Bingle Bingle 空中列車烤肉

营业中

休息中

荔枝角Bingle Bingle空中列車烤肉，位置在Aeon超級巿場內，裝修好有創意，佈置到成個車站月台咁，食物就係由列車隨路軌運送過來，列車來來回回咁送餐，非常熱鬧。餐牌有多款烤肉選擇，一人燒肉套餐最平$48就食到，豐儉由人，每款都配白飯、韓式牛肉雜菜湯或粟米椰菜絲沙律、韓式涼菜。每枱都有齊唔同既醬汁，包括芝麻沙律醬、韓式辣椒醬、香草蒜蓉燒肉汁、Bingle燒肉汁、七味粉和海鹽等；每個座位都設有獨立無煙烤爐，唔會好大油煙味。人氣宮崎和牛套餐包括3款優質靚肉，日本和牛之首既A5和牛肉眼蓋、口感細膩既A4和牛肩肉、入口即溶既A4和牛三角腩。西班牙豬五花&黑毛豬肋條&特級雞爽肉套餐，啱晒我唔食牛既朋友，豬五花油花充沛，黑毛豬肋條調味得宜，雞爽肉嫩滑無比。海蝦：蝦肉爽口彈牙，灑上海鹽再烤，鮮味滿分。日本甜番薯：軟綿綿，香甜又濃滑。日本紅豆味鯛魚燒：輕輕用細火在烤爐上反幾下，外層微微溶化，內裡既紅豆和麻糬，甜蜜蜜，豐富層次感。總結，食物質素高，價格大眾化，玩味十足，打卡一流。

今天下班到了AEON逛街，看到AEON門口這間烤肉店很有特色的，看到是有一架列車送餐，十分特別。而且座位又多，所以我跟爸爸便進餐廳用餐。一座下首先數碼下單，看看想食什麼東西。下單後可以到收銀枱先付款，然後便安坐安心等候列車送到。不過一會兒列車送到我眼前，一打開列車蓋，看到食物，多款食物慢慢由不同列車分別送上，非常特別及有創意，完全能夠增加食慾和新鮮感。除非常有創意外，這裏的套餐性價比高，又有多款不同肉類選擇，又有單點或套餐。先介紹這一份美國牛五花和西班牙豬五花套餐，套餐跟上了牛肉雜菜湯或沙律，一碗白米飯或可以加購溫泉蛋紫菜飯，仲有一些開胃菜。牛肉跟豬肉切成薄薄的，放進火爐上很快便會熟透，所以要小心控制火候。肉類味道相當不錯，啖啖肉，仲可以配上不同醬汁做成不同的口味。另一款點上了西班牙豬五花、豬肋肉及雞爽肉套餐，三種不同口感的肉類，各有特色。五花薄薄的很容易熟透，吃起來會烤得脆脆的。另外豬肋肉啖啖肉，較肉厚，食起來較有口感。另外雞爽肉吃起來啖啖雞肉嫩滑無比。溫泉蛋紫菜飯值得加配，紫菜鋪滿飯面上，仲配有一隻溫泉蛋，用來拌飯更為惹味，食唔停口。另外我們還加配了泡菜豬肉，辣辣地，又惹味又帶點點

好想食燒肉，友人搵到一間有趣的韓式燒肉店，以列車軌道送餐概念的一人燒肉，太興集團旗下，太和都有分店。餐廳面積頗大，樓底高，裝潢簡約，以銀色及橙色為主調，有著科幻風格。餐牌，最平$68有交易，但一場來到就食個好點，見到有和牛都係$200內吸引左試，再叫多個餐開心share都係用手機落單。收銀隔離有自助水吧。列車送餐，打下卡。人氣宮崎和牛套餐，$188，套餐配牛肉雜菜湯及韓式涼菜，跟餐+$15白飯轉溫泉蛋紫菜飯，有A5和牛肉眼蓋、A4和牛肩肉及A4和牛三角腩，份量十足，每支旗均有簡介特性。A5和牛肉眼蓋，肉質嫩滑，味道甘香。A4和牛肩肉，濃郁的牛肉香味，肉嫩且多汁，不俗。和牛三角腩，厚切，油花分佈均勻，肉質豐腴，油香四溢，美味。溫泉蛋紫菜飯，口感豐富易入口。美國牛五花美國牛小排套餐(200g)，$138，跟餐+$15轉牛肉雜菜湯及溫泉蛋紫菜飯，牛五花及牛小排份量適中。牛五花，油花適中，肉質軟嫩甘香。牛小排，肉嫩香口。O'PRICE紅豆味鯛魚燒，$25，賣相好可愛，內餡十足，味道正常。食物味道不俗，幾有特色，算幾抵食呢。

上次去Aeon買嘢，見呢間勁多人排隊，咁岩星期一同男友經過，趁佢今次冇咁多人，就入去食餐好嘅！呢度行列車主題，好似幾得意！掃code落單畀錢，好快嘢食就行過迴旋路軌送到，打開車廂，食物已經ready好可以燒啦！牛肉三拼套餐 250g $178三拼包括美國牛五花、肩胛牛柳同埋美國牛小排，三款都係非常軟嫩，仲可以試到唔同部位！套餐包埋沙律或牛肉湯可揀，另外冷盤有中華沙律同泡菜。我哋仲加左$15配紫菜溫泉蛋飯，配燒肉更加惹味！西班牙豬五花、黑毛豬肋條及特級雞爽肉套餐 150g $88想肉汁爆溢的可揀呢個套餐，尤其是黑毛豬肋條，肉質細嫩又爽彈！每人前面都有個四四正正、企企理理的小爐，畀自己一路燒，有啲細藝做下，再一路食一路傾。燒都好容易，唔使落油，就咁燒就得！成個過程都幾好玩㗎！除左套餐，我哋另外都點左日本扇貝$38同埋雞髀菇$18玩下，食材都幾大份同新鮮！至於調味料都有幾多可以揀，我自己最鍾意燒肉汁，但某啲食材加下黑椒、鹽調味，都幾好味！

Bingle Bingle 空中列車烤肉．好食好玩CP值高位於荔枝角住宅區內的「Bingle Bingle 空中列車烤肉」，可以話係一間極具特色嘅抵食韓燒餐廳，呢度唔單止食物高質，而且氣氛又好玩。適合一家大細或者同朋友聚會！特色「列車送餐」體驗首先講下最吸引眼球嘅係佢哋嘅空中列車送餐服務！呢度嘅烤肉唔係一般員工親手遞上，而係由一部精緻嘅「子彈列車」送到枱邊。每當你點完餐，就會見到一架細細架列車由順住軌道直衝你嘅枱，送餐方式咁新穎，令食客覺得好新奇、好得意，吸引唔少人影相打卡，增添咗唔少氣氛。食物出品：多元化且高質食物選擇方面相當多元化，既有套餐又有單點，而且價錢相當親民，冇收加一，算係抵食。套餐嘅燒肉同白飯份量可以按需求選擇，對於食量唔一樣嘅客人嚟講非常體貼實際。我哋試咗「人氣宮崎和牛套餐」，套餐入面有A5和牛肉眼蓋、A4和牛肩肉同埋A4和牛三角腩。每款牛肉都相當高質，肉質鮮嫩有肉香，食落口感一流。油花滿湖的，牛香撲鼻，入口多汁牛汁與牛油的混合香氣 特別引人好中意呢餐廳咁多醬汁供選擇先試原味，再吃醬汁，味道有著無限引力另外，西班牙豬五花、黑毛豬肋條、特級雞爽肉套餐嘅肉質都唔錯，每一款都

今日黎到呢間韓式主題嘅一人燒肉店，喺香港比較少見，最吸引嘅係每個餐都會附有泡菜、海草同韓式雜菜湯，好開胃😋夜晚7點幾都好多人等位，難得有餐廳滿座，可見受歡迎程度，而的確係好方便、抵食、牛肉質素高同埋多選擇👍🏻😍我地兩個人叫左✨一個宮崎和牛餐（150g） $188✨一個美國牛小排餐（200g） $178✨同埋兩串雞髀菇 $18宮崎和牛餐提供三個部位，包括和牛肉眼蓋、和牛肩肉、和牛三角腩。一次過食到唔同口感、油脂分布係點，大滿足🤩🤤！和牛真係唔同d😍 油脂分布好靚、入口即溶，可以同朋友交換食😎原來牛小排餐200g份量好大，而且牛味比較濃，味道都好唔錯👍🏻雞脾菇大概6件～Refresh吓個口🤣4款醬料，蒜蓉醬、胡麻醬、燒肉汁、韓式辣醬，多種配搭😋注意火候，燒幾十秒已經好快熟😛餐廳主題燒肉列車🚄，幾得意😝見到餐牌係有韓牛餐，下次一定會再黎試吓😚

今日想食韓式燒肉，知道AEON入邊有間燒肉由個高速列車送餐，幾特別，所以今日就過咗嚟食下午茶啦平日嘅下午茶都唔算多人，座位好好坐，好闊落我坐咗中間位置，可以有列車送餐有好多一人套餐嘅選擇份量都好足夠，價錢都有平又貴，選擇好多落單都好方便，係用手機落單，佢都分晒類，所以搵食物落單都好容易落單之後去俾錢先，之後呢就會等食物送過黎飲品選擇都好多，食韓式燒肉，當然叫返啲韓式飲品啦，呢個梨汁好好飲，米水就比較甜小小食物就由呢架列車送到你嘅位置見到都覺得好開心醬汁選擇都好多我覺得燒肉汁都好襯食物海鮮類我哋單點咗蝦同埋扇貝加少少鹽都已經好味牛肉同埋牛仔骨都幾好食，好有韓式嘅味道一人set份量都好足夠，有個蘿蔔湯有飯有前菜，肉類就選擇左2 款牛肉最後我地食左2 樣甜品，包括雪糕同埋鯛魚燒，為呢餐有個完美終結

列車烤肉一出現，我身邊很多人都忍不住誇店里的裝飾的確有科技感隆隆隆~還有小列車把美食奉上很有創意除了拍照之外我們可以安安靜靜的享受精致美食一邊烤肉，一邊發呆這一刻也太愜意了吧！他家的美食比較豐富套餐也很化算！我比較喜歡厚切泡菜豬五花腩肥瘦相間，入口香氣濃郁泡菜的酸爽味道耐人回味！也超解膩燒一燒豬肉+生菜+蒜頭+少少泡菜自己diy一下搭配來吃得香香，多吃也不鹹膩這道韓風滿足了我的味蕾牛肉雜菜湯喝起來很順滑！有很濃郁的牛肉香味和米飯搭配起來吃著胃里暖暖的，還很飽腹！熊津米漿飲的確很好喝，香香濃濃的米香，韓國飲品在外面少能買到

超火的「Bingle Bingle 空中列車烤肉」開來香港!!! 每個座位都有烤爐，感覺就是專為一人進食，套餐也是一人份量的，人均150左右這次跟朋友同類點了一份一人食烤肉套餐- 韓牛日韓極上套，一份牛五花&肩胛牛柳&厚切牛舌溫泉蛋蓋飯525g（特盛），總量很足也不貴，每份也跟了前菜、白飯，出面更有水自己斟～ 好有趣的體驗QR code 下單完後，套餐會用列車的形式直送到你面前乾淨又衛生～ 1++韓牛日韓極上套餐含有韓國1++等級的牛前腿肉和2款宮崎和牛。我最喜歡和牛三角腩，肥瘦適中，入口即融；第二即是韓牛前腿肉，肉味濃厚小人氣牛肉三拼套餐包含美國牛五花、肩胛牛柳和美式牛小排。這款是全醃好調味的，份量好大好抵食。牛小排最好味，食完特別滿足！

最近去咗荔枝角嘅Bingle Bingle空中列車烤肉，之前成日見到人打卡，啲肉係用列車送到，又幾過癮😆平日嚟到都幾旺場，我哋點咗兩個燒肉套餐：🥢1++韓牛日韓極上套餐有韓牛前腿肉、宮崎A5和牛肉眼蓋同宮崎A4和牛三角腩。韓牛前腿肉油脂分佈均勻，口感嫩滑；宮崎A5和牛肉眼蓋脂肪豐富，入口即溶；宮崎A4和牛三角腩有嚼勁，帶有獨特牛味😻🥢人氣牛肉三拼有美國牛五花、肩胛牛柳同美國牛小排。美國牛五花油香四溢，燒得香脆；肩胛牛柳肉質較結實，有嚼勁；美國牛小排柔嫩多汁，味道濃郁🤤套餐仲送韓式涼菜、韓式牛肉雜菜湯（可以揀沙律）同飯，我哋將個飯升級做溫泉蛋紫菜飯，呢個升級絕對值得，味道豐富惹味，為呢餐燒肉飯錦上添花👍🏻整體嚟講，Bingle Bingle提供咗一次非常愉快嘅用餐體驗。新穎嘅列車傳送方式增添咗好多樂趣，而高質素嘅食材更係令我哋讚不絕口。呢間燒肉店真係值得推薦！

韓牛日韓極上套餐🔥三款肉分別係慶州韓牛前腿肉、宮崎A5和牛肉眼蓋、宮崎A5和牛三角腩，每款嘅肉質味道都好唔同，韓牛雖然脂肪冇咁多，但係肉質比較彈牙而且重肉味，三角腩脂肪最多，咬落去啖啖油香，肉眼蓋就介乎兩者之間，肉嫩細膩🥩另外單點咗宮崎A4和牛肩肉，見到網紋嘅油花就知一定好好食，大部分單點嘅肉都有50g/100g揀，幾有靈活性👍牛舌套餐會包飯同埋湯，個韓式牛肉雜菜湯可以轉做粟米椰菜絲沙律，而加錢可以將白飯轉做溫泉蛋紫菜飯，覺得係值得轉嘅，依個溫泉蛋加紫菜送飯嘅配搭基本上冇得輸！依間燒肉店係先落單畀錢，然後等列車送餐過嚟，不時見住有大大架列車經過都幾得意，雖然依度好多野都係自助，但係侍應都會主動過嚟換網，一人一個爐，不論係同朋友食定係自己一個食都OK～

荔枝角嘅Bingle燒肉一直都好想試發現最平原來$38就可以食到燒肉套餐🥹餐廳仲有凍同常溫檸檬水好貼心👍🏻美國牛五花&西班牙豬五花套餐（200g） $98包牛肉雜菜湯或粟米椰菜絲沙律（芝麻汁）飯可以揀份量或者加溫泉蛋紫菜椰菜新鮮，雜菜湯調味適中仲有中華沙律同泡菜🤤如果唔想要汁/蔥可以自己揀肉嘅比例肥瘦適中額外單點牛舌100g $52美國牛小排100g $108牛舌唔馬虎有厚度食落特別滿足牛小排油脂甘香醬汁方面好多款，有芝麻沙律醬，燒肉汁，香草蒜蓉燒肉汁等等同朋友一齊食都可以一人一個爐唔洗share燒可以燒得快啲而且坐得好舒服😌重點係平日嘅下午茶套餐真係好平食丼飯唔想自己燒都得添，選擇夠曬多✨

今日收工比較夜，咁啱響荔枝角嗰頭有間AEON，叫咗老公去幫手買餸返屋企，點知就俾老公發現咗呢間烤肉餐廳，見到閑日夜晚都座無虛席，咁多人食應該味道唔差反正又未諗去邊度食晚餐，佢就提議順便響到食完先買餸，有燒肉食我梗係舉腳贊成啦~ 我黎到佢已經叫好哂啲肉，無諗到佢叫到咁豪華，A5, A4和牛同韓牛都有叫，見到已經流晒口水出奇嘅係A4和牛居然好食過A5，可能因為腩位脂肪始終比較多，所以啲肉嘅油香充滿成個口腔，好幸福嘅感覺呀大家嚟到呢間餐廳，A4和牛三角腩絕對係必叫之選，唔好錯過! $300鬆啲就有三百克和牛同韓牛，唔可以叫好平，但呢個味道絕對值回票價韓牛同A5牛當然都好食，但就冇呢種肉咁令人驚艷~ 至於豬肉同雞肉我哋都有叫，其中有一種叫雞爽肉，老公都唔知係咩嚟所以叫嚟試吓，個質感都幾特別，雞如其名真係爽爽地咁~ 我老公話幾好食但我自己都係鍾意食雞髀肉多啲，不過都值得一試~ 總括嚟講呢間餐廳絕對會encore，期待下次再去食和牛

成日行過荔枝角既aeon都見到好多人食呢間，今日終於試下。係其他連鎖店都食過一人燒肉，一入去覺得，明顯分別既係個裝修，韓風既裝修同座位比較闊落，亮點係用空中列車送餐金屬檯面乾淨，擺左7款醬汁同調味料任君選擇👍🏻我地叫左兩個set, 一個牛五花拼牛小排同一個和牛西冷，每個set都有中華沙律同泡菜做配菜，另外可選湯或者沙律，主食可以揀飯量或其他選擇，例如沙律牛五花拼牛小排雖然係最普通既級數，但性價比絕對高，肉新鮮，牛小排比牛五花更多油脂宮崎和牛西冷一分錢一分貨係有道理，牛五花同牛小排其實已經唔錯，但同和牛比真係兩個級別。傾計傾得太興起，稍為燒耐左但都唔會韌，仲好好味😃油脂同肉味都👍🏻有foodgulu攞位，等位時可以行隔離Aeon超市🥳正！