b.o.t.h By Texas Burger

营业中

休息中

同朋友共3人到德福廣場晚餐，就選了第二期多食肆的那邊，朋友午餐時間經過都常滿座，查看價格可以，便特意提早兩天網上book位到來試試。地方不大，座位寬闊舒適，但擺位接近，比較嘈吵，一般西餐廳裝潢。選擇多，晚餐價格尚可，服務佳。忌廉汁鮮菌露荀豆苗黑松露意大利飯，朋友稱意大利飯不夠煙韌，味道尚可。寶雲酥海鱸魚，鱸魚肉稍乾，配菜蔬菜及薯角就不錯。我們都沒有加錢飲普通飲品就一般啦，繁忙時間用餐時間係75分鐘。

好少去九龍灣，最近朋友搬左去個邊，上完佢屋企打完機後，大家都肚餓，於是就落樓下德福廣場到食個Dinner，揀左間未食過既餐廳~~~.薯條係黑松露薯條，味道幾好，朋友話用幼薯條就扣分，用粗薯會好味啲，但我就鐘意食幼薯.牛排就配鵝肝+薯角，牛排幾腍牛味幾濃，一上枱我以為面頭個個係炸薯餅😂😂😂唔係餐牌寫都唔知係鵝肝…...Pizza係和風大阪燒小章魚，個邊好脆，整體都Ok.炸魚薯條就普通，無乜特別.

餐廳主要以人氣漢堡及自家製紐約薄餅為招徠，但紅瓦綠壁的美式裝潢，寬敞的梳化座位更令人喜愛。(1) 法式慢煮五香脆皮焗鴨底部有烤蔬菜焗薯角，口感偏爽脆。香草青柑橘燒汁中和焗鴨的腥羶味，肉質軟腍。相比西冷扒之下，更勝一籌。(2) 8安士加拿大N.Golden西冷扒 同場加映蛋黃哥：日本新紀元·曉雞蛋。雖說雞蛋一哥，但用於西式菜中，難免有少許格格不入。(3) Cappuccino(4) Expresso Tonic假日的慵懶，始於一倒而下的Expresso。凝望著上遊的氣泡，是沉浸式的享受。

星期日的早上，去九龍灣搵嘢食，選擇好多，但同步地可以選擇都唔多。響門口睇咗個午餐牌，見到都好似幾啱食，就入去坐低。叫咗個卡邦尼意大利粉，味道唔錯。跟餐嘅可以揀蘋果紅茶或者蜜桃紅茶或者檸檬茶。另外，我加咗15蚊要咗個湯同埋麪包，但係呢15蚊就真係好流，麪包同埋湯都只系得一半。卡邦尼意粉味道不錯，但係配埋餐湯同麪包，就非常之唔抵。下次要搵另一個地方食西餐吧啦。另外叫咗個漢堡包味道系唔錯，但係明明揀咗叫佢切一半，咩都冇做到。薯條仲要另外加22蚊。兩杯冰茶叫少甜少冰，冇少甜，亦都冇小冰。呢個服務質素。真係可以放棄了。

父親節去完九展， 4點來德福2期， 選擇此burger 店。1） 德州燒烤芝士牛肉burger 。 $88。7分漢堡扒肉較實， 不夠鬆， 林及欠肉汁＜已經唔係要全熟， 如果牛肉全熟米更硬＞漢堡醬汁及煙肉幾好味。 沒有薯條配， 要另外加轉加配炸洋蔥圈+$30餐飲。 檸檬水。 一般 5分2） 香濃風乾豬肉蕃茄意粉🥓🍝。$98 。 7分味道唔差， 汁都夾， 但一d都唔辣， 微辣都唔覺。意粉都幾彈牙， 唔會太林豬腩肉🐖就較肥。餐飲。 🍑蜜桃紅茶🥤。 差， 好淡， 冇味 3分3）巴斯克芝士蛋糕🧀。 $46 3分質感偏硬， 芝士唔軟棉， 唔似蛋糕質感， 又冇芝士味。4） 蘋果🍎肉桂卷。$56 6分肉桂香， 唔太甜， 卷偏少硬+實總評。食物。 7分飲品。 3分甜品。 4.5分服務。 5分（漏了炸洋蔥圈， 要催先炸）

本來只係打算去食飯 點知啲態度差到不得了 所以我便趁約會的對象沒有來到的時候草草離開了 但這間餐廳也太誇張 居然令我有一種非常不滿嘅感覺 味道尚可，但係太囂張 如果我可以選擇我唔會再去呢一間餐廳 因為manager同Server啲態度都奇差

穩陣發揮冇伏cafe，大大份高質梳乎厘班戟最抵食😙！・・・・・・・・・・・・・・・・・・・・🍛 慢煮紅酒燉牛面肉菠菜意大利飯 HK$128・味道：紅酒汁似蕃茄醬加酒，幾醇幾香口，吊起到牛面肉嘅肉香，幾好食！啲菇乾身唔算好重菇味～・口感：牛面肉嫩滑，飯粒煙韌，正常發揮。🍝 煙三文蘆筍青醬意大利麵 HK$108・味道：青醬好惹味，煙三文魚正常。青醬同煙三文魚都幾夾，兩樣重味食材加埋都冇好鹹/搶味，幾平衡。面頭加咗啲芝士粉同辣粉～・口感：正常冇特別。🥞 日式宇治抹茶紅豆麻糬梳乎厘班戟 HK$118・味道：呢個出色！好夠空氣感嘅梳乎厘班戟o(≧v≦)o，微甜配面頭輕盈甜甜奶香嘅奶蓋，滿足！班戟入面仲有幾粒麻糬粒，係台式鮮奶麻糬，正！抹茶都夠甘香，生果甜，紅豆綿🫘！・口感：梳乎厘同班戟嘅texture做得夠平衡，既有梳乎厘嘅輕盈空氣感，又唔會好似食咗陣風咁，有保留到班戟嘅存在感，食完會滿足嘅甜品！而且份量好大份，夠3-4個女仔分，抵食🤣・・・・・・・・・・・・・・・・・・・・🤰性價比：中～🤰9衝度：可試～🤰結論：作為大食波，份量夠足，絕對唔係呃錢得一啖法國菜式份量，同班姊妹食最啱！味道正常冇伏，

呢間係朗豪坊頂樓 Texas Burger 嘅分支，雖然主打 burger，但今次由於有朋友叫咗牛扒，咁我哋於是就叫 pasta 同 risotto 啦。先嚟個餐湯，係忌廉波椒湯，原先店員介紹嘅時候都擔心椒味太濃頂唔順，不過飲落又幾好飲喎，好 creamy，完全飲唔出椒味。餐飽細細粒，少少香草味，唔錯。主菜方面，最有印象係慢煮紅酒燉牛面肉菠菜意大利飯，除咗 risotto 軟硬度啱我口味外，醬汁味道亦夠濃，好啱重口味嘅我，面頭啲菇菇更烤得好脆好好食。朋友最鍾意 8 安士紐西蘭草飼肉眼牛扒配烤蔬菜焗薯角，我都覺得唔錯，百零蚊大大塊牛扒，性價比算高。由於叫咗七成熟，講真就唔會好 juicy，不過都算嫰滑有牛味，就係略嫌上面嘅蒜片多咗啲啲，食嘅時候要撥開，否則會影響牛味。side dish 都好食，唯獨法邊豆好生，食咗半條就放棄。煙三文蘆筍青醬意大利麵就同想像中有啲落差，因為平時食開嘅青醬 pasta，會比較多青醬同橄欖油，但呢個就非常 creamy，似忌廉汁多啲，青醬味好弱，雖然有啲失望，但其實味道都算唔錯。下次嚟，一定要試埋佢哋嘅 burger。

朋友買咗MCL特價戲飛 順便去嗰頭搵食🍔行過見到呢間德州過嚟嘅burger睇落好吸引❣️𝒯𝐸𝒳𝒜𝒮 𝐵𝐵𝒬 𝐵𝐸𝐸𝐹 𝐵𝒰𝑅𝒢𝐸𝑅 德州燒烤芝士牛肉漢堡 $88Juicy漢堡扒加埋三層脆炸洋蔥圈🧅食落十分香脆 洋蔥嘅香氣充滿着成個漢堡 仲有bacon配搭BBQ醬更多元化+ $16 𝒞𝒪𝐿𝒟 𝐸𝒮𝒫𝑅𝐸𝒮𝒮𝒪 𝒯𝒪𝐼𝒩𝒞將特濃咖啡加入湯力水 碳酸帶嚟嘅刺激感 夏日炎炎飲真係消暑又解濟☕️❣️𝒞𝒜𝒩𝒜𝒟𝒜 𝒩.𝒢𝒪𝐿𝒟𝐸𝒩 𝒮𝐼𝑅𝐿𝒪𝐼𝒩 𝒮𝒯𝐸𝒜𝒦 𝒩' 𝐸𝒢𝒢𝒮 (𝟪𝒪𝒵) 香煎加拿大N.Golden西冷牛扒(8安士)配日本太陽蛋 $195橙黃色嘅流心蛋賣相十分吸引有返咁上下厚度嘅西冷牛扒肉味濃郁 口感實在 相對少脂肪嘅部位口感豐富 食落超滿足❣️𝒩𝐸𝒲 𝒪𝑅𝐿𝐸𝒜𝒩𝒮 𝒥𝒜𝑀𝐵𝒜𝐿𝒜𝒴𝒜 新奥爾良什錦燴飯(2人份量) $278呢個海鮮飯真係好足料 扇貝 大蝦 蜆肉 章魚 雞粒樣樣有齊整體以蕃茄作主調 面頭灑上Taco粉同紅椒粉 同平時食開嘅西班牙焗飯有強烈對比 微辣惹火嘅口味相當特別

招牌德州漢堡，好多汁，配菜香脆洋葱圈，夾烟肉片、燒烤醬，一啖d醬汁爆滿，麵包皮如果再扎實d就更加好啦，香脆芝士菠菜牛油果沙律，就比較普通，自己係屋企都可以整，菠菜苗好嫩好脆，加香橙汁，呢個係我中意既~加牛肉要另加錢哦，食漢堡叫沙律會覺得漢堡更加好食，因爲可以解膩。

🎀ʙ.ᴏ.ᴛ.ʜ ʙʏ ᴛᴇxᴀs ʙᴜʀɢᴇʀ這晚在九龍灣德福發現Texas burger有開分店過往去朗豪坊都大排長龍這次在分店見有座位一於試試雖然餐廳主打漢堡包但也有很多不同的菜式包括有扒類、意粉或飯、甚至有疏乎厘我和朋友二人不算很肚餓所以點了兩個晚餐✩‧₊德州燒烤牛肉漢堡($113)ʀᴀᴛɪɴɢ: 𝟾/𝟷𝟶漢堡包很厚身層次分明 口感豐富一啖咬下去先是肉汁Juicy的牛肉漢堡漢堡扒煎得剛剛好沒有太熟喜歡全熟漢堡扒的可在QR code下單時要求Burger裏面夾着炸洋蔥圈及煙肉片兩者都脆卜卜吃下去很過癮另外夾雜着新鮮生菜和芝士配襯自家製BBQ醬豐富又開胃另外加了薯條炸得很香脆很快就整碟吃完了✩‧₊椰香冬陰功燒蝦雞肉意大利麵($125)ʀᴀᴛɪɴɢ: 𝟾.𝟻/𝟷𝟶冬陰功醬帶有椰子香超級惹味醬汁偏辣燒蝦共有四大隻每隻都幾爽口雞肉融入在意粉裏意粉煮得彈牙我和朋友整體都很喜歡✩‧₊蘋果紅茶（熱）✩‧₊蜜桃紅茶（熱）水果茶是跟套餐免費的兩者都可以選擇少甜或多甜這次兩杯都點了少甜甜味恰到好處水果味幾自然是幾有驚喜的跟餐飲品ᴏᴠᴇʀᴀʟʟ味道ᴛᴀsᴛᴇ:💕💕💕 💕 𝟾.𝟻/𝟷𝟶餐廳另收加一服務

同朋友係九龍灣睇戲🍿，試吓間美式餐廳環境光亮整潔，座位闊落舒適，灰綠色同粉紅色主調，有啲美式時代感，係睇戲前唔錯既選擇～· - - · - - · - - ·🔸 𝓣𝓮𝔁𝓪𝓼 𝓑𝓑𝓠 𝓑𝓮𝓮𝓯 𝓑𝓾𝓻𝓰𝓮𝓻 $𝟖𝟖🔹 𝓑𝓵𝓪𝓬𝓴 𝓣𝓻𝓾𝓯𝓯𝓵𝓮 𝓕𝓻𝓲𝓮𝓼 $𝟒𝟎🔸 𝓑𝓻𝓸𝔀𝓷 𝓒𝓻𝓲𝓼𝓹𝔂 𝓢𝓮𝓪 𝓑𝓪𝓼𝓼 $𝟏𝟒𝟓🔹 𝓟𝓮𝓪𝓬𝓱 𝓣𝓮𝓪 (𝓗𝓸𝓽)· - - · - - · - - ·🍔𝓣𝓮𝔁𝓪𝓼 𝓑𝓑𝓠 𝓑𝓮𝓮𝓯 𝓑𝓾𝓻𝓰𝓮𝓻 個包用牛油烘過，好香好豐富，有生菜、炸洋蔥圈、芝士、燒煙肉、燒烤醬、好𝓙𝓾𝓲𝓬𝔂 既牛肉👍🏻整體係好好食，出色既🍔 配菜有啲酸瓜幾開胃～🍟加左個黑松露薯條➰配咗個蛋黃醬係幼身既美式薯條加埋鹹鹹地嘅蛋黃醬，好香脆可口😋🐟朋友叫咗個寶雲酥海鱸魚配烤蔬菜焗薯角，海鱸魚外脆內嫩，仲有啲薯角同埋黃色翠玉瓜伴底，不錯兩個主菜都包飲品，揀左熱蜜桃紅茶🍹😁· - - · - - · - - ·個人整體評價📝/巧吃：7.8/10✨/價錢：7.5/10 🌟/服務：8/10 💫/打卡able：7/10✨/清潔度：8/10⭐️/人均：$150· - - · - - · - - ·b.

巨型Burgerssss同薯條山大家都係食burger, 所以最後成枱都係唔同款式既Burgers晚餐個main跟餐湯,多士,同飲品我地叫左幾款漢堡, 上到黎大大份,勁多薯條,份量多到我食唔哂 (浪費了~)點餐時可以掃QR Code揀個漢堡要唔要切半, 自選飲品可以揀少甜少冰等1.德洲燒烤牛肉漢堡 ($138), 好香BBQ醬味2. 艾斯阿格牛肉漢堡 ($138), 蕃薯條甜甜脆脆的 鐘意口感同層次3.卡爾谷煙燻車打牛肉漢堡 ($138), 好有肉汁>>>埋單

哥哥考試成績派左😄考得唔錯👍老公話要出去拍拖！知我鐘意食甜品🍮🧁🍰上網見到梳乎理好吸引🥞所以今日揸車過黎德福食，順便行街睇戲💗忌廉蕃茄三文魚配烤蔬菜焗薯角🥩 $138三文魚肉既油脂香味非常濃郁，讓單調既蔬菜增添魚香鮮味！口感好rich好creamy🤭艾斯阿格芝士牛肉漢堡🍔 $88肉質鮮嫩多汁，加上脆炸蕃薯條，再配上溶岩芝士醬🤭椰香冬陰功燒蝦雞肉意大利麵🍝 $118香脆嘅大蝦🍤配搭煙靭嘅意粉，將酸辣既冬蔭功湯變成意粉醬汁，惹味又醒胃熔岩提拉米蘇梳乎厘班戟🥞 $118梳乎厘外脆內軟，每一啖富有空氣感之餘，提拉米蘇入口即溶，真係食到停唔到口🥹

去開九龍灣想食個下午茶，機緣巧合之下發掘到呢間美式cafe，一見到個門面就知道有design過，餐廳以灰紅色為主調，走工業風又帶啲時代感，地方闊落坐得超級舒服空間又大，服務態度又好～推薦！🍔🍝[雞肉忌廉芝士意大利麵］$88雞肉味道適中同意粉嘅份量岩岩好，忌廉汁非常幼滑又香濃，配搭埋芝士簡直係絕配環境 ⭐️⭐️ ⭐️ ⭐️性價比 ⭐️⭐️ ⭐️推薦度 ⭐️⭐️⭐️ ⭐️人均消費:$ 83 (另加一)整體分數:92.78