Bien Bistro (已結業)

I'm not really a coffee addict, but still a chilling activity to have a cake and a cup of coffee during weekend late afternoon. The price is reasonable, both cake and coffee are more than expectations. 

自從知道咗餐廳19號休業之後，帶咗朋友今日即刻又黎食。朋友嗌咗我上次我覺得超值嘅紐西蘭肉眼扒，試完都話平靚正，仲話啲薯條都好脆好好味我今次就嗌咗：黑松露長通粉。食第一啖已經覺得超級正，有好濃好濃嘅黑松露味。我超級鍾意黑松露，但平時喺其他餐廳食黑松露嘅野食，嗰陣黑松露味都好淡，所以今日食第一啖都幾驚喜，超級推薦呢碟黑松露長通粉！平日lunch time正價減15蚊，即係呢碟通粉都只係$77，都幾抵！如果以後都有得食就好

今日自己喺荃新天地食lunch，見呢間裝修幾靚就入左店員推薦話紐西蘭肉眼扒好扺食，原價好似係$178，午市特價$108，仲要送湯/沙律同埋飲品，個價錢係幾吸引嘅，叫咗黎試吓。牛扒賣相都幾靚，睇落幾似喺高級餐廳据扒，有得揀幾成熟。牛扒好厚身又juicy，仲配薯菜，以呢個價錢嚟講算係好抵食。餐廳環境都幾舒服，今日平日唔多人，唔洗等位。當我諗住約朋友下次一齊再黎食既時候，喺門口見到呢個牌⋯⋯原來佢做到今個月19號咋！難得揾到間滿意嘅平價扒，結果就黎結業，真係有啲可惜最後附上餐牌：

星期日在荃灣海濱跑完步，由於近朋友屋企，就在佢家樓下食餐好既！話晒係荃新天地商場內，坐下來正好休息一下！今次去咗Bien Bistro食！我叫咗個印尼炒飯，presentation 好好， 但雞只有兩件，飯質煙韌，肚餓就乜都好食，可惜份量較少！朋友叫咗個漢堡飽，牛肉比較＂鞋＂，過熟，但不失牛味！另外又叫咗個All day breakfast ，乜都有D，炒蛋好正，又厚又香，腸仔一般！最後加杯凍咖啡，補充晒體力！

荃灣其實好多好野食但連鎖店係比較多比起連鎖店 我比較欣賞有個人特色既小店呢間餐廳既蛋糕出面比較罕見應該係自家製佢呢個蛋糕叫醇香抹茶慕絲蛋糕咁醇香呢方面 我有所保留因為佢未至於我坐係佢面前已經嗅到佢陣味但食落口 可以叫做淡淡清香抹茶味就一般 都係因為太淡味而蛋糕層 佢係夾心形式一層海棉蛋糕一層慕絲如果淨係慕絲 會太creamy但淨係海棉蛋糕又太dry所以夾心咁食 係聰明既做法而個漢堡包因為吾係我食 係我朋友食我既評價係行緊過黎都嗅到Overall坐得幾舒服幾岩傾計用食物又吾算太貴

次次行過見到呢間餐廳都坐滿人 出面排曬隊咁今次我終於食到喇大約十二點倒去到 所以餐廳入面冇乜人餐牌午餐只有三款 包餐湯飲品不過仲可以叫主餐牌既野食 我去個陣就包餐飲同餐湯 仲會減十五蚊 後來發現原來門口餐牌有寫到日式醬汁西冷牛肉飯呢個系主餐牌叫既 分量真係好大 牛肉同飯都好多 醬汁幾好味 不過牛肉唔多似西冷 似普通牛肉 幾瘦意大利寬條面配雜椒雞肉忌廉白酒汁呢個系lunch special 三個中其中一個 雜椒味好重 雞肉比較少 忌廉白酒汁幾香 不過會有少少漏另外我地仲加多左個小食水牛城雞翼跟lunch special 加28蚊呢個小食等左好耐 因為系餐廳即叫即炸但係有少少失望 28蚊有三只但係只係普通炸雞翼 要點個汁先會有水牛城雞翼既味道 比較遜色不過系門口見到呢間餐廳因租約期滿 去到8月中就會結業喇

網上睇到呢間餐廳好多好評，但原來伏味甚濃。Openrice上任何被讚既食品都無，話改咗餐牌喎，但有啲講緊一兩個月前咋喎！結果根本淨返好少選擇，難怪晚市都只有小貓三兩隻。由於想食乜都無，都無咩心機，見坐低咗又餓啦就叫少少食啦。面包正常既，不過個人就唔鍾意咁脆既包，一摵就碎晒。沙律正常。呢個龍蝦意大利飯，我地以為叫咗粥呀，會唔會太濕身呢？好奇怪⋯⋯唔知點解，雖然都唔至於好難食，但可能對呢間嘢有期望，非常失望而回。

其實呢間嘢我幫襯不下5次了，一直冇寫食評。好嘢係要大家一齊分享既，所以今日來寫一寫先首先要講下座位，呢間算坐得舒服闊落，睇得出老闆唔會因為想搵多幾枱錢而將枱凳擺到密麻麻。我地兩個人去食，有時就算滿座都可以座到四人圓枱，呢點好難得，抵讚嘢食方面（因已幫襯左多次已經唔記得影相），佢既全日早餐算係中上，個多士好好味，肉類就不過不失；漢堡都唔差，肉厚又多汁，不過調味可以再重d，湯圓我已經算食得清淡都感覺好似冇乜味😅；我比較鐘意佢既意粉，爽口彈牙，食完會仲想再食！嘢飲都係佢既一個特色，推薦棉花糖朱古力，好香又唔太甜，啱曬湯圓我唔鐘意咁甜依家埋單仲會有$40 coupon送，下次幫襯滿$200就用得。咁其實兩個人來食都差唔多夠數可以用，唔錯哦！

午餐，三人share 三个sets, 試左唔同野食，質數可以喎，average around $100 per head, 又晤太多人，坐下傾下咁，佢冇趕你，都算relaxing 嘅

星期六同媽媽黎食brunch,之前都有留意呢間黎評價唔錯，但都未有機會試過，今次試完覺得好一般。set 有沙律或湯選擇，我選了湯，呢個應該係有椰子既湯，酸酸地，都幾特別，但唔係特別好飲，一般。媽媽叫左呢個benedict spinach ciabatta, 佢話幾好食，咁我睇落賣相都ok的而我就叫左all day breakfast, 其實all day breakfast, 我唔會期望係有幾好食，因為最重要係有齊應有既野就得，咁佢都無令我失望既。條腸係幾好食，煙肉煎過龍，太硬，媽媽話佢d 煙肉好食好多，煎得岩岩好，有肉汁，而我果d 太燶。但我個人又覺得，都可以接受。荔枝紅茶，真係有兩粒荔枝，雖然係罐頭荔枝，但都算有誠意咁點解我會話失望，就係服務。。。我點餐時，問侍應，請問薯條可唔可以轉配第二樣野，佢話即係咩，我話例如薯蓉或薯角，佢聽到係好無禮貌既態度答我無。。。搞到我覺得我自己好似問左個好無理既問題但其實好多西餐廳，唔配薯條都可以配其他野，倒如薯蓉。。。呢位姐姐令我怕左佢再黎serve 我。。。我體諒佢，可能係有病，因為佢帶口罩，但咁既服務態度真係令我同媽媽都覺得唔係幾愉快

我今日同女朋友係去機場之前經過荃灣食個午餐之後先再出發黎到Bien食個靚午餐先上飛機午餐時間唔算多人所以服務同食物質素都非常之好我地叫左兩個set lunch 頭盤一個叫左南瓜湯一個叫左沙津都唔錯餐飲叫左普通的熱咖啡同熱的夏日果茶都好好飲呀之後加28蚊就可以加個水牛雞翼做前菜小吃個辣味相當岩岩好之後輪到主菜pasta同牛扒正呀牛扒五成熟好正呀仲有pasta都好香兩個人埋單二佰蚊到係可以接受同合理的臨走前仲有40蚊優惠卷可以下次再黎食

約住屯門好朋友gathering，找個中間點方便大家走，於是決定荃灣。 荃灣話大唔大，經過一輪搜尋先決定搵BienBistro。我個女仔唔太大食，就散叫菜式：Bien's Beef Burger ($98)Burger size比較細，但漢堡扒同埋煙肉係新鮮煎熟，切開個包個時仲係熱到出煙。另外配搭黑醋沙律&薯條，黑醋係我最愛，所以一定加分。燒雜菜千層麵（$78）見咁新奇菜式，一試無妨。面層滿佈蕃茄醬&芝士粉。所謂燒雜菜其實係茄子🍆。 個人唔係太喜歡芝士粉，刮走哂粉先食個麵，味道覺得幾fresh，適合素食者食。焦糖布丁抹茶（$36）誤以為抹茶面頭有層焦糖，誰知原來係一杯鮮奶抹茶另加一小件焦糖布丁，有點被騙feel，但$36算係呢個質素。雖然飲品有點伏，但食物價錢同餐廳環境算得上高質，值得再試！

食物好味之餘，質素好，set dinner 亦不會給你一些（行貨）。例如跟餐的daily drinks 不是一般咖啡奶茶，而是荔枝紅茶，有凍有熱，亦不會只給你荔枝味茶包，而是給有兩顆完整荔枝的飲品！店舖不大，但waitress數量亦不會太少，服務態度好，會温馨提示你哪一邊洗手間比較清潔。一定會再幫趁！

A nice place , good environment for dinninga bit expensive and taste of the dishes just ok. not specialgood coffeemany dishes serve with wooden board, for better presentation?? which i doesnt like as germ usually hidden therefor my beef, the vege got lots of water all over the board. which seriously affect the taste of my dishone of the male waiters is quite in-experiencemay re visit occassionally lunch time visit is less expensive

喺商場入面果間書局打完書釘, 一行出黎就見到呢間餐廳, 望望入面環境, 見餐廳人少少就入左去試下｡ 職員好快就遞上餐牌, 而且主動向我地細心解釋餐牌食品, 非常有禮貌 餐前麵包麵包屬於硬身型, 不過都好脆｡ 隨包附上薯仔醬, 個醬非常好味, 忍唔住問職員拎多碟｡牛肉漢堡包配薯條個漢堡包嘅牛肉有非常多肉汁, 但塊煙肉略嫌煎得唔夠脆｡ 薯條亦都唔係即炸, 應該係已經炸定好耐, 食落去好乾, 唔脆口｡泰式冬蔭海鮮長通粉第一次食呢個配搭嘅長通粉, 冬蔭功混埋忌廉煮成醬汁, 味道好特別, 而且長通粉唔會 Overcook, 食落去有咬口｡ 配料有大量海鮮, 隻大蝦非常彈口｡青蘋果檸檬茶有好多青蘋果粒, 雖然青蘋果味唔多, 但勝在唔會好甜, 味道非常清新｡