Bold Italic (已結業)

今次的餐廳是朋友揀選的。雖然係星期四,但費時等,見網上有得訂位就訂左先。望望個 Menu, 同 openrice 已 upload 的有少少唔同,價錢好似平一D。一個 Dinner Set 有 主菜,餐湯及多士甜品加飲品,以呢個價錢黎講得覺得幾合理.我地揀左D)香煎孜然小牛排 同 (H)焗厚切法式豬扒拌黑松露醬,落左單後好快黎左,餐湯同多士。多士: 係暖暖地的餐包,個餡係有沙律醬吞拿魚,味道唔錯。兩個包的顏色唔同,但食落其實係一樣。餐湯:蕃茄湯,飲得出係有打蓉左的蕃茄,唔會好酸得黎有小小杰,自己就幾鍾意呢個口感。無幾耐就黎埋主菜同飲品。(D)香煎孜然小牛排 一般餐廳多數飯,意粉,薯菜,呢度就比較特別,以雜菜代替薯菜,有翠玉瓜,甘荀仔, 蕃茄同一片茄子/薯仔。呢個雜菜有驚喜,仲以為係雜菜豆加椰菜,亦都無咁熱氣。牛排 唔會煎得太乾,朋友試左覺得比佢個豬扒好食。 (H)焗厚切法式豬扒拌黑松露醬朋友話有D位有筋,唔係好咬到, 呢個就係佢覺得麻麻地的原因。自己都左試左一舊,我又唔覺得有筋,但就有少少乾。飲品就叫左iced- chocolate 同奶茶。奶茶同一般的差唔多,而iced- choco

今日同老公食個happy Friday dinner，我唔駛煮。Like this restaurant interior design. Nice food! And the staff are very nice too!

難得唔洗加班 放工後與肥力去觀塘 試試工廈內cafe 工廈cafe 總是會給你不同驚喜 店內裝修及食物各有特色 我地大約7點半到達餐廳 已經差不到滿座 這裡的晚餐是以套餐為主 選擇也有不少 套餐包括了餐湯+麵包+主菜+甜品+餐湯 價錢大約$100 都幾抵食 當然可以加錢食特色甜品是日餐湯-蘑菇粟米湯 好特別 個湯似係自家製 有蘑菇溶 有d野咬下 唔似普通用濃縮罐頭湯開 又唔會太杰身 太多芡 餐包係吞拿魚多士 仲好脆 熱辣辣 又唔會太乾同太硬身主菜之一 羊鞍 份量十足 好大份 羊唔會太蘇 汁亦唔太濃蓋過羊獨有味道 肉質嫩滑 旁邊煎香的瓜菜薯仔 令到整體唔會太膩而另外主菜-煎三文魚 賣相好吸引 放係木板上 好有格調 加左不同香料 令到三文魚唔會腥 火口亦控制得唔錯 外脆內滑 唔會太乾身 好juicy 而且件魚冇骨 啖啖肉 怕骨既朋有冇有怕啦！唔好睇少加餐甜品 一d都唔馬虎 士多啤梨旦糕 加 雪糕 絕對唔係交行貨 都算係有心思我地加左錢 order brownie + 綠茶雪糕 brownie 上菜時仲係熱辣辣 再加埋凍冰冰雪糕 正呀！brownie 內仲有唔少合桃 而且都幾濕潤 綠茶雪糕唔

之前有來過嘅,再來發現已經換佐新menu,侍應妹妹好貼心咁同我介紹有乜嘢新菜式可以試。我同友人就叫佐一個B餐烤雞扒配洋蔥汁同一個小食拼盤。 烤雞扒水準比以前高,皮脆肉嫩,我配雜菜,雜菜係薯蓉同其他蔬菜。個薯蓉真係要讚,口感同味道都很好,完全唔係出面一舊泥加啲汁嘅水準。證明有落足心機嘅。抵讚朋友叫嘅小食拼盤都係膽粗粗試下,點知有驚喜呀,有串燒有煎餅乜乜乜,每樣小小唔會食濟啱啱好,煎餅配上咖哩醬就更加惹味可口,點解我知?我搶朋友嘢食寫埋出黎唔怕啦。友人都表示拼盤好好食。題外話：裝修真係有落心機,成個環境就令人好想坐多陣。

好耐無黎呢到食，tea time行過就坐低試下呢到既cake叫左個Blueberry cheesecake & Green Tea LatteBlueberry cheesecake擺碟好靚 食落都唔錯不過最好既都係Green Tea Latte拉花比之前靚好多，有好多層！可能星期六唔多人 所以好靜坐得好舒服好適合一個人黎 不過下次會約返班朋友返黎試下佢地既新menu

好耐冇見過班朋友就搞左個聚會啦 ，一共九個人，傾左一陣然後有個係觀塘返工既朋友推介話佢公司附近間工廈餐廳幾好食，咁大家又冇咩意見於是就成班朋友仔星期五晚八點幾浩浩蕩蕩咁衝左上去啦✌✌有幾個朋友仔都叫左個荷蘭農場牛仔髀肉飯，我就叫左個墨汁三文魚魷魚意粉🍝🍝🍛🍛哈哈，食左朋友一舊仔髀肉，又唔錯喎，啲肉入口都多汁，好香而且擺碟睇得出廚師既用心呀🍴🍴而我個意粉魷魚冇腥味個汁又唔太搶樣樣都好到位又夠大碟，正呀❤❤❤食完野，朋友仔們差唔多個個都叫檸茶檸水，好悶呀❌❌我中意飲soda既，就叫左杯菠蘿蜜桃soda✌首先，呢杯soda出黎俾我既感覺係啲顏色好靚呀❤飲落甜甜地得黎又唔會甜到要飲返杯水而且又夠fresh，都係正呀🍹🍹🍹除左啲食物同飲品好，啲service都好好呀，因為我地九個人仲俾左間vip房我地，無論係房同出面area啲擺設定音樂都令人好舒服，有風格得黎又唔會好over👍👍👍誠意推介大家去試下呀😁😁😁😁

上個禮拜六，要等男朋友所以周圍行下，上到三樓見到個menu又唔同左，所以自己一個膽粗粗入去試下。我就食左個all day breakfast，擺碟依舊好靚，我唔大食所以依份就夠飽啦！我仲點左杯熱既latte，唔太酸又夠熱，好飲啊，仲有個靚拉花！😆😆😆👍

星期五突如其來的約會，想book 檯食飯，好幾間已full ,所以上open rice 找到這間小店有吉檯。蘑菇湯濃郁的額唔錯沙律ok吞拿魚沙律麥包，都唔錯。蘆筍什菜黑松露意粉，黑松露份量多伴意粉會令胃口太增，可惜意粉太硬（我想係時間未夠就已拎去炒）另一點係蕃茄已變味了。（食哂只為不浪費，不換係因為我只係覺得意粉硬了點，免得來來回回換了，小蕃茄變了不吃便是）西冷牛扒，肉質太老，完全沒有了肉味，而且多筋，失望，配菜也是不熱的。玫瑰荔枝飲，不太甜唔錯的總括而言：主菜質數麻麻，想於樓上舖生存必要改善。另外抽風設備也麻麻，超大油煙味。

觀塘工廈近年越來越熱鬧，餐廳越開越多，食家有福。難得週末，三五知己決定離開大型商場走出工廈試下新嘢。由觀塘地鐵站步行5分鐘左右就到駱駝漆, 駱駝漆1-6樓有好多美容同食材批發零售，係觀塘其中一幢比較受歡迎而且人流頗高嘅工廈，所以䌓忙時間記得預返3-5分鐘左右等電梯。Bold Italic位於駱駝漆三樓，門口望入店內已經有女同事好友善幫我哋開門同帶位。Lunch Set價錢$75 up, 主菜配餐湯，麵包條，沙律同飲品，以環境同主菜款式選擇嚟講價錢都幾合理。一行三人, 叫咗一個Pama Ham沙律combo, 一個蕃茄沙律combo同一個照燒雞扒combo。餐湯麵包條同沙律好快到, 餐湯係忌廉磨菇湯，配麵包條幾好食，但略嫌唔夠熱，沙律不過不失。我嗰份係蜜糖芥末Pama Ham沙律 Combo($78)， 餐飲係另外加錢嘅Green Tea Latte。講真以色相計，個沙律真係幾靚，可以相機食先。另外味道方面芥末醬同Pama Ham好夾, 菜同水果都夠新鮮。友人個蕃茄沙律配黑醋汁都大份夾新鮮，雞扒幾香口，如果薯菜有炸薯條更開心。Green Tea Latte甜度同奶味啱啱好。上樓前掃過Op

觀塘係一個我經常會出現既地方，因為媽咪住附近，有時搵阿媽食飯，為左方便大家，好多時都選擇觀塘，加上以前公司向呢頭，就更加多機會向觀塘搵食。呢間cafe新開既時候同屋企人黎過，個次既感覺好親切，老闆好nice 會同客人傾計，睇得出老闆好有heart. 所以之後都帶唔同既人再黎過2次，每次都冇失望，keep到水準。距離上一次黎食飯都有差唔多1年既時間(係老闆認得我話我成年冇黎😂), 感覺依舊，本來想試新野，但搵黎搵去都係搵返呢度😊觀塘向呢1年裏面真係開左好多好多好多好多新既餐廳，我都試過唔少，但都冇咩邊間好想再去食，未試個d又冇咩吸引我去(想去的都收早😒), 所以最終都係黎返呢度😊格局依舊，set menu多左選擇，老闆依舊好有禮貌，會同客人介紹menu, 亦會問試新野既客人攞意見，隔離枱客人話特飲唔夠檸檬味，佢就即刻幫佢整過杯，呢d服務邊度搵呀！！！講返食物先，叫左豬仔脾同牛扒，2 個既味道都唔錯，肉質唔太硬又唔會嗱到太"諗", 配菜亦燒得非常好，keep到蔬菜既水份同清甜，跟餐既意粉亦煮得洽到好處，軟硬適中跟餐加$18飲Cappuccino, 雖然貴左d, 不過係值既。我記得第一次黎既

約左個朋友食LUNCH，去左工廈搵食宜家工廈裡面真係有好多食店，而且質素都唔錯我地各自叫左兩個LUNCH SETSTARTER芝士菠菜多士~~~多士唔夠香脆，但個芝士菠菜做得唔錯，如果包脆D會更好菠蘿蕃茄沙律~~~沙律菜好新鮮，菠蘿係新鮮的，蕃茄又香甜，個沙律汁都教得好好粟米湯~~~湯夠清又夠香，粟米味夠香甜，GOOD煙三文魚意粉~~~份量剛好，塊煙三文魚都幾香，個意粉用蒜蓉及橄欖油炒過所以好多，又唔會炒得好油YUMMY燒汁雞扒飯~~~件雞煎得好香，外皮是微脆的，重點係我地擺左一陣都仲有脆的感覺GOOD，個燒汁好味喎，甜甜地配飯好MATCH藍莓士多啤梨WAFFLE~~~藍莓同士多啤梨都一樣好甜，個WAFFLE都做得很好，外面少少脆，內裡都是軟軟的，甜度都適中YUMMY一個LUNCH坐足三個小時真係好難得食飽了，外面落緊大雨呀......TOO BAD

昨晚有幸同友人去食埋呢間餐廳😂😂環境幾簡單，但又幾浪漫既氣氛，唯獨美中不足係幾嘈下。不過見餐廳都有播音樂，令環境冇甘嘈到似市集。我當晚就叫左個煙三文魚意粉，我叫左餐!甘就有以下既所有野番茄面包，拎出黎唔熱既，但係硬得黎中間係軟既，仲好香👍沙律，味道岩岩好，黑醋汁唔太酸唔太甜👍粟米湯，佢拎出黎既時候有拉花嫁，好靚!我覺得有少少似南瓜湯甘，不過係好好味👍(希望可以熱多少少)煙三文魚意粉，好香黑松露既味道，而且好creamy,個汁有點收得太干。將煙三文魚分開成細舊，混合意粉食就岩岩好。但唔混合，我都覺得夠，可能我本身鐘意食淡味既野🙈🙈我有杯奶茶，但感覺好一般。而甜品係要加錢叫既，好似以跟餐價$48就可以叫一個啦！我朋友叫左，我食左佢少少，但卻係全晚最好食既😂😂窩夫，外脆內軟👍仲要唔會太甜，而雪糕就食到果肉，唔會太甜太酸，配埋黎食，就唔會太滯👍而香蕉焗完後好腍好夠甜👍PS職員都好好人，好nice👍👍

前幾日出去同朋友傾野 佢介紹左呢間餐廳 話呢到幾舒服 好岩傾野 一入到去 又真係幾靚下 個老闆應該左唔少心思係裝修方面 好鍾意佢啲燈 有衝動想問個老闆係邊買 我都想買番盞 佢啲音樂都幾好聽 有幾首仲係我平時聽開嘅 個氣氛幾好 有少少音樂但又唔係好大聲 人又唔係好多 得幾枱 可能因為tea time 同個朋友一人嗌左一個窩夫 佢嗌左雜莓樂園 我嗌左石板街窩夫 但竟然tea time冇咖啡 得另外加錢嘅咖啡 鍾意飲咖啡嘅我 嗌左杯mocha 佢就嗌左熱檸水 雜莓樂園都係有啲雜莓 冇咩特別 石板街窩夫就有啲燒左嘅棉花糖 甜甜地 杯mocha拉花幾靚 又幾好飲 溫度岩岩好 唔會好熱 食完就夠鐘開工傾野 傾左成個下午 又唔嘈環境又好又可以坐好耐 應該岩哂啲學生黎傾野 又真係幾好

今日同同事出去食飯， 諗住近近地試下佢， 價錢一般啦， 格局唔錯， 今日唔係好熱，但冷氣似乎都唔夠， 食出汗，我地order 左雞扒同羊扒都係跟薯蓉， 先來沙律加湯加多士， 賣相唔錯， 但多士唔熱，雞扒煎得幾香，皮好脆， 羊扒都ok, 味道都係偏淡，但個薯蓉就真係無乜味，份量都足夠， 總結嚟講賣相比味道高

觀塘其實都幾多小店，用中午的時間去逐一試試。餐廳環境主調黑白灰、充滿時代感。有七款午餐選擇，頭盤是極速送上，分為三款，每樣份量不多，賣相十分精緻，包括有乾蕃茄醬多士紅酒醋沙律及栗米濃湯！新鮮爽口的蔬菜及一塊薄薄的火腿片，加上酸酸的醋味，十分開胃。蕃茄醬多士有點硬，好像放了很久才上枱！幼滑而非常熱的湯，還有點忌廉的味道和香氣，濃湯中有少許栗米，有口感和咬口。雞扒的份量都幾大，外皮烤到微焦，肉質鮮嫩，白飯沒有特別，只有黑松露的香味。凍奶茶，茶味偏淡，但整體還可以。當我們飲緊奶茶之際，店主突然親切地主動向我們傾計，熱心介紹餐廳的食物等等，有點受寵若驚。午餐價錢合理可以再試一次。