影片
港铁尖沙咀/尖东站 C1 / L5 出口
继续阅读
电话号码
34272288
开饭介绍
饱览维港景色，位于高层阁楼，Aqua是一间别具风格的时尚餐厅，Aqua Roma(Italian)提供意大利菜式，而Aqua Tokyo(Japanese)提供日本菜，让客人享受不同口味的菜式。
继续阅读
特色
浪漫情调
附加资料
请留意所有食客均需要使用「安心出行」应用程式。6位或以上订座, 所有食客需接种最少第一针疫苗。
营业时间
星期一至日
12:00 - 15:00
18:00 - 00:00
以上资料只供参考，请与餐厅确认详情
食家推介
招牌菜
相关文章
食记 (530)
一直都好想试依间餐厅，因为身边好多朋友都有推荐过，决定系女朋友生日黎试一试，头盘有生豪，但奈何肠胃唔系咁好最后都无食到有啲浪费，佢仲有个枝豆咸咸地真系几好食😂头盘系巴马臣火腿，味道都尚算正常。跟住有最钟意食既鱼生🙌🏻有啲炸物 但唔记得左个名噜跟住系意大利饭，少少咸同埋可能因为高级餐厅关系份量真系有啲精致😂唔够喉，但真系几好食跟住系自己整既铁板牛，真系全晚最最期待既一刻，几多成熟由自己控制，入口即溶😋鱼就正正常常加钱既甜品拼盘，如果钟意食甜品既，系会好满足总体黎讲，食物质素系okay既，但食完会唔够饱，气氛好好，环境睇到海好开心，价钱合理。
继续阅读
今日upload 相发现搬左。但其实黎Aqua 食都系为左个境。5年前老公同我庆祝生日黎Aqua 食sunset dinner ，环境食物都唔错。主菜的牛柳，好正个甜品拼盘都好，有5款。之后结婚一周年都系到庆祝。今年再回来，价钱无变, 面包无左， 甜品拼盘无得加钱，甜品同我想像的唔同左。牛柳细左好多，但个pizza 真系好大，食到好饱。但搬了，下年都未必会再回来食啦。
继续阅读
Beef tartare 🐄 $288 (8.5/10)份量比想像中大 最有惊喜系面头块脆脆 整得好精致 仲带点闪粉效果 食落味道超重薯仔味 完全好似食紧块薯片咁 他他面头都有啲调味 所以完全唔会腥Pizza con aragasta 🍕 $398 (7.5/10)呢款Pizza系佢哋其中一个signature dish 龙虾份量都几慷慨 铺满晒成个Pizza 但可能因为比较多汁 所以浸到块皮好淋 有啲难拎起 虽然系薄皮 但系个皮实在系太薄连个龙虾汁都唔系好承拓到🌟Tiramisu 🍰 $168 (9/10)全晚最有惊喜应该就系呢个甜品 卖相非常靓 系一个朱古力球形 另外仲有个朱古力酱分开上 原本以为系溶个球体 但原来个酱汁系冻嘅 所以应该纯粹想加重个朱古力味 虽然叫tiramisu但系佢有少少似cheesecake嘅fusion因为顶层系铺满住cream cheese而底部就系有啲手指饼 整体黎讲唔会太甜 味道唔错OVERALL: 推荐😆 (8/10)餐厅位于大厦嘅顶层 绝对推荐佢个一望无际嘅海景 特别系当日天气好好 可以饱览晒成个维多利亚港夜景 真系超级靓 环境比较昏暗 几有气氛 适合庆祝嘅场合 通常窗边位都有最低消费 但系当日好好彩 可能餐厅唔系好爆满佢哋就wave咗个min charge 餐厅嘅服务整体黎讲都几好 会预先问定客人需唔需要提早准备庆祝甜品或者有冇咩配合 非常细心 当晚亦都有位女职员非常热心咁帮我哋影相🌟为推荐
继续阅读
之前book咗Rosewood嘅staycation，佢就跟呃客嘅一餐晚餐，系three course dinner set上到去佢个环境真系好靓，见到好多人都系喺𠮶度庆祝生日，或者系周年纪念，张枱系望住维港个景，真系好靓呀个景色。嘢食方便前菜我哋分别拣咗，三文鱼鱿鱼刺身，同芥末猪肉饺子。个鱿鱼刺身几好食㖞，爽口得来又湿湿地佢处理得几好。个芥末猪肉饺子就冇咩特别，同平时系居酒屋食𠮶啲日式饺子差唔多，都系脆皮嘅。主食呢我就拣咗石烧和牛西冷，同三文鱼加带子石烧和牛西冷觉得依一个就普普通通，同平时居酒屋𠮶啲差不多。牛肉嘅质素都唔算系特别靓，食唔出系和牛或者好贵嘅牛。三文鱼加带子呢个就真系超好食啦，首先三文鱼同带子都冇overcook，煮得好嫩滑，而且个汁都非常之特别，有啲似千岛酱但系有酸酸地，配三文鱼加带子非常好食。而且佢出面系有黑色嘅炸浆包住三文鱼同带子，有啲似平时食吉列牛咁，但佢就煮得好趣，炸得来又冇令到啲三文鱼或者带子好油腻或者过熟。呢度菜仲要摆盘都好靓，好精致咁。甜品叫咗个Tiramisu同埋雪芭个雪芭就好酸柠檬味，而Tiramisu就唔够滑身啦。但系我哋𠮶日食系夜晚七点几，餐厅嘅环境真系非常之靓，望住个景啲嘢都特别好食啲！呢度系非常之值得嚟，但系就唔推荐过石烧牛啦，因为仲要自己整好麻烦，梗系人哋煮俾你食望吓警仲开心啦。
继续阅读
一个月前叫老公订Aqua 庆祝生日。见有人post 过d环境好靓，食物评价有好有唔好，但都想试吓。去到，首先我唔知道呢啲地方食晚饭有限时，仲寸嘴话得以前得个半钟？我哋又唔系食sunset dinner, 有d r 头。 咁无办法，入去坐低先算啦。我地坐嘅位置好好半圆枱因为有小朋友又唔饮酒.所以就单点。冇叫signatory menu. 烤八爪鱼，very tasty and juicy 好好味个Angus beef 做得刚刚好海胆海鲜炒饭及个牛油果鳗鱼反卷系好好味Margarita Pizza 就饼皮好薄，我哋要点两个先够😂最后我点了个Tiramisu ，佢哋见到我扎花知我生日，特别上盘，我哋好开心。全程员工都好nice 好热心，特别个好高嘅外藉女员工经常过嚟同我地倾计，又叫我地坐耐啲，又guide 我哋去影相位，又帮我地影相，非常热心。令到我比较cool 嘅老公都话会再去。野食系贵少少，但景，服务，值得再去。
继续阅读