Black As Chocolate (已結業)

想試左好耐，結果無令人失望。可能對某啲人嚟講佢苦左啲，但喜歡dark chocolate嘅人會好欣賞，因為佢嘅苦味自然濃郁帶一點點酸。蛋糕同朱古力比例剛好，而且蛋糕好濕潤，唯一缺點係真係貴左少少，因為個size都真細，大約40會比較合理。

喜歡食朱古力嘅人 係會有一種執著的甜度 濃度 香滑度等等 對小妹而言 black as chocolate完全滿足到我真係好喜歡佢地黑白簡約嘅裝修有一種冷冷嘅感覺😌之前已經食過佢地6寸大嘅蛋糕 不過堅飽睇OP知佢出左迷李款 岩晒我自私食😂焦糖香蕉朱古力蛋糕 喜歡佢一圈一圈嘅焦糖濃濃嘅朱古力蛋糕夾著香蕉粒粒微微嘅甜帶著香蕉味道 蕉迷大愛另外㨂左個黑加侖子草莓朱古力蛋糕 蛋糕表面平平無奇 中間夾有黑加侖子味嘅啫喱重有酸酸甜甜嘅鮮草莓 口感立即豐富起來蛋糕質感樣軟熟 朱古力迷嘅我表示滿意😙

Black as Chocolate喺台灣多個地方都有店舖，但偏偏上次去台北就因為附近冇得泊車而去唔到，既然銅鑼灣都開咗咯，咁就去銅鑼灣呢間試吓啦。成間店舖冇花巧嘅裝飾，以黑白為主調，有魔鬼＆天使嘅意思咁解。蛋糕盒係黑色，夠晒型格又神秘，附送惡魔叉或天使匙羹焦糖香蕉朱古力蛋糕 ($54)一打開個盒，朱古力香濃嘅味道已經湧過嚟，切起來可以見到入面一層一層嘅香蕉及朱古力蛋糕，夠晒層次；朱古力味道雖然冇經典巧克力蛋糕咁濃郁，不過有啲搶咗香蕉嘅味道，可惜...經典朱古力蛋糕 ($48)選用12年全熟可可樹嘅可可豆，傳聞一個6吋蛋糕用咗300粒鈕扣朱古力，咁我呢個係2吋，即係應該都用咗100粒啦？！成個蛋糕由外到內都係朱古力，所以每一口都有濃郁嘅口感；朱古力漿外層好似識發光咁，但食落軟綿細滑，味道非常濃醇帶微甘又唔會超甜；海綿質地嘅蛋糕就好濕潤，中間再夾多一層勁厚嘅朱古力醬，雖然蛋糕半身冇乜朱古力味道，但加上朱古力醬之後就朱古力山洪暴發咁喇，鍾意食朱古力嘅朋友一定開心到不得了

一早已聽過BLACK AS CHOCOLATE的大名，它的品牌形象有點像幾年前同樣風魔不少朱古力控的AWFULLY，所以都有點好奇兩者味道上的分別。不過3間BLACK AS CHOCOLATE的分店都離元朗有點遠。碰巧是日有事出銅鑼灣，就來朝聖一下。店內裝潢頗有型格，而黑白為主題，還擺了幾張櫈，讓顧客可以即場享用。我就打算外賣回家，蛋糕需冷藏，職員話可以在室溫保持2HR，所以真的要行快兩步回家才行XDD所有蛋糕都有2個SIZE，2寸和6寸。愛嘗試新東西的我們當然選了2寸，務求預留多點位置給胃。是日5：30PM去到，出名的香蕉朱古力味已經售罄，不禁有點失望。－－－－－－－－－－－－－－－－－－－－－－－－－－－－選了店內招牌"榛果朱古力蛋糕"（$52），朱古力十分優質，味道非常Rich，少少苦，約70%，濃而不漏，完全是我喜歡的濃度！因為朱古力蛋糕與榛子朱古力醬層層相隔，所以蛋糕也能保持濕潤綿密，上面還加了脆脆，增加口感。黑加侖草莓朱古力蛋糕（$54）和榛果朱古力蛋糕有點相似，只是中間變了黑加侖子味忌廉夾士多啤梨果肉。蛋糕一樣鬆軟濕潤，蛋糕甜度適中，我個人覺得這個更有驚喜，黑加侖子忌廉酸

大肥爸爸因要注意飲食，不宜外出，適逢媽咪同小肥生日月份也得留在家中慶祝。 大肥要戒口，壽星仔女就決定第一炮先揀食爸爸一向唔多鍾意食o既朱古力口味，等佢冇得食都可以好過少少 。朱古力蛋糕購自台灣過江龍「Black As Chocolate」銅鑼灣分店，離公司步行都唔洗十分鐘，對細佬黎講真係夠哂方便。店舖黑白色o既裝潢同之前去過嗰間太古城分店都有七分相似，兩款大小蛋糕模型及配上不同顏色絲帶o既禮盒造型陳列喺正門旁o既木櫃上，極之當眼 。牆上貼有四款主打蛋糕，亦即「經典朱古力蛋糕」（$368/六吋）、「榛果朱古力蛋糕」（$388/六吋）、「焦糖香蕉朱古力蛋糕」（$398/六吋）、及「黑加侖草莓朱古力蛋糕」（$418/六吋）o既靚相。媽咪最愛黑加侖子，所以唔洗多諗就揀咗個六吋「黑加侖草莓朱古力蛋糕」 。隨蛋糕附送自選惡魔叉或天使湯匙一套、蛋糕刀、及金蠟燭，全部都巧妙地收喺蛋糕底o既暗格內。慶生當然係要揀條鮮艷啲o既粉紅色絲帶啦，妹妹仔以九秒九高速綑綁好禮盒 ，效果好時效率又高，並細心叮囑蛋糕有嚐味限期，而且必需冷藏，喺室溫最多只可保存兩小時，最好都係即日內食完。因外出正落緊微微雨，

去年年底，由歌手黃湘怡經營的台灣甜品店 >>>Black as Chocolate<<< 正式登陸香港，打正旗號以朱古力作賣點。一月，家人以此品牌蛋糕為冰賀壽，一試難忘；路經其 >>>銅鑼灣店<<< ，當然不能一走了之。自私一點，只買一人份，兩個兩吋蛋糕，簡單的用紙袋盛載。蛋糕放在硬卡紙盒內，精緻小巧，設計時尚簡約，亦方便食客輕鬆打開。冰所揀的是焦糖香蕉朱古力蛋糕 (HKD54，圖左) 及 榛果朱古力蛋糕 (HKD52，圖右) 。即使是迷你版，品牌皇牌軟綿朱古力外層當然不可或缺，濃度十足，朱古力的甘與甜拿捏得非常精準，兩者皆確切呈現。豐厚的可可香氣，與焦糖和新鮮香蕉分庭抗禮，配在濕潤細緻的蛋糕之中，可謂極致享受。榛果蛋糕上的脆片在購買的一刻才由店員灑上，以保香脆。有點可惜的是榛果味道被濃濃朱古力味蓋過，層次較為簡單。進食時，配以特式餐具，滋味加分。

常看網上的消見，見好多藝人都買Black As Chocolate的蛋糕，究竟有咩特別，咁多人都要去買，原來是店主是台灣的藝人，這樣一說就是過江龍蛋糕，某人知道我想試，便買了一個來試下味。全部用上黑色盒和絲帶的包裝，給人好高貴的感覺。 打開個盒一看，蛋糕賣相都幾靚，香蕉朱古力蛋糕 HKD398/6吋，看到朱古力都幾厚身。 切開一半看到香蕉果肉和海綿蛋糕是相隔一層層，切下蛋糕時，外層的朱古力還會漿住把切。 香蕉果肉漿沒有精油味道，淡淡的香蕉味又不會很甜。海綿蛋糕非常之軟綿，外層濃厚的朱古力是用了比利時70%黑朱古力，味道不甜而輕苦味，愛吃黑朱古力的人就會非常之喜歡。 HKD398/6吋蛋糕確實很貴，味道又不是想像中那麼好味，可能我不愛吃黑朱古力的苦味吧。但以包帶和賣相，確實都幾靚，唯一要贊的是海綿蛋糕真的好軟綿好好吃。

味力黑魔想本小姐食完唔咳的朱古力必須係「純品」同「貴野」今次吃了black as chocolate 的小蛋糕感覺又發現可以入口的新大陸！黑嘉侖草莓朱古力蛋糕表層是厚厚的朱古力中層的粉紅色果泥非常香滑還有草莓實體，朱古力WITH水果的微酸配合得剛剛好！邪惡的是經典朱古力蛋糕全身都是濃厚朱古力香甜朱古力漿非常幼滑蛋糕屬海綿質地，非常香軟朱古力味濃得化不開！ 

早陣子朋友生日,本來我們打算夾錢請她唱k,但時間上不太方便,最後還是選擇到她家打邊爐慶祝生日當然不能2手空空,於是去了買了生日蛋糕回來今次決定買Black as chocolate的貴價強糕其實蛋糕種類不算太多,只有4種味道,我們選了香蕉味多角度影了禮盒,真的頗漂亮,一定不會扔掉,可以裝其他東西一拿出來朱古力香濃的味道已經撲鼻而來,上層類似蚊香的圖案正是他們的招牌食起來的時候朱古力確實濃郁,上等朱古力做成的蛋糕味道確實一流切起來可以清楚看到佈裡的香蕉,一層一層的相當有屠次而味道也是濃郁,滿滿的蕉味相當香甜,大家也相當喜歡不過價錢$368,有點貴

尋晚經過九龍城見到black as chocolate已經蠢蠢欲動..可惜打緊烊拉半閘...哈哈, 今日行行下街又俾我轉角遇到佢喎. 仲要咁岩有兩個吉位(其實成間舖都係得4個位咋). 天時地利人和下... 好喇. 進貢下食個tea先 XD叫左兩個2" mini size 蛋糕. Packing靚. 黑色細細盒. 感覺classy 又神秘. 送既餐具都幾cutie. 有天使spoon (背面印有真。天使翼)同魔鬼叉. 我覺得同天使spoon食mini size cake方便D兩款蛋糕都係是海棉蛋糕底. 同樣濕潤軟綿綿. 而且朱古力都是很rich的焦糖香蕉朱古力蛋糕既外層coat左朱古力漿 (士多啤梨果款冇架), 上面用caramel畫層swirl...雖然有coating, 但係唔會覺得太甜. 中間層香蕉蓉. 非常清香呢. 朱古力加香蕉= perfect match!至於冇朱古力外套著既黑加侖草莓朱古力蛋糕,  取而代之既係一層厚厚的朱古力漿on top. 朱古力感更實在. 亦因為冇左層coating, 中間層粉紅色好sharp. 可以清楚見到粒粒士多啤梨肉. 好吸引呢士多啤梨味比香蕉味

弟弟幫我手，出銅鑼灣幫阿仔買bb櫈去婆婆到，弟弟係超級朱古力迷，仲要係食極都唔肥個隻，為答謝佢既幫忙，就一齊去black as chocolate 買個原味請佢食啦。不得不讚呢到既服務態度，真係好到不得了，細心又有禮。 包裝又靚到一個點，拎住個蛋糕盒都覺得自型， 連啲用具都靚過人，我係angel，當然揀天使湯匙啦，單睇外表都好吸引。 論鬼盡既我地，又拎bb櫈又拎蛋糕仲有其他野，唔小心跌左個蛋糕落地，沿途返婆婆到都邊驚個蛋糕唔知會變成咩樣？ 又好彩喎，出到黎又唔係變左好多咋喎^^ 眼見都已經感覺到那份濃郁既朱古力味，一啖入口，簡直不得了，濃郁既朱古力香加上有點濕潤而蛋糕質地，實在令人好滿足好幸福，不過對我而言，一次最多只敢吃一件，心好想再吃，但口知道絕不能，因我不是食極唔肥個批呢。弟弟分了兩日來吃，他當然對呢個蛋糕讚口不絕啦，佢試過半夜起身飲水，開雪櫃見到就即時想偷食，不過訓緊覺就無謂偷吃甜啦，要刷牙嘛。不過雖然明知吃了會肥，但真係好味到令人好想再試其他款呢^o^

Black as chocolate @ foodki銅鑼灣兩吋朱古力蛋糕(7/10)($48)終於出兩吋蛋糕，個盒仲幾靚。兩吋其實幾細件，但呢個細cake就剛剛補充到Black as chocolate 既不足。因為bac 無得一件件買😂，要買就要大cake($388)。細cake岩曬口痕既朋友😍。佢地既質素真係唔錯😘，朱古力味非常濃郁，唔會過甜，但食多幾啖，真係好滯😂。

喺友人度聽black as chocolate就聽得多，今日係第一次食，首先喺舖頭揀左邊款蛋糕之後，店員就問你想要咩顏色嘅絲帶去包裝個蛋糕盒，其實隻隻色襯落黑色嘅蛋糕盒都好sharp好靚，小妹揀左紫色去襯返我嘅榛果朱古力蛋糕，紫色睇落好誘惑好神秘咁返到屋企一打開個盒，啲朱古力味湧晒出黎，個個聞到都流晒囗水， 問小妹食得未，梗係相機食先啦！呢個榛果朱古力先講香味真係幾吸引，蛋糕好挺身但咬落好鬆軟唔會實的的，佢嘅朱古力味濃而不漏，面層有店員即場加落去嘅薄脆，外層由香濃嘅朱古力醬包圍，每一層嘅蛋糕中間有朱古力醬同脆脆，食落鬆軟嘅蛋糕再配合薄脆，囗感豐富，越食越想食，連唔好甜品嘅爸爸都食左件，black as chocolate嘅吸引力真大，不得不提！第二日食個蛋糕，啲薄脆仲係薄嘅，唔會變到稔咗，呢個值得一讚！

岩曬朱古力迷嘅蛋糕Black As Chocolate係台灣嘅品牌，係果邊同係香港開幕嘅時候都曾經掀起一段熱潮。店舖的裝潢一如其名，以黑色為主調，同時比較簡約。選購蛋糕後，還可以選擇禮盒絲帶的顏色，更顯心思。紫色絲帶感覺典雅高貴，仲有紅色、黑色等等的型格選擇。 呢個係榛子朱古力蛋糕(6") $388面層有一些脆脆以及濃厚朱古力醬。而下面係朱古力蛋糕與榛子朱古力醬層層相隔。而插住嘅係叫做惡魔叉，其實可以揀惡魔或者天使，可見心思。唔知天使係咩樣呢?但snappy好同意呢個係惡魔! 其實朱古力味都幾重，但與awfully chocolate的原味朱古力蛋糕相比下，呢個相比下味道冇咁濃郁，而甜度亦同樣較低。不過加左榛子，味道有點像繽紛樂嘅蛋糕version，感覺幾趣緻。口感亦比單純朱古力蛋糕多了點咬口，記住同多d人一同share食，冇咁膩之餘，蛋糕放耐左會實左，冇左一開始咁鬆軟!生日的朋友，不妨考慮一下喔!預祝大家生日快樂!

朋友生日，人少少唔想買咁大個蛋糕…見喺銅鑼灣開左無幾耐的black as chocolate有mini cake,啱晒我地！買左2個口味share食-原味同香蕉味。個蛋糕的的骰骰，1-2人食剛剛好（朱古力怪另計）。蛋糕無乜decoration，走型格路線。連個蛋糕盒都型過人，簡約得黎幾靚。送的叉係魔鬼叉形，cute!二個蛋糕的structure係一樣的，除左中間有層餡料不同。又最頂開始：coating係軟身的朱古力—》朱古力蛋糕—》餡（朱古力／香蕉蓉）—》朱古力蛋糕。整體的口感係比較濕潤，朱古力味好濃，最重要係唔算太甜～good!!原味的朱古力餡帶點輕微的苦味的after taste。不會死甜，食落冇咁膩。焦糖香蕉味的香蕉蓉打得好滑，香蕉味同朱古力味好夾，唔會搶左各自的風頭。coating除左朱古力重有一圈焦糖。但焦糖味唔突出。我個人比較鍾意香蕉味，因為味覺層次多d，有d果味中和下d朱古力味。個蛋糕比我預期中好味！下次有朱古力怪朋友生日可以再encore!