BLT Steak (已結業)

我們一家4口諗住 brunch buffet 會太多，決定散點，結果價錢是與 brunch buffet 相約，看來是 buffet 更好。我們點了生蠔，鮮甜，是中等大小，但不便宜，$280 只有6隻。點了2款牛，一般吧，相信與 brunch 提供的差不多質素。薯條的松露醬很香，令人停不了口。沙律份量少，雖然菜是頗新鮮，但4人用則不足。咖啡價錢合理，而且味道很好。比較可惜是當天我們被安排坐在爐附近，整餐飯都很熱，背部不太舒適。

自從揸車之後, 每星期都同熊嫂四圍搵食好多食評未寫, 會慢慢補上今個星期黎到海港城既BLT Steak坦白講由於海港城既餐廳價格比較高, 一直都未食過今次有緣之下從朋友口中知道呢間餐廳既Weekend 半自助午餐好抵食馬上訂位黎挑戰下餐廳位置係望住海, 由於我係當日第一位客戶, 可以坐係靠近窗既位置餐廳亦有戶外坐位, 但因為我唔食煙, 所以選擇室內餐廳半自助午餐有兩種價錢, 第一種係主菜+自助餐 $338第二種係只食自助餐 $218今次第一次食, 我地叫左一個主菜 + 自助餐, 同埋一個單純自助餐主要原因係為左湊夠$500 消費拎2小時泊車優惠 (加埋都50幾蚊)講番自助餐, 食物種類如下沙津吧)(甜品吧)(即切牛排 / 羊肉)選擇唔多, 但每款都非常好食, 並唔係HEA你好多餐廳既自助吧都非常HEA, 迫你要點主菜但係BLT Steak呢度, 其實單單食自助餐就足夠原因係佢既即切牛排 絕對係5星級酒店自助餐既水準但羊肉就差少少, 非常乾亦欠肉汁即切肉類呢度大家留意番, 由於佢每舊肉係成舊去燒燒出黎每個部位生熟程度會唔同你拎既位置係愈接近外面, 就會愈熟, 反之亦然係即切牛排水準非常高

餐包:又乾又硬又燶前菜:香煎蟹餅😊一般般啦，可以一試沙律:羽衣甘藍凱撒沙律🥗都唔錯主菜:美國38安士T骨扒🥩熟成剛好五成👍🏼牛扒好，選左藍芝士醬，味道普通，香草牛油濃汁最正澳洲10安士牛柳😌正常啦配菜:洋蔥圈😁香口，好味巴馬臣芝士薯條配松露蛋黃醬🍟薯條差過M記，又細條又乾又硬，食唔過，同樣有松露醬薯條賣的La Postre薯條及醬汁都做得比較出色，好味好多，薯條份量及漿汁都比佢多，價錢只是$68芝士通粉🧀細細碟，味道普通DESSERTS:Crepe Souffle🥰焦糖梳芙里，一定要食☺️雖然係立左冬，但香港26度都仲叫熱，室內冇冷氣不足，空氣唔流通，又熱又焗不論環境、服務或食物均配不上人均消費560元

之前因為忙，搞到有好多餐食過都未分享，在暑假時的一個星期六我們一家三口去了海港城的BLT午餐，在昕昕爸爸眼中好食又可以儲亞洲萬里通的地方，對我來講係識食先至可以決定去食的餐廳~~~一開始在門口見到有兒童餐牌，個價錢都幾合理~~~成人就有BRUNCH BUFFET淨係咁食要$218(我點呢個)，俾$338可以配一個主菜(昕昕爸爸點呢個)~~~一開上餐包，由於我們想主力食BRUNCH BUFFET，所以相機食先最後叫咗打包，昕昕見到個包裝勁like，呢個服務果然真係好識氹小朋友BRUNCH BUFFET的食物款式數量算是中規中距，始終不及酒店的自助午餐咁豐富~~~不過對於唔好食生肉的我見到切出來的肉就不敢吃，廚房表示不會加熱，我們唯有浪費食物= ="食吓風乾火腿倒算是不錯~~~昕昕食的兒童餐—BLT"Slider" Burger，昕昕細食，最終由爸爸包底( ￣▽￣)σ昕昕爸爸點的Citurs Mustard Marinated Hanger Steak，見到well done個賣相已經深感不妙，食咗一口我肯定以後唔要well done的牛扒（一個唔食生野的男人就唔好學人食牛扒，真係好浪費件

就快到老婆生日，所以，就趁國慶日帶佢食餐早午餐，渡過一個悠閒假期。選址中，因為佢偏素，又想搵間喺環境好啲，地方好坐啲，諗過好幾家，最後選上尖沙咀嘅「BLT Steak」，賣牛扒喎，啱佢咩？正正呢度有提供半自助午餐，上年就喺同佢去過海景嘉福酒店嘅「海風餐廳」大嘆半自助午餐，好享受嗰種環境及悠閒。其實揀嚟「BLT Steak」，仲睇中佢另一點，就喺有對住維港嘅露天位，訂枱時都專登揀坐出面，因為露天位唔多。不過，用餐當日天氣都仲喺頗熱，故最終都坐回入室內。之但喺，有偌大嘅落地玻璃窗，採光十足，就算晌室內，對住外面嘅藍天及燦爛陽光，感覺一樣正。而餐廳環境，本身嘅裝修都頗雅致時尚，木地板、木枱、木櫈、仿磚牆，帶少少美式農村風。最緊要喺感覺舒服，讓我哋可以悠閒用餐，此外，嚟用餐嘅人都較斯文，唔會有搶嘢食嘅情況出現。上文都講咗，嚟呢度主要都喺試其「周末早午餐」（Weekend Brunch）基本價喺$338（成人），包括自助前菜、沙律、烤肉、甜品，另外一客主菜，8揀1，並包一杯餐飲。亦可以好似我哋咁，棄主菜，只食自助項目，賣$218一位，但就唔包餐飲。對呢個「周末早午餐」無興趣，無問題，可以散嗌，順

又要看景治癒了.....................位於海港城地下...........靜靜的...也不錯.....天氣剛好..................鬆軟......配上牛油..........就是會吃不停.........Berry punch ............羽衣甘藍凱撒沙律🥗........很體貼.....切成小塊.............Rib eye ..........medium well ......但有一點過了.........室內的環境........

約咗大肚婆朋友食晚飯，其中一個朋友又因工作關係拒絕食中菜，結果只能夠選食西餐，又要坐得舒服又要好食，最終決定喺地點方面嘅海港城食扒。我哋四個女仔都唔太大食，只係點左一個沙律做頭盤，三個主菜同三個sides，其實都已經好夠飽。食頭盤之前上咗麵包，個麵包過分硬其實真係好難食，至於Burrata cheese沙律就不過不失。 主菜我地點了Black Garlic Short Ribs (非常香口啲肉又夠軟同惹味),煎三文魚皮不夠脆口但都ok，仲有叫左美國USDA Rib Eye 佢既肥膏太大了，有點不值，但啲肉都好juicy，不錯。Sides 是黑松露薯條、烤蘆筍同Mac and cheese三款都好味啊，如果想靜靜地食下野，又坐得舒服，呢度可以再黎。

同事好有心, 生日將至, 帶我出去威威BLT STEAK 以前食過一次, 不過因為太貴了, 所以, 今次真係好感激XD我地叫左American USDA Filet 同埋 American USDA Rib Eye, 7成熟D肉基本上都唔洗點用力切的, 冇煮過龍, 好JUICY, 外皮有d脆炸洋蔥圈當然就好好食啦! 中間既洋蔥好甜, 粉漿都薄~黑松露醬薯條都好香脆, 黑松露醬好香濃, 佢同牛扒或者洋蔥圈都好夾! 之後我食牛扒都冇點佢d汁, 改左點松露醬了~另外都叫左份生蠔, 因為我地都中意食size一般大小, 都鮮甜的, 另外佢有2種醬汁比我地配生蠔, 酸酸甜甜咁, 好開胃

I went here alone to have my own relaxing moment after all the work for the marriage. It was not with perfect weather but my mind were so relax and pressure all gone 😊.I ordered the buffet bar only as it already have so much food options, I don't have stomach for the main anymore.The mushroom soup is hot, creamy and full of mushroom. The ready made salad is nicely flavored and fresh. Cold cut tasts good especially the egg salad. They also have some hot dishes, fried mushroom and grilled pumpkin

I hate eating out on Sunday afternoons these days because everybody is doing nothing but Sunday brunch. From fine dining restaurants (Tosca), to steakhouses and casual eateries, everyone is in this all together. It's giving the light eating bunch, like myself, a very hard time.It's been a while since I last visited BLT Steak at Harbour City and what it didn't realize was the fact that they're doing Sunday brunch as well. Thankfully, the a la carte menu is also available and we were able to find

星期六難得和朋友聊天相聚，這是一個很好的選擇，不想吃太多，但又想吃沙律，又想靜靜地，又不想急著用餐限時，這個12-4:00的週末午餐約會地點，正合我們的心意！這裡最吸引我的麵包塗上鮮牛油真的不得了小抔的松露蛋沙律令我停不了口，也有凍蝦🦐，磨菇🍄湯每次我必飲2碗的😋也有熱食的牛/豬不防叫師傅薄砌一片，加上英式芥醬這裡環境好適合三五好友聚會，慢慢聊天又不會限時的週末午餐地方相信在香港已經很少了！

地點方便易搵既，呢間鋪有室內同室外，有個咁好既景，我地就梗係揀outdoor 啦有時會有海風吹過黎好舒服既感覺我地叫完野食佢地就會上麵包，見到個面包就係嘩左聲，好大個差唔多好似我塊面咁Popovers (個包係暖暖地同埋面少少燶燶地，鬆脆柔軟，食落有芝士牛油既味道）生蠔（好鮮甜比較細隻，都好食）凍蝦（隻隻都好大隻好新鮮，食落好彈牙，加埋檸檬汁同佢比既汁一齊食，超好食）Kale Caesar Salad(賣相就麻麻地食落正常無咩特別）西冷牛排叫左7成熟（牛既表面整得太熟，食落比較有口感，好難咬口，牛味唔重）

同事既farewell lunch🧚🏻‍♂️semi lunch buffet既BLT steak....自助主要有沙律🥗湯🥘佢有一個黑松露蛋沙律 味道唔錯 但食完已好經好飽🤭餐前包係好多人讚既popover 可能我食時已經凍哂 所以品嚐唔到佢既美味😣但好香芝士味！🧀主菜點左hanger steak...medium rare😋好好食😋雖然肉汁適中 但肉質好喜歡💕Norwegian salmon🐟Herb roasted 🐓 chicken仲有點左burger🍔 飽到已經食唔落🙊☹️

哈士奇先生也寫起食評來了，以後也會寫多一點生日要找個地方食晚飯，想簡單點的理應找日本菜，不過相熟的店子都滿坐，又不想搏一搏（要知道日本菜就算價錢一樣，質素也可以差上一倍。）要保險一點，還是去鋸扒較好。地點當然要好，就選在海旁邊的這間BLT Steak，吹著海風大口吃肉，也不失是一個好生日。晚上八點，準時來到現場，沒有室外的位置也不怕，室內也一樣看到海景，這裏的酒價錢合理，不過明早有公事，還是點了有氣水。點了兩個前菜，接下來就是等吃了。先來的是芝士酥餅Popover，外脆內軟。加上極其美味的牛油，配起來自然吃到停不了，遺憾是食到中途時變冷得太快，最後較粘，如果再熱一點就完美了。前菜來了，兩道前菜一冷一熱，分別是蟹餅和seafood ceviche，先談談蟹餅吧，調味是絕對地精準的，加上蟹肉夠多，整體上是很足料的。同樣地，吃到中途時變冷得太快看來是無法避免了。不過香脆的外層和美味的蟹肉，是必定好吃的，起碼不輸外國的水準。第二道seafood ceviche卻真是難得之作，一般以言西餐的海鮮都是有限公司，有部份餐廳會用上日本貨務求提升鮮味，不過今次這道冷盤卻真是令人驚喜。酸汁配上椰奶，混上各

四人食午餐，其實成日行海港城都會經過呢間野，今日終於同朋友黎，4個人叫2個餐，有一個漢堡包同一杯野飲，另外再叫多一個小食，就係雞翼，分量剛剛好，我哋四個都係偏大食，我地叫咗招牌B L T漢堡包， 揀咗七成熟，勁好食，特別要講就係佢個雞翼，我叫咗唔辣嗰隻，雞翼配嗰個醬好味到不得了，我哋仲用呢個醬點埋薯條真係好好食，另外我個朋友唔係嗌招牌漢堡包，佢哋叫咗另外一個我都唔係好記得，但係記得有蛋同埋煙肉同埋漢堡扒，總括來講兩個漢堡包都好厚好大份，會再嚟食， 唯一缺點就係佢個玻璃窗係望唔到出邊，如果佢個玻璃窗可以望埋海應該會好正，因為佢出邊就係過海但係佢封咗個玻璃窗係磨砂玻璃