Big John (已結業)

角色:John大大(J) 版主(K)J:埋黎食野吖，我地呢度有唔少素食選擇，有竹笙上素飯🍚、鮮茄豆腐飯🍚、任你揀白汁，鮮茄汁，咖哩汁既雜菜飯🍚，仲有…………K:我今晚「唔嗅米氣」，唔想食米喎J:唔緊要，我地仲有沙律套餐，有鮮果沙律、薯仔碎蛋沙律，更可以配格仔餅、炸饅頭呢d小食，都唔錯架!K: 沙律我怕會唔夠飽………🙊J:咁………有啦，我地有上素雲吞麵……K:😍😍😋於是，版主昨晚就試了John大大店的素雲吞麵啦。雲吞麵🍲可選配蕃茄湯底，而雲吞共有4粒(售價36元)，饞嘴的版主為了在祭「五臟廟」表示誠意，特意再添加雲吞3粒(共1X元)😋。上素雲吞麵的蕃茄湯底，蕃茄味稍嫌不夠，味道若能更濃，便可使人更為開胃。雲吞的用料頗為豐富👍，有蘿蔔粒、木耳、炸菜等，雖說在材料上沒甚麼特別驚喜(J大大可能心諗:俾omnipork同impossible burger你切粒做材料好冇……你這客人都真係奄尖🤣)，但味道上都是可以一試的。如果有朋友過開尖沙咀，又剛巧想試素雲吞，John大大會是一個可以考慮的選擇。順帶一提，John大大仲識整素菜三文治架，如果晚上收左工，想食三文治的，都可以8點前搵下大大的

叫左栗米豬扒飯，要求豬扒另上，嚟到收我$62？另上者，唔使收我17蚊呀？好啦，打開之後超級失望，啲汁淋係飯面，（飯盒係一盒兩個格果隻）另外一邊係放無味草青菜，成為$46 無嘢飲

呢間店我以前返工既時候已經成日食，佢位於尖沙咀，非常就腳好多返緊工既人仕都會lunch time 去食！而且係 全 場 爆 滿 ！ 裝修有特色，會有好多相掛咗係牆到，又會有好多餐牌掛曬係牆到，所以一抬頭就可以簡食咩啦！我今次叫咗個雞扒飯加例湯，格仔餅加凍寧水。雞扒飯簡咗個沙嗲汁，份量好足夠，汁同飯又多而且雞肉係好滑好林！再加個例湯，個湯我好耐見過個湯可以咁滿。。。仲要好有火喉又夠重口味！個格仔餅更加唔洗講，無叫多醬都好多醬，又夠熱！ 再加個凍寧水，正！放飯食放工食下午茶食又得推介：Big John

收藏左呢間餐廳好耐，之前搵過邊到有好既炸豬扒食，唯獨呢間多好評之餘又夠平，但佢關門時間比較早，終於搵到一日就岩時間一齊去試。我係佢臨關門嘅時間去到鋪，入面都仲有幾個人食緊野，而且陸續都有人嚟睇下仲有冇得嗌嘢食，好似都幾受歡迎我嗌左份豬扒薑蔥豉油撈丁，以尖沙咀呢個地段來講＄37係真係好平，喺其他餐廳只係等於一杯嘢飲嘅價錢。呢間餐廳係自己搵位嘅，大部份都係吧枱位食嘢，揀好食咩就去cashier嗰度嗌嘢食同俾錢唔知係咪見到太多好評，所以食嗰陣有啲失望。。。啲豬扒韌韌地，炸粉外層都脆，但成日同啲肉分開咗。啲麵亦都唔夠調味，忍唔住自己落左少少豉油黎撈。不過個餐好就好在份量都幾大份嘅，呢個價錢來講可能我唔可以有太多要求啦。。。

桑寄蛋茶係女士恩物之一...所以有時候某d日子我都會去食呢間桑寄蛋茶紅棗味好重, 個蛋煮得剛剛好, 蛋白唔會太硬..，而且唔會過甜鳳爪沙律正常......個味都幾開胃!豬手撈丁好食...豬手重味, 不過份量好少...，得3舊，而麵我覺的汁比較少

約左朋友未夠鐘經過Big John入去食個Tea小食店環境唔大，全部座位面壁叫左個薑蔥豉油撈丁套餐 $57有撈丁，小食，同糖水薑葱豉油豬扒撈丁 豬扒炸得香脆，唔乾份量大到遮晒個撈丁撈丁好味小食：格仔餅奶醬餡，外脆內軟Good 糖水：桑寄生蓮子蛋茶材料十足，有紅棗香味，隻蛋好好食份量好大，食唔晒，味道好，超值

喺尖沙咀呢個地段附近，澳門茶餐廳，池記，翠華，蘭芳園經常都係國內同胞打卡嘅地方，要避免大排長龍，Big John可能係其中一個選擇⋯⋯呢度地方細細，但係食物種類非常多。除了招牌嘅格仔餅同炸豬扒，以前早餐都會點粥，平時就點什扒飯，都係貪佢夠大份，大食嘅我一定夠。另外手撕雞好開胃，佢配個酸辣醬同酸青瓜一流。沙葛魚蓉雲吞都唔錯。我嘅至愛就係炸醬辣肉撈烏冬，好啱我口味，不過要星期六至有，而且遲去都好快賣晒！今次試嘅泰式肉碎撈面就明顯差一截，肉碎太多，而且太乾身，冇咁惹味！炸豬扒就保持水準，仲有檸樂煲姜，真係冇乜餐廳有，總是滿足的一餐！

嗌左個餐 ，等左半個鐘左右，我店鋪既電話響左三四次，每次響我同事都有拎起電話聽，但無人出聲，我估係咪個外賣到左，如常去平時拎外賣既地點去拎個外賣，出到去見唔到有似送外賣既人，就打比big john求救睇下個外賣佬響邊，點知電話個人竟然話，個外賣佬打比您個電話都出唔到聲，佢宜家打比個外賣都無用，我一聽到火滾，咁即係唔幫我處理呢單野，第一，你地個外賣電話有問題錯不在我，我仲特登出去睇下個外賣到未，第二，我見唔到個外賣佬，打比bigjohn求救係正常，根本我唔會有外賣佬個電話，但您地唔幫我處理，第三，你地唔幫我處理，我可以點？我緊係即刻唔要個外賣，唔係點知要我到幾時？好，到我嬲到同電話個人講咁我唔要啦個外賣，隔左5分鐘，人地行到去老遠，至講個外賣佬響個度，到我講返話較早前我已經講左唔要，就講啲咩尖酸刻薄既說話話我玩佢，我鬼得閒玩佢，我食飯時間得一個鐘，真心等唔到您地響度浪費我時間，同態度如此惡劣，就算食物味道ok 又點，幫襯你地係因為真心覺得自己某幾款食物味道唔算差，但處理一個外賣可以咁不負責任態度咁差，真係好嬲。

You might not find this place attractive, but it's a hidden gem in Tsim Sha Tsui. The restaurant is packed with lots of doggy decoration and they only have 2 bar tables for seating. If you are under budget, Big John is a place you would like to go for. Set lunch is around $50ish including rice/noodle, snack and drink. I had crunchy pork chop with veggie noodle and sweet soup. Their quality is far better than what u expected with this low price!

It's been a while enjoying a takeaway BLT sandwich from a Hong Kong style cafe. Yum. When I saw it, I thought it was a club sandwich. Thick layers of bacon, big cut tomato slice, cucumber and lettuce. Heathly and tasty.Thanks!

曾經經常同朋友來big john食飯，便宜之餘又不像外面餐廳重味精。不知多少年後再來到big john，裝修一切似舊，仍然有很多小狗擺設。 big john入面全是bar枱，先到counter 下單再等店員拿食物過來。現在的big john比以前多了很多飯的選擇，麵食及下午茶。價錢實惠又夠飽肚我點了炸豬扒蕃茄素湯面配凍阿華田，蕃茄湯不用另加錢。炸豬扒炸粉份量剛好，而且豬扒調味適中，好味！男朋友則點了黑椒炸雞扒菜麵配凍奶茶，炸雞扒配上惹味黑椒汁，吃不停口是日下午茶時間2個人才$74，在尖沙咀地區來說簡單超值！

呢度環境普通，地方比較舊，大家睇相，唔介紹了。黑椒雞扒飯黑椒都幾辣，黑椒味濃，雞扒應煎過，面頭脆口，味道唔錯。薑蔥豬扒 豉油撈丁一丁麵無乜顏色，好似無味，但係食落薑蔥豉油味好足，豬扒面頭撲上薄炸粉再炸，所以好脆，不過豬扒本身無咩肉味。凍奶茶少冰茶味唔夠香濃，味道普普通通。格仔餅格仔餅要額外加多$15，呢度好多人食格仔餅，不過我覺得呢個格仔餅唔係太熱，唔夠脆，唔夠鬆軟，花生醬加煉奶味道還可以，但整體未合格。五六十蚊嘅價錢不能要求太嚴格，我覺得算係過得去嘅快餐。

第一次試呢間餐廳呀~聽同事講話好好味!琴日去到叫咗一個set lunch~有個麵加個小食~同埋有埋嘢飲~嘢飲你可以揀湯架~佢就包一杯熱飲啦如果凍飲就加$2, 啲特飲其實都係加＄4或者＄6等等都幾底~叫左一個薑蔥豉油雞扒撈丁, 飲湯~佢啲湯好好飲wor, 真係好有老火湯嘅感覺, 而且有好多料架個湯~呢個撈丁真係唔錯, 佢個汁唔係好咸, 但係好香薑蔥味, 少少咸咸地撈起來令到個麵唔錯架, 佢會有豉油比你自己加所以唔會怕太咸~wa~~~佢超級極之多花生醬啊!!!煉奶你可以叫佢多架, 不過我就唔啦!!>3<已姐好heavy咁~!不過呢佢啲嘢都幾大份~幾飽肚~~所以要就住食呀~hahaa!!建議: 如果兩個人去食嘅話呢就唔好兩個餐嘅小食都係格仔餅啊!!一個好啦另外就叫其他嘅小食啦~share食就超岩喇~heheee~

位於尖沙咀樂道的小店子一點都不起眼，一不留神便會走過頭。店子小小，只得約廿多個座位。雖然如此，本人覺得空間感比一般茶餐廳寬敞而店內佈置較舒適。食品方面才是重點：薑蔥豬扒撈丁 - 豬扒超大塊，肉質鬆軟香脆好味👍🏼。配上撈丁及薑蔥，感覺幸福😍奶醬格仔餅 - 用完正餐後才落order即製，絕對有誠意。格仔餅好香而奶醬當然是絕配，充滿港式風味。絕對值得為佢而嚟🤗由友人當初不甚願意光顧此店至離開的滿足，意即表示 : We'll be back😋😋😋

星期五晚收左工去尖沙咀行街, 又想快快趣, 平平地食個dinner先shopping, 於是就入左呢間餐廳搵食!由於未到7點就到左, 等左一陣就有位!鋪仔細細, 坐低係有D迫迫地, 不過唔緊要! 都諗住快快食完就閃人!點左呢個「好味格仔餅」, 就試下佢有幾好味先!食落去仲新鮮熱辣辣, 應該都係即叫即整~! 都幾脆! 花生醬同煉都好足!好邪惡呀唔怕食落口好DRY唔夠味! 而且又唔會太甜太漏!唔錯!跟手叫埋個雞翼沙律~雞翼都係熱既! 沙律係正常既薯仔沙律, 不過味道都冇乜特別, OK既!最後食埋呢個手撕雞撈麵! 有芝麻係幾香, 不過味道淡左D! 如果汁多D會好D冇咁Dry~前後落單食完都唔洗45分鐘! 不過8:00pm就關所以要食趁早~