影片
营业时间
今日营业
11:00 - 22:00
星期一至四
11:00 - 22:00
星期五至六
11:00 - 22:30
星期日
11:00 - 22:00
公众假期前夕
11:00 - 22:30
以上资料只供参考，请与餐厅确认详情
呢间韩式烧肉店已经喺太和广场开咗一段日子，今日第一次试，觉得都几抵食，一人烤肉又得，亲子亦都非常适合，十分推荐。见到一人烤肉套餐Menu已经觉得好吸引，有多款肉类不同配搭，亦可以拣肉量，可以较容易拣到啱心水嘅套餐。我哋一行三人，每人拣咗一个套餐，再开心share。每个套餐都包含牛肉杂菜汤，白饭或温泉蛋紫菜饭，仲有饮品。个人推荐温泉蛋紫菜饭，需要加$15 ，但真系比白饭丰富好多好加分，满足感🆙另外每人加$12 ，就可以任食白饭泡菜牛骨汤同埋任饮汽水，超抵！枱面上有多款酱汁调味任君选择。汁烧牛舌套餐(200g)我好钟意食牛舌，所以拣咗呢个套餐。牛舌比预期中好食，系厚切牛舌，本身已经有酱汁腌过调味。烤到表面微焦就刚好，表面超香，食落去系非常软嫩嘅质感，一啲都唔系，好好食。西班牙猪五花＆黑毛猪肋条＆特级鸡爽肉套餐(300g)呢个有猪又有鸡嘅套餐都唔错，份量都好充足，啱晒几个人每款试少少。猪五花烤耐少少好香口，鸡肉真系非常爽口。牛肉三拼套餐(300g)呢个啱晒牛魔王，一次过食晒三款牛肉。三款入面我最钟意食牛小排，脂肪冇咁重，但亦有油香，肉味亦重。最后埋单时，仲送咗几个银币，可以喺门口夹公仔，食饱饱仲有得玩，大满足
继续阅读
一行入铺唔知点解觉得似大陆野d色彩配搭 字体设计个feel似大陆d酸菜鱼舖头d装修上网查一查发现系太兴旗下真系睇唔出 舖头装修中资味好浓😂可能为左缩皮揾左大陆人设计讲返食物我食下午茶时段老老实实 2025年佢d茶餐系抵食既$48 有3块牛 3块猪一碗珍珠米白饭 一碗牛肉汤两格前菜 一杯玄米茶食完唔会饱 但下午茶想食light d绝对ok叫石锅汤餐 仲要白饭前菜野饮任添但要午市晚市用正价百几二百蚊就真系唔会考虑因为唔系卖平 卖性价比纯讲食物质素既话 我会话系中下最好食得碗饭同隔离d酱 (蒜蓉酱 韩式辣酱真心正)泡菜唔够爽口 有酸味汤得咸味 无乜层次肉好薄 无乜肉香呢个质素我只接受到食个50蚊有找既茶餐要用多过100蚊食真系不了
继续阅读
推荐: 期间限定<<宫崎和牛套餐>>😋喺呢度用餐真系玩味十足！一人都可以烧肉，仲有火车送餐，免加一服务费，实在太吸引！我叫咗人气宫崎和牛套餐，里面有宫崎A5和牛肉眼盖、A4肩肉同A4三角腩，肉质鲜嫩，油花分布均匀，入口即溶，令人回味无穷，搭配白饭食，简直完美！牛肉杂菜汤都好清甜。饮品方面，要左济州汉拏柑橘汁清新爽口。最后叫左红豆味鲷鱼烧作为甜品，甜而不腻。总括来讲，这间烧肉店既有质素又有创意，无论系肉质或者服务都令人满意，值得一试！
继续阅读
今次去咗间韩式烧肉店，送餐车造型好特别，会直接送到你坐既位，一个人都可以去食烧肉。今次我试咗佢哋嘅环游世界三拼套餐。佢哋嘅美国牛胸腹、澳洲M9和牛腹肉同1++庆州韩牛小腿，啖到鲜嫩多汁，每款牛肉都有独特风味，提供既酱料选择都非常多。牛肉杂菜汤清爽暖胃，温泉蛋紫菜饭香气扑鼻。泡菜同中华沙律爽口开胃，令人回味。韩国海太果肉梨汁消暑怡人，大酱鸡蚝肉鲜甜多汁。整餐用餐体验一流，特别推介牛肉爱好者嚟试下！😝
继续阅读
你冇睇错，$29真系有烧肉食太和呢间校长烧肉都开咗一段日子下午茶经过见冇人就入去试吓我叫咗下午茶一份牛同猪五花嘅套餐$48套餐已经本身包含咗白饭，饮品，前菜，店员仲话五点前呢啲野全部任装，老实讲就系入去食呢啲都抵本身谂住咁平，啲肉质素应该都麻麻哋，点知牛五花肉质几好，好厚实，仲有牛味，不过猪就差啲前菜有泡菜，中华沙律，青瓜，芽菜我最钟意食就系青瓜腌得好够味，配埋烧肉食可以解油腻感呢个价钱都冇乜嘢可以弹个优惠唔知做到几时，经过可以试吓
继续阅读
您可能会有兴趣的...