影片
以上资料只供参考，请与餐厅确认详情
【沙田区】【bakehouse】难得约到中学同学食晚饭，几条佬又开始烦食乜。跟住有人提出呢间，咦，我都几好奇，原来呢间烘焙店竟然有做埋餐厅。门口整埋餐厅区域自助排队机方便排队，的确，睇返啲报道，之前都真系几多人排队。不过我哋去𠮶晚就好彩啲，排三张就到我哋喇。间嘢系食西餐嘅，系少少精致𠮶只，唔系一份质饱你𠮶啲，所以都要谂吓点配搭。不过呢度都有照顾呢啲选择困难症顾客嘅需要，直接以 $360 一位嘅价钱食「All In! 套餐」，厨师发办，面包、前菜、主菜、配菜、甜品乜都有啲，只系需要讲低唔食乜就可以。我哋就有遵守佢哋「全枱参与」嘅规则，要食一齐食。要两位或以上先可以叫呢个，我哋亦都够人。而佢哋个餐应该唔算好多肉食，所以可以每位加 $80 转一款主菜做「M4和牛西冷」，成件事就滋味啲。不过我哋比较想食佢原本嘅套餐，加上穷，就唔转喇。叫完呢个套餐之后，大家嘅心情都舒畅咗好多，因为唔使谂食乜。侍应妹妹都好用心讲解个餐有咩食，四位嘅话就会提供十四样食物，包括两款面包、四款前菜、四款主菜、两款配菜，同埋两个甜品。亦都可以另外叫嘢饮，不过我哋冇叫到嘢饮，净系饮水。面包方面，有各 $68 嘅「乡村酸种面包配蒜香海藻味噌牛油」同「意式鳀鱼茄子芝士面包」，我觉得个酸种面包吸引啲，𠮶款牛油亦都有种好特别嘅咸香。而后者就似啲蕃茄包咁，我唔太热衷呢个味，属于口味问题，本身佢落埋鳀鱼落去，都算系有诚意嘅。前菜有四款，各 $128 嘅「蜜糖白桃布袋芝士」同「松露生牛肉他他」就比较出色，前者为芝士加上甜味，好特别。后者就几浓香牛味，够晒邪恶。令到 $98 嘅「辣蕃茄酱猪牛肉丸」同 $88 嘅「蕃茄蜜瓜沙律」相形见绌，冇特别，加上个人唔好蕃茄味。主菜最出色系各 $248 嘅「黑松露烟肉芝士通心粉」同「Bakehouse 酥皮肉批」，前者嘅松露味唔会太抢，烟肉芝士味够香，后者个馅系牛脸颊肉，都有牛味出到嘅。而 $268 嘅「脆炸酿芝士猪扒」系厚粉薄切猪扒，都几油几肥腻，有啲似喺南美食到𠮶啲。主菜仲有 $268 嘅「招牌辣酱烤春鸡」，都几细份，但系个辣酱系惹味嘅。配菜就有各 $48 嘅「蒜香脆炸薯条」同「鳀鱼酱宝石生菜沙律」，前者炸得几好，热辣辣，外脆内软，有个好似 mayonnaise 咁嘅酱点吓，肥仔咗。后者嘅生菜几够味，个咸香系正嘅。最后系甜品，有 $88 嘅「酸种酥皮苹果挞配冧酒意式雪糕」同埋 $58 嘅「甜粟米软雪糕」，前者个苹果味唔系太浓，但够甜够邪恶。后者系夏日限定产品，粟米味雪糕配牛油粟米粒喺层次上已经够特别，加埋海盐焦糖同埋粟米片，有少少食爆谷咁嘅感觉。我自己计佢哋本身加埋系 $1852，不过由于系餐厅发办套餐，最后加埋一埋单先 $1584，每人 $396，都真系食到我哋饱嘅。而呢个加一都系值得收嘅，每位侍应上菜都有稍为讲解𠮶道菜，负责我哋𠮶边嘅侍应妹妹亦都勤于帮我哋嘅水杯加水，大家都好满意。。。（地址：沙田沙田正街18-19号新城市广场一期2楼247号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田区 #沙田 #bakehouse #GrégoireMichaud #AllIn套餐 #M4和牛西冷 #乡村酸种面包配蒜香海藻味噌牛油 #意式鳀鱼茄子芝士面包 #蜜糖白桃布袋芝士 #松露生牛肉他他 #辣蕃茄酱猪牛肉丸 #蕃茄蜜瓜沙律 #黑松露烟肉芝士通心粉 #脆炸酿芝士猪扒 #招牌辣酱烤春鸡 #Bakehouse酥皮肉批 #蒜香脆炸薯条 #鳀鱼酱宝石生菜沙律 #酸种酥皮苹果挞配冧酒意式雪糕 #甜粟米软雪糕 #1am1808 #1ambackup
继续阅读
本身已经系Bakehose fans，终于可以试埋沙田餐厅，装修好似返咗英国咁，好舒服好relax。睇餐牌样样都想食，咁不如来个All-In，4人嘅All-In有14道菜，咪以为碟碟唔系好大碟，但绝对可以抱住个肚走🤓✨🍴乡村酸种包配蒜香海藻味噌牛油：酸种面包冇得输喇😋✨🍴辣蕃茄酱猪牛肉丸：肉丸切开仲有汁✨🍴脆炸鱿鱼配香蒜蛋黄酱：鱿鱼热辣辣好香口✨🍴松露生牛肉他打：牛肉好鲜✨🍴蜜糖白桃布袋芝士：芝士跟包甜甜咸咸很配合✨🍴招牌辣酱烤春鸡：很香很嫩口✨🍴蒜香脆炸雪条✨🍴黑松露烟肉芝士通心粉：焗芝士通粉完全把黑松露嘅香味带出✨🍴酥皮肉批：批内肉是猪脸颊肉，所以好弹牙✨🍴辣肉肠白酒忌廉汁青口配酸种法包：青口鲜甜✨🍦开心果雪糕：好多开心果我钟意呀❤️！仲有个提鱼酱宝石生菜沙律和朱古力慕士，但因最多只可放12张相，所以俾唔到大家睇啰😝。总括来说每位$360+10%唔算平，但值得👍🏻，品质与份量你唔会失望。
继续阅读
呢间餐厅喺沙田开张冇耐，一直都好高人气，今日平日嚟到同三位朋友一齐食晚餐，六点几左右，都等咗差唔多两个钟先食得到。我哋冇叫佢嘅all in套餐，因为有几样嘢系特别想食，所以散叫。松露生牛肉他他($128)从无味好浓，生牛肉亦都好新鲜，整体嘅配合度好高，好好食。作为前菜绝对系高水准。招牌辣酱烤春鸡($268)配蒜香脆炸薯条($48)只鸡大概半只左右，但系细咗少少，食得唔够喉，佢嘅辣酱好惹味，但系又唔会太辣抢走咗鸡嘅鲜味，鸡肉唔会好干，仲锁住咗啲肉汁。除炸薯条，佢系新鲜炸出嚟嘅，个蒜香蛋黄酱都好好食。龙虾芝士通心粉($298)呢个真心推荐，佢嘅龙虾啖啖肉，用来滑虾汁捞埋啲通心粉，真系好浓郁，只可惜份量都系太细，就算一个人食都唔够，更何况share。甜品就叫咗威士忌咖啡意式雪糕($68)食落去食到淡淡嘅威士忌味，质地都唔错，唔会太甜。整体上呢度环境舒适，坐得舒服，员工嘅服务态度都好好，可惜性价比唔高，呢个价钱，份量有少少太细。
继续阅读
平时有买开佢既浦达同包，呢间有堂食，d comment 讲到好好味咁，今日试左个lunch, 失望，2 人成$400 ，得2 个course 同一杯菜，转latte 果d 要加50，贵过买一杯，冇转到.味一般般，重点系份量超细，食完都唔够饱，再冇下次
继续阅读
蜜糖白桃芝士配香脆面包几好食🤤炸鱿鱼配香蒜蛋黄酱有咬口得黎超香口另一道面包菜式为鳀鱼茄子芝士面包 餐厅将面包融入菜单真系冇得输✨主菜加钱试澳洲M4和牛西冷肉嫩多汁芝士通粉加巨量黑松露片亦唔会腻-前菜 x 2 🧆蜜糖白桃布袋芝士脆炸鱿鱼配香蒜蛋黄酱-面包 x 1 🥖意式鳀鱼茄子芝士面包-主菜 x 2 🫕澳洲M4和牛西冷配炸洋葱圈及芥末胡椒酱黑松露烟肉芝士通心粉-配菜 x 1 🥙蒜香脆炸薯条-甜品 x 1 🍨粟米雪糕
继续阅读