Blooms Coffee (創紀之城五期(apm))

营业中

休息中

Horrible coffee experience, 本身啡齡不短，亦做過咖啡業多年，作為精品咖啡店完全不合格，收銀店長不太友善咁推介Lemonade Cold Brew, $66 蚊medium 12oz, 我要求略少冰，冲出來係紙杯嘅一半，飲入口極酸，咖啡近乎無味，失去Cold brew清爽啡香特質，設計果個自己有無飲過？比例其差，咖啡應為主，檸香為襯托，再者作為預制Cold Brew價位離地都其次，其啡味其淡，加過量入檸檬汁soda 完全就係lemonade一杯。加上收銀嘅面口，不到劣亦非好，産品服務也性價比其低，不推薦。品牌體驗極差

今日經過Apm 諗住搵下有邊間咖啡飲，見到Blooms Coffee諗住試下，係我睇緊menu時，店員極力推薦我飲cold brew,但我淨係想飲杯凍咖啡姐，最後唔理佢講叫左一杯 12oz 中size Iced Americano，見佢沖份量去到7成我都打個突，其實點解會係7成份量呢？諗唔明🤔跟住飲左啖，淡到得dd咖啡味，水一般咁淡，收我$48一杯，其實呢個價錢真係大把選擇，我飲左幾啖就無晒，唔會再有下次😡

今日去APM經過Blooms coffee 上次試過tiramisu 口味，覺得好特別，今次見到出咗CINNAMON & LOTUS BISCOFF LATTE玉桂 & 焦糖脆餅口味，所以一試。底層咖啡香濃，nutty冇帶酸味。 上面打咗一層好厚同幼滑嘅奶泡，頂層再灑上一層lotus biscoff 餅乾碎。店員提醒我唔好冚蓋，入口先試咗頂層嘅餅乾碎先，配埋咖啡入口，入口香脆配上咖啡味，香甜濃郁。奶泡層撈埋肉桂粉，充滿聖誕香氣。甜度已經調校好，唔算好甜！配合得很好！

小熊貓真係好鍾意飲咖啡～ 今次就試吓香港藝人陳豪創立嘅品牌 Blooms Coffee ~ 裝修係白金色為主嘅簡約開放式空間， 想坐低嘆杯咖啡又得，趕返工take away 又得😝 🌟咖啡師推薦新出嘅seasonal special: Cinnamon and Lotus Biscoff Slush $68/ 16oz用左coldbrew嘅咖啡做base, 配搭充滿冬日感覺嘅肉桂味道，加上香脆動人嘅Lotus餅，真係好襯秋冬嘅節日😋最特別嘅係豐富嘅餅乾碎加上味道濃郁嘅餅乾醬，口感非凡～最後仲可以用Lotus餅乾連埋啲沙冰一齊食，有雙重享受。

一心諗住去Cupping Room, 點知9:00先開，唯有幫襯Bloom. 見全部坐位俾啲亞婆亞伯坐哂睇報紙，個心已好唔gur, 好彩我杯咖啡沖好有個位。坐低飲，係夠熱（因我嗌左extra hot), 但真係飲唔到咖啡味。好後悔，嘥左我今日個quotation, 但咁早觀塘真係無得㨂，

點咗杯冰咖啡同Green tea latte，轉咗oat milk，綠茶粉足料，微甜帶點苦澀，幾好飲。咖啡味道香濃，冰涼解渴。題外話：咖啡店外面有好大個空間，但係成日比婆婆伯伯等等非顧客人士佔據，搞到真正顧客想坐又無位坐。其實應該有員工定時定候係出入口攔截，限制一下只可以比顧客使用。

呢間分店真係要好好諗下點樣解決座位安排！全場30個座位，座無虛席！可惜眼見有到店消費的就只有我和先生兩位，其餘坐客多是消磨時間或者歎商場冷氣！我哋買完咖啡仲要跟商場客等位，咁樣跟連鎖咖啡店有咩分別😓這店的咖啡本是不錯，希望不會降價便成連鎖咖啡店質素！

真係唔知果杯咩黎？!!完全没有氣!又唔夠冰，杯野完全同上次飲既不一樣!black list,no next time!甘既價錢飲杯凍檸茶走甜？! 完全失望，而且價錢唔平!

復活節假期好多人北上消費，平時旺場既APM商場都靜過乜，店面都已經唔係忙嫁啦，一杯ice coffee 細細杯收52蚊，講真都唔系平，貴過starbuck 但服務態度無得比。當你同收銀個位年輕小姐落單，可能阻住佢掛住玩手機啦？黑口黑面就例牌嫁啦，全程一句多謝都無，反而我去俾錢的同佢講左兩三次唔該。其實間舖裝修得幾靚、形象幾專業、咖啡幾好飲都好，呢個態度真係無下次，又唔系得你一間cafe。建議你哋員工培訓過先好出嚟，黑口黑面就不如反屋企玩電話啦或者落返去鴻圖道個條街道賣珍珠奶茶。今時今日咁既服務態度，真係好快唔洗做。

🧭美食體驗：正常咖啡店，最大賣點係交通好方便，係APM上一層就係🪑環境座位：因為太過方便，所以好多人行過好嘈。環境無法嘆咖啡。同朋友傾計都要大聲啲。你亦都好難將佢當係糖水鋪咁好夜過黎坐，佢收工都算收得好早下。🍗必食：Coffee tonic💰人頭費：50

之前攞咗政府派既夜響樂現金券$200，所以第一次去呢間咖啡店買咖啡。地點就方便啦，喺觀塘地鐵站一上APM商場就係。本來想買杯咖啡坐喺度嘆吓，不過發覺好多人冇買嘢飲都照坐喺度冇人理，冇咩位置唯有買完就走。買咗兩杯latte，一杯係抹茶，一杯係焙茶，茶味幾濃唔錯。另外買咗一件曲奇🍪係抹茶麻糬曲奇，抹茶味唔太濃，麻糬就煙煙韌韌，不過40幾蚊一塊真係幾貴🤣仲買咗一個Brownie 比朋友食，可能朋友唔太鍾意果仁，亦冇諗過裏邊有咁多果仁，所以唔太鍾意食😂茶飲價錢OK，不過食物價錢性價比就唔高啦！

路過見到有個幾特別嘅咖啡，雖然貴，成六十蚊杯，買黎試吓.就咁飲面層真係好似有層tiramisu 咁幾得意又飽肚，再飲入口就係熱嘅香濃咖啡，今日天氣好凍飲落暖笠笠，好正.本身餐廳有大量位置，但係大批冇消費人士坐喺度食埋自己野，幾個職員都冇干預，俾左$ 都要企喺度飲 ，真心幫自己倒米，亦downgrade 左個brand, 唔知其他分店會唔會好少少.

今日下午係APM 光顧貴店，佢哋店員嘅態度好有問題，全程黑面都算，對答只有單字: size? 熱？叫第一杯嘢飲已經係咁，到我叫第二杯嘢飲嗰陣，無為意我原本叫咗杯嘢飲只有熱，我有叫要凍嘅店員亦都冇提及係無凍，之後我發現問佢係唔係只有熱，佢先至話係，咁我想轉另外一種飲料，佢嘅態度就更加差，我講咗我想轉邊杯嘢飲，佢完全無應我，我都唔知道佢聽唔聽到我講嘢，你哋啲店員係唔係個個都喉嚨痛，定係溝通能力有問題？到底要幾唔想返依份先會咁樣😂

行行吓APM經過陳豪咖啡，我哋就走去望吓個Menu啦，一望之後見到都幾特別, 竟然有焙茶同埋綠茶咖啡(唔係間間有)所以我哋揀咗個靜岡焙茶同埋靜岡綠茶試試佢咩料，而我個人係好鍾意飲焙茶但係好飲嘅coffee shop又有焙茶係少之又少，因為好多都會沖到好澀同苦，呢杯我自己覺得啱啱好,茶味濃但唔澀，對於喜歡喝焙茶的我來說，這是一個不錯的選擇。靜岡焙茶HK$52/杯靜岡綠茶HK$52/杯2杯共HK$104

自己平時都會磨豆沖咖啡，對咖啡都有少少認識，唔明點解大牌子嘅精品咖啡可以咁難飲。係咪因為係明星品牌，就無論幾難飲都有人幫襯？陳豪講到自己都咖啡豆幾有要求，但佢哋咖啡係數一數二最難飲嘅精品咖啡。試咗杯Strawberry and Rose Espresso Tonic，$68/16oz，都真係唔平。每一啖飲落去喉嚨都覺得好苦，有玫瑰味，但係冇士多啤梨味。個Barsista都幾好人，幫我換個杯Coldbrew，但係都仲係好難飲。乜嘢花香果香果仁香味都冇，剩係得個苦字。以後唔會再幫襯。希望啲人支持返真正有心嘅咖啡店。