BB雞蛋仔

营业中

休息中

如果說香港街頭小食，其中少不了雞蛋仔文化，是從小吃到大的一款街頭小吃，去到國外都見有賣雞蛋仔的店，當然不及本土好👍🏻👍🏻👍🏻👍🏻👍🏻👍🏻相信比較有名的就是BB雞蛋仔及媽咪雞蛋仔。這次去到BB雞蛋仔柴灣的總店，這裡一整條街都是小吃，這家店主要賣不同口味的雞蛋仔及格仔餅，還可以加雪糕😍😍😍😍店舖外一堆人在等候，就知道他的吸引力了！由於選擇太多，我也花了一點時間！最後決定買熱賣款22元的比利時朱古力味雞蛋仔🍫做好了他會用風機吹一下，我發現他的紙袋上也做了特別的設計，袋上有幾個小洞，應該是幫助散熱，令雞蛋仔不容易變林，視覺上覺得佢比其他店嘅雞蛋仔分量較多，他做到皮脆內軟，而且咬開是滿滿的比利是朱古力粒👍🏻下次要試香橙朱古力味

今日eatmug9 #6今日楊師傅有幸放假， 同女朋友行行下街，咁啱有啲口痕就想搵啲小食咬下， 老遠已經見到呢間BB雞蛋仔有堆人排隊，咁我就過去睇下有啲咩食。呢間舖頭主打雞蛋仔同埋格仔餅 ，而楊師傅對格仔餅就情有獨鍾， 一於叫番個經典的格仔餅表示楊師傅嘅專一。呢間舖嘅格仔餅咁好賣係有原因嘅，格仔餅要新鮮出爐先好食呢啲廢話就固然唔使講啦， 唔知道係楊師傅靚仔定係啲原材料唔使錢， 花生醬牛油煉奶砂糖冇一樣嘢係落唔足嘅，再配合埋佢crunchy嘅餅底，楊師傅當堂要大叫好好味呀!呢個格仔餅絕對係可以返啅

返工經過BB雞蛋仔，聞到好香夾餅、雞蛋仔味，仲有好多學生坐喺舖度食緊，仲食得好滋味咁。其實趕住返工，所以只係叫咗一杯港式珍珠奶茶。味道係一般奶茶咁，茶味唔算特別濃，甜度一般，係咪好港式，又唔係好覺得。珍珠方面，都有啲咬口，但唔係好入味，以$14買到一杯珍珠奶茶，我覺得質素都可以接受。下次一定要試雞蛋仔同夾餅。

香港傳統小食賣少見少，以前周圍都可以見到賣雞蛋仔格仔餅既小店。宜家，係街見到既都係連鎖小食店，賣既格仔餅，就好似濕左水咁，又軟又濕。呢一間bb雞蛋仔，特別之處係有好多特別既味道，今次會試金沙格仔餅。望落去，平平無奇，但佢入面係夾左大量金沙既朱古力同脆脆。配上外脆內軟既格仔餅，完美配合。完全唔似某連鎖小食店，濕立立。而且即叫即做，唔係整好放曬係到日火燈。等待時間會比較耐，但熱辣辣，好值得。最重要最重要，只係賣20蚊，良心價格。👍

綠茶雪糕格仔餅＄20今日有事山長水遠黎到柴灣，朋友特別推介雪糕格仔餅本來想order忌廉芝士或者珍珠奶茶味雪糕，點知賣哂退而求其次，就試下綠茶味雪糕order既時候，收銀員見到我地兩個人主動問我地洗唔洗切開兩份，好貼心格仔餅即叫即整，等左5分鐘左右熱辣辣既格仔餅，外脆內軟夾住凍冰冰既雪糕雪糕大舊到個格仔餅成本字典咁厚！mark到個口最大都咬唔到三層既雪糕同格仔餅！綠茶雪糕味道比較淡，冇好香濃、滑既感覺，亦都冇抹茶既回甘但＄20黎講，唔好要求咁高啦

之前去太古城行街，經過見到雞蛋仔+2個雪糕球盛惠$58！太！誇！張！吧！因我樓下食開的「B.B.雞蛋仔」只需$20，是同樣的配搭哦，當然材料是什麼我沒有考究，可能人家是手制雪糕或雞蛋是什麼特定國家的雞蛋。但吃這些甜品健康這個議題都是拋諸腦後，否則應該不會放這堆「高卡」食物入口。材料也不賴，看了吃入口更心安呢。好多雜誌報導的，相信不少人冒名而來。我真幸運，住得甘近，幾時想食就可幫襯。這個是比利時朱古力雞蛋仔+曲奇雪糕+綠茶雪糕 $24我叫的「比利時雞蛋仔」需加$4。幾乎每粒雞蛋仔都放了朱古力，熱辣辣的半溶化朱古力配上軟熟雞蛋仔是人間極品呀！配上冰凍雪糕又是一絕。

食過一次忍唔住再食多次，夾餅最底食，雪糕打到個夾餅實哂！第二次就試食雞蛋仔雪糕，同雞蛋仔個味幾夾，份量確係多，雪糕應該係用特別牌子，比一般雪糕要滑，加上價錢唔係貴，絕對係抵食又美味之選！啱哂我呢隻貪心的小豬

好耐之前已經知道柴灣有一間幾出名食格仔餅夾雪糕既鋪頭 有好評所以咁遠都過嚟試 去到鋪頭面前仲要見到有好多款雪糕揀芝士控當然要揀cream cheese啦！好開心個格仔餅唔使2分鐘就到手

返親娘家食飯，有時候如果興起就會順便去樂軒臺掃下街，BB雞蛋仔都幫襯過幾次。老公鍾意食雞蛋仔，所以第一次去order左一底，但比較令人失望，雖然外層夠脆，中間亦唔係空空洞洞無餡，但就欠蛋香味。相比之下，雪糕格仔餅比較好味，雖然用同一樣嘅蛋漿，但因為夾左大大舊雪糕，所以食落去唔會發覺格仔餅蛋香不足嘅缺點。我試左個抹茶味雪糕格仔餅，20蚊價錢黎講，咁大舊雪糕仲想點，雪糕味道正常。阿妹點左朱古力味雪糕格仔餅，雪糕裡面有朱古力粒，算幾有誠意。仲有雪糕雞蛋食，但由於我唔太欣賞佢嘅雞蛋仔嘅關係，就唔試喇～

下午在柴灣吉勝街，光顧過一檔外表不起眼，但卻偏偏有正宗港式茶餐廳「茶走」 飲品，和長度有一定程度份量的炸魚柳豬仔包的茶餐廳後，我慢慢返回柴灣港鐵站，但是還未到啟程回家的時候。因為我還有需要留在柴灣，穿過港鐵站到柴灣的另一邊，去「柴灣道」那邊的屋苑「樂軒臺」，找柴灣一間賣港式格仔餅和雞蛋仔的小食店，食店名稱叫做「BB雞蛋仔」。「BB雞蛋仔」的其中一個最大的賣點，就是雞蛋仔或格仔餅，夾着冰凍雪糕來食的另類食法。雖然「雪糕雞蛋仔」或「雪糕格仔餅」，在坊間其他小食店都曾經見識過，「雪糕格仔餅」稱不上是「BB雞蛋仔」別樹一幟的獨有食法。但是「BB雞蛋仔」最吸引的地方，是食店每次刮起的雪糕，都是非一般尋常的大型份量，這個才是「BB雞蛋仔」出奇制勝的賣點。可能「BB雞蛋仔」是柴灣附近一帶，比較少有售賣「雪糕雞蛋仔/格仔餅」的小食店，所以「BB雞蛋仔」吸引到不少食客，而且不是單純只有年輕的食客，我甚至見到有些上了年紀的老友記，在排隊購買「雪糕格仔餅」的行列之中。雖說「BB雞蛋仔」提供的「雪糕格仔餅」口味多達十五款，但是「BB雞蛋仔」在柴灣自己也不乏當地的街坊支持者，所以才是我最擔心的事，在我光顧當日亦

我都深明 大家一熱就會好想食雪糕～但單單一球唔搞搞新意思 又點會滿足到大家啊🤤-金枕頭榴連雪糕格仔餅 ($26)呢個絕對喺有驚喜🤤首先金枕頭榴連雪糕都幾重榴連香味 而且食落仲有少少榴連肉 又唔太溶得快👅👅👅榴連味是有的 不過個人覺得奶味會比榴連味再重啲😂😂😂格仔餅即使喺夾咗雪糕 都依然保持到脆身的口感 而且蛋味都幾重😍😍😍不過真心幾抵食其實 因為都夾咗差唔多3球嘅雪糕份量喺格仔餅到💓💓💓

今日做完公司的工作， 行過時見到多人排隊， 應該有好東西吃吧。由於多人買，所以也要等15分鐘左右，這段時間最好是看看店舖還有什麼賣左右兩邊的大大張拉架MENU，清楚列明其他售買的食品，而且也易吸引人看。頭頂也有MENU介紹好吸引的雪糕格仔餅，好吸引，但可借今日腸胃不太好，不可以食雪糕還有這個雞蛋仔雪糕杯要等下次了!!今次吃的原味雞蛋仔， 雞蛋仔裏充滿著餡，外面也夠脆。  好味而飽肚。

同細妹去柴灣圖書館還書之後索性行多兩步黎買格仔餅等緊既人唔多不過咁啱我前面嗰家人 三大一小一口氣order 3個雪糕格仔餅果然佢地攞到上手先知食唔哂...要知道呢度既雪糕格仔餅真係好大份我次次都要有人share先夠膽叫免得食唔落兼食唔切 到時融哂就喊出黎...雖然有段咁既小插曲但係我既曲奇雪糕格仔餅都好快整好十分鐘都唔洗 仲以為前面買咁多 要等好耐落單時 叫店員切開兩份諗唔明點樣可以切得咁靚格仔餅外面好脆老實講蛋味欠奉 曲奇雪糕有好多餅碎主要淨係食到原味雪糕既味道無咩曲奇味但係咁抵食就唔好咁挑剔啦半份格仔餅已經有外面三球雪糕咁多下午茶食 正啊！兩個人分 每人先至$10

早前見雜誌介紹，同朋友放工專程黎試下。由柴灣地鐵站，都要行大概十分鐘先到當晚去到大約已經夜晚九點了本身想試比利時朱古力味雪糕格仔餅已經賣哂好多味都冇貨了不過呢，我同朋友都分別選擇左綠茶味同埋曲奇vanilla 味雪糕。 同樣好好味字典咁厚格仔餅夾雪糕廿幾蚊都幾抵食真係好大份炎炎夏日食依d 就最岩餅底唔算好脆，不過混合雪糕一起食口感幾正因為天氣太熱既關係，要同時間競賽，因為雪糕溶得好快。食到有d 「呢啡」😝放心，有個紙袋裝住

平時講黎講去都食正餐，今次就到小食出場。我食過好多次呢間小店嘅雪糕格餅、比利是朱古力雞蛋仔、流心格仔餅等。今日主角係冧酒提子雪糕格餅，格餅即拎即食，皮唔算好熱，大大舊雪糕，不論冬天食定夏天食都一流心情唔好食一舊都下晒火😂因為太大舊嘅關係，我一個人食唔晒，唯有拜託店員幫我整開半舊，同友人開心share！冧酒提子雪糕好重酒味，如果對酒敏感嘅人千祈唔好食。雖然酒味濃但整體都好好味夏天食要食快啲，佢大舊所以一定會漏緊啲雪糕落地下。以26蚊一大舊黎講，好抵食。雪糕質地滑，唔係平就一定唔好，呢間小店證明仲有良心企業。唯獨我一直唔鍾意佢格餅嘅配方，唔夠脆而且唔夠蛋香，所以我通常唔會叫普通一個格仔餅。以一件小食標準，佢完全做到大件夾抵食。餡料亦相當足料。如果想去試，提提你一定要記得帶紙巾，盡量避開放學時間。因為好多學生會去食。呢間小店都採用取票制度，俾完錢就會俾張票你，聽號碼拎食物，好少出錯。而且一般都唔會等超過15分鐘。細食的你，記得搵多個朋友一齊去食，雪糕格餅份量太多，一個人食晒有少少勉強。又或者咁講，食完食唔落正餐😣整體來說，質素價錢成正比，但冇提供位置堂食。只提供幾張櫈方便顧客等食物，呢方面扣