好味，炒得啱啱好，仲有鮮菠蘿！正！如果可以揀走肉，我一定會揀菠蘿素肉飯！不過可惜冇得揀，只可以撩走啲雞肉，食其他材料同個飯！值得一讚，signature嘅凍檸茶，好好飲，除咗本身檸檬同茶嘅味道，仲隱約有一陣香味，不過我講唔出係咩味道！呢度地方闊落，都坐得好舒服！

Another hound cafe 位於黃竹坑新開於大型商場Southside 內，商場內不同食肆開始成型，吸引不少同區甚至外來遊客。它是出名精緻泰國菜Greyhound cafe 的副線，餐廳裝潢時尚，空間感十足，連餐牌都很精緻。鮮蝦牛油果沙律一看已經覺得放得太多沙律醬，多到睇吾到鮮蝦和牛油果，食落亦好膩，連食材味道都吃不出來。脆炸蟹肉粟米餅配酸甜汁一客五塊，剛炸起所以香脆可口，最重要入口不油膩，可能加左粟米粒，感覺冇咁邪惡；加埋酸甜汁令味道更多變化。菠蘿海鮮炒飯超喜歡原個菠蘿上，份量十足，海鮮用料不少，菠蘿粒也非罐頭貨，飯粒不會太濕，很易入口；淡淡的薑黃味是亮點，更添泰式風味。綠茶千層蛋糕可能放得耐了，連抹茶cream 都雪到硬晒，如果晚上想吃甜品，建議可以試吓即整大路甜品芒果糯米飯之類。整體來講食物有改善空間，價錢可以接受，環境完勝😃👍🏻

上次嚟呢個商場，啲舖頭都未開，今日再嚟，發現多咗好多新舖和餐廳。用手機影二維碼落單，簡單方便。🌱Fruity Shaky Yogurt呢杯健康飲品有菠蘿、蘋果、橙和益力多製成，酸味和果香味多啲，味道微甜。而紙飲管夠實淨，唔會飲飲下就溶。🌱炸蝦香芒米紙卷炸蝦香脆，脆漿唔厚，米紙卷口感煙韌，芒果清甜，牛油果嫩滑，沙律菜，醬汁甜甜辣辣。🌱脆炸蝦餅蝦餅酥脆，蝦肉味道濃郁彈牙，外面仲有九層塔點綴🌱泰式河蝦冬蔭功湯河粉冬陰功湯酸味多過辣味，仲有陣陣香茅味，味道不錯，而河粉形狀一片片，口感屬微軟身。🌱泰式柚子沙律柚子清甜唔苦，加左炸魚仔、椰子絲和花生，香脆可口。生菜新鮮爽脆。呢間餐廳有泰式風味，而味道自然，正合我心意。

The Southside不定時有新餐廳開幕，Another Hound是其中一間，Another Hound主打泰菜，是次點了以下菜式：🍽單骨雞翼味道一般，炸得過火，有點硬。🍽豬肉丸河好味，有泰式湯河風味。🍽啖啖蟹肉飯好味，想食多啲飯。🍽泰式海鮮意粉好味，但偏辣，怕辣的人未必適合。🍽雙重炸魚餅正常發揮。🍽泰式肉碎飯味道一般。🍽栗子千層蛋糕，綠茶千層蛋糕味道一般，無驚喜。

黃竹坑新商場THE SOUTHSIDE一開幕已經人潮洶湧.當中Geyhound 副線「another hound café」亦進駐其中.裝修簡潔有格調,除主打泰式菜外亦融合多種西餐菜式.多心朋友😏單單睇餐牌都用了十多分鐘~🔸招牌脆炸單骨雞翼($68)🔸泰式炸魷魚仔($98)兩種小食惹味脆口,魷魚仔配上紅綠椒及椒鹽. 雞翼香脆,單骨亦方便進食🔸泰式蠔仔煎蛋配甜酸醬($118)大大一份,雞蛋皮煎得金金黃黃.用鐵板盛著,内有芽菜及蠔仔🔸啖啖蟹肉黃咖喱飯($148)🔸Roti Bread($28)黃咖喱濃稠,配上雪白蟹肉,非常好送飯.醬汁挺多,忍不住多叫一份煎餅🔸泰冰爽原隻西瓜沙冰($78)🔸Innocent Voyage($52)用小西瓜承載非常可愛,啖啖西瓜冰,夏天透心涼.而另一杯Mocktail用西柚,菠蘿及橙打造,非常清新!