影片
港铁观塘站 A2 出口, 步行约6分钟
继续阅读
电话号码
91319850
98302587
营业时间
星期一至六
11:00 - 17:00
星期日
全日休息
以上资料只供参考，请与餐厅确认详情
駿業熟食市場翻新左好一段時間，保留原來街市風貌，多間唔同餐廳進駐呢間BBQ都係食第二次，唔知係咪我地晏定疫情影響，係好少客餐湯質素就麻麻，似中式打芡嘅西湯，料好少，當佢贈飲就好了A) BBQ皇牌燒雞1/2 $48燒雞好濃郁香草味，雞肉嫩滑，呢個價錢出去只食到碟頭飯咋B) 美國橙車打芝士牛肉漢堡 $55牛肉漢堡大又有肉汁，食到少少肉筋，芝士冇偷細，薯仔沙律係店員介紹，好味C) 墨西哥雞肉芝士薄餅 $45呢個好抵食，好有墨西哥風情，蕃茄同酸忌廉嘅酸度真係好開胃，薄餅少少燶好香好正F) 脆香巴馬臣芝士炸豬肉眼 $50兩大塊豬肉眼不得了，炸到金黃香脆，個青檸蜜糖芥末醬真係頂呱呱意粉佢落左汁煮，我會寧願佢就咁混欖油香草或者蒜蓉炒，因為意粉汁同個豬扒醬混埋一齊
继续阅读
食burger食烤雞咁抵嘅餐真係唔知邊度搵🤪性價比幾高 仲要係食到飽住走xd 係個舖位要啲時間搵 係熟食街市外面都見到咁靚嘅餐牌 就知無去錯地方佢個舖面雖然係有啲細 但勝在好有待客之道💛我係tea嘅時間去到(仲可以減5蚊)係有唔少客 但未至於要排隊等位 店員都比客吹住水咁食 唔會趕人走 呢點先係食得咁舒服嘅原因🥰重點係！點解係50蚊左近嘅價錢 都可以有餐湯、餐包、主食、餐飲、甜品 又唔係劣食 實在比n個👍佢都得！。。。🦔👉BBQ皇牌燒雞配脆薯皇 $48呢個招牌點可以唔試！望住咁大件雞😂即刻慶幸自己有同frd子黎開心share kekee 雖然無影到內在比大家睇 但佢比我想像中嫩、易入口 係厚啲部位例如雞胸嗰度有啲乾身 但有佢嗰燒烤醬就無有怕🤣(望住佢用好似去camping嘅cup再望下其他餐碟即刻好有feel⛺其次佢底部墊嘅薯菜其實都唔少 沾埋啲雞肉汁 令平凡嘅薯菜升級哂 我個人就幾okay呢度嘅烤薯仔同椰菜🤪。。。🦔👉美國橙芝士漢堡牛肉漢堡包配脆薯皇 $55我絕對相信佢個酸青瓜係自家製🥴因為真係酸到我差啲接受唔到 同金拱門相比絕對係有過之而無不及🤣好彩塊牛肉漢堡厚得黎肉質幾嫩😋質感唔柴易入口 加埋芝士幾jenggg 仲有得拉絲!! 我最鍾意嘅薯皇質感薯得黎唔乾身 份量都算幾多 perfect池 。。。🦔👉黑松露蘑菇忌廉湯+蒜蓉包普普通通 但起碼比罐頭湯有誠意 有另加料！食到粒粒蘑菇粒 再望住佢塗得咁均勻且烤過嘅蒜蓉包☺頭盤黎講都加哂分啦。。。🦔👉甜品根本無諗過會送埋甜品🤩仲要係焦糖脆面！味道唔會過甜 燉蛋又好水嫩 成個西餐由頭食到尾 對佢唔滿意至奇！真係好欣賞佢有咁嘅心思同誠意💕
继续阅读
️ BBQ王牌燒雞+薯皇（餐湯配蒜蓉包）以呢個價錢來講真係幾抵食！仲會有蒜蓉包仲有餐湯～蒜蓉包都OK😉燒雞再加薯皇係絕對夠飽！以呢個價錢同份量來講真係性價比極高～燒雞都幾滑🤤同埋另外有個sauce加埋都幾好，個人覺得加埋嗰sauce 好食啲😂
继续阅读
行過路過唔好錯過，今日經過駿業街，行咗入去駿業熟食市場1樓嘅 #BBQ , 試下哩到嘅午餐先嚟哩個#德薩斯州煙燻BBQ手撕豬絲漢堡包 🍔配捲心菜及脆薯皇 ， 開始食之前見到佢哋用不鏽鋼平底鑊仔上碟同埋擺盤，已經覺得非常有誠意同心思未試佢嘅味道，已經加分唔少，無諗過喺熟食中心都有西餐廳嘅感覺講番個包先佢哋嘅BBQ汁非常惹味，唔太鹹，仲有啲甜甜地，感覺有啲似日本嘅照燒汁，但無咁「傑」身，配上用哩個豬肉絲，真係好夾，而且佢哩個豬肉絲非常淋身，一啲都唔「un」，當中嘅神來之筆，就係佢唔係用肉碎，好似平時做漢堡嘅方式去處理，而係用肉絲嘅手法，咁樣加容易夾雜多啲BBQ醬汁, 食落更加 juicy 有味，真係好有驚喜。值得一提就係佢哋選材嘅漢堡包，好厚身但係好軟熟，唔會死實實好好咁吸收醬汁同肉汁，令到成個豬肉絲漢堡包唔會餡料還餡料，包還包咁，好一體化，令人真係食緊一個完完整整嘅一個漢堡包🌻🌻🌻🌻🌻另外跟住包配上嘅脆薯皇，上枱嘅時候啱啱炸起熱辣辣，脆卜卜加上少少微辣真係好惹味，再加埋哩個捲芯菜作伴小小咁伴起嚟，去咁啲油膩，帶起一份清新嘅感覺🌻🌻🌻🌻而另外一道，就係 #至尊靚扒 ，即叫即煎嘅美國 #安格斯肉眼扒 , 外面煎得好香口裡面肉質非常嫩滑好多肉汁, 而且足足有7安士 , 仲要非常有份量, 加埋哩個黑椒燒汁, 簡直係相得益彰, 錦上添花, 配合得天衣無縫🌻🌻🌻🌻而且餐廳收費非常超值, 如果經過開附近咁就一定要上嚟哩到 試下BBQ喇BBQ Grilled and Baked (觀塘)觀塘駿業街67號熟食市場1樓40&44號舖
继续阅读
平日下午時分去到，吾洗等有位坐滿心期待試個漢堡，雖然知道佢烤雞係熱門食物，但見網上都有人讚佢個牛肉漢堡，多汁大份點左餐好快上忌廉湯配一件小蒜香包食落個湯比較稀，冇咩忌廉味，吾算濃滑，個包都凍左稍稍變軟身，冇咁香口🥲好快上飲品同正餐喇 到枱望落真係名不虛傳，個包係好大份，薯格份量雖吾算多，但最後食到好飽望一望裡面有咩餡料，有大大塊既牛肉漢堡，好厚一塊，但配料就略為單調，只有一塊芝士同好少既醬🥲🥲🥲 呢點係略為等失望，味道食落較單調味道冇傳說中咁好味，個漢堡肉口感軟身有少許牛味，但未去到傳聞所講既多肉汁。後期食落會乾口，醬汁吾夠，加上個包好大，雖然有烤過，食落脆口軟熟，但包既香味亦略為遜色。而飲品質素算係普通，值得一讚係可免費轉凍飲👍🏾👍🏾總結係價錢抵餐大份，味道就普普通通，或者期望愈大…因為睇左好多人讚佢，下次可試下佢個烤雞
继续阅读