Bistro Délifrance (已結業)

是日特意到葵芳行街掃街，或許星期日總覺得小食質數下降了。同男友睇完戲後就吃晚飯了。好簡單欖油蘆筍意粉，清清淡淡，不過天使麵質感不俗，愛好清淡人士之選。這是朋友點的，沒說差便是好吧。

途經這一間 Delifrance .... 見到個超吸引的 grab and go 廣告 , 便外賣一些包包回家吃 ~白汁碎蛋百吉包 $15經典之作, 我自小已喜歡食這公司的這種口味, 縱使現在的麵包已韌, 夾著深色蔬菜及碎蛋沙律, 沙律是蛋黃味比較重, 可惜是略有雪氣 ~本篇完~

今日去葵芳shopping, 順便嘆個下午茶!我就試下新野! 迷你牛角酥三重奏💁A Trio of Mini CroissantsGammon Ham & Cheese, Turkey , Smoked Salmon!加一杯flatwhite!3個細細既牛角酥～有煙火腿芝士、火雞、 煙三文魚！有3種不同口味！但牛角酥係凍既！唔夠鬆脆！微暖都冇呀！...如果烘熱啲個牛角酥令芝士半溶化會好味啲......-哩杯flat white就有驚喜呀! 夠濃味都幾好飲喎! 

六點唔太餓地方唔多人但嘈左點，叫左：HKD 118漢堡飽餐，味道唔太差，唔太咸，如果件扒可以多點肉汁就好，略乾左少少。加HKD 18 有杯龍眼玫瑰花茶，他們應該有另加入糖漿，因感覺是人造甜，也太甜，花瓣太多，飲用時要自己想方法隔開或考慮飲下肚子裏算。

在葵芳區工作，當然要多多了解附近的進餐地點，今次試了位於新都會廣場3樓的Bistro Delifrance。先說進餐環境，餐廳採用開放式的設計，餐廳operation客人進食都望得一清二楚，座位並不多有大概50個，如果想一大夥兒聚餐，這裡未免太狹小了。今次碰巧Delifrance有新菜推廣Forest Pick系列，於是心癢一試。兩款新料理都加入野菌元素，我選了帶子野菌飯!套餐包括:來一杯暖笠笠的檸蜜滋潤脾胃!套餐價：$99總評: 食物達水平以上，價錢相對偏高，座位舒適但空間略小，上菜及備桌速度稍慢

剛剛搬去葵芳就第一次出糧，同事們就好好吃一餐，就幾丁友去左新都會吃Délifrance，Délifrance以前係自助形式，就好似我之前去過灣仔果間咁，E家變左點菜形式，變得難食左。MENU就其實差唔多，多左幾款野食咁，咁價錢都幾貴。一開始好快就上左沙律，一般無咩特別，讚的是醬很多，不錯。等左30分鐘就黎到的天使麵，等到頸都長埋，幸好食飯時間無限，所以唔急住番工，唔係真係等唔到落去。味道一般，麵是有彈牙的，有點淡和漏汁，材料份量唔多，成舊水一餐確實唔抵，下次亦未必再食。

撇開政治問題，香港都算喺塊福地，自然天災比較少，打風一年幾次都甚少做成嚴重傷亡，比起鄰近嘅大陛、台灣、日本，一個大地震都會有幾嚴重嘅後果。今早，兩公婆又嚟到葵芳睇早場「加州大地震」（戲飛平啲吖嘛），睇戲前食番個豐富啲嘅早餐，本來打算揀A1 Bakery Café，但得戶外位，一朝早已29℃，所以，揀咗坐得較為舒服嘅Bistro Delifrance。晌度食早餐，環境又的確好啲嘅，燈光柔和，梳化椅舒服，又夠寧靜，又有人招呼，代價就食物貴啲，又收加一囉！早餐A-H共有8款選擇（$35-$63），晌門口個大電子屏幕睇晒，亦都可以拎張餐牌埋位慢慢睇，包類可轉配法國百吉包、全麥百吉包、法國貴族牛角包、芝麻包、全麥多士，而所有早餐均配鮮磨咖啡、錫蘭奶茶或有機茶。B. 煙三文魚炒蛋配全麥百吉包 $36老婆依家飲食都多數揀素，睇勻個餐牌，以B餐較少肉，只得啲煙三文，又配全麥百吉包，相對營養健康啲。不過，煙三文魚炒蛋中嘅煙三文魚比較碎濕濕，不過，炒蛋還算OK，未有過老。而杯有機果茶，幾清香，而茶包喺樂施會嘅公平貿易產品，雖然唔會好飲咗，但就喺對發展中國家農民同工人工作嘅尊重。D. 自選特級早餐 $38包

呢排成日都想食甜嘢, 一見到Delifrance, 諗都唔諗就入去order咗甜品食~波羅批我對Delifrance一向都無咩期望, 只不過好想食甜嘢又見到Delifrance先入嚟~出奇地呢個波羅批做得非常唔錯~賣相唔錯,酥皮做得好鬆化脆口~上碟時成個批都仲係暖, 真係抵讚!!! 暖暖嘅波羅批同凍凍嘅雪糕一齊食,別有一番滋味~加上雪糕嘅甜味match埋波羅嘅微酸, 真係好正!!!我諗我下次再嚟都會再order呢個波羅批~

因要到葵青劇場看表演，所以是但找間方便快捷的進餐，一心諗住叫個Apple turnover,點知冇晒就隨便點了黑椒黑肉飯同煙肉雞扁意粉，一份upgrade 做套餐，什菜湯一般，先嚟個黑椒雞飯，賣相差，食落去好辣，從未食過咁辣嘅黑椒飯，黑椒只係想香口並唔係死辣，叫個frd試下都話好辣，雞肉最差，好大陣雪味，扁意粉味道ok,夠creamy,但d雞一樣好重雪味整體嚟講好一般只可說服務態度不錯，去delifrance都係食百吉包同牛角及apple turnover最好

和朋友行完街後，搵地方食晚餐！經過Delifrance,發現已裝修完環境幾靚又想食西餐！就决定去試下七點未有好多人食野住，直接就有得入！(八點開始要等位@_@)要左個二百一十幾的二人set dinner,有沙拉，前菜，主菜同飲品。我們再另加兩個甜品！侍應的服務態度好好，上餐速度都好快。最驚喜的應該係個錫蘭奶茶，一向唔多鍾意奶茶的我都勁like呢到的奶茶，好香！ 沙拉的火腿乾好香肉丸都好好食！比宜家家俬的仲好食！ 主菜的材料好新鮮，天使麵好彈牙！有一定的水準。 甜品都幾好食，但美中不足的應該係…個心太軟蛋糕，個心完全係固體的應該係個廚師整得耐左小小。整體來講，呢餐晚餐的野食都係幾有水準的！

最近在忙著趕稿趕文，如果待在家中做，不消一會兒我就會被電視或睡魔誘惑，為了增強我的生產力，於是決心外出找個地方坐下靜靜的寫文章。本來我的第一選擇是擁有大大張梳化和插蘇位的Pacific Coffee，他們勝在張梳化夠舒服，而且有無限電源供應。在下午五時，到達Pacific Coffee已經張張椅子都坐了人，已告爆滿，當時打算轉落去Starbucks，就在路程上途經Bistro Delifrance，發現他們的卡座也很舒適，而重點是店只是四成滿，即是可以坐得比較長時間。看一看餐牌，下午茶都只是大概四、五十元，有嘢食有嘢飲，仲抵過去Cafe啦，於是乎就拍板幫襯。葵芳的Bistro Delifrance是半開放式設計，因此環境有嘈雜，如果是最外圍的座位，就好像被商場的途人看著用餐的，讓人很不自在，還好我一個人都被安排坐在卡位。每一張枱上已經放好了餐具、胡椒粉、鹽、各式砂糖。當坐下來時，店員就把又厚又重的餐牌放至枱面。點解會又厚又重？因為那個餐牌是用膠套，而且店員會奉上下午茶和A La Carte的餐牌，所以很有份量的啊！下午茶的種類很豐富，有三文治類、小食類、意粉類和甜品類。既然主要任務是寫

要去葵芳交收，所以順便食個下午茶。迷你三文治 一客有4件，每款都有唔同配料。有碎蛋沙律、芝士蝦、吞拿魚、芝士火腿。碎蛋沙律唔夠沙律，無咩味。芝士蝦好大陣雪味，又太凍。其他兩樣就不過不失。雞翼拼多士 雞翼無味，不過好彩肉夠嫩。多士夠脆，但個醋我覺得調得唔好味、太油。芝士焗薯批 加$14就有，芝士香濃好味，如果再燶啲就更好。入面係薯仔切片，我覺得切得太大塊，唔入味。

跟朋友慶祝生日，又想吃西餐，所以相約下班後一起到delifrance吃個晚飯。等了約二十分鐘，終於有位了！很肚餓，看到餐牌上樣樣都好似好好味，同朋友終於揀了：南瓜湯有粒粒南瓜肉在內，湯很濃郁而不「結」身，很好！芝士蒜茸包Size有點兒細小，半隻雞蛋的大小，幸好主菜很快就到！黑椒蜆肉蘑菇炒扁意粉在餐牌上其他已見到這個意粉是辣的，沒想到真的很辣喔，不過很香口，幸好有甜甜的紅椒在旁緩和一下辣味，很好味！ 卡邦尼汁煙肉芝士炒天使麵這是朋友點選的，吃了一啖，有芝士粉沙沙的感覺，有點乾，很濃芝士的芝士味。錫蘭奶茶味道較普通奶茶淡一點，錫蘭味並不太明顯。其實這次是本人第一次吃這間餐廳，作為晚餐感覺不錯，價錢上起碼同一個在其他地方只有主菜！

Delifrance has once been a chic chain cafe serving french food and beverages many years ago. In the last decade, there have been more and more stylish and quality cafe brands joining the market, and Delfifrance has lost its advantage and position. The food and services have been becoming so mediocre, that it won't be my first (or even second or third) choice for having a meal or cup of coffee .That Saturday morning, I had an hour to spend on my breakfast and took the opportunity to check out the

久不久都愛到葵芳逛逛，是次選了Delifrance作晚餐地點。看看晚餐，沒有想吃的，還是點一些自己喜歡的。法式洋蔥湯，湯底香濃，厚厚的芝士配上沾滿湯的多士，意想不到的美味！茄汁鮮蝦蟹柳焗飯，茄汁調較得不錯，酸酸甜甜，令人胃口大開。蝦與蟹柳是一般貨式，配上茄汁，都可以。可惜的是飯，焗後的飯很乾，配上醬汁都救不了。雙芝士三文魚焗長通粉，長通粉煮得剛好，掛上醬汁，味道佳！總覺得長通粉是最好吃的意粉！可惜三文魚太鹹，再配上芝士，完全吃不下，浪費了。整體味道一般，服務員明顯不夠，但服務態度還不錯，要讚！