影片
港铁油麻地站 A1 出口, 步行约3分钟
继续阅读
电话号码
61306631 (24小時訂座或查詢)
附加资料
店內有Boardgame提供
营业时间
今日营业
12:30 - 00:00
星期一至日
12:30 - 00:00
以上资料只供参考，请与餐厅确认详情
有关奖赏计划
Board game式cafe《AnyMomentCafé》今日同一位識咗好多年嘅朋友，去一間比較偏僻嘅商業大廈內嘅board game式cafe餐廳，有得玩又有得食😊，芝士薯條：濃濃嘅芝士味亦帶有小小芥末醬味道，配上熱辣辣嘅薯條，絕對係不錯嘅小食😁。秘製咖哩炸雞扒配飯：炸雞啖啖肉，但咖哩汁值得一讚，香甜小辣👍🏻，鍾意食咖哩嘅朋友，我一定會推介呢一樣菜式😊。韓式牛肋條配長通粉：牛肋肉味濃軟淋淋，入口即溶，長通粉口感煙韌彈牙。😇蜂蜜蘋果水蜜桃茶：呢款茶係熱飲黎，淡淡嘅茶香係呢個咁凍嘅冬天飲非常合適🤭，另外我同朋友一致認為，呢款熱飲飲到最尾時候，茶香味道更加濃烈，可以留意下😊。水蜜桃益力多沙冰：益力多味濃郁，份量好多👍🏻，想嘗試水蜜桃嘅味道，建議要用匙羹撈下杯面頭嘅益力多沙冰同埋杯底嘅 水蜜桃汁，令兩者更為均勻😊。總結：今日呢個朋友，係我識咗好多年嘅朋友，今晚同佢喺呢個咁放鬆嘅cafe環境，一面玩、一面食、一面傾過往嘅往事，非常開心😄。cafe環境舒適，主要都係做熟客為主，cafe內亦設有大量board game，鐘意用下腦嘅朋友可以約埋三五知己，一邊享受美食，一面增進感情👍🏻。9
继续阅读
上次諗住walk in去食點知摸咗門釘，餐廳原來一定要預約，於是今次好醒咁電話預約返先去！🥹入口位置都幾難搵，要喺條巷仔入去紅色篷個位上去。上到去地方唔係好大，但係入面有好多唔同嘅board games~🍽️地中海香蒜雞柳螺絲粉 $138雞柳濕潤多汁，螺絲粉帶有口感唔會過腍，每條都吸滿唒醬汁。醬汁除咗有香蒜味，仲有濃郁嘅香料味，甜甜哋好好食！細問之下先知原來香料係老闆自己種嘅，好震驚，超有heart！🫶🏻🍽️韓式牛肋條飯 $139韓式牛肋條醬汁濃稠，牛肋條煮得好腍好容易入口，而且好入味，連埋配料嘅菜同菇超好餸飯。飯嘅形狀原來每客都有機會唔同，我嗰份係貓貓勁得意！😹🍽️瑞士雞翼 $65開party之選！雞翼好大隻但好入味，好容易咬到骨肉分離，甜甜哋好開胃！🍹熱情果茉莉花茶 $59 (套餐升級+$22)花茶好抵，可以添飲三次！熱情果味濃郁，酸酸甜甜飲落好舒服。🍹布拉格浪漫 $64 (套餐升級+$22)朋友杯布拉格浪漫係用咗紅肉火龍果加雪梨製，甜度高嘅紅肉火龍果加埋清甜嘅雪梨好飲又健康。.隔離枱玩住食，我哋就食完慢慢玩，開心！🥰
继续阅读
Happy Friday想揾個地方relax下，朋友話去AnyMomentCafé可以揾返童年回憶之餘，仲可以傾下計、食下野，仲要無限時，而家真係好難揾到個咁嘅地方。不過，朋友特別提醒我，一定要電話預約，咁就book定位帶男朋友去感受下🤭li間隱世cafe，雖然喺旺角，不過唔識路，真係會揾佢唔到P.S. 意外發現男朋友冇我嘅童年回憶，連波子棋都冇玩過，等我教你玩la🤣⭐️挪威森林老闆人好好，沖完出黎隻杯裝唔曬，會叫你飲d，裝埋比你，真係好好呀😍，從來未試過嘅體驗。飲品一入口就係滿滿嘅火龍果同奇異果嘅味道，好好飲，好夾⭐️補氣血茶老闆見我有選擇困難，喺menu揀唔到，就另外介紹左潤喉茶、補氣血茶，睇我啱唔啱，見補氣血茶幾特別，就試左，落枱果陣老闆仲會温馨提示，浸到有d色先飲。li個茶清清地易入口，打開個茶壺蓋，見到有幾款材料喺入面⭐️拿破倫肉醬煙鴨胸肉醬意粉有家嘅感覺，而煙鴨胸嘅數量都唔少，個面仲洒左d芝士粉添⭐️韓式牛肋條一落枱就忍唔住嘩左聲，好靚呀，熊仔好可愛😍個牛好淋呀，好正，個汁嘅味道好熟悉，全部夾埋就係又好睇，又好食⭐️瑞士雞翼男朋友鐘意食雞翼，所以加多個小食，雞翼有6隻，外層上色好均勻，食落都好入味，佢話好啱佢口味
继续阅读
呢種舊式咖啡店買少見少，原來呢間Cafe已經開業10多年，店內俾人一種溫暖嘅感覺，仲有board game可以玩！.小食我哋order咗瑞士汁雞翼，上菜嘅時候熱辣辣好香，雞翼幾入味，肉質嫩滑👍🏻.「煙鴨胸肉醬螺絲粉」入面嘅煙鴨胸份量非常多，肉質軟腍腍，同肉醬味道好match另外一定要試吓雞肉炒螺絲粉，入面嘅香料係自家調配，非常惹味，味道有少少似雞煲👍🏻👍🏻👍🏻.飲品有特濃朱古力同益力多沙冰，值得一讚兩杯飲品味道都好濃郁，唔會死甜.📍 AnyMomentCafé (旺角)旺角登打士街36號恆威商業中心9樓
继续阅读
呢間Cafe幾神秘，入口勁隱蔽🤫！入到去先發現原來係間唔限時嘅Board Game Cafe🎲，幾chill😌，氣氛好好，可以慢慢玩遊戲，唔使趕時間。老闆一個人做晒所有嘢，仲好有笑容😊，好nice👍，不時會介紹吓啲Board Game俾我哋，幾好傾😂。不過佢只係收預約客，想去嘅記得打電話預約先📞！秘製咖喱豬柳飯🍛 嘩！個飯竟然係鴨仔造型🐥🍚！好得意呀😍！豬柳炸得好脆😋，咖喱味濃郁🍛，唔會蓋過豬柳味。！個鴨仔造型真係加咗好多分💯！韓式牛肋條飯🥩 今次個飯係貓貓造型🐱🍚！同樣咁得意🥰！牛肋條配上個醬汁甜甜辣辣好開胃😋！貓貓飯造型同個菜式好襯😻！芝士薯條🍟 $58呢個芝士薯條🍟勁推介👍！必食呀！😋😋😋 老闆自創嘅醬汁，超好食！芝士味勁濃郁🧀，仲加咗少少吞拿魚🐟，口感提升咗好多！估唔到仲有少少酸瓜粒🥒，味道層次豐富，酸酸甜甜鹹鹹🧀🐟🥒，好夾！食完都唔油膩，勁正💯！益力多奇異果沙冰🥝 $48杯沙冰幾好飲🍹，益力多味突出，一啲都唔似坊間淡茂茂，酸酸甜甜幾醒胃😋！水蜜桃梳打🍑 $38水蜜桃味好突出🍑，飲落去好清甜，加上梳打冰冰涼涼🧊，爽👍！📍 **AnyMomentCafé**登打士街36號恆威商業中心9樓______________________________唔好走住，記得follow @eilidh_lifestyle 同like依個post______________________________#eilidh_lifestyle #foodie #AnyMomentCafe #boardgamecafe #咖喱豬柳飯 #韓式牛肋條 #芝士薯條 #益力多奇異果沙冰 #水蜜桃梳打 #香港美食 #hkfood #hkfoodie #cafe #美食 #delicious #yummy #instafood #foodphotography #foodlover #chill #relax #神秘入口 #預約制 #自家製醬汁
继续阅读
您可能会有兴趣的...