Beans the Rambler

营业中

休息中

中秋🥮放半日帶陳皮妹食青衣Beans，門口冇人但等位等咗5分鐘，入座三個人真係俾三張櫈，想🤔搵第四張櫈擺嘢都唔得👎。QR code落單，叫咗焦糖香蕉🍌早餐🥣窩夫🧇（炒蛋）$94，配凍美式咖啡☕️$0少冰加奶，加龍蝦🦞湯$44，加Mandarin Orange$30後上。另一個餐肉眼扒七成熟太陽🌞蛋蕃薯🍠條$168配凍美式咖啡☕️$0，加Tropical Paradise$30。Tropical Paradise上先，係一個外觀菠蘿🍍既cake，入面有菠蘿🍍蛋糕🍰同菠蘿🍍粒，唔錯👍🏻，陳皮妹食咗一半。之後上餐飲凍美式咖啡☕️，幾大杯，陳皮妹倒瀉🫗奶，咖啡☕️味適中啱我。牛扒🥩上先，我鐘意有d肥，有牛味，唔韌，蕃薯🍠條都炸得脆。龍蝦🦞湯分體上，料有蝦肉同蜆，侍應再喺我面前落湯，湯🥣夠濃，正👍🏻。All day breakfast等咗成半個鐘，要催個店員先有，點知最出名既bagel型waffle竟然係凍，失望🙍，但點蜜糖🍯同cream陳皮妹係咁食。最後上Mandarin Orange,係一個橙型既蛋糕🍰，外層橙味朱古力🍫，陳皮妹食哂，入面係橙味蛋糕🍰。食到皓飽。埋單滿$200用Citi減$40

和朋友一起吃飯，下午客人不是很多，可以直接入座，不用等位置。進店前店員會介紹不同的消毒搓手液，可以根據自己喜好選擇香味，為雙手清潔。入座時剛好趕在午餐餐單截前，點了蝦醬帶子意粉。帶子鮮嫩，配着蝦醬一起吃，味道意想不到的合拍，不過意粉有點overcook。因為我們都很餓，另外加點了甜品和黑松露醬薯條。剛炸好的薯條非常香脆，配着香濃的黑松露醬，令整體增加了層次感。甜品也很好吃，焦糖燉蛋很嫩滑，而且又不會很甜。

今日約左朋友四個人食下午茶，叫左三個主食+1個凱撒沙律🥗，本身印象中Beans嘅Pizza🍕係好細件好似麵包咁切開四份，但係今次有驚喜～芝士Pizza配上開心果碎，味道層次豐富，而且有6件, size都唔細；珍珠元貝大澳蝦醬忌廉汁會沾麵，上到嚟發現根本就係烏冬，味道亦較淡，只有幾粒小帶子；仲有一個海鮮意大利飯不過不失。食晒三個主菜發現沙律都仲未上，原來係漏咗落單，但估唔到一個沙律都要等差唔多半個鐘，但沙律比主菜出色～

我和友人今天晚上到青衣城beans吃晚飯, 已經不是第一次光顧，但每一次都在一個舒適嘅環境享受美味食物。朋友離開的時候，不小心弄跌玻璃杯，當場的職員不但沒有黑面及責怪，還小心翼翼地安慰朋友說：「沒有事的！」這個溫暖的感覺留給我們很深刻的印象，香港的食肆如果每一間都能做到如此使人溫暖及有這麼好的服務，就好了！

今日同朋友去青衣城諗住搵嘢食，無意中見到呢間cafe，有聽過但係從未食過，就諗住試下。入去叫咗個黑松露軟殼蟹意粉同青蘋果蛋糕(Garden of Eden)，蛋糕略嫌有啲甜，但係形狀非常獨特。意粉好重黑松露味，軟殼蟹都好脆，值得一試。

平時去青衣多數睇show前去食下野，青衣城最方便，唔想食得太hea，就會搵cafe舒舒服服坐下，入面部分座位係靠窗，有日光嘅時候光線透入黎幾舒服，坐位正常闊落，幾開揚黃金蟹肉意大利粉擺盤幾岩打卡，有埋蟹蓋好似好足料咁圖見到啲汁都好足，而且見到幾多蟹肉嫁，蟹肉無腥味，溝埋個汁仲有份咸鮮味，唔會太咸，仲有啲菇做配菜，忌廉汁菇菇幾好味Banoffee Pie一件賣相幾靚嘅蛋糕，材料有朱古力杏仁撻、焦糖忌廉、香蕉，3樣配搭無可能唔好食吧蛋糕甜而不膩，下次會試埋其他蛋糕

因為都隔咗一段時間未食過BEANS, 所以經過就排咗一陣隊食下。我哋3個人叫咗3樣野食, 第一個必叫係黑松露軟穀蟹意大利粉, 第二個我哋叫咗個新款-紅酒燉牛面頰意大利飯, 第三個就叫咗個開心果蜂蜜味PIZZA, 再加咗1個以優惠價好似$30 既黑松露醬薯條 同每款加咗$30 有1個MINI CAKE, 我就叫咗2個 CAKE SHARE......本人自己鐘意食黑松露醬既關係, 所以我覺得配飯,意粉都好MATCH, 不過都要視乎廚師調個味道得唔得,LEE道菜加咗好多菇類, 同埋有個少量既軟穀蟹炸物, 食落唔會咁"滯"。咁啱個日我見到隔離枱有1對母女都叫咗2碟 LEE 款意粉各自享用,  就知佢幾咁受歡迎。LEE 款意大利飯有少少番茄酸酸地既味再加上佢落咗少少辣粉 - "酸酸辣辣"咁食落有D驚喜,因為感覺上又唔會好飽驚食唔晒, 不過都係最好同人SHARE 可以一齊試更多野食。紅酒燉牛面頰 - 肉既質地佢炆到好"琳", 但又唔覺得有紅酒味, 相對成個味道都有6-7分......而開心果蜂蜜味PIZZA, 因為冇影到相所以POST 唔到俾大家睇到, 正正常常冇咩特別, 我覺得係甜甜地既味再灑

成日覺得青衣都無野好食, 咁岩經過青衣要食D野想搵間舒服D既CAFÉ坐下好似都係得呢間咋~ 平日既LUNCH又估唔到都幾多人喎LUNCHSET選擇唔算多, 有包指定飲品, 嗌左杯啡就加$10 ,可以接受的~手撕豬肉漢堡包賣相吸引, 份量都唔少嫁, 最得意係有成塊生紫洋蔥比你另外食因為一般都係夾埋落個包到嘛 , 食完個口臭足成日呀!!跟沙律菜都新鮮既, 好過跟薯條嘛, 健康人生最特別係薯蓉,佢比平時個種薯蓉更軟滑,同食落好香奶味, 有驚喜的杯啡有拉花算幾有誠意丫~因為$10 咋嘛 不過啡味唔算濃的, 偏淡口

是時候公開個人私心最喜愛的Café！「Beans」在香港現時有9間分店，西式食品加入Fusion元素，而且出品水準極高！價錢合理之餘，選擇什多，食物質素又高，周不時亦會推出新品，經常幫襯都不會悶！🍴黑松露軟殼蟹意大利粉 Soft-Shell Crab Spaghetti in Truffle Cream Sauce ($132)超香超濃郁的黑松露！軟殼蟹鮮炸酥香，但要趁脆快點食！🍴烤原條八爪魚鬚蟹膏意大利飯 Crab Paste Risotto with Grilled Madako Tentacle ($168)因為是整條八爪魚鬚，口感確實有點過韌，需要用比較鋒利的刀才能切開！若切成小粒先食口感其實是可以的，但不想「用力」的話就不建議點啊！味道而言是十分入味！🍴焦糖蕃薯條 Caramel Sweet Potato Fries (+$30)基本上每次都會點的Side Dish！焦糖加上蕃薯的雙重甜味，邪惡又滿足！🍴焦糖單骨雞翼 Caramel Single Bone Chicken Wings ($62)外脆內嫩，甜甜的味道令人食不停口！

難得一天有自己的假期，今天瞓到自然醒後，梗係要去揾間 cafe chill 下啦!見到有新menu 推出，就打開來看看，見到有不同款式配搭的圓碌碌牛角包，就想試試! 我揀咗個煙三文魚Benedict牛角包，size份量不太大，好香牛油味；配埋個羽衣甘藍藜麥沙律，同杯熱嘅美式咖啡，簡直是健康加美味的絕配! 食完正餐當然要加個千層酥甜品先夠圓滿啦! 千層酥依然好有水準，夠酥脆，cream與餅干一齊食又不太甜，好幸福呀!

食個飯都好似賣難受咁員工質素好差 叫極人都冇人理 用對講機傾計咁大聲 仲要講哂粗口水吧位身型大隻女士 長期黑口黑面 呢一種叫做好嘅員工？？西餐廳？？似大排檔咁 😀😀仲有野食 意大利飯 生的 男朋友食完返到屋企 係咁柯 腸胃炎🥲🥲🥲希望貴公司可以作出改善🤦🏻🤦🏻🤦🏻🤦🏻🤦🏻青衣荒島已經冇野食 🥲🥲🥲🥲經過今次之後寧願食其他野 都唔會再幫襯💩💩💩💩💩💩💩💩💩💩💩💩💩💩💩

蜂蜜Banana 窩夫最好食嘅可能就係嗰個雪糕球了，蜂蜜窩夫個樣有啲似Donna，一開始以為會好好食，就係睇住個窩夫去食嘅，仲要為會係嗰種好有彈性好煙靭嘅麵包，但其實好冧，一啲都唔好食，跟住邊邊果啲爆谷，雖然係焦糖味但係真係燶燶哋，唉，嘥咗條蕉，而且都唔便

今日素顏入去附近呢間Beans食咗個午餐，叫咗一個黑松露意大利飯，另外加咗一個黑松露薯條同埋一個拿破崙甜品，個黑松露飯好香好味煙煙韌韌另外最鍾意食佢哋個薯條個黑松露醬都好好食，最後食咗佢哋個甜品拿破崙好脆好香甜，仲有一杯荔枝梳打顏色好靚，同埋一杯玫瑰latte，賣相好正，環境舒適坐得好舒服，整體嚟講都好滿意佢哋食物同埋環境其實已經去過好多次，重有佢哋D消毒洗手液我都有買過，味道好消香，可以回購👍

星期五午餐時段，只係嗌咗一個午餐加一個意粉， 12點入單， 12:40都未有，有個牌寫住外賣等候時間20分鐘，如果一早知道要等40分鐘唔會嗌，唔知堂食係咪都係要等咁耐，外賣自取就好離譜

喺旺角朗豪坊睇完從今以後，這一套戲做得幾好，值得推介去睇吓，去咗4樓嘅豆子食個午餐，叫咗紅酒燉牛面意大利飯加飲品，黑糖薑母茶，連埋+1 合共$92 ，賣相OK牛肉好林一啲都唔老，啲飯就硬咗啲同職員講，職員話第一種意大利版本身質感係比較煙靭，他們幫我在主林啲，都好快有得食，薑母茶，味道適中唔係太甜．服務態度同質素都幾好似冇乜味精，咁下次可以嚟試吓其他款式